رواية غلاك يا شموخ عذب قلب راكان / كامله > منقولة

عنوان الموضوع : رواية غلاك يا شموخ عذب قلب راكان / كامله > منقولة
مقدم من طرف منتديات الضمير العربي

سكرت باب السياره بتعب ثقيل على وحده بدلعها دخلت الفله اللي ساكنه فيها هي والخدم بس
بحكم شغل أبوها ووفاة أمها اللي صار عليه 11سنه وهي الحين عمرها 20 لما دخلت البيت رمت الشنطه

وركضت لجناحها فوق ماتبي ألا النوم تعباااانه مره حطت راسها على المخده بتعب وأزعجها أكره شيء

على قلبها فتحته بعدين أبتسمت ..........

.........:هلا والله في بابا
أبوها:هلا بحبيبتي هلا بوحيدتي

.........:تصدق مشتاقه لك موووت

أبوها:حتى أنا بس الشغل
........:بابا عطونا أجازه شهر تخيل

أبوها:خلاص تعالي السعوديه
........:يابابا ياحبيبي أفهم أكره السعوديه

أبوها:شموخ أبي أفهم أنتي سعوديه بس بالورق

شموخ:بابا من زمان مارحت هناك وناسيتها ترا صارلي 13سنه في بريطانيا

أبوها:شموخ جدتك تحن علي تقول تعالي وبنات عمك بعد

شموخ:طيب أحجز لي موافقه

أبوها:خلاص بكره

شموخ:مايمديني أودع بريطانيا

أبوها:يلا مع السلامه بكره 4الفجر

شموخ:أمداك حجزت طيب مع السلامه

سكرت وماتعبت نفسها تفكر ونامت وكالعاده تحلم أحلامها الورديه في أحلى عالم عالم الخيال
قامت الساعه 7 صلت كل الصلوات اللي فاتتها وبعدها لبست جنز سكيني و تيشيرت أسود لونها المفضل

ناظرت نفسها بالمرايه وفتحت شعرها البني اللي قاصته بفوضويه لكتوفها وتناثر على عيونها العسليه
الوساع والناعسه ورموشها البنيه الكثيفه وعلى شفايفها الصغيره وبشرتها البيضاء أنسانه بريئه

عمرها ماحقدت على أحد أنسانه رايقه دايم و خياليه لأبعد درجه طويله مره وجسمها حلو خلت شعرها
الفوضوي معجبها وأخذت شنطتها وطلعت تحت

شموخ:روز......روزي
روز:نعم مدام
شموخ:أنا بطلع أوكي
روز:أوكي

فتحت باب الفله وطلعت لسيارتها <<لامبرجيني أسود>>بتسوي وداعيه لبريطانيا

<< شــــمـــــوخ>>

يالله بكره بخلي بريطانيا وأروح للسعوديه قههههررررر
بس أجرب ماراح أخسر شيء ............مرررره جوعانه أبي أروح لمطعم دخلت مطعم أعجبني شكله

قعدت على طاوله لوحدي لأني أبد مو أجتماعيه وبصراحه أتمنى يكون عندي أصدقاء
فتحت جوالي أتصلت على بابا

شموخ:هلا بابا أكدت الحجز
أبوي:أيه أكدته 4 الفجر
شموخ:طيب مع السلامه<سكرت>

سكرت من أبوي وأنا حاسه بسعاده مدري لأني بروح السعوديه ولا لأني بشوف أبوي
.........:لو سمحتي
شموخ ألتفتت:هلا أمري
..........:من العرب أنتي
شموخ:أيه ليه؟؟؟؟؟

........:سمعتك تكلمين عربي وبغيت منك خدمه؟؟؟
شموخ:من عيوني بس أول أسمك؟؟؟
........:أسمي جود بصراحه كنت أدور عرب بس مالقيت وبالصدفه لقيتك بي سكن قريب من الجامعه
شموخ:أهااا فهمت شوفي في سكن قريب من فلتي وقريب من الجامعه أعتقد أنه مناسب
جود:جد تسلمي من جد فرحتيني يلا أستأذن
شموخ:لحظه معك أحد؟؟؟؟
جود:لا أنا مو أجتماعيه
شموخ:طيب أنا لوحدي تجلسين معي
جود:مافي مانع <<<وجلست>>>
جود:شنو:أسمك؟؟
شموخ:شموخ
جود:عاشت الأسامي
شموخ بأبتسامه:عاشت أيامك

((كملوا سوالف تبادلوا الأرقام))

شموخ:يلا أستأذن
جود:أشوفك قريب
شموخ:ماأظن لأني بسافر السعوديه
جود:لا تقولين بكره؟؟؟
شموخ:أيه
جود:معك ....صراحه صرت اؤمن بالصدف
شموخ بفرحه:وناسه خلا أشوفك بكره
جود:بااااي


أن شاء الله تعجبكم وأذا لقيت تفاعل راح تتكمل بأذن الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

علياء:أنا علياء
غلا:أنا غلا
شموخ:تشرفنا
علياء:تعالي معنا داخل الغرفه

((في غرفه البنات))

علياء:أي سنه وأي قسم ؟؟؟
شموخ:سنه أولى أدارة أعمال
غلا:يعني 20 سنه مثلنا
شموخ:أيه
علياء:والله لفر فيك الرياض فر أخليك ماتنسينها أبد
شموخ:أن شاء الله ياقلبي
غلا:عرفينا على نفسك؟؟؟
شموخ:أول شيء مو أجتماعيه أحب أعيش الخيال لا مستحيل عندي
صحيح أني دلوعه بس عندي شخصيه قويه في الجد جد وفي المزح مزح وبس... وأنتي؟؟؟
غلا:بااارده لأبعد درجه أعيش كل شيء بوقته أعيشها حلوها و ومرها
شموخ:وأنتي علاوي؟؟
علياء:متهوره مره حيل كثير برشا بكل الهجات متهوره لا مستحيل عنيده أحب أعيش الأكشن
أحب أمزح مره بس
شموخ:حلو أجل......والله وصار عندي بنات عم وناسه
علياء:خليها وعليها
غلا:شموخ لا تجيبين طاري وناسه ترا حفظة الموال وناسه خليها وعليها
شموخ بضحكه:طيب

((شموخ))

أخذت أسبوع في السعوديه وماطلعت وكل يوم نتجمع أنا وبنات عمي ..
فلت أبوي قبال فلتهم خطوتين وحنا عندهم عرفت أن عندهم أخو أسمه راشد
عليه أمتحانات نهائي وعمره 18 ....علياء حلوه أحلى من غلا بس في تشابه

علياء عيونها سود ووساع بيضاء شعرها لنص ظهرها وطويله وجسمها مليان شوي
وطويله بحيث أن طولها يلفت الأنتباه بقووه

غلا عيونها أسود حنطاويه عيونه وساع وحاده شعرها طويل جسمها حلو وطويله مملوحه

((يوم الخميس مجتمعين عند جدتي))

علياء:جايه في بالي أكشن
غلا:أقول أنثبري بس
شموخ حطت أيدينها تحت حنكها بدلع :والله مشتاقه للسواقه
علياء كأنها أخترعت الذره:لقيتها.....أمشي نسوق
شموخ:عادي
علياء:أقول بلا عادي بلا خرابيط أمشي
غلا:والله فيني نوم ماراح أروح
علياء:لا تروحين بكيفك....شموخ يلا أمشي نسوق

راشد كان بالدوانيه يذاكر ومايطلع هو من المدرسه للبيت دخلت علياء غرفه راشد
أخذت المفتاح وطلعت للبنات

علياء:يلا شموخ
شموخ بفرحه:وناسه

(ركبوا السياره)

شموخ:طيب بيوقفوني لأني بنت
علياء:أنزلي نلبس ثياب من راشد

(نزلوا وراحوا غرفة راشد )

علياء تلبس الثوب ومايدخل لأنها مليانه وراشد نحيف:ياختي أخوي كأنه من مجاعة أفريقيا
شموخ ضحكت بدلع:حلوه مجاعت أفريقيا
علياء خزتها:ياقدمك
شموخ:طيري بس
علياء:أبوك يا الزاحفه
شموخ الثوب مخصر عليها ولفت الشماغ وتلثمت ولفت على علياء
شموخ:شرايك؟؟؟
علياء:لا تكفين لاتحطميني تهبلين جنان وربي تخققين
شموخ غمزة لها:أعجبك هاه
علياء:أقول بلا حركات وغمزات ترا أخق ههههههه
شموخ أستحت وضحكت بدلع:هههههههههه
علياء:أسكتي لاتضحكين بدلع ترا في مراهق في البيت
شموخ:طيب يلا

(ركبوا السياره)

شموخ تسوق وعلياء جمبها:أسمعي ترا بس في الحي أسوق عشان مايمسكونا
علياء:لا خلينا نروح التحليه
شموخ:أقول مناك تراك مصدقه نفسك بزياده
علياء:والله وصرتي تقولين كلام عرابجه طبقتي دروسي
شموخ:أفا عليك
علياء:يلا سوقي
شموخ ساقت فرت في الحي وعلياء شغلت المسجل على أغنية عاجبني

((داخل مزاجي وعاجبني من يوم شفته تملكني حبيت روحه وحبيته الله منه لا يحرمني
حلاه شرقي على غربي سبحان من خالقه ربي الجو يهدى ويتغير لاصرت جمبه وهو جمبي
مودي توافق مع موده حلوه حياتي بوجوده يامر وينهى على قلبي مسموح يجاوز أحدوده))

علياء تهز كتوفها وتدق رقبه وشموخ تسوق وتضحك عليها وفجأه قدام فله راقيه جمب بيتهم
تقريبا يعني نفس الحي صدمت شموخ في ..................

((راكان))

كنت قاعد في الحديقه أكلم تيلفون فجأه سمعت صوت من الشارع الصوت كان قوي رحت ركض
للشارع وفتحت الباب شفت سياره صادمه الزباله<وأنتم بكرامه>اللي قدام باب بيتنا
رحت للشباك حقت السواق أتحمد له بالسلامه................

((علياء))

كنت مندمجه بالرقص وشموخ لفت علي وفجأه صدمنا زباله<وأنتم بكرامه>
جانا واحد مزيون أسمر له غمازه وسكسوكه سوده عيونه وساع ومكحله من الله ولونها عسلي
كان لابس ثوب بدون شماغ وطاقيه شعره الأسود الكثيف رافعه على ورى مملوح مره
ماأدري شصار لشموخ لما شافته أحسها تلخبطت و أرتبكت ماأدري ليه.............

((شموخ))

الحظ ..القدر..الصدف..بصراحه هذي أتعس لحظه مرت علي بالسعوديه لما شفته تضايقت
نفسه اللي صدمت فيه في المطار بس واضح ماعرفني.....ياااااغبيه شلون يعرفك وأنتي متلثمه
بالشماغ بس الحق ينقال مملوح حيل ......

راكان:حصل خير الحمدلله على السلامه
شموخ ساكته صوتها ناعم ودلوع فسكتت أفضل
علياء تضخم صوتها:لا ماصار شيء
راكان ناظر علياء وبعدين رد ناظر شموخ وركز على عيونها:قلنا الحمدلله على السلامه
شموخ رفعت عيونها شافته مركز على عيونها مانزلت عينها كل واحد يكاسر ويعاند الثاني
علياء:شاامخ يلا تأخرنا ((حركوا البنات مخلين راكان وراهم))

((راكان))

بنت وربي اللي خالقني بنت كل الثنتين بس من جد عيونها الناعسه تذبح وربي
سبحان اللي خالق عيونها أخذت رقم السياره وظليت واقف

طلال وقف على باب الشارع:راكان تيلفون......شفيك مفهي؟؟؟
راكان:مين؟؟؟؟
طلال:مكتوب أبو شموخ

راكان دخل يركض ورفع تيلفونه وأتصل على أبو شموخ......

راكان:هلا والله هلا
أبو شموخ:هلا فيك شلونك؟؟؟
راكان:تمام شلونك أنت وشلون الشركه؟؟؟؟؟
أبوشموخ:تنتظر راكان الجاسم ؟؟؟
راكان:هانت كلها كم شهر وأتخرج من بريطانيا
أبوشموخ:ترا صارلي 7 سنين ماشفتك ترا أنت ولد الغالي
راكان:الله يرحمه بكره عندك بالشركه بمر عليك
أبو شموخ:خلاص 10 وأنت عندي فمان الله
راكان:فمان الكريم ((سكر))

((شموخ))

رجعنا البيت بعد مامرينا البقاله أنا وعلوي الساعه كانت 10:00رحت الفله لقيت أبوي
سولفنا شوي بعدين رحت فوق كلمت جود بعدين نمت..........

((علياء))

بصراحه شموخ دخلت قلبي بسرعه ...... بعد وفاة أبوي الله يرحمه تعقد أخوي راشد
وبزواج أمي قررنا كلنا نعيش عند جدتي غلا تعلقت بجدتي حيل لدرجه أناه ماتفارقها ألا في النوم
هذا أذا ماطقت براسها النومه عندها بس أنا شسوي أنا وكلت أمري لله سبحانه...تعبانه خليني أنام

((في الشركه الصبح 10:00))

<<طق طق طق>>

أبو شموخ:تفضل
راكان:السلام عليكم
أبو شموخ رفع عيونه:هلا وغلا بولد الغالي وأخيرا
راكان يسلم عليه:هلا عمي هلا فيك
أبوشموخ:حي الله من جانا تصدق أحس شايفك من قبل
راكان:والله حتى أنا يمكن بالمطار
أبو شموخ:أنت نفسه اللي صدمت شموخ
راكان:وصلت خير ياعمي

قاطعهم التيلفون حط السبيكر:نعم
السكرتيره:بنتك شموخ على التيلفون؟؟
أبو شموخ:حوليها علي<حولته>
شموخ:سلام بابا
أبو شموخ:هلا قلبي
شموخ:مشغول
أبو شموخ:عندي ضيوف
شموخ:أوبس........(راكان أبتسم نفس الكلمه اللي قالتها يوم صدمت فيه)

(أبو شموخ يوم شاف أنها تبي تطول سكر السبيكر وكمل كلام معها)

أبوشموخ سكر:أعذرني طولت عليك بس أول مره تجي السعوديه
راكان:أول مره عاد ماعلينا قل تم ياعمي طلبتك
أبوشموخ:تم أمر
راكان:عشاك أنت والأهل عندي بكره
أبوشموخ:تم ياولدي بكره عندك
راكان:يلا أستأذن مع السلامه
أبو شموخ وقف:مع السلامه أشوفك قريب

((شموخ))

اليوم وناااااااااسه طلعنا أنا وأبوي وعلياء للحياة مول أستهبلنا علياء ماخلت أحد بحاله
أنا وعلياء متلثمات لثمت دلع .......
علياء:شموخ شوفي هذاك اللي مسوي كدش تعالي نستهبل عليه
شموخ:يلا وش ورانا

(راحوا لواحد مسوي كدش)

علياء:ياالأخو أنت قايم من النوم وجاي
شموخ:ههههههههه
الرجال:هبله أنتي ؟؟
علياء:شفت شلون عاد....هبله وتستهبل شرايك؟؟؟ههههههههه
شموخ:ياخي ترا وجهك ضايع مع كشتك هههههههه
علياء:عاد لو أدري الحين فيه داخل مغارة صراصير وخاتم أختك ضايع فيه
شموخ:هههههههه تكفين خلاص ههههههههههه

...الرجال عصب وراح ...

شموخ:هههههههه حرام تفشل بس ترا بترجعلك كما تدين تدان
علياء:لا ياحبيبتي أنا ....<مامداها تكمل ألا وهي طايحه كان منكب بيبسي>
شموخ بدل لا تساعدها تضحك:ههههههههههه قلتلك بترجعلك
علياء وقفت وراحت وهي متفشله .....
أبو شموخ:شفيك علياء على عبايتك بيبسي ههههههههه شكلك يضحك
شموخ تمشي جمب أبوها كأنه أخوها أبوها مو كبير 39عمره:تخيل بابا تستهبل ماخذت شوي ألا هي طايحه

رجعنا البيت وقالي أبوي عن العزيمه وبروح أنا وعلياء وغلا وجدتي للعزيمه وعرفت أنه نفسه اللي صدمت

فيه طلع يعرف أبوي عرفت أن أسمه راكان ياناس حتى أسمه حلو..................
دخلت غرفتي ونمت على طول .......

((يوم العزيمه))

علياء وغلا جايات عند شموخ مع ملابسهم وشنط المكياج شموخ طلعت وهي لابسه خالصه

شموخ لابسه فستان أسود ضيق وماسك لين الركبه وصندل فضي وشعرها حاطه شريطه أسود وفاتحته
وكحل وروج أحمر صارخ

علياء لابسه تنوره أبيض ماسك تحت الركبه قصيره وبدي أحمر وقلايد طوال أبيض و أحمر
وصندل واطي على الأرض أحمر وكحل وروج أحمر

غلا لابسه جينز سكيني أسود وبلوزه نص الفخذ فوشي صارخ وكعب عالي فوشي وروج فوشي

ركبوا السياره ووصلهم أبو شموخ.......

أنتهاء البارت

__________________________________________________ __________

>>>> الرد الثاني :

دخلوا البنات وكانوا ملفتات بطولهن وأشكالهن..............
العزيمه ممله كلها حريم كبار طفش

علياء:ياخاله وين العنود؟؟؟
أم راكان:توها دخلت الصاله اللي هنا <تأشر على الصاله اللي قريبه من الدرج>

راحوا البنات للصاله...........

علياء:سلام عنودي
العنود:هلا والله غلا و علياء تو مانور البيت <سلموا كلهم>
غلا:كيفك أخبارك؟؟؟
العنود:تمام ......من اللي معكم ماعرفتونا؟؟
شموخ:شموخ بنت عمهم
العنود:أهااا أنتي شموخ أهلين والله سوري ماعرفتك
شموخ:لا عادي
علياء:عنودي وينك من اليوم مخليتنا مع العجز
العنود:أسكتي لا يسمعوك ...والله كنت في المطبخ راكان حالف أني أسوي السلطه
عاد أنا أبي أخلص أقص الخضار كبار عشان بسرعه أخلص
غلا تمزح:وع ريحتك كلها بصل
العنود:تعالوا معاي فوق أبي أبدل أقعدوا بالصاله اللي فوق

(طلعوا البنات فوق وقعدوا بالصاله اللي فوق)

علياء:أبي حمام أبي أروح أزيد الروج
غلا:دوريه العيال أكيد عند الرجال
علياء راحت أدور حمام لقت حمام مفتوح دخلته ماسكرت الباب ووقفت على المرايه جمب باب الحمام
علياء طلعت الروج الأحمر من الشنطه اللي معها وجلست تزيد عليه

((طلال))

أنا أمشي متجه لغرفتي أدور ساعتي وأنا أغني ويلاه ضاق الصدر وماذكر يسأل علي ويلاه
مالقيت الساعه تذكرت أنها بالحمام رحت للحمام وأنا أغني بصوت عالي .........

((علياء))

ياربي هذا صوت رجال خليني أطلع بسرعه طلعت من الحمام مسرعه الروج كان بيدي واللشنطه
بيدي الثاني ومنزله راسي ومسرعه صدمت بواحد طويل وعريض وطاحت الشنطه وتناثر كل شيء
والروج بعد طاح بس أنا ماطحت لأنه مسكني كان قريب حيل جسمي مولع أحس حرارتي أرتفعت
أبعدت عنه لميت أغراضي ورفعت عيوني قليل الأدب للحين ماتحرك لميت كل شيء ألا الروج نسيته
ورحت للصاله عند البنات وأنا أحاول أضبط أنفاسي دقات قلبي مدري شصار لها......

((طلال))

آآآآآآه ياعيونها السود جرح وربي حسيت روحي طلعت لما شفتها بالروج الأحمر الصارخ
دقات قلبي زادت لما رفعت عيونها لي بس جد أني ما أستحي ليه ماتحركت
أبتسمت على نفسي بلحظه غيرتني نزلت عيوني تحت مكان ماتناثرت أغراضها
شفت الروج حقها اللي من جد أذا شافه الواحد يحس تجيه لحظة تهور
كانت حلوه أخذت الروج وحطيته في جيبي اليمين ودخلت الحمام وأخذت الساعه
وطلعت.......................

((نزلوا البنات وسلمت العنود على الحريم))

العنود جذابه موت الواحد لما يشوفها يحس بشيء يشد لها عيونها البني الفاتح
على سمارها اللي مايل على الذهبي وشعرها البني قاصته فكتوريا وطويله وجسمها
حلو مثل عارضات الأزياء بس على أحلا.......

((خلصت العزيمه والبنات الحين بيطلعون للبيت وودعوا العنود وأخر من طلع شموخ الجده
رايحه من بدري بس البنات قعدوا مع العنود))

((في السياره شموخ لسا ماجتهم))

راكان واقف عند شباك السواق يسولف مع أبو شموخ
شموخ شافته حست بأرتباك ماتدري ليه:السلام
الكل:وعليكم السلام
أبو شموخ:شموخ شفيك تأخرتي ؟؟
شموخ من ورى اللثمه:ألبس العبايه
راكان:يلا ماتشوفون شر ياعمي
أبو شموخ:الشر مايجيك<وحركوا>

((راكان))
عيونها مو غريبه علي صحيح أني صدمت فيها في المطار بس شفتها قريب وين ياراكان وين؟؟؟؟؟
والله مأدري خليني أدخل أحسن لي ................

(وصلوا البيت والكل نام الساعه 12:00تعبانين كلهم)

(الساعه 1:00الظهر)

((شموخ))

صحيت من النوم جسمي مكسر من أمس تعب دخلت الحمام أخذت شاور دااافي
حسيت براحه بااقي أسبوعين وأرجع بريطانيا تبداء الأمتحانات
علياء و غلا مخلصات من أسبوعين وعندهم أجازه شهرين
يااااااي تعودت عليهم تعودت على علياء لأنها أقرب لي من غلا
من جد راح أشتاق للمغامرات اللي معها....ياااااااابنت باقي أسبوعين
يمديني أستانس معهم اليوم لازم نسوي أي شيء أكشن
طلعت من غرفتي أخذ جوالي على الشاحن أتصلت بعلياء
جاها صوت كله نوم:نـــــعم بالله عليك في أحد يدق من صباح الله
شموخ:وجع فزي يلا الساعه1 أي صبح
علياء:يااااابنت عندي أنا صبح يلا أقلبي وجهك
شموخ:علوي تكفين قومي
علياء:خلاص قمت يمه منك ماتصدقين أحد يعطيك وجه
شموخ:لا والله <قالت تبي تقهرها>أحسن أنا عازمه جود على العشاء لا تجين
علياء:تضحكين علي أصغر عيالك أنا الحين وقت غدا
شموخ:يااااااااااي دايم تصيديني
علياء:يلا يلا مع السلامه
شموخ:مع السلامه

((علياء))

يااااااااي يمه من هالبنت بس من جد راح أشتاق لها مووت
قمت ماجاني نوم دخلت الحمام توضيت وطلعت أصلي بعد ما خلصت
رحت أشوف الساعه 2:00طولت بالنوم جت على بالي فكره
لازم أخلي شموخ تستانس في السعوديه رحت قلت لجدتي وغلا................

((غلا))

جتني علياء قالت لنا شيء من زمان ماسويناه طلعه للبر وفرصه مادام عمي وبنته موجودين
كلنا وافقنا وباااااقي نقول لشموخ وعمي...................

((أبو شموخ))

دقت علي أمي قالت لي عن طلعة البر وأن من زمان ماسويناها رحت قلت
لشموخ تجهز بس ماقلت لها ويييييييين؟؟؟؟

ركبنا السياره كلنا وأتجهنا للثمامه شموخ لين اللحين ماتدري شالسالفه

<وصلنا ونزل الكل ورتبنا أغراضنا وحطينا الفرشه والقهوه والشاي وجلسنا ألا شموخ>

شموخ:اللحين أنتوا من جدكم كذا وناسه
علياء:ياحبيبتي هذي أم الوناسه مو بس وناسه
غلا:بعدين أذا مو عاجبك نخليه يعجك غصب
راشد:شفيه الأخت شموخ مو عاجبها

راشد أنسان مو أجتماعي أبد كلامه قليل مايختلط بأحد غير عايلته
كان قمت الجمال كان غير عن خواته وأمه و أبوه دايم قبل لا يطلع يقرون عليه
صحيح أنه متعقد بس مو لدرجة الجنون بس لأنه مو أجتماعي قالوا عنه كذا
عمره 18 سنه طويل حيل هم الطول وراثه من الجد عيونه السود
ألي بس من نظره تخلي الواحد يحترمه مثقف رغم صغر عمره لأن شباب هذا الجيل
همهم بس الدجه والوناسه راشد مدين والثوب قصير واللحيه خفيفه
وقت الصلاه أذا المؤذن تعبان يأذن هو بداله أهو تعقد لأنه فقد أنسان يفتخر
فيه يشجعه على الأهتداء للصراط المستقيم <<هذي الشخصيه قليله في شباب اليوم

شموخ تحب راشد من كل قلبها تعتبره أخوها:والله يا أخوي ماتعودت كذا
راشد:خلاص أمشوا يا بنات عندي لكم مفاجأه

<راحوا البنات معه متحمسات يبغن يعرفون المفاجأه وصلوا للمفاجأه>

راشد:يلا كل وحده تختار

البنات شهقوا:هييييييييييييه

__________________________________________________ __________

>>>> الرد الثالث :

العنود:راكان قد قالي أنه صدم بوحده مزيونه ولما كان يكلمني كان مفهي وباين عليه خاق حيل …. طلعتي أنتي المزيونه هههههههه
شموخ أستحت :كلي تبن………مزيونه مناك بس

طولوا سوالف<تن تن تن **الأمير**يتصل بك>

شموخ:ومن ياحظي الأمير أعترفي
العنود بدلع:هذا أميرك يابعد قلبي راكان
شموخ:يخسي أميري ماجابته أمه اللي يمشي رايه علي
العنود:أسكتي أسكتي بس……ألو هلا بالأمير…أنت برى….خلاص طالعه ألحين….باااي يا أمير
العنود:يلا أستأذن بطلع
شموخ:وين تو الناس
العنود:لا وين تو الناس الساعه بتجي 1 يلا بااااي يا أميره
شموخ:بااااااااي
جود:يلا أنا طالعه بعد تامورن على شيء
شموخ:سلامتك أشوفك الأسبوع الجاي في الطياره
جود:أن شاء الله مع السلامه
غلا:يلا بطلع جدتي لوحدها بالفله
علياء:قولي لجدتي وراشد أني بنام هنا
غلا:أوكي باااااي

((شموخ))

الكل طلع باقي أنا و علياء كنا تعبانات طلعنا فوق بدلنا ملابسنا
وقعدنا في الصاله اللي فوق

شموخ العبره خانقتني:والله بشتاق لك علوي
علياء:يالبى قلبك وأنا أكثر

ضمينا بعض ودموعنا تنزل من جد راح أشتاق لها مووت

شموخ:شرايك تروحين معي بريطانيا؟؟
علياء:أنا ماعندي مانع حاصلي أروح لبريطانيا
شموخ:ليه ياحبيبتي دامك بنت الجاسر
علياء:أيه والله قلتيها ..............عمي موجود؟؟؟؟
شموخ:يس
علياء:أمشي نروح نقوله

((في غرفة أبو شموخ))


أبو شموخ:أكيد ماعندي مانع أهم شيء وناستكم وأنا كل أسبوعين عندكم
شموخ:خلاص بابا أحجز لها
علياء:ومن يقول لأخواني وجدتي
أبو شموخ:أذا على أمي بتوافق وغلا ماراح تخلي جدتها وراشد دراسهألا دراستك شنو بتسوين فيها ؟؟؟
علياء:بأعتذر وأكمل مع شموخ ؟؟
أبو شموخ:لا خلاص ننقل أوراقك لبريطانيا وتكملي هناك

((يـــــوم الوداع))

غلا:ياحيوانه بشتاق لك وربي
علياء:حتى أنا ياقلبي
شموخ:وأنا مالي سلام
غلا وهي تضم شموخ:أكيد أجل أنا أقدر بشتاق لك ياتبنه
شموخ:تبنه أنتي....... ليه ماتروحين معنا؟؟؟
غلا:أخلي جدتي مستحيل

((علياء))

راح الكل وجلست أنا وشموخ ننتظر الطياره نزلت طرحتي وحطيتها على كتفي وشموخ بعد.... كنت حاطه روج أحمر أحب هذا اللون يبين أنوثتي وكحل وشموخ مثلي... شعري كان متناثر على كتوفي
نادوا على طيارتنا ومشيت أنا وشموخ لمحت أنسان مو غريب علي
وباين عليه عرفني لأنه مانزل عينه عني



((طلال))

شفتها بالروج الأحمر للمره الثانيه حسيت أني ماني متوازن
فقدت التوازن بس لما ألتفتت نفس العيون نفس الروج لاشعوري

قلت:شفتها بالروج الأحمر طحت من طولي
راكان:أكلتها يابو الشباب
طلال:هاه وش تقول ؟؟؟
راكان:البنيه أكلتها بعيونك
طلال:أيه البنيه .........
راكان يستفزه :حلوه صح لا وحاطه روج أحمر
طلال تنهد: آآآه هذا بلا أبوك يا عقاب
راكان ضربه على كتفه:وش هالكلام بدل لا تودع أخوك تقز بخلق الله
طلال:هذي البنت مو أي بنت سبحان اللي خالقها
راكان:لا أبد سكران أقول مع السلامه ترا نادوا علي
طلال:أذا كنت سكران من كاسها عساني ما أصحى
راكان بصوت عالي:مــــــع الســـــــلامه
طلال:لحظه أمزح معك <سلم عليه وراح راكان على الطياره>

((علياء))

كان يناظر فيني كأنه بيرسمني أحسه حفظ ملا محي باين أن هو واللي جنبه يتكلمون عني ...يووه أنا وش علي منهم ركبت الطياره أنا وشموخ
نزلنا العبايات وطارت الطياره ونمنا طول السفره صحيت أنا على صوت الطيار لما أعلن وصولنا شفت شموخ تقرأ مجله والسماعات بأذنها ياربي أيش تسمع أخذت سماعه لقيتها مندمجه مع مساريReal loveأغنيتها المفضله هي تحب مساري و توباك مدري كيف جاء رومانسي مع راب بس هي ذوقها كذا نزلنا من الطياره شموخ باين عليها مستانسه
بس بهدوء وثقل مو مثلي لما نزلت من الطياره وطلعنا من المطار

ناديت وبأعلى صوتي:بـــــــــــــريــــــــــــطـــانـــــــــيـ ـــــ ـــا ونـــــــــــاســــــــــه
شموخ:وجع فضحتينا
علياء:والله من الوناسه يا هبله

((راكان))

طلعنا من المطار و كان في بنت نفسها اللي كان يناظرها طلال تصرخ بأعلى صوتها شكله من الوناسه وكان معها بنت ..............

لــــحـــظــــه

لـــحــــظــــه

**من لمحته بعيد يمشي فز قلبي وقلت أعرفه**

هذي هي نفسها* شموخ*فزيت لما شفتها مدري من بعد ماكنت عندهم بالدوانيه أحس أني أميل لها كثييييير بس ممكن تكون أوهام بس أنا داري أنها مادرت عن هوى داري خليني أطلع الفندق بس ..............

شموخ:وين جود ماشفتها أبد ؟؟؟؟
علياء:هذيك هي جـــــــود جــــــــود هنا
جود:هاااااااااي بنات ؟؟
شموخ و علياء:هايات
شموخ:كيفك؟؟؟
جود:تمام...... بنات فرحانه حيل
علياء:دوم أن شاء الله
شموخ:السبب؟؟؟؟؟
جود: أول شيء لأني شفتكم ثاني شيء لأن علوي معنا ثالث شيءلأني في بريطانيا وبس
علياء:يابعد قلبي أنا

راااح الكل في طريق والجامعه تبدأ بعد يومين قضوا اليوم الأول يمشون فيه علياء واليوم الثاني تجمعوا في فله شموخ بعدها طلعوا كوفي

((الصباح في فله شموخ))

شموخ:علياء وين الروج الأحمر ؟؟؟
علياء:والله مدري بس في واحد ثاني بشنطتي أخذيه
شموخ:طيب أيش ألبس أسود ولا أحمر
علياء:لا أسود أحلا عليك ..... أنا بالبس pink حلو علي صح
شموخ:أيه طيب تراي خلصت بنزل تحت أفطر

شموخ نزلت بجينز سكيني أزرق و تي شيرت أسود سبورت عليه كلام بالأحمر سوارات أحمر وشوز سبورت أسود<<وأنتو بكرامه>> شعرها فاتحته وحاطه شريطه أحمر وروج أحمر

شموخ:روز حطي الفطور
روز:أوكي

نزلت علياء لابسه برمودا جينز وتي شيرت pink عليه صورة فيس مبتسم وشوز pink <وأنتوا بكرامه> شعرها رافعته ذيل حصان وحاطه شريطه pink

علياء:وصلت يلا خلينا نفطر

أفطروا وركبوا سيارة شموخ<لامبرجيني أسود>ومروا جود وراحوا مع بعض لستار بوكس وأخذوا كبتشينوا وطلعوا للجامعه

((في الجامعه))

بالتحديد في الكفتيريا جالسات ثلاث بنات ملفتات للأنتباه بطولهن ورزتهن باين عليهم ثقل وهدوء كانوا بنات مميزات

شموخ حاطه السماعات حق الأيبود تسمع تو باك ومندمجه وعلياء تشوف المزايين وجود منشغله بأظافرها تلعب فيها بغنج

((جود))

كنت ألعب بأظافري ورفعت عيوني لمحت واحد كلمت حلو قليله في حقه مزيون حيل يتجمد الواحد قدام زينه بس باين مغرور وشايف نفسه
ومو معبر أحد والناس عنده حشرات ....ماتعجبني هذي الشخصيه
رافع خشمه بغرور وأنا اللي بكسره لفيت على البنات بقوه

جود:بنااات عندي فكره؟؟؟
علياء:تفضلي؟؟
شموخ نزلت السماعه:نعم
جود:شرايكم نستهبل على ولد؟؟
علياء بدون تفكير:أكيد مافي مانع
شموخ:معكم وأنا من لي غيركم
علياء:وينه اللي تبين تستهبلين عليه؟؟
جود أشرت على المغرور:هذا
شموخ لفت وجهها:مين ولد السفير ...أنهبلتي؟؟
جود:ولد سفير؟؟؟؟خلاص هونت
علياء بأصرار:وأذا ولد سفير يعني خلاص دخلت في راسي
جود كأنها تشجعت:أيه والله ولد سفير عادي يلا علووي عندك فكره
علياء:أسمعي بما أنه مغرور وشايف نفسه و ولد عز سوي نفسك تحبينه وميته عليه وأذا حبك صدي عنه
شموخ:واثقه يحبها تراه مو معبر أحد
جود:بس أنا غير أنا جود الكايد مو حيا الله
علياء:أسمعي الخطه الأوله ....................
جود:وناسه أسويها وأنا بنت أبوي
علياء:هو سعودي؟؟؟؟
شموخ:أيه ولد سفير سعودي
علياء:أهاه....شموخ معك روج فوشي صارخ
شموخ مدت لها الروج:أيه أمسكي
علياء وهي تحط الروج لجود:شموخ معك في الأيبود أشغلك لمادلين مطر
شموخ:أكيد معي
علياء:هاتي الأيبود ؟؟

حطت جود سماعات الأيبود بأذانيها وحركت شعرها بفوضويه وهي لابسه قميص أبيض وفاتحه أزاريره الفوقيه وجينز سكيني أسود وياقة القميص مطرزه بأسود.....وروج فوشي
مشت جود بدلع وعطة ظهرها للمغرور وهي تغني

أشغلك وأشغل حياتك وألعب بقلبك لعب

لفت وقابلت المغرور وحطت أيدينها بدلع على عيونها

وأقدر أخليك تبكي ......وأقدر أخليك تنسى حتى أهلك لوتحب

((جود))

رفعت ياقة القميص لفوق وغمزت له ورحت وأنا مبتسمه
باين عليه مستحقرني بس جايبه راسك يا لمغرور

علياء تصفق بقوه وتصفر:أحلا يا بنت الكايد أحلا
جود:شرايك راح فيها حبيب بابا؟؟
شموخ:مايبيله كلام ....أنتي الباقي يتمنون نظره منك
جود:ههههههههههههه
علياء:شموخ أيش أسمه هو؟؟؟
شموخ:مدري
جود:المغرور
علياء:أيش؟؟
جود:خلينا نسميه المغرور

((المغرور))

وجع في قلبها مزيونه وش تبي فيني هي ووجها يمكن على بالها بعبرها
بس حلوه...... شقصدها لما غنت الأغنيه... ماجابته أمه اللي يبكيني ولا ألي ينسيني أهلي .........
خليني أروح لراكان أحسن لي

المغرور:سلاااااام راكان
راكان:هلا بالمغرور
المغرور:مغرور بعينك ترا لي أسم
راكان:بس المغرور أحلا
المغرور:أقول شفت المصخره اللي أولا
راكان:أيه شفتها تعرف من هي؟؟؟؟
المغرور:لا بس حلوه صح
راكان:هذي صديقة بنات الجاسر شموخ و علياء
المغرور:ما شاء الله عارف العايله كلها
راكان:لا بس راح أشتغل في شريكتهم
المغرور:طيب أبي منك طلب؟؟؟
راكان:أمر
المغرور:مايامر عليك عدو بس أبي أسم البنت اللي معهم
راكان:بسيطه رح أنت وقل أيش أسمك؟؟
المغرور:عارف أنها بسيطه بس الكرامه فوق كل شيء
راكان:وش دخل الكرامه في الموضوع يا دلخ
المغرور:والله أنك صادق بس خل الموضوع على جمب وقلي
راكان:وش أقولك؟؟؟
المغرور:في شيء غير شموخ ياذكي
راكان:أسكت ولا تقول أسمها على لسانك لأني أحاول أتناسى اللي مر علي معها
المغرور:صدقني صعب تناسى
راكان:أدري بس ممكن أسأل ؟؟؟
المغرور:أكيد ليه تستأذن
راكان:ليه الصدف تجمعنا؟؟؟
المغرور:وفي شيء محيرني غير هذا السؤال ؟؟؟
راكان:آآآآآآآه
المغرور:لا تقول تكفى لا تقول
راكان خاف:وش فيك؟؟؟؟؟؟وش اللي لا تقول
المغرور:حبيتها
راكان:لا ويني ووين الحب ياشيخ
المغرور وهو يغمز له:مزيونه صح
راكان:عيب تقول كذا
المغرور:حلال عليك وحرام علينا لا يكون تحسبها زوجتك

((راكان))

آآآآآميين قريب أن شاء الله بس هي خليها تعطيني وجه ولو نظره
بس ..... بس ..... بس....أنا ليه كذا مهتم ....يمكن لأن الصدف تجمعنا
طلعنا خلاص خلصت محاظراتنا أنا والمغرور مشيت أنا أحاول أكون مو مهتم للي تمشيء بثقه ولو قلت غرور يحق لها لأنها و ببساطه
أجمل خلق الله .......... لفت بقوه ورتناثر شعرها البني على شفايفها بعدتها بكل حيويه أنسانه عجيبه مشيت وأنا أحس دااااايخ من اللي أشوفه قدامي صحيح أني ثقيل بس أي شخص ثقيل غيري راح يكون أكثر أنسان مرجوج ............ تحركت بكسل وأنا أطرد أفكاري الغريبه
ماشيء لسيارتي لقيت سياره <لامبرجيني أسود>ساد الطريق علي يارب مالي خلق مشاكل أنا يالله متحمل نفسي راعي السياره كان داخلها
تحركت للشباك حقت السواق اللمغيمه طقيت على الشباك ونزلت بهدوء ورواق لما أنفتحت الشباك صرت قريب منها أشم ريحت عطرها اللي يصرخ أنوثه أنربط لساني نزلت النظاره وهي مركزه على عيوني

شموخ:راكان

معاد أقدر خلاص هذي أول لحظه أدري فيها أن أسمي حلو ياحظ أسمي اللي ذاب من نعومتها

راكان:لبيه.....أحم ..أحم ..مرحبا بنت عبد العزيز الجاسر

ما تمنيتك لأنك كنت أبعد من خيالي
ما خطر في بالي مره أني ممكن أوصلك
كنت أشوفك مثل نجم في السماء ساطع وعالي
يا بعيد و جابك الله لين عندي وصلك

((شموخ))

ليه....ليه...ليه....الصدف تجمعنا ...ياااااااي أذبح روحي كل ما أشوفه أضعف أنا قدامه مو شموخ أنا كل شيء منهار من جاذبيته جذاااااااب
حيل يارب أنك تصبرني على اللي قدامي

راكان:لبيه....أحم..أحم..مرحبا بنت عبد العزيز الجاسر
شموخ أبتسمت لاشعوري:لي أسم ياراكان؟؟؟؟

قلت كذا وأنا مشتهيه أسمع أسمي منه ..خبله ...خبله ..لا تسولفين معه تضعفين....تضعفين.....تصيرين رماد

راكان:مرحبا شموخ
شموخ:مرحبتين ســـــم
راكان :ســـم الله عدوك بس مو كأنك ساده طريقي
شموخ ألتفتت:سوري ما أنتبهت طيب مع السلامه
راكان تنهد:آآه مع السلامه

حركت شموخ.... وراكان وراها يجمع باقي ريحت عطرها اللي الأنوثة تطغي منه

المغرور:يا عيني ....لا ماتحبها .... ولبيه وســـم الله عدوك
راكان:هذا يسمونه ذوق ... ألحين أنا أحكي عن الذوق مع واحد مثلك أروح الفندق أصرف لي ... سلاااااااام
المغرور:سلااااااااااام

((المغرور))

أطلعي ... أطلعي ألله يخسك وربي تفكيري من لحظه صار معها حتى كياني قلبته فوق تحت ....آآآآآآه الشكوى لله.....
بس أنا سلطان أحب ما يصير ما تدخل المخ حتى ...بس أنا بشر لي مشاعر ليمتى وأنا أحاول أخبي نفسي بواحد مغرور أناس أكرهوه لأنو مغرور و شايف نفسه ....أووووووف أطلع البيت أحسن لي

__________________________________________________ __________

>>>> الرد الرابع :

ثـــــــــــلاث أيــــــــام

((شموخ))

ثلاث أيام مرة كلها محاضرات ونوم كانا نشوف بعض في الجامعه اليوم عطله ومايصير يعدي كذا الساعه 4العصر تو قعدت من النوم تعبانه أخلاقي مقفله مدري ليه
شموخ:علوووووي علوووووووي وجع وينها ؟؟؟؟ روز يا روز
روز:yes
شموخ:were is alo0oy?
روز:she is out .
شموخ:اهاااااا OK Go
أووووف وين أنقلعت هذي صار لها ثلاث أيام وهي تطلع في نفس الوقت .......

أنفتح باب المدخل وقطع تفكيري

علياء:بيتفكر في أيه حبيبي وساكت بس ليه
شموخ وهي قافله معها :ساكت ليه بلاه من خشتك
علياء:هههههههههه حلوه وراها مقفله معك
شموخ:من اللي تسوينه
علياء وهي تدخل يدها بالشانطه وطلع بطاقه:طلعت رخصه
شموخ ماستوعبت:رخصة شنو؟؟؟؟
علياء:سواقه أكيد
شموخ:واللحين كل الروحات والجيات عشان الرخصه
علياء:أقول تعبانه بنااااااام
شموخ:لاااا اللحين الساعه 4 لازم نستانس في العطله
علياء:طيب وين الوناسه أذا مانعرف غير جود وبس
شموخ:ندق عليها ونطلع ونستانس
علياء:أنا أسوق أوكي
شموخ:أوكي يلا بروح أدق عليها أقول لها تجي على الساعه6

راحت كل وحده غرفتها تلبس وتتجهز للطلعه

((الـــــــــريـــــــــاض))

((غلا))

ياااااي والله لهم وحشه اللحين مافي غير العنود خليني أتصل عليها تجيني الساعه 7 وطفش فتحت الجوال وأتصلت عليها

العنود:هلا وغلا بغلايا
غلا:هلا فيك ياحياتي مشتاقه لك
العنود:وأنا أكثر
غلا:طيب تعالي اليوم عندي نستانس ونكلم البنات
العنود:طيب أرد لك خبر
غلا:بااااااااي عنودي
العنود:بااااي
((العنود))

يا لبى قلبها وربي مشتاقه لها خليني أقول لأمي وأشوف

العنود:يا الغاليه
أم راكان:هلا يا بنيتي
العنود:دقت علي غلا الجاسر تعزمني أروح عادي
أم راكان: أيه روحي هم مو أغراب جيرانا و النعم فيهم
العنود:تسلمين يلا بروح ألبس وقولي للسواق يجهز السياره
أم راكان:لا روحه مع السواق مافيه طلال يوديك
العنود:طيب طيب لا تعصبين <أبتسمت لأمها وراحت>

رحت دقيت على غلا ماترد دقيت ثلاث مكالمات ماردت دقيت على البيت

العنود:ألو
غلا:هلا وينك ؟؟ مادقيتي؟؟
العنود:تدرين المفروض ما عطوك جوال مخليته وتقولين مادقيتي

((غلا))
غلا:ههههههههههههههه
راشد:السلام عليكم
غلا:أحم.....هلا هلا راشد ......عنودي أكلمك شوي
العنود:لا لاتكلميني بجيك البيت
غلا:طيب يا العنود لا تأخرين باااااي<سكرت>
راشد:مين تكلمين علياء؟؟؟
غلا:لا ماتسمعني أقول العنود
راشد:لا والله ماسمعت ألا ماكلمتي علياء
غلا:ألا كلمتهم وأنت ؟؟؟
راشد:لا بدق عليهم اللحين

((راشد))

جاااااي من غرفة جدتي مروق حدي لأني نجحت من الثانويه وتخرجت بنسبة 91% وعلمت جدتي وباقي غلا ماعرفت

راشد:أقول غلايا ؟؟
غلا:قول أسمع ؟؟؟
راشد:نجحت بنسبة 91%
غلا وقفت وضمته:ياااااااااي تخرجت
راشد:ترا أنا المتخرج مو أنتي ؟؟
غلا:ولو أنت الغالي وأخوي وعزوتي لازم أفرح فيك
راشد:يا لبى قلبك خليني أكلم علياء......

فتحت جوالي و دقيت على علياء ردت وهي فرحااانه

علياء:هلا والله بأخوي هلا بالقاطع
راشد:حرااااام عليك أمتحانات ؟؟؟؟
علياء:أمتحانات والله لو أنك طب عذرناك تراها ثانويه
راشد:شخبارك شخبار أختي شموخ؟؟
علياء:والله شموخ تسلم عليك وكلنا بخير
راشد:البشاره؟؟؟
علياء:أبشر بعزك ولك اللي تبي؟؟
راشد:نجحت 91% شرايك؟؟؟
علياء تصارخ على السماعه:واااااااااااو وناسه تخرجت و أخيرا
راشد:فديتك يلا ما أطول سلاااااااام
علياء:سلااااااااااام

((بـــــريطـــــانـــيـــا))

((علياء))

نزلت من الدرج أركض بجنز سكيني كحلي وتي شيرت أصفر ماحبيت أكشخ مافي أحد رحت لشموخ

علياء:البشاره؟؟؟
شموخ:كلي لك
علياء:راشد نجح 91%
شموخ فزت من مكانها :يااااااااااااي وناسه أخوي نجح بروح أكلمه

((شموخ))

وناسه..... وناسه........أخوي تخرج أتصلت عليه ورد بعد رنتين
شموخ:مبروك يا أخوي
راشد:الله يبارك فيك هلا والله كيفك؟؟؟
شموخ:تماااام قلي شلون غلا وشلون جدتي؟؟؟
راشد:كلهم تمام
شموخ:طيب مبروك مره ثانيه وسلاااام
راشد:سلاااااام

علياء:جود:تتصل يمكنها بره
شموخ:ردي عليها
علياء:هلا جود عند الباب؟؟
جود:أيه يلا أفتحي
علياء:أفا البيت بيتك دزيه برجلك ههههههه
جود:هههههههه طيب يلا جايه

دخلت جود بتنوره خصر زيتي تحت الركبه وبلوزه أصفر وسلاسل زيتي وفاتحه شعرها

علياء:هلا والله أحلا يا بنت الكايد وش هالحلا
جود:من ذوقك وش فيك كأنك أول مره تشوفيني
شموخ:كيفك الأخت مروقه؟؟
جود:ولا شيء فيني نشاط غير شكل
علياء:لا اليوم شموخ مقفله معها ؟؟
جود:ليه؟؟؟
شموخ:أحد يشوف هالوجيه وما تقفل معه
علياء ترميها بالمخده:وجع أحمدي ربك لأنك مقابلتنا
شموخ:وجع
علياء:جود أبشرك أخوي تخرج من الثانويه بنسبة 91%
جود:مبروك ..........طيب خلينا نستانس

((الــــــريــــاض))

((راشد))

صعدت غلا فوق وأنا نزلت الشماغ والعقال وحطيتهن على الطاوله و أنسدحت على الكنب ونمت بالصاله

<<تن تن تن تن >>

راحت الخدامه تفتح الباب

العنود:السلاااااااااام وين غلا ؟؟؟
الخدامه:فوق

((العنود))

نزلت طرحتي على كتفي وأنا أنثر شعري رحت للمرايه اللي عند المدخل أعدل شكلي وبعدين توجهت للصاله اللي دايم حسيت في أحد رجعت على ورى وأنا أفتح جوالي ودقيت على غلا

غلا:وصلتي؟؟؟
العنود:من زمان بسرعه تعالي ....بسألك أخوك هنا؟؟
غلا:أيه بالصاله .....ليه؟؟
العنود:وجع .... ترا بصعد فوق
غلا:طيب تعالي نقعد بغرفتي

راحت العنود فوق عند غلا وجلسوا سوالف

غلا:شنو تبين أجيب لك ؟.؟؟
العنود:قهوه وشاي طبعا
غلا:طيب خلاص ثواني

((غلا))

نزلت تحت ولقيت راشد قدام المرايه يضبط الشماغ شكله بيطلع

راشد:من عندك؟؟؟
غلا:العنود الجاسم
راشد:أهاااا حسيت بأحد دخل بس مدري مين على العموم أنا طالع تبين شيء ؟؟
غلا:سلامتك

رحت المطبخ وطلعت القهوه والشاي على الصاله وناديت العنود وسولفنا ووناسه وطبعا لازم نحش أهم شيء .....
غلا:نتصل على البنات؟؟؟
العنود:يلا <أتصلوا>

علياء ترفع صوتها عشان المسجل عندها:هــــــلا غلايا
غلا:علياء أنتي وين؟؟؟
علياء:في البيت عندنا جود ووناسه
غلا:حتى أنا عندي العنود سوالف وحش على كيفك
العنود أخذت السماعه :ألو علوووووي أخبارك؟؟
علياء:تمام أنتي كيفك؟؟
العنود:طيبه مسجلكم صوته عجيب
علياء:شموخ وعمايلها
العنود:طيب بااااي وسلمي على البنات
علياء:يوصل بااااي

((بــــــريــــطـــانــــيــــا ))

شموخ:خلاااص أذني أنفجرت من المسجل طفيه

طفوا المسجل وجلسوا سوالف وكل وحده راحت لبيتها الساعه12 بالليل
((راكان))

يوووووه تعب خلاص اليوم ماخلينا شيء ماسويناه تفحيط وهبلنا في البريطانيين طلعوا مهبل ينضحك عليهم وسلطان ماخلى شيء ماسواه

سلطان:ها شكلك مليت ؟؟؟
راكان:لا وناسه بس بروح أنام الساعه12 تعبان يلا باااااي
سلطان:بااااااااي

((سلطان))

حركت سيارتي وأنا أنعس ما أشوف من النوم وقفت عند الأشاره

((جود))

هذا هو المسكين ينعس بس والله لأطير النوم من عيونك ضغطت على البوري<بيب بيب > ألتفت وناظر فيني وباين مو طايقني حتى وضغطت على البانزين بمعنى تحدي وهو وافق وحركنا وسباق عديت فندقي كله عشان ما يفوز علي بس كان قوي وسريع وفاز علي يووووووه اللحين يتشمت فيني رجعت للفندق وأنا أفكر أني أكسر غروره


أنتهاء البارت 6

__________________________________________________ __________

>>>> الرد الخامس :

سلاااااااااااام للمره الثانيه

البــــــــــارت 7
((الـــــــريــــــاض))

((العنود))

العنود:يلا بالأذن طلال برى ينتظر أشوفك بعدين
غلا:مشكوره أنك جيتي من جد كنت طفشانه
العنود:طيب بااااي

سكرت غلا الباب وأنا تلثمت ومشيت لعند باب البيت الكبير الفخم فتحته لقيت في أحد بسيارة طلال غيره ركبت ورى

العنود:السلام عليكم
طلال وراشد:وعليكم السلام
راشد:طيب طلال أشوفك بعدين سلااااام
طلال: سلااام

((راشد))

نزلت ووقفت عند باب بيتنا ونزلت أخته وركبت قدام ودعتهم وراحوا والله طلال والنعم فيه رجال وماعليه شيء وراكان بعد الحمد لله أنه رزقنا بجيران مثلهم دخلت داخل البيت وتوجهت لغرفتي ونمت

((بــــريـــطانيــــــا))

((يـــــــــوم جديد))

((جود))

بعد السهره والسباق كان تعب نمت وماقمت ألا الساعه 5العصر جلست شوي أكلت لي ساندوش وجلست قدام tv ........ شموخ وعلياء ولا عمرهم دخلوا شقتي خليني أدق عيهم يجون على الساعه 9 نسهر ونستانس أتصلت عليهم ووافقوا وجلست أجهز الأغراض


((شموخ))

اليوم فيني نشاط وفي بالي سهره قويه بس باين برد بره بنطلع أنا وعلياء لجود نسهر ونستانس الحين الساعه 6 باقي وقت

شموخ:علووي شرايك نطلع مطعم
علياء:أوكي بس شرط أسوق أمس ماسقت السياره
شموخ:طيب خلاص قومي نلبس

((علياء))

دخلت غرفتي وفتحت الدولاب و مدري شنو ألبس بالأخير طلعت فستان قصير كحلي عليه جكيت طويل تحت الركبه أسود وبوت<وأنتوا بكرامه> أسود فتحت شعري على طوله وخليته

((شموخ))

طلعت جنز أزرق على جكيت طويل فوق الركبه أصفر وشوز سبورت <وأنتوا بكرامه> وطلعت أنا و علياء للسياره

علياء:وين نطلع ؟؟
شموخ:مطعم ما أعرف وينه بالضبط بس دوري يمكن ألقاه على الطريق

دخلنا المطعم وجلسنا نسولف وناكل

علياء:كم صار لك ماشفتي راكان
شموخ:ليه؟؟
علياء:لا بس أسأل؟
شموخ:في الجامعه
علياء:أحسه يميل لك
شموخ:مين راكان لا لا لا
علياء:مدري أحس كذا
شموخ:غيري السيره......تعالي صار لي أسبوع أبسألك مين كان اللي يناظر فيك في المطار؟؟؟
علياء:أنتبهتي؟؟؟
شموخ:والله من عيونه شوي وياكلك
علياء:هذا أخو راكان
شموخ:أحلفي
علياء:والله ترا قد شفته مره في بيتهم
شموخ:في السعوديه؟؟؟
علياء:أيه <وهي تقولها السالفه> ومدري ليش ماتكلم ولا تحرك
شموخ:هههههههه شنو ذا الموقف ياليتني ماصير بمكانك
علياء:فضيها سيره خلاص

((علياء))

طلعنا من المطعم ورايحين لجود فندقها بعيد عن المطعم حوالي ساعه


((المـــــــطـــــار))

.......:وين فندقه ....أهاا طيب جايكم ....ناسي أني دارس سنه في بريطانيا ورجعت السعوديه ....أكيد أني بعرف كل شيء فيها..سلاام

((الــــشــــرقــيـــة))

جالس بغرفته اللي ألوانها تدل على شخصية صاحبها أسود وأحمر جالس على سريرة الملكي يسترجع أحداث كانت سم على قلبه حاول ينسى بس ملكت قلبه خطبها مره ورفضته بس هو يبيها عايش في بيته لوحده أم ماعنده أبو ماعنده أخوان ماعنده هو يعتبر وحيد ويبيها تملى عليه حياته هذا كل اللي يبيه ......

((بندر))

قررت وقراري مابعده قرار برجع وأخطبها وأن شاء الله توافق بس حتى لو أرفضت مستحيل تروح لغيري.... مدري شنو ناقصني أخلاق وعندي شركات وعندي أكبرها و صلاه ومحافظ سجاير ماأشرب بس أكيد عندها أسبابها ..... وهذا أنا راجع وماراح أرجع لديرتي ألا وأنا فرحان بموافقتك

((بـــــريــــطــــانيا))

((في الفندق))

((علياء))

نزلت أنا وشموخ من السيارة وشموخ سبقتني وأنا قعدت أعدل البوت <أنتوا بكرامه> قدامي واحد معطيني ظهره يااااااي يازين طوله يا لبى الزول ليته يلتفت ...طاح منه حاجه مدري يمكن بكيت سجاير رحت لعند البكيت وأخذته ومشيت عند الرجال حطيت يدي على ظهره

علياء:hy you?????

لف علي :أنتي؟؟

((طلال))

&اكذب عليك ان قلت ماني بمشتاق...*&

&واكذب عليك ان قلت شكلك نسيته*&

الحمد لله المره هذي مو حاطه روج أحمر شكلها عرفتني

طلال أبتسمت:أمري
علياء:لا بس البكيت طاح منك<وهي تمده له>
طلال:مشكوره<مد يده يتعرف>طلال الجاسم
علياء:أأ...أيه...... سوري باااي

((علياء))

شنو هذي الصدفة ؟؟؟؟ غريبه ؟؟؟؟ فتحت جوالي أتصلت على شموخ

علياء:شموخ ....شفته؟؟
شموخ:مين؟؟؟؟
علياء:ولد الجاسم

((شموخ))

كنت قدام الصنصير أنتظره يفتح نزلت راسي وأنا أسمع لعلياء
شموخ:مين؟؟؟؟
علياء:ولد الجاسم
شموخ:مين راكان الجاسم .....يا كرهي.......

رفعت راسي لأن الصنصير أنفتح شفت راكان وعلى وجهه أبتسامه غريبه....... شكله سمع كلامي

علياء:شموخ....طلال الجاسم
شموخ تبي ترقع :طلال الجاسم ....طيب بااااااي

دخلت الصنصير وراكان ماتحرك والأبتسامه ماتغيرت

((راكان))


من جدي حبيتها؟؟؟ ليش تجمدت من كلمتها؟؟؟ وليه ما صديت وطلعت؟؟؟ صدق من قال

&كنت ابسلى وابتسم والتفت عنها شمال&

&لا قويت الصد عنها ولا قلبي قوى&

&ما هقيت ان الهوى عذب قلوب الرجال&

وقفت الصنصير قبل لا يسكر وطلعت أبي أطلع من المكان اللي فيه ما أستحمل أناظر فيها وهي تكرهني ياليتني مادريت وظليت على أوهامي

ضربت على قلبي بقوه وأنا أردد بداخلي **غلاك ياشموخ عذب قلب راكان**

في هذي اللحظه محتاج طلال...........................

طلال:سلااااااااااام أبو جاسم

رفعت عيني طلال؟؟؟لا ..لا يمكن أتخيل؟؟ من جد هو هينا ضميته وسلمت عليه

راكان: شخبار الوالدة والعنود شخبارك؟؟؟؟
طلال:كلهم تمام ويسلمون عليك أنت كيفك؟؟
راكان:تمام ...تمام
طلال:راشد يسلم عليك
راكان: الله يسلمه أمش خلينا نصعد فوق

((علياء))

رحت للصنصير وقبل لا يسكر حط واحد يده ودخل هو وأخوه
......راكان عرفني

راكان :هلا علياء كيفك؟؟؟
علياء:تمام كيفك أنت؟؟
طلال:علياء؟؟؟؟؟؟؟أسمك علياء؟؟

أبتسمت على شكله باين مايعرف أسمي بس شكلي

علياء:أيه علياء الجاسر
طلال:لحظه..... لحظه..... بنت الجاسر جيرانا اللي بالسعوديه؟؟؟؟
علياء:أيه بنت الجاسر تبي أسم أمي وأبوي بعد؟؟
طلال:هلا والله تشرفنا
راكان:المهم طلال كيف العنود شلون خلتك تجي؟
طلال:أنا برجع بعد ثلاث أيام وبجيك أنا وهي الأسبوع الجاي

أنفتح الصنصير وعلياء راحت ركض للشقه وفتحت الباب

علياء:بـــــنااااااات
شموخ فزت من مكانها :بسم الله
جود:شفيك خرعتينا
علياء:العنود بتجي بريطانيا الأسبوع الجاي

((شقة راكان))

راكان:من علمك الفندق والشقه؟؟؟؟
طلال:سلطان وهو باطريق بيجي
سلطان فتح الباب:سلااااااام طلووووول من زمان يا أخوي عنك
طلال ضمه:حتى أنا والله فقدتكم بس خلاص كم شهر وتجون السعوديه

((عند البنات))

بعد السوالف والضحك

جود:بنات معي ؟؟؟؟
علياء:شنو؟؟
جود:بكيت سجاير شرايكم ندخن بس وحده نجرب
علياء:ماعندي مانع
شموخ:وأنا معكم
جود حطتها بفمها وشربت وحده وبعدها علياء
علياء:والله وناسه
شموخ شربت: كح كح كح <طفتها بالطفايه>وجع
علياء:ليه طفيتيها أبي
شموخ:لا ..لا ..لا تموتون علي أتكفل فيكم يلا بس

جلسوا واستانسوا وسولفوا وشموخ قالت لهم عن سالفة راكان وعلياء قالت لهم عن طلال وقامت تقلده لما درى أن أسمها علياء

علياء تقلد طلال:علياء؟؟؟؟ أسمك علياء؟؟عاد أنا قلت أيه علياء الجاسر قال لحظه جيرانا اللي بالسعوديه ههههههههههههه
جود:ههههههههه باين عليه مفهي ودلخ
شموخ:ههههههههه حرام عليك بس شكلك ضابطه الدور
علياء:ههههههههههههه بس من جد لو أني صورته بالجوال
الكل:ههههههههههههه

طولوا سوالف وماحسوا بالوقت

شموخ:يلا بااااي
علياء:بااااااي جود
جود:بااااااي

((جود))

راحوا البنات وأنا كنت واقفه على باب الشقه أنفتح باب أخر شقه وطلع منها المغرور أنتبه لي وجاء يمشي لعندي

((سلطان))

شفتها وحبيت أهبل فيها شوي رحت لها

سلطان:سلاااام يالخسرانه
جود:سلام يالمغرور
سلطان أبتسم :سلطان
جود:أيش؟؟؟
سلطان:أسمي سلطان
جود:المغرور أحلى
سلطان:أنا عندي سؤالين وبس
جود:أسأل؟؟
سلطان:شنو أسمك؟؟؟
جود:جود ....... جود الكايد
سلطان:تشرفنا يابنت الكايد ...... طيب ليه كل هذي الحركات؟؟
جود:أنت مغرور و أبي أكسر غرورك بس
سلطان:أنا مو مغرور ..... باي يا جود
جود:بااااااااي <وصرخت بصوت عالي عشان يسمعها>يالمغرور

راح سلطان وعلى وجهه أكبر أبتسامه لما سمعها

((جود))

أسمراني وعيونه وساع وناعسه وجسم وعضلات وطويل وسكسوكه سوده رجال كامل ما شاء الله بس مدري شراح أستفيد من اللي أسويه بس أنا بديت وراح أكمل <تثاوبت>برووووح أنام..دخلت غرفتها ونامت

((يـــــــوم جــــــديـــــد))

((في الصباح الشرقيه))

((بندر))

طلعت من الحمام بعد شاور دافي لبست ثوب أبيض وسكرت أزاريره وأنا أقول بقلبي عقبالك ياحيات تسكرينه أبتسمت على تفكيري ورحت للمرايه أمشط شعري لبست الطاقيه والشماغ ولبست النظاره السوده وحطيت الجوال والمفتاح وطلعت وأنا حاط في بالي أخذ أجازه وأروح الرياض أخطب بنت خالتي صحيح أرفضتني مره بس أنا لا مستحيل وماراح تروح لغيري.....

((بـــــريـــــطــــانــــيا))

((الــــــصـــباح))

شموخ:علياء الساعه 8 ترا طالعه السوبر ماركت وجايه
علياء بكسل :يووووووووووه وربي أنك قلق ياختي فكيني
شموخ:أقول نامي... نامي......أحسن

((شموخ))
طلعت وأنا لابسه جنز جكيت طويل دافي وكبوس على راسي لأنو برد
طالعه مشي للسبر ماركت لأنه قريب حطيت الأيبود وأنا أسمع أغنية

<أغلى الناس>
غنيت مع الأغنية بكل أحساس وأنا أفكر براكان لازم أعتذر غمضت عيوني وأنا أغني
<قلي يا أغلى الناس يا حساس منهو غيرك لو زعل لا باس بوست راس وأرضي خاطرك>

غنى أحد معي أسمع الصوت أحس فيه فتحت عيني وأنا أشوف راكان بصوته العذب نزلت سماعه وحد وخليت وحده

<ياحبيب الروح مالي روح تقوى تهجرك والعتب مسموح من مجروح دايم وفاء>

أنا<قول يا زعلان ياولهان فضفض لي بعد وش جرى وش كان من أنسان حبك للأبد>

هو<حسيت مشتاق من الأشواق قلبه مابرد كل مايشتاق يلقى فراق مايلقى أحد>

أنا<أوعدك ما أنساك وأبقى وياك لو طال العمر أعشقك وأهواك ما أجفاك في عسر ويسر>

هو قال ومركز على عيوني<وانا يا أحلى عيون بك مجنون ما أقوى الهجر مستحيل أكون مهما يكون مع غيرك بشر>

نزلت السماعه:أسفه ...أسفه وربي ما أقصد بس يمكن ما عرفتك على حقيقتك
راكان:مسموحه.... مسموحه يا شموخ ولو بنت الغالي
شموخ وهي تعض على شفتها :تدري ..؟ أعزمك على الفطور
راكان:لا بس طالع أتغرض مادام أخوي موجود
شموخ:لا أنا عنيده لا تحاول
راكان:أعرفك
شموخ:هاه موافق
راكان:وليه أردك

توجهوا لمطعم قريب جلسوا على طاوله مقابلين بعض اللي يمرهم يفكرهم بشهر العسل

شموخ:أيش حاب تطلب؟؟؟
راكان:على ذوق البرنسيسه
شموخ أستحت:أخجلتني بصراحه ماتعودت كذا بس لا جد أيش حاب تاكل؟؟؟
راكان:قلتلك على ذوقك
شموخ:راح تندم
راكان:أنا مصر على ذوقك
شموخ:والله وطلعت أعند مني
قامت شموخ تطلب وبس تبي تهرب من نظراته
راكان:تكرهني ...لا تحبني ..بس ليه أصرت على العزيمه؟؟
شموخ:تحاكي نفسك ولا تفكر بصوت عالي؟؟؟
راكان قال وهو مو منتبه لعمره:تصدقين أفكر فيك
شموخ:فيني؟؟؟؟
راكان:هآآآآه لا يعني أفكر ليه ماجيتي السعوديه ألا مره؟؟؟
شموخ:ماكنت أعرف أحد
راكان:مو أجتماعيه صح
شموخ:أيش عرفك؟؟؟
راكان:قلتلك أعرفك
شموخ :جاء الفطور

أكلوا شوي وسولفوا

شموخ:مشكور على الدويتو اللي قبل شوي
راكان:هههههههه لا عادي بس لي مزاج أغني

رن تليفونهم مع بعض
شموخ:علياء؟؟؟؟؟
راكان:طلال؟؟؟؟؟
شموخ:هلا علياء......مع راكان......أفطر معه ......هااااه جايه ....طيب خلصنا ......طيب طيب تعالي
راكان:هلا طلال.........ليه.....مع شموخ أفطر.........تجي شتبي......طيب خلاص تعال

سكروا وسكتوا شوي......

شموخ:ههههههههههههه
راكان:ههههههههههههههه
شموخ:مهبل والله من جد قبل شوي أقومها تعالي معي تقول أبي أنام
راكان:حتى طلال........عليهم حركات.......

أنتهاء البارت7