عنوان الموضوع : يا ذويقات.. شورن علي..
مقدم من طرف منتديات الضمير العربي
السلام عليكم ورحمة الله وبركاته
خواتي...
مفكره اسوي عزيمة لكن ابغي اغير شوي في الديكور.. ومفكرين انا وخواتي نسوي ديكور تراثي لكن طبعا بتكلفه قليله و ديكور بسيط:22 (4):
وعشان ابسط الامور لكم عشان تتخيلون معاي.. بخبركم عن بيتنا :1 (25):
اول ما تدخلين من الباب تحدرين الصاله اللى تودي الى درج حق الطابق اللى فوق و من اليمين واليسار في ابواب حق مجلس الحريم ومجلس الرجال
فنبغي نسوي شي في الصاله عشان يكون اول شي الحريم بيشوفنه اول ما يحدرن..:22 (22):
بكون شاكره لكم اقتراحاتكم..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اهلين يا عسل والله يبغالها مخمخه برجع لك بس تصورت الموقع واحس مو عارفه انتوا تحبون الكلاسيكي الفخم او البسيط او ايش
__________________________________________________ __________
>>>> الرد الثاني :
البسيط اختي احسن وارخص اتوقع.. لان ممكن ما يعجب الوالده وتطيح السالفه في جبودنا هههههههه
مشكوره اختي.. وانتظر ردج..
خواتي ترا العزيمه بتكون بالخميس ان شاء الله يعنى تاريخ 30\11\06
__________________________________________________ __________
>>>> الرد الثالث :
اهلين يا عسل ...
ذكرتيني بعاناتي في بيت اهلي في مساحه تعبتنا كثير ما لقينا له فكره حلوه الا ...
جبنا الرجال حق المرايا وقصص لنا مرايات ((لان المرايات تصلح للاماكن الميته)) من تحت الين السقف بس مو قطعه وحده لا كم من شريحه وعرضها 30 سم ومشطوفه من الاطراف وخرمنا عليها خرمين وثبتنا فيه عصا الستاره بتلقين اشكال كثيره وعلقنا فيه هذي الاقمشه اللي تلقينها في محلات الديكور بس اخذنا مقاس كبييييييير بس اللحين اتوقع قدمت انتي خذي قماش مخمل ووديه ((اما ستوين الجهتين للستاره او جهه وحده)) لحق الستاير او الخياط ويحط لك على الاطراف كلفه ستاره كريستال او هدب عاد ي او مخمل وافتحيها عشان يبان المرايات من تحتها ارميها رمي علي عصا الستاره وحطي في بالك تكون طوييييييله يعني تنزل على الارض وحطي دناديش كل المقاسات نفس الشي يسويها حق الستاير او الخياط او حتى اللي يبيع الكلف وروحي لمشتل قريب من عندكم واشتري اللي تقدرين عليه من الشجر الطبيعي واضيفي عليه من الشجر الصناعي ((عشان التكلفه وتغير الخامه يصير احلى مع بعض))وحطيه على الارض وعلى الستاره وخليها مستويات يعني شي على الارض وشي ترفعينه على قاعده وشي جوا خوص شكلي وترا النتويع في المستويان والاصيصات يعطي شكل لو تغلفينه ((الاصيص)) مثلا بنفس لون المخمل
واذا عندكم كرسيين او واحد خشب او خوص او لو المجلس الثاني جيبيه وحطيه عنده وحطي طاوله صغيره وعليها اباجوره وحطي عليها من نفس الدناديش وخلي الاناره خافته
او بدال المرايا لوحه كبيره وتحطيني عليها الستاره او تحطين اللوحه على ستاند وتخلين اللي حولها كله شجر
ترا بيصير مره جنان بالمرايات هذا اقتراحي واللي انا مجربته وشايفته ولا يكلف ويدوم لك العمر ولا يقدم
ان شالله يعجبك ويعجب الوالده
__________________________________________________ __________
>>>> الرد الرابع :
واااااااااو.. على السمع والقراية احس اني بتخبل.. عيل كيف التطبيق؟؟
الصراحه يا اختي انتى فنااااااانه.. لكن خلينى اصور لج الصاله وبنتفق شو نسوي شو رايج؟؟
ربي لا يخلينى منج.. بنات!! مافي حد حده اقتراح ثاني؟؟
__________________________________________________ __________
>>>> الرد الخامس :
اتبين هالديكور مؤقت للعزيمه ؟؟؟ ولا ع طول ؟؟؟
لأنه يعتمد الأشياء اللي بتحطينها ....
