مكياج منو احسن شي؟؟ لشعر جذاب

عنوان الموضوع : مكياج منو احسن شي؟؟ لشعر جذاب
مقدم من طرف منتديات الضمير العربي

السلام عليكم ورحمة الله وبركاته

بنات انا ف حاجة ماشة لمشورتكم ؟؟

طبعا بعد انتظار طويل وتعذيب نفسي كبير ما حصلت وحده من اللي اباهم يمكيجوني يوم عرسي

ف اللحين اللي حصلتهم واللي احتمال كبير اتمكيج عندهم

ندى .. كانت تشتغل ف مورا

أو

جوزيت .. بعد تشتغل ف مورا بس ما ادري اذا ظهرت ولا بعدها

أو

تالين .. كانت تشتغل ف مورا بس مب مشهوره وايد اللي يعرف عنها يقولي


اللحين ابا رايكم وتعليقكم ع كل وحده قبل ما اكد الحجز منو احسن وحده فيهم وشو رايكم ف شغلهم؟؟

....

بعد بغيت اخبركم انا من يومين حجزت حق حنتي عند ايمان الزرعوني
وبصراحه انا ما قد شفت ميكبها ع الطبيعه والصور اللي راوتني اياها ما دشت مخي لهناك
بس اللي سمعته من امي وأختي لانهم هم اللي خبروني عنها وشافوا ميكبها ع الطبيعه واللي قريته عندها في النت انه وااايد حلوو
توكلت على الله ودفعت العربون واكدت حجزي عندها
وبنت عمي بعد حجزت عندها حق ملجتها عقب اسبوعين
واللحين بنات عمي وخواتي يفكرون يحجزون عندها حق عرسي الصراحه ما ادري؟؟

صج اتمنى من قلبي ميكبها يطلع حلو مثل ما سمعنا ولا بنت عمي بتحط بلاها علي لووول

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يوفقج
انا ما شفت شغل الي ذكرتيهم غير جوزيت بس للامانه ما دش مزاجي عادي
وعن نفسي شخصيا تمكيجت لعرسي عند خلود التميمي ميكبها حلو ومن بعدي حجزوا عندها وايد من الاهل

__________________________________________________ __________

>>>> الرد الثاني :

حبيبتي

لازم كل عروس تخصص مبلغ للبروفات

والبروفا على 500 درهم

سوي بروفات بالمبلغ الي خصصتيه واختاري الي شفتي شغلهم بعيييينج

لا تحكمين من ميك اب السهره حتى لو ماعيبج

لان ميك اب العروس يختلف
ولما تروحين عند الماكييره لا تخلينها تبدا لين تخبرينها كيف تحبين اي استايل وشوفي شغلها بالاستايل هذا كيف بيكون
وبعدها احكمي عليها اذا كان حلو شغلها او لا

ولازم كل بنت تبحث بين فتره وفتره عن اخر الاستايلات النازله وتكون عندها فكره

ماتقول للماكييره سويلي مثل ما تبين .. لا

وانا انصحج تسوين بروفات عند كل الي ذكرتيهن او تختارين اكثر ثنتين تحسين ان شغلهم دخل خاطرج

وان شاء الله تكونين مرتاحه ومطمئنه من هالناحيه https://4arab.xplainer.net/images/smilies/smile.png

__________________________________________________ __________

>>>> الرد الثالث :

اب اب

__________________________________________________ __________

>>>> الرد الرابع :

موفقة ان شاء الله

__________________________________________________ __________

>>>> الرد الخامس :

ليش جيه محتاره أتوكلي عالله عند أي وحده منهم كلهم شغلهم حلو ومظمون