بنــآت كلية التقنــية . . بليــز مسآعدتكم التعليم العالي

عنوان الموضوع : بنــآت كلية التقنــية . . بليــز مسآعدتكم التعليم العالي
مقدم من طرف منتديات الضمير العربي

السلآم عليـكم

شحآلكم بنآت

آمم بنـآت بغيت آستفسر عن كلية التقنية العليـآ . .

الحيـن مثلن انـآ دخلتهآ و انا مب آوكيه في الانجليزي

لآزم طبعن اخذ انجلش ماث حاسوب عربي ! هذآ كلله سنتيين

صح ولآ انا غلطآنه

و يوم ابا اخذ متطلبات الجآمعة و التخصص و بآخذ بكآليريوس كل هاه كم سنـه !!

شوفو هالكلام نقلته من موقع كلية التقنية

الدبلوم
يركز برنامج الدبلوم على المهارات الوظيفية المحددة التي تؤهل الخريج للعمل بمستوى فني. وتكون مدة الدراسة سنتان، وذلك بعد إتمام السنة التحضيرية لبرنامج الدبلوم.

الدبلوم العالي
يتميز هذا البرنامج بدمج الدراسة النظرية و التطبيقات العملية بما يؤهل الخريج للعمل بمستوى تقني. و تكون مدة الدراسة ثلاث سنوات، وذلك بعد إتمام السنة التحضيرية لبرنامج الدبلوم العالي.

الدبلوم العالي/البكالوريوس في العلوم التطبيقية
تكون مدة الدراسة في برنامج الدبلوم العالي/البكالوريوس في العلوم التطبيقية أربع سنوات يحصل الدارس بنهايتها على درجة البكالوريوس، كما يتاح له الخيار للحصول على الدبلوم العالي بعد إتمام ثلاث سنوات من الدراسة.

درجة البكالوريوس
تكون مدة الدراسة في برنامج البكالوريوس سنة واحدة على الأقل، وذلك بعد إتمام برنامج الدبلوم العالي (أو ما يعادله)، أو أربع سنوات بعد إتمام السنة التحضيرية لبرنامج الدبلوم العالي. ويعتمد ذلك على الدرجة المختارة. ويتميز هذا البرنامج بتكامل الأبعاد النظرية والتفكير الناقد وتطبيقات صنع القرار.



الحين بنآت الدبلوم سنتيين !

اما الدبلوم العآلي كم سنه 3 ولآ ؟ مآستوعبت

--

الدبلوم العالي/البكالوريوس في العلوم التطبيقية > كم سنه
و البكآليريوس كم سنه


و شو الفرق بين هاذيلآآ الأربع ..



و بنآت الكلية ابـآ اشوف الخطة الدرآسية لـ تخصص الموآرد البشريه " ادارة اعمآل "


و يآليت تفيدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبتي الغالية
انا خريجة كلية دبي /التقنية
اول سنة .. كانت فاونديشن لتأسيس الانجليزي قبل كل شي .. والانجليزي مكثف جدا وبتلاحظين فرق كبير عقب .. المهم مدته سنة .. والسنة الثانية .. تاخذين بزنسن و آيتي .. (في حال انتي تبين تدرسين شي في البزنس او ال آي تي, لانه لو اعلام او تدريس فتتخصصين من هاي السنة).. السنة الثالثة بتكون يا بزنس .. أو اي تي .. والسنة الاخيرة تخصص

يعني انا درست اول سنة فاونديشن .. ثاني سنة بزنس +آي تي.. ثالث سنة بزنس (يعني درست ماث وماركتنق وايكونومي وكللل شي له علاقة بالبزنس) .. رابع سنة والاخيرة .. خذت التخصص وهو مالية

والحين اكمل مسائي سنة ونص .. واذا صباحي ف سنة وحدة بس

اتمنى اكون افدتج حبي

__________________________________________________ __________

>>>> الرد الثاني :

حلوو

يعني انتي تخرجتي 4 سنوات بس !!

بنت عمي في الكلية و بتدخل تخصص موآرد بشرية

قآلو لهآ بكــآليريوس 6 سنين او 7 ! كيف جي وآآيد و ظلم

و يآليت تقوليلي بخصوص الفرق بين الـ 4 الي ذكرتهم فوق ؟

__________________________________________________ __________

>>>> الرد الثالث :

بالتوفيج

__________________________________________________ __________

>>>> الرد الرابع :

معقوله مآفي ولآ بنيه من الكلية ألا لندن

__________________________________________________ __________

>>>> الرد الخامس :

وعليـــكم السلام ورحمــة الله و بركاته https://4arab.xplainer.net/images/smilies/smile.png

حبيبتــــي الكوولج كالتالـــي >>> ^^

1- الفاونديــشن سنتيـــن اذا ضعيــفه فــي الانجلـــش و ممكن يقــل ع حسب مستواج و عحســب درجتج فــي السيبا ^^ ..
اذا يايبــه 180 وفوق سيــده تخصص أم إذا أقل فبتكونين لفلات ...

واذا حابه تلغيـــن الفاونديشن ... لازم تيبين شهاده الايلس أكدمك باند 5 .... ^^

2- النظام اليديد ما شي دبلوم انتهى .... بس شـــي باجلر و دبلوم عالـــي ...

والباجلر والدبلوم العالــي نفس الشي بس ان الدبلوم 3 سنوات و اذا حبيتي اتزيدين 1 سنه تاخذين الباجلر .... https://4arab.xplainer.net/images/smilies/smile.png

هذا اللي اقدر افيدج بــه لأني حاليا فاونديشا و ماعندي خلفيه هاك الزود عن التخصصات https://4arab.xplainer.net/images/smilies/smile.png ,,,

حطي استفساراتج الباقيــه فــي تجمع بنات التقنيــه و ان شاء الله بيفيدنــج ^^ ...

الله يوفقـــج ...