جدول الميزانية الشهري اعمال منزلية
عنوان الموضوع : جدول الميزانية الشهري اعمال منزلية
مقدم من طرف منتديات الضمير العربي
السلام عليكم ورحمة الله وبركاته
اخواتي العزيزات
اتمنى ان نكون اسره واحده ونقوم بترتيب ميزانية حق البيت
ولي عندها افكار حلوه وتعرف الاسعار انسوي جدول المصروفات
عشان انرتب حياتنا بشكل مرتب ولا يكون فيه اي شي من التقصير من ناحية معاشات العمال
و الاكل للمطبخ والبيت و الخخخخخخخخخخخخخ
و المهم كل محده منى اتسوي جدول ونعتمد واحد نمشي علية
مثال
كم كرتون دجاج في الشهر كم كرتون دهن وكم خيشة عيش و طحين ووووووووووووووووووو
نبغى انسوي بالكمية و السعر واما الرواتب للعمال و الخدامات هذا على حسب المتوفر عند كل وحده منى
انا اريد ارتب لانه مافي ترتيب في البيت الكل يصرف ومافي نتيجه والكل يقول انا ادفع
بس؟؟؟؟؟؟؟؟؟؟؟؟؟؟ ماشي ترتيب وكل واحد يقول مالي خص
اكيد اكثر الحريم عندهن نفس المشكله ولي مسوية جمعية حق الصرف في بيتها اتخبرني واكون ممنونه
شو رايكم انسوي اكبر تجمع لترتيب صرفية البيت وان شاء الله انسوي شي نفتخر فية
https://4arab.xplainer.net/images/smilies/kafara.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
اسمعي يا اختي اول شي لازم تحددون مبلغ كل حد في البيت يدفعه للمشاركه في الميزانيه مثلا 3000
وفي يوم محدد من كل شهر تجمعون المبلغ واطلعون منه رواتب العمال وتدفعون منه فاتوره الكهرباء والماي
المبلغ الي باقي تتصرفون فيه في احتياجات البيت
وانا ما اعرف عدد افراد البيت الي انتي عايشه فيه لكن تقدرين او شهر تصرفين وتخلين كل الفواتير عندج
واخر الشهر تحسبين كم صرفتي لكل شي وكم كانت احتياجاتج من عيش ودهن ودياي وغيررره
لكن اهم شي انج تشترين بالجمله لان المفرق يكون سعره اكثر
اذا انتي في بوظبي روحي مثلا جمعيه ابوظبي التعاونيه فرع المينا هناك في قسم لبيع بالجمله
ومره وحده وانتي فالمينا خذي خضره البيت وحق مده تكفي لاسبوع مثلا
واكتبي كل شي وكم استهلكتي منه وكم مره احتجتي تروحين الجمعيه عشان تشترين
وانتي بنفسج بتعرفين اذا الميزانيه تكفيكم او لا
ولا تنسين تحطين مبلغ ع صرف للطوارئ مثلا عزيمه فجأة او الحين ياي رمضان فالصرف يكون
اكثر عن باقي الشهور لان كل حد يطرش للثاني
والله يوفقج
__________________________________________________ __________
>>>> الرد الثالث :
الغالية
المشكله انه يكون في الشهر اكثر من 15000 الف في الشهر واثنينه بس في البيت يصرفون
الرواتب بس 4800 درهم و الباقي عند الدكان مايقل عن 7000 الاف درهم احنا بيتنا مشاء الله ممزور عرب وعمال
اريد احدد دخل يكفينا و عندنا 6 اشخاص يشتغلون و2 بس يصرفون على البت كله و الحين بدخل مع ريليه و بنغدي 3
اشخاص اريد احط عشر الاف بس كمصروف شهري بس
__________________________________________________ __________
>>>> الرد الرابع :
__________________________________________________ __________
>>>> الرد الخامس :
حبيبتي جوفي بخبرج، رغم ان ما عندي خبره في سوالف الميزانية لاني ما اصرف ع البيت ولا عندي عايلة وتوني معرسه من جريب بس بقولج عن المنطق
مصروف البيت يعتمد على عدد الاشخاص في البيت.
مثل ما قالت الاخت كل واحد يشتغل يحط مبلغ مب شرط 3 الاف .. حتى لو 4 الالف بس اهم شي يكفي البيت ويزيد ولا ينقص
عاد هذا انتوا تحددونه مب نحن
وتنقسم الميزانية لـ
اغراض الجمعية وداخل من بينهم اللحوم والخضرة والفواكه
راتب العمال
الكهربا واغراض اخرى
والطوارئ اهم شي (يعني مثلا شي اخترب في البيت فجأه ولا شي استوا لا سمح الله)
وان شاء الله افدتج بشي بسيط
