خريجات الكلية الجامعية للام والعلوم الاسرية التعليم العالي
عنوان الموضوع : خريجات الكلية الجامعية للام والعلوم الاسرية التعليم العالي
مقدم من طرف منتديات الضمير العربي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
معقووله ولا وحده تعرف ؟؟؟
__________________________________________________ __________
>>>> الرد الثاني :
انابخبركن عن الجامعة بما اني درست منها هالسنة والحمدلله بكمل ماستر في جامعة الشارجة
الجامعة
وربيعاتي يدرسون عندهم عندهم تخصص بكالوريس امومة وعلوم اسرية ومعترف فيه اكاديميا ومعترف من التعليم العالي بالدولة تقدرون تتاكدون من بالاتصال بالتعليم العالي
الحمدلله استفدت يعطون فن التجميل ساعات معتمدة يعطونا فنون الطبخ يعطونا التصميم الداخلي للمنزل اممممم الادارة المنزلية والتدبير تقنيات الخياطة ترومين تفصلون جلابيات واتبيعوون ههههه لوووول
فقه الزواج وفرق الطلاق وفقه الاسره تعرفين حقوقج الشرعية وحقوق زوجج وعيالج والله
حقوق الانسان وحقوق المرأة والتشريعات في الشرع والقانون وحقوق الاباء والابناء
تربية الطفل وادب الاطفال والرباضة المنزلية والرعايا الصحية الصحة والانجاب وكل الامور الحياتية الدينية والدنيوية
الجامعة ناجحة 100في 100 اطلع امهات واعيات
وايد مساقات خذنا بس والله استفدنا
طبعا عقب ترومين تكونين مديرة حضانة معلمة رياض الاطفال مرشدة اسرية في الحاكم دار رعاية المسنين
وايد الي يداومن ويدرسن الدوام من الصبح8لين 7المساء صباحي ومسائي
الرسوم معقولة اررخص من جامعة عيمان والشارقة
عندهم نادي صحي متكامل حوض وجيم وايروبك ومدربات
شي حضانة وروضة 2و1 لاطفالكم تحطين عيالج وانتي مطمنة ويكونون حوللج
اي شي تبين ترانا في الشوفة تفضلي
__________________________________________________ __________
>>>> الرد الثالث :
الدراسة مثل باقي الجامعات انا كنت ادرس في جامعة الشارجة نفس النظام ساعات معتمدة ويحاسبون عالغياب وعلى عدم حضور
الغياب والحضور
__________________________________________________ __________
>>>> الرد الرابع :
يزاج الله خير يا ( ام رشووودي )
ريحتيني ربي يريحج ان شاء الله
ان شاء الله اذا ربج راد بتوكل على الله و بدخلها هالسنه
بس عندي سؤال
سمعت انه اغلب اللي ف الجامعه حريم كبار ؟؟ وما بحصل بنات صغار
هالشي مخوفني ..!!
__________________________________________________ __________
>>>> الرد الخامس :
لا والله منو قال شي بنات صغار وخريجات ثانوية
شي متزوجات وشي عازبات
شي كبار وشي صغار نفس باجي الجامعات
منو قالج انه كله حريم كبار
