روكوتين لازالة حب الشباب نهائيا هنا الحل
عنوان الموضوع : روكوتين لازالة حب الشباب نهائيا هنا الحل
مقدم من طرف منتديات الضمير العربي
السلام عليكم والرحمه بنات
عساكن بصحه وسلامه!!!!!
انا حبيت اخبركن عن تجربتي ويا حبوب الروكوتين
قبل 5 شهور ما ادري شو صار فويهي
لبق حب شباب وكان يعووووووووووورني لدرجة ان اي نسمة هوا خفيفه تنغز وتعور
المهم ما خليت صابون ما استعملته,وما خليت شي ما سويته,لين اخر شي طلع شي غريب فويهي لدرجة ان الاطباء ما عرفوا شوها..حد قال جدري,وحد قال اكزيما,وحد تحراني محترقه,المهم ,كان كتله على خدي الايمن كبيره,قالولي غطيها وعطوني اجازه عن السكووووووول اسبوع,,,,,,,,,يا سلام ستانست هاييكي الحزه.
المهم جان يوصفلي الدكتور حبوب اسمه روركوتين,انا كنت اسمع عنه قبل,بس كنت اقول ما بجربه الا لو استوى عمري 20 سنه,بس ها المره اضطريت,,,,والحمدلله يوم خذيته
المهم استعملته اول شهر,النتيجه كانت ولا ارووووووووووووووووووووووووع تجنن وتاخذ العقل حتى البنات سألوني انتي شو محطيه فويهج
المهم بشره صافيه,,,ماشاءالله ماشاءالله وحلووووووووووووووووه
بس تجفف كل شي فيج,الشعر,الشفايف,البشره نفسها,وكل شي
تحذير هام جدا جدا جدا:يمنع استعمال الحوامل لانه يؤدي الى تشويه الجنين.
وانصحكم تقرون الارشادات قبل لا تستعملونه
ودائما شلي وياج كريم مرطب للجسم,ومرطب للشفايف,وقطرة عين,لانه ينشف العين بعد
واشربي ماي بكثره,لانج لو تخليتي عن الماي بتتلعوزين ويا الكليه
الحمدلله الحين ما باقيلي غير شهر واحد واخلص علاج
الحمدلله
فـ الي تعاني من حب الشباب وتبا تتخلص منه ما عليها غير بحبوب روكوتين
اتمنى الكل يستفيد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
انا مستمره عليها وان شاءالله احصل نتايج حلوه
__________________________________________________ __________
>>>> الرد الثالث :
تسلمن خواتي ع مروركن الكريم ربي لا حرمني منكن
وصدقيني النتيجه تخبل يا الحب الاول
بس يوم بتخلصين علاج اطلبي من الدكتور يعطيج خلطه تشل اثار الحبوب وتفتح البشره لانها تسمر ويا الروكوتين
وشكرا
__________________________________________________ __________
>>>> الرد الرابع :
مشكوره يالغاليه عالنصيحه لأني اختي تعاني من هالمشكله وان شاء الله خير وربي يوفقج دوووم
__________________________________________________ __________
>>>> الرد الخامس :
مشكوره يالغلا بس انا استخدم الوصفات الطبيعيه لا جفاف ولا سامر ونتائج حلوه
تسلمين غناتى ع نقل تجربتج لنا
