عنوان الموضوع : **دره** قصيدة خليجي
مقدم من طرف منتديات الضمير العربي
تركز غيم شعري في مقره
ورحت أنقاه درة بعد درة
وأسوي لي قلايد من قصايد
تزين صدر نجمات المجرة
أنا فالي السمينات الجزايل
يبوت مثل طير الجو حرة
ترقيني على روس النوايف
وتبرد شي وسط القلب حره
تعبت أرقبك يا سهيل اليماني
تجي والسيل في طلعك تجره
ثلاث سنين يتجدد صوابي
عنا يشتد بي في كل كرة
ولا لي من جميع الخلق فازع
وصاب الصبر من صبري مضرة
الأ يا تل قلبي وا عذابه
الأ يا تل قلبي ألف مرة
شربت الدرب من كاس العناوي
ولا أسقاني سوى ملحه ومره
وكن السبع فوق السبع تطبق
ولا ألقى للنفس معشار ذرة
سمعت ان الشعر للبال سلوة
كتبته قلت أبي منه المسرة
خذيت الشعر ثالث والديني
وصرت أغليه وأطيعه وابره
تفجر في خفوقي بحر شعري
غرقت بموج قلب باح سره
كتبت الشعر لاجل ادرى همومي
وألاقيها عليه مستمرة
لقيت البعض يكذب لاجل يكتب
عليه الشعر ينقد ويتشره
وأنا لا من طرى لي زول خلي
ألبي له وأصيح الجيب طره
بنيت بوسط صدري له مداين
وصدره لي مباني مستقرة
أحب الحب من حبه وقربه
وأحب جنونه وخيره وشره
ترا عذري معي لو طال مدحي
في من له بحر خفاقي وبره
تصبر يافوادي في همومك
ولو ما جا الفرج ارج وتحره
لو ان الوقت حدك عن خليلك
بيبقى قلب قلبك مستقره
وألا يالخاطر اللي ضاق بالك
تشوف طاري الفرحة وطره
وهاك الشعر وارقع به جروحك
و درة دمك امسحها بدرة
م ن ق و ل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
مشكوووووووووووووووووووووره ريما مررررره حلو
__________________________________________________ __________
>>>> الرد الثالث :
يسلموووووو الاء يعطيك العافيه ومرورك الاروع
دلوعة بابا العفو ومرورك الاحلى يعطيك الف عافيه
__________________________________________________ __________
>>>> الرد الرابع :
يعطيك الف عافية اختي ريما على هالنقل الرائع
__________________________________________________ __________
>>>> الرد الخامس :
صح لسان الشاعر
يسلمووو على الطرح
الله يعطيج الف عافية
تحيتي لكم
