مواقفكم مع الخدم ،، اشغال يدوية

عنوان الموضوع : مواقفكم مع الخدم ،، اشغال يدوية
مقدم من طرف منتديات الضمير العربي

السلام عليكم ،،

شحالكم بنات ،، انا توني يديده بالمنتدى وعجبني هالقسم


ما ادري اذا هذا الموضوع جديد والا لا ،،،

شو رايكم كل وحده اتقول موقف صار لها مع الشغالة وكيف تصرفت ،، علشان الكل يستفيد من تجارب بعض ،، ونعرف كيف نتصرف اذا واجهتنا نفس المشكلة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هلا شيختي ومشكوره على الموضوع :: موضوعج حلو بصراحه
ولي عوده في التعليق باذن الله

__________________________________________________ __________

>>>> الرد الثاني :

الحمدلله لين الحين ماصار موقف مع شغالتي بس أول ما يتني قالت انها ماتعرف تطبخ وانها كانت بيبي ستر بعد فترة حست انها مالها لزمة كبيبي ستر لانه ماعندي بيبي اساسا وعندها وقت فراغ كبير وفي يوم طرشت جارتي بيتزا قلت للشغالة طعم البيتزا مش حلو شي ناقصنه ياليت اعرف اسوي فبعد كمن ساعة يتني مسويه بيتزا روعه قلت ماشاء الله وايد حلوة قالت اتعلمت من مدامتي القبلية وبعد كمن يوم سوت مجبووس اروع وتميت امدحها والحمدلله الحين ماشي حالها الشغاله تبا تشجيع وثقة بالنفس وعدم توبيخ وبعون الله بتسوييلج الاكلات لي ما تحلمين بها مثل السوشي والاكلات التيلانديه والاكل الصحي مال الرجيم بسم الله على شغالتي والله يبارك فيها ويحفظها

__________________________________________________ __________

>>>> الرد الثالث :

عيل انا بقول لكم حكايتي مع شغالتي الأولى
بصراحه كانت زينه حق ولدي .. وتحب اليهال .. وأول ما يت طلبت موبايل .. قلنا لها احنا ما عندنا خدامه تشل موبايل

بعد 7 شهور .. تعرفت على واحد تشوفه كل يوم الصبح من البلكونه يالس في الكافتيريا .. وانا وحليلي ما ادري بشي أكون في الدوام .. تعرفت عليه عسب ييب لها موبايل .. يارتى وفي النفس الوقت تستوي حرمة حمي .. فتحت باب شقتها في ذاك اليوم وتسمع عند باب بيتنا اشخاص يتكلمون شوي شوي .. وطبعا محد ساكن في الدور هذا إلا انا وهي .. والباجين طول الاسبوع مب موجودين في البناية ( الدور ) .. واتصلت فينى وخبرتني

انا بصراحه فوادي بدأ يرقع وخفت .. خصوصا انه بو خالد مب موجود طول الاسبوع .. واتصلت فيه وقلت له السالفه .. وانا في الدوام وقعدت اصيح ومب قادرة اركز في شغلي .. أحاتي ولدي وفي نفس الوقت ما ابي اتصرف اي تصرف سيء

رجعت البيت ولا كأنه صاير شي .. اشوف الحرمة كاشخة .. ومغيرة نظام حجرتها ومشغلها لي موسيقى حسبي الله عليها .. خليت الأمر عادي
وعقب انتظرت ريلي يرجع من بوظبي .. ورحنا محل تركيب آلالات التصوير .. وركبوا لنا كاميرات مراقبه ..
وقلنا لها باجر بابا بيكون مب موجود ( عطيناها الامان عسب تاخذ راحتها ونشوف شو تسوي )
طبعا الاجهزة مخلتنها في شقة حمي .. وحرمة حمي تراقب في الشاشه اللى عندها .. وشوي اتصلت فينى .. تقول لي الحقي......................







والله طاح فوادي وخفت على ولدي لا يصير له شي .. قالت لى ريال دخل بيتكم!!!!!!!!!!!!!!!!

اعصابي منهارة وانا بعدنى في الدوام .. وهي تراقب في الشاشه عندها وقالت لي طلع ومعاه اغراض في ايده ...

رجعت من الدوام الساعه 2 . . وخليت الأمر طبيعي جداً .. وكانت مستانسه وتسولف ومتكشخه ... رحت اشوف الفيديو وتأكدت من كل شي .. شليت الفيديو وخبرت اخوي بالسالفه كونه يشتغل بالشرطة وهجموا عليها وواجهوها ..

وقالت انا ما اعرف شي عنه هو كان يسوويلي حركات .. كذابه هي اللى كانت توقف عالبلكونه وسوت له حركات .. وقايله لخدامة اختي انها تعرفت عليه لانه احنا رفضنا نييب لها موبايل .. فقالت اييبه بطريقتى الخاصة..

طبعا قلت للشرطة انا ما ابيها وما تنام عندي في البيت .. قالوا خليها عندج لين الصبح وعقب وديها المكتب .. قلت لهم والله ما اخليها .. وشليت اغراضي واغراض ولدي ورحت بيت أهلي. وسفرناها بعد يومين وهي طبعاً مستانسه انها تمت وما كانت تعرف انها بتسافر إلا في نفس اليوم.


ويبت الثانية ... بس حرمة كبيرة في السن .. والحمدلله طلعت زينه ولو تبقي عندي على طول برتاح وما بيلس احاتي كلما بتينى خدامه يديدة

__________________________________________________ __________

>>>> الرد الرابع :

الله يعينج يا ام خالد الحلو ،،،،،،، والله موقف يقهر

انا لو ريلي مكان ريلج ،، جان والله كسرها من الضرب ،،، وعلى قولته بحلق لها شعرها وعقب بوديها الشرطة

هههههههههه


انا بشكارتي وايد زينة ،، بس عيبها انها وايد فضوليه ،، بس مش مشكله عندي ،، دام اني مراقبتنها وما اسويلها سالفة


بس من يومين كلمت اهلها وتمت اتصيييح ،،، ريلي بيموت وابي اروح عند عيالي ،،، على قولتها محد بيهتم فيهم

المهم ،، دورت لها حجز بس ما شي ،، غير عقب يومين ،، وخبرتها ان التذكرة غالية 2230 لانه موسم الكريسماس

هي انصدمت وما صدقتني ،، وقالت بكلم اختي لانها مخبرتني ان التذكره بالف درهم

المهم ،،، عقبها بيوم خبرتها ان التذكره راحت وما شي غير اخر الشهر ب 2500

اهني قلبها عورها ،، وقالت انا ما عندي فلوس وكل فلوس بيروحن على التذكره والمواصلات ،،، قلتلها هذي مب مشكلتي ،، لانه في العقد اذا هي ما خلصت المدة راح اتكون التذكرة عليها غير اني راح اييب بشكارة جديدة وراح اتكلفني وايد

الحرمة ردت اتفكر ،، وقالت انا بشوف ،، اذا ريلي صار بخير راح اتم !!!


بذمتكم ،،، احد يفضل الفلوس على عياله ؟؟!!! صدق انهم كذااااااااااباااااااات ،، يوم درت ان التذكرة عليها ،، فضلت اتم اتيمع فلوس على انها اترد لاهلها !!!

__________________________________________________ __________

>>>> الرد الخامس :

مرحبااا خواتي

اولا الله يعينكم على مشاكل الخدامات ويوفق اللي عندهم خدامات زينات

::::

انا طبعا عندي موسوعه ويا الخدم هههه العايله يقولون لي نزلي كتاب وايد بربح من وراه ههه
بس كل ما اتذكر شي بكتبه

:::::::::

هاكم هالسالفه اللي استوت لي من كم سنه ::: يبت خدامه سيلانيه كان عمرها اربعين بس ما يبين عليها وراوتني صور ريلها وعيالها واحفادها بعد :: انا قلت بيب في الاربعين بتكون عاقل اكيد :: وفعلا في البدايه كانت روعه طبخ وتنظيف وحاله والله بيتي كان روعه :: وكانت تتصل بريلها كل فتره لكن ما تعرف تستخدم التلفون فخلت رقم موبايله عندي ويوم تبا نا اتصل الها وترمسه :: عقب خمس شهور قالت لي برمس ريلي اتصلت الها :: عقب شوي قالت ريلي في راسه ورم وباجر بيدش عمليه انا قلت الها من اسبوعين رمستيه وما فيه شي صخت عني وتمت اصيح وثاني يوم طبعا تبغي تتصل تطمن عليه والا اسمع الصريخ اونه مات :: انا ما صدقت طبعا قالت سفريني بسير العزا وبرجع قلت الها انتو تحرقون الميت شو الفايده اسيرين تمت اصارخ تبا اسير قلت لها ادفعي تذكرتج طبعا زاد الصريخ :: اختكم خذت الرقم وسرت بيت اميه وخبرت سيلانية قوم اميه وطلبت منها تتصل وترمس الريال اتصلت ورد علينا الريل هههه ولا فيه شي وانا اعرف صوته بعد قال انه حرمته قالت بتسوي هالخطه عشان انا اسفرها اتسير له وتشبع من شوفه وترد ههه وكل فتره بتموت حد من اهلها وقال انه بخير وما فيه شي موليه :: رديت البيت وقلت لها تدرون شو سوت :::::::::::: اغمى عليها اونه وطاحت وتمت ما تتتحرك مول ( تمثيليه طبعا ) خليتا طايحه ساعتين عينها تمرمش طبعا ما فيها شي عقب طلبت الاسعاف ووصل وياه شرطي اول حاول المسعف ينششها عن طريق قطنه حط فيها دوا ما نشت قال المسعف لو يمل شم هالدوا بينش لكن هاي شقا تقدر تسيطر ع نفسها ريحته قويه استغرب الريال وعقب يوم عرفو سالفتها عطوها كف على ويها جان تنش ههههه ::: الشرطي قال دوم يزقرونا الناس ونفس السالفه هاي اونه مدوخات عشان يسفرونهم :: والحبيبه طبعا ما فيها شي موليه

سفريتها نفس الاسبوع وعلى حسابها من راتبها :: يوم يت بسير طاحت على ريلي تحبها وتطلب مني ارجعها :: متفيجه الاخت

وسلامتكم ::: وهاي سالفه من السوالف

وعندي غير بس مره ثانيه عاد هههه