...عودتي من جديد مع النظام الغذائي لاخصائية التغذية ( النادرة ) ~ حيآآآآآآكم ...
عنوان الموضوع : ...عودتي من جديد مع النظام الغذائي لاخصائية التغذية ( النادرة ) ~ حيآآآآآآكم ...
مقدم من طرف منتديات الضمير العربي
السلام عليكم ورحمة وبركاته
شحااااالكن يا بنووتاات ؟؟؟
تقريباً من اسبوعين وانا اعاااااااني من ثباات الوزن تخيلن يا بنات قمت اكسرالريجيم كل يوم وما اسوي اي نوع من انواع الرياضة بس بعده وزني تم ما هوو لا زاد ولا نقص !! .... تحطمت نفسيتي تعبت ويأست -_- ....
عقبها استعنت بالاخت النادرة - يزاها الله ألف خير - وبما انها اخصائية تغذية قلت بتساعدني وبتسويلي نظام غذائي حلو .... النظام عبارة عن 10 حصص يومياً اوزعهن على كيفي وكل حصة تقريباً تكون مقدار قبضة اليد يعني مب وايد ها بالنسبة لاحتياجات جسمي يعني السالفة ما فيها حرمان ^_^
انا بديت بريجيمها من اليووووم الي هو 1/ 8 / 2017 واسمحولي خبصت شوية لاني تعودت اني اكسر واخبص بالاكل بس ماعليه كبداية سامحوني ><
قبل ما ابدا بس ابا اذكركن بوزني وطولي
طولي : 155
الوزن : 62.5
الهدف الأول : 60 ( وااااصلتك وااااااصتك بعوون الله )
الحين بكتب شو كليت .....بسم الله
اول شي على الريج شربت دبة ماي
الريوق : كليت 4 حبات سوشي بس صغاار ...وشربت عصير همبا فرش
الغدا : ما تغديت ...ماكنت مشتهية اكل بس كليت قطعتين يح
بين الغدا والعشا : شربت كوفي محلى بسكر الريجيم
العشا : شوربة خضار ( كوب صغير ) + لبن ( بعد كوب صغير ) + خبز رقاق بس قطعة صغيرونة مع مسحة جبن
التخبيصات : كليت قطعتين دونات ومكسرات وكيكة صغنطوطة لووول
الرياضة : مشيت نص ساعة وسويت تمارين بطن والحين يالسة اشرب دبة ماي
بااااجر بإذن الله ما بخبص شرات اليوم يلااااااااا يا بنات اباكن تشجعوني وتحمسوووني ... واللي ما تبا تقدر ترفع لي الموضوع ولو بدعوة حلوة ^_^
مع السلآآمة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ياهلا حبيبتي
اول يوم دايما تخبيص لانج تعودين عمرج عالدايت
وخلاص من باجر الدايت 100%
والنادره يزاها الله الف خير.. نظامها اسهل منه مافيييييييييه
تخفيف وراحه الصراحه ^^
وانا بعد امشي على نظامها ^^
وان شاااء الله توصلين لهدفج النهائي
على فكرة نفس طولي وتقريبا نفس وزني ونبغي نفس الهدف...
ها تحدي يديد بينا ^^
شدي حيلج ^.*
__________________________________________________ __________
>>>> الرد الثاني :
يسعدني اكون اول وحده اترد عليج
ربي يوفقج الغلا وتوصلين للوزن اللي تحلمين به
نظامج حلو فديتج وان شاء الله هالتخبيصات اليوم بس
وماوصيج بالرياضه الغلا وان شاء الله بكون من متابعينج ..^_^
__________________________________________________ __________
>>>> الرد الثالث :
هلا غناتي
اخبارج؟؟؟
يالغالية اولا اشكرج كل الشكر انج بديتي اتطرشيلي يومياتج
وثانيا: صح مثل ما قالوا خواتي كان عندج تخبيصات بس انا هني عسب اصلحلج...
بدايتنا بتكون من الريوق:
العصير كم كان حجمة؟؟؟ يعني تقريبا هل كان 120 مل والا اكثر؟؟؟ لانه ال120 مل ها حصة واللي اكثر تعتبر اكثر عن حصة ...
وجنه تخبيصاتج كانت واااايد؟؟؟
شوفي حاولي يالغالية انج تاخذين حبة وحده من الدونت اسبوعيا تكفيج والمكسرات بعد يعني حطي فبالج غناتي انج تاخذينهم مرة فالاسبوع
والسموحة فديتج
واي استفسار ثاني فالج طيب
__________________________________________________ __________
>>>> الرد الرابع :
https://4arab.xplainer.net/images/wo...quote_icon.png المشاركة الأصلية كتبت بواسطة lollypop.84
https://4arab.xplainer.net/images/wo...wpost-left.png
ياهلا حبيبتي
اول يوم دايما تخبيص لانج تعودين عمرج عالدايت
وخلاص من باجر الدايت 100%
والنادره يزاها الله الف خير.. نظامها اسهل منه مافيييييييييه
تخفيف وراحه الصراحه ^^
وانا بعد امشي على نظامها ^^
وان شاااء الله توصلين لهدفج النهائي
على فكرة نفس طولي وتقريبا نفس وزني ونبغي نفس الهدف...
ها تحدي يديد بينا ^^
شدي حيلج ^.*
مرحبااابج زووود
هيهو الله صدقتي نظامها ماشي احسن عنه انا جربت معظم الريجيمات واحسها شوية صعبة بس ريجيم النادرة غير ^^
اكييد بيكون شي تحدي بييناا وربي يوفقنا ونخسر كل الوزن الزاااايد وخلاص انا من باااجر ببدا بالجد بدون تخبيص شرات اول ^_^
وتسلمين على مروورج الغاالي واتمنى اشوفج منورة الموضوع دووم
__________________________________________________ __________
>>>> الرد الخامس :
