ما ادري كيف اتصرف............. حلول منزلية

عنوان الموضوع : ما ادري كيف اتصرف............. حلول منزلية
مقدم من طرف منتديات الضمير العربي

ما ادري اذا مكان موضوعي صح...
بس يا بنات والله ما ادري كيف اتصرف مع شغالاتي ...
اصلا الحين ما عندي شغاله ... والله من كثر اشغالي ما عارفه اجابل بيتي وعيالي ...
انا مالي حظ مع الشغالات ...جربت الاندونيسيات والفلبينيات وحتى سريلنكيه ....اللي كملوا سنتين بالعافيه ....
بيتي صغير وما فيه شغل
وانا ما شغلي مناجر وهوشه ...ومب طيبه بزيادة ...لا عادي
احب بيتي مرتب ونظيف ..
ما احب اسولف مع الشغالات ..بس كيفكن واضحك بويهن ..مرات يطلعن ويانا ..مرات اسالهن عن اسرهن ..
اعطيهن واتبهن ورواتبهن كبيرة .....بس ما ادري ليش ما ناجحة..وما يتمن عندي.....

اخر ثنين فلبينيات ..الاولى ..ما رضت تجلس لانها اول مرة تتغرب ومشتاقه اهلها ... وجلست 4 ايام بس ..لان كلما ارجع احصلها مجهزة اغراضها وباغيه ترجع المكتب ..اسالها تقول انها مشتاقه اهلها ...طبعا بيتي يساعدها ع لشوق انه مافيه شغل ..وبناتي مدبات وما كثير يوسخوا المكان...
رجعتها ...وجبت غيرها...بالمخاسير والبهدله لاني اداوم...
اللي جات ادمر جايه ...واخترتها شوي كبيرة ومب من العاصمه حسب شور البعض ....جات مراهق فالاربعين ...ولا تضحك ابدا ابدا ...لا وتكرة الاطفال ...ولا الها اي دعوة فيهم ...ولا تعف تطبخ وتتعمد ما تتعلم ..كل اللي تسويه بس تنظف بس الظاهر يعني تحت الكراسي زباله وراتبها 900 درهم ...حاولت معاها بالطيب وبالمنازع ماشئ فايدة ..خليتها مع عمتي شهرين تتعلم ..بس ابدا ما تعلمت شئ بالعكس الاشياء البسيط اللي انا علمتها تمت تقولي انها نست..والله محتارة طبقت كل انواع
الاساليب بس رب العالمين مااراد انهم يكملوا عندي ...زوجي طبعا مسافر بس يجي فتة جدا بسيطه ...والناس كلوا ويهي ليش الشغالات ما يجعدوا عندها...
الحين قلت ارجع اجرب اندونيسيه ...وان شاء تجي زينه ...وخاصه للاطفال

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعينج معاهم ترا هذيلا الشغالات وبلاويهم تطلع لج وحدة من الألف

__________________________________________________ __________

>>>> الرد الثاني :

عندنا وعندج خير https://4arab.xplainer.net/images/smilies/frown.png

حسبي الله عليهن إن شاء الله نحشمهن ونقدرهن وها يزاتنا ؟؟

__________________________________________________ __________

>>>> الرد الثالث :

عادي تحصل في أحسن العائلاتhttps://4arab.xplainer.net/images/sm...t1/12 (37).gif

__________________________________________________ __________

>>>> الرد الرابع :

https://4arab.xplainer.net/images/wo...quote_icon.png المشاركة الأصلية كتبت بواسطة مالتيزرس https://4arab.xplainer.net/images/wo...wpost-left.png
الله يعينج معاهم ترا هذيلا الشغالات وبلاويهم تطلع لج وحدة من الألف

__________________________________________________ __________

>>>> الرد الخامس :

الخير فكل مكان وبلاويهن فكل مكان ..
وحده من عشر اتي زينه وتعلمينها وتحسين السنتين طارن ..