ماتت ايام التلاقي ماتت ايام الوصال ! قصيدة خليجي
عنوان الموضوع : ماتت ايام التلاقي ماتت ايام الوصال ! قصيدة خليجي
مقدم من طرف منتديات الضمير العربي
بعدما كنت انتظر جية حبيبي واحتريه
وبعدما كنت آتلهف ع الملاقى والوصال
وبعدما كنت انتظر حطة يديني في يديه !
واسأله كيفك حبيبي وكيف من دوني الليال .؟؟
ضاعت احلامي بلحظه وضاع كل اللي أبيه
وأنطفت شمعة حياتي ..صارت الفرحه محال
قصتي قصة خيانه ابتدت منه وفيه
أحسبه عذره غيابه أثري الخفاق مال
الغياب انه يخون وش بعد منه ارتجيه
مالي غير ابعد واسافر واترك لغيري مجال
مارحلت الا وقصدي لايجيني ولاأجيه
لايحاول يعتذر لي عن سبب مابه جدال
ياحسافه حب قلبي وكل نبضاته عليه
ياحسافه كل لحظه معه واقع أو خيال
باعني بارخص ثمن .. وآنا بالغالي اشتريه
وهذا انا بعته لغيري والحزن اكبر مثال
صاحبي خان المحبه كيف يهملها ؟ وليه؟
الصحيح الكل ناقص دام لله الكمال
لاينادي لو لمحني لاينادي ماأبيه
بشتري راحة حياتي واحتمي تحت الظلال
ياجروحي بعد صده عن حياتي إسأليه!
كيف يقدر ع الخيانه ؟ هذا هو كل السؤال
ياجروحي بعد صده عن حياتي علميه
لايفكر لك يداوي مهما وضح لك وقال
لو ندم واعلن رجوعه ياجروحي ذكريه..!!
ماتت ايام التلاقي وماتت ايام الوصال..
هذا انا أقفيت عنه وصلوا قولي اليه...
لايفكر لو ينادي برفع كفوفي تعال
الحكايه ماهي قصة صاحب" كنت احتريه ؟!
الحكايه ( قلب صاحب ) أعطى لغيري مجال..!!
قلمي الخاص ..
الحايليه
أتمنى أن تنال ولو بقدر ضئيل على إعجابكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قصتي قصة خيانه ابتدت منه وفيه
أحسبه عذره غيابه أثري الخفاق مال
الغياب انه يخون وش بعد منه ارتجيه
مالي غير ابعد واسافر واترك لغيري مجال
.
الروح البريئه
احييك معنا واتمنى ان تمتعينا بنبضك الراقي
هنا قرات ماابهرني
لله درك من شاعره جزله
والف هلا بك
اورنس
__________________________________________________ __________
>>>> الرد الثاني :
ياجروحي بعد صده عن حياتي إسأليه!
كيف يقدر ع الخيانه ؟ هذا هو كل السؤال
نالت الاعجاب ...
وصح لسانك وسلمت يداك ..
الله يعطيك العافيه ,,.
__________________________________________________ __________
>>>> الرد الثالث :
الروح البريئه
قصيدة رائعه
سلم فكرك ودام ابداعك
بانتظار فيض بوحك
سعدنا بتواجدك معنا
مودتي
__________________________________________________ __________
>>>> الرد الرابع :
المشاركة الأصلية كتبت بواسطة هذا انا أقفيت عنه وصلوا قولي اليه...
لايفكر لو ينادي برفع كفوفي تعال
الحكايه ماهي قصة صاحب كنت احتريه ؟!
الحكايه ( قلب صاحب ) أعطى لغيري مجال..!!
صح لسسسسآنك يالحآيليه وسلم بنآنك
ان أشهد أنك شاعره جزله
فديت روحك لاتحرمينا جديد أبدآعك
كلنآ فخر بانضمامك معنآ وحيآك الله
عفآك
__________________________________________________ __________
>>>> الرد الخامس :
مشكوره على الشعر روعه يسلو على الشعر
تحياتي .. كول
