ربيعتي تطلقت مرتين وخايفة المرة الثالثة تطلق! لسعادتك

عنوان الموضوع : ربيعتي تطلقت مرتين وخايفة المرة الثالثة تطلق! لسعادتك
مقدم من طرف منتديات الضمير العربي

السلام عليكم ورحمة الله وبركاته،،، خواتي عندي ربيعة مواطنة جامعية ومثقفة وجميلة جمال وجسم وشعر وكشيخة ما شاءالله الله يحفظها من كل عين،بس مشكلتها انها كانت مالجة على واحد مب من اهلها بس صارت مشاكل عسبة خواته يدخلن وسمعت عنه وايد كلام انه يسكر وكانت شخصيته ضعيفه،وكان دوم يقولها طلعي معاي للفندق ودووووود يحاول وياها انه يدخل عليها في فترة الملجة،وووووإالخ المهم انفصلت عنه قبل العرس، وقعدت كمن شهر وعقب ملجت على واحد اكبر عنها بوووايد عمره تقريبا حدود الخمس واربعين بس كان غير مواطن ومب موظف بس لكنه مثقف ومخلص الماجستير، بس عقب ما ملج عليها قالها لازم تتوظفين عشان المصلحة العامة ومصلحتج ومصلحة بيتج وعيالج!!!!! وكان بعد دووووم يقولها خليني نطلع للفندق،وكان دوم يخبرها عن علاقاته مع البنات قبل ،وكان يقولها يوم بنعرس عرسنا بيكون بسيط جدا،وبيتنا ما بنأثثه كله بس بنييب الأساسيات، وماباج دوم تقوليلي ابا اروح الصالون وابا
اشتري فساتين وابا السوق وابا وابا !!! يعني كان بخييييييييييل جدا ، المهم وااايد عيوب فيه ،المهم كانت مشكلتهم العوده انه يباها تتوظف والوظيفة شرط لإستمرار الزواج !!!وفي النهاية خلعته!بعد ماخلعته بشهر تقدملها واحد من عمرها وجامعي مهندس وراتبه عود وصلاته بالمسجد،وعارف عن زواجاتها الي قبل وراضي فيها! الحين هي خايفة توافق ويتكرر الي صار وياها قبل،ثانيا والهم خايفة من ناحية انه ماعنده الجواز،بس هي على قناعة تقول الراحة النفسية وراحة البال وانه يكون ريال والنعم فيه وقد المسؤولية وووو اهم من الجواز بالنسبه لها!!! قالت شو الفايدة آخذ واحد مواطن ووظيفته زينة بس ما يكون زين وفيه بلاوي الدنيا!!! قالت الأول خذته كان مواطن ووظيفته وايد زينة بس لا شخصية ولا اخلاق ولا صلاة ووووإلخ! الحين نبا شوركن جزاكن الله خير هل توافق عالمعرس اليديد؟ ولا لأ؟ عمرها ألحين داشه ال 32وخايفه ترفض هذا ويطوفها العمر وعقب اييها واحد معرس ولا مطلق بعياله!!! ربي يحفظكن واتريا ردودكن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تستخير ربها وتفوووض امرها لله

وبعد لازم جوواز اهم شي الجواز يعني هوو بدون جواز؟؟؟؟؟؟؟؟ كيييف بيأخذها وماعنده جواز وان وافقت
افضل ماطول المكالمات من بينهم والله يووووفقها

__________________________________________________ __________

>>>> الرد الثاني :

الله يعووضها يارب وتعيش بسعاده وراااحه يارب ..

__________________________________________________ __________

>>>> الرد الثالث :

تصلى صلاة الاستخاره وتتكل على الله وتوافق الجواز مب مشكله هي عندها جواز وهذا بيسر كل مورها الحمدالله بلدنا بلد خير ونعمه ابناء المواطنات عايشين واكنهم مواطنين لاتخاف انا اعرف مواطنات وتزوجات غير مواطنين والله انهن مرتاحات والدولله موفرتلهم كل شى لا تتردد وخليها توافق مادام الريال مافيه عيب ليش ترفضه هو صعب على الوحده مرت بتجربه فاشله اكيد بتكون متردده بس ان شالله الله بيسر امورها وبيوفقها انا حاسه فيها لانى مريت بنفس تجربتها

__________________________________________________ __________

>>>> الرد الرابع :

اهم شي والله الاستخاره ........................


وثانيا انا اجوف دام فيها مواصفات مطلوبه خلها ترفض ها راىيي لانها بتتعذب وايد انها تجوف عيالها مب مواطنين صدق شي يقهرها بيكون حرام وان شاء الله الله بيكتب لهاا نصيبها بسسسسسسسسسسسسسسسسسسسسسسسسسسسس اهم شي الاستخارررررررررررررره وبس

__________________________________________________ __________

>>>> الرد الخامس :

بدون جواز وليش تلعوز عمرها وعيالها
خلها تسال الناس اللي بلا جواز كيف عايشين