رمضان عالأبواب الكل يشارك المطبخ اماراتي
عنوان الموضوع : رمضان عالأبواب الكل يشارك المطبخ اماراتي
مقدم من طرف منتديات الضمير العربي
السلام عليكم خواتي العزيزات..
ياريت من كل وحده تدخل تشارك باقتراح لعمل جدول يومي لنهار رمضان
من ناحية ترتيب الوقت للعبادة وللطبخ ولزيارة الأهل والأقارب
مثال : (كل وحده اتسوي المثال اللي يناسب وقتها حتى الكل يستفيد )
وانا ببدأ اكتب المثال اللي ايناسبني مثلا ايناسبني اني اقوم الساعه
تسع الصبح من النوم واخلص ترتيب البيت (على فكره ما احب يكون عندي خدامه )
المهم ابدا بالطبخ اسوي طبق رز وفريد
لانه ريلي يحب ايشوف الفريد كل يوم واسوي شوربه
وسلطه وطبق خفيف من السندويش او الفطاير ونوع من العصائروطبق حلو
(طبعا كل يوم انوّع في الاطباق )
وكل هذا الشغل اكون امحضره ورقه مكتوب فيها اللي بسويه قبل النوم في الليل
المهم اخلص شغلي كله (من طبخ وغسيل مواعين )
قبل يية بو العيال من الشغل الساعه ثلاث ويوم إيي ايحصلني متسبحه ونظيفه واقرا قرآن
وبعدين انام بعد صلاة العصر مدة ساعه اريح فيها واقوم قبل المغرب
واسخن الاكل فقط واجهز الشاي والقهوه لبعد الفطور ونفطر مع العيال وابوهم
وبعدين اصلي المغرب وادخل المواعين في غسالة الصحون
والأكل اللي ايزيد اوزعه عالمحتاجين من العمال اللي عند بيتنا ونيلس مع العيال
نشرب الشاي والقهوه ونطالع التلفزيون الى صلاة العشاء ثم اصلي
وبعد الصلاة يوم اخصصه للزيارات ويوم للمشي ساعه او نص ساعه
ثم هالفتره ناكل شئ حلو وفواكه ويلسه مع العيال الى وقت النوم
واقوم اجهز سندويتشات خفيفه جدا للفطور وانام
وقبل وقت السحور اقوم واصلي ما شاء لي ان اصلي
ثم اسوي دلة شاي حليب مع السندويتشات واحيانا يكون كورن فلكس او كرواسون او شابوره
(المهم شئ خفيف غير متعب لا للجسم ولا للبطن) وبعدين صلاة الفجر وقراءة قرآن
ونوم ساعتين حتى الساعه تسع وهكذا هذا الجدول يكون يومي
طبعاً يتخللها طوارئ غير محسوبه والله ايعين عليها .........
اتمنى من الجميع ايشارك حتى يكتمل عندنا برنامج متكامل
حتى شهر رمضان ليستفيد منه الجميع وليكون خالصاً لوجه الكريم
لانبتقي من وراءه الا الفائدة للجميع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاءالله الكل يشارك.....
يزاج الله خير.....
__________________________________________________ __________
>>>> الرد الثاني :
بصراحة ماشالله عليج يا أم حمدوه صدق انج ربت بيت ناجحة
__________________________________________________ __________
>>>> الرد الثالث :
ان شاء الله بدخل وبحط الجدول مالي ان شاء الله.
__________________________________________________ __________
>>>> الرد الرابع :
ما شا الله موضوع وايد حلو ومفيد ان شا الله لي عوده مره ثانيه ....
__________________________________________________ __________
>>>> الرد الخامس :
