اقترحوا علي اي شي تعبنااااا نفسيتنا صعبه رعاية الاطفال
عنوان الموضوع : اقترحوا علي اي شي تعبنااااا نفسيتنا صعبه رعاية الاطفال
مقدم من طرف منتديات الضمير العربي
الموضوع الله يسلمكم هو اخوووووووي
هيه اخووووووووووووووووووووووووي والله مادري شو حل به من عرس انجلب 180 درجة صار يعاملنا غيييييييير ويسوي لنا مشاااكل بدون اسباب ويقاطعنا مايرمسنا فوق الشهرين كم مرة اسلم عليه بس مافي فايده تعبنا والله الحين مقاطع البيت كله مايرمسنا وكله يصارخ ويسوي لنا حشرة تعبت قلوبنا منه مرضنا منه ياني الهم منه والله نفسيتي صعبه مالي خاطر لاي شي كله افكر كيف جي بنعيش معاه؟ ماعليه بقول انا لو ياني نصيب بروح حرام شو ذنب خواتي وخواني كله يصارخ عليهم لاتقولون كلموه والله كلمناه مايكمل الا اسبوع الا مسوي ساااالفه وصرااخ لاتقولون وين ابوي وامي ترا والله ابوي ريال كبير تعب منه ومريض وامي نفس الشي .. كله يبا يضربنا بدون سبب يتهجم علينا بدون سبب يسوي لنا مشاكل بدون سبب ..مرته ماتداانينا تكرهنا كره ونحن نحبها ونحاول نكسبها بأي طريقة بس مافي فايدة كله تطالعنا بنظرات غضب ويوم اتجوفه تروح تزن في اذنه عيني عينك وتبدا الحاله من يديد ويتم الصراخ والله لا ليلي ليل ولا نهاري نهار كله صوته في اذني والله اللي يشوفنا يقول ماعندنا مشاكل ولا شي بس نحن حالتنا حاله متعذبين وياه..
انصحوني والله ان قلبي يعورني باجر رمضان وانا اتقطع من داخلي الناس يتسامحون وهو يضاربنا ومايبا يسلم علينا ..
https://4arab.xplainer.net/images/smilies/ast_green.gif
https://4arab.xplainer.net/images/smilies/frown.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يهديه ويصلح باله اختي ادعيله بهالايام المباركة ان الله يصلح باله ويحنن قلبه عليكم
لاحول ولا قوة الابالله
وعليج الاستغفار
__________________________________________________ __________
>>>> الرد الثاني :
قال الله تعالى:فى سورة الأنبياء
وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ
أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴿87﴾ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ
غاليتي
https://4arab.xplainer.net/images/smilies/smile.png
دامكم كلمتوه وما ياب نتيجـة
عليكم بالدعاء أختي
كثفو الدعاء له في هذيث الايام المباركـة
ولا تحزني غاليتي الحياة اختبارات وتجارب نتعلم منها لنرتقي
أخوج رب العالمين بيحاسبه
لكن انتي سوي الي عليج وأجرج محفوظ
https://i1233.photobucket.com/albums...Ramadan-22.gif
__________________________________________________ __________
>>>> الرد الثالث :
33 مشاهدة وبس ردين
ومشكووورين واايد اللي ردوا يزاكم ﺂللٌـّـہ خير
أنأ قلت بتفزعون لي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
الغالية انتي سويتي اللي عليج ..
ما ترومين تسوين شي غير انج تدعين رب العالمين ان الله يهديه ويصله ويحنن قلبه عليكم ..
ويكفيكم شره وشر مرته ويصلحها ...
وعليج بالدعاء اخر الليل والاستغفار ..
والله يعينكم ..
