للي يداومون ويشفطون حليب للطفل ،،، ممكن مساعده للساحة الامارات
عنوان الموضوع : للي يداومون ويشفطون حليب للطفل ،،، ممكن مساعده للساحة الامارات
مقدم من طرف منتديات الضمير العربي
السلام عليكم ورحمة الله وبركاته ،،،
الحمدلله ربي رزقني بمولوده وانا حاليا عندي سوال ،،، أن عندي مشكله اني يوم بداوم ما بقدر ارضعها من صدري لان دوامي طويل من الساعه 8 لين 3 فابغي اشفط الها من صدري واخلي الها عشان اميه تعطيها يوم بكون في الدوام بس ما عندي اي فكره عن الموضوع :
ابغي اعرف كم مره اقدر اشفط الها باليوم ؟
واشكثر يكفيها ؟
وشو الوقت المناسب للشفط ؟
مع العلم يوم برد من دوامي طول الوقت برضعها من صدري؟
وشو اقدر اعطيها غير حليبي؟
لاني مب حابه سالفة الحليب الصناعي بس اذا اضطريت بعطيها صناعي؟
اتريا ردكم بفارغ الصبر...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا يوم اطلع اشفطلها واحطه بالثلاجه واهلي يعطونها بعد ما يدفونه
وانا شراتج قريب ارجع للدوام و دوامي طويل مثلج بالضبط بس الفرق اني باماره ثانيه بعيد عن اهلي و بنتي بحطها بحضانه قريبنا و خاطري اعطيها حليب صدري بس المشكله اذا شفطت يطلع من الصدرين 100 ملي ماكسمم بس و هذا يكفيها لرضعه ونص يعني ما بيكفيها لمدة 7 ساعات .. ومن اشفط يقل الحليب ولازم اتريا ساعتين عسب يتكون مره ثانيه عشان ارضعها في نفس الوقت من جيه الحين اعطيها رضعه صناعي فاليوم عسب تتعود انها تتقبله يوم اداوم..
شوفي على حسب بنتج كم تشرب اذا كانت كل 3 ساعات اتيوع اشفطيلها 200 ملي يعني 100 ملي الصبح قبل ما تظهرين و شلي الشفاطه وياج الدوام و اشفطي في البريك و اذا عندج حد خليه يمر يشله يوديه البيت ادري صعبه بس هذا الحل و عندج حل ثاني انج بعد ما ترقد فليل اشفطيلها و حطيه بالثلاجه مثل ما قلتلج و الصبح اشفطي مره ثانيه
والله يعينـا بس انا صراحه اشجعج على هالعزيمه انج تعطينها طبيعي وما ادخلين الصناعي لان صدق يباله قوة اراده ومساعده من اهلج ..
__________________________________________________ __________
>>>> الرد الثاني :
شفطي حقها مرضعه كبيره عشان يكفيها حطي احتياط مرضعه صغيره
__________________________________________________ __________
>>>> الرد الثالث :
حبيبتي أنا الدكتورات قالن حقي إنه إذا شفطي حليب وحطيتيه ف كيس بلاستيك الخاص الي من الصيدلية وتحطيه ف الثلاجة بتكون مدة صلاحيته ثلاث أيام وجذيه انتي ولفي حق كل يوم جمن كيس وتقدرين أكثر وخلي أهلج يحطون الرضاعة ف كوب فيه ماي حار عسب يدفآ شوي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩
