مغص شديد بعد الابرة التفجيرية .. لحمل

عنوان الموضوع : مغص شديد بعد الابرة التفجيرية .. لحمل
مقدم من طرف منتديات الضمير العربي

خواتي مثل ما قلت لكم انا خذت الابرة التفجيرية في اليوم 12 من الدورة و صار الجماع نفس اليوم و ثاني و ثالث يوم مرتين صبح و مسا ، و في اليوم السادس من الابرة حللت و طلع لي خطين و نفس الشي حللت في اليوم الثامن من الابرة و طلع لي خطين ، الاعراض اللي احس فيها هي مغص يوميا من اخذت الابرة ، و افرازات بيضا ، و ريولي تعورني و نغزات في صدري و على الجانبين و احس في حكة تحت السرة ؟؟
الحين ابي اعرف هل هذا حمل و لا ، و الله محتارة ابي افرح و احمل و دعواتكم ..
ادعوا لي يكون حمل صحيح و سليم يارب العالمين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي المفروض تتريين ما تسوين تحليل لانه مفعول الابرة مثل هرمون الحمل
بيبين لج خطين لانه نفس الهرمون لازم تترين عشرة ايام بعد ما خذتي الابره او اسبوعين بعدين تسوين التحليل
والي تحسين فيه شي طبيعي من تأثير الابره

ويارب تكونين حامل

__________________________________________________ __________

>>>> الرد الثاني :

خواتي اليوم كملت اليوم العاشر للأبرة و الفير قعدت و سويت التحليل و طلع لي خط واحد بس
و الله نفسيتي دمار اشوف ريلي و اصيح ليش يصير معاي جي ياربي ؟
لا حول ولا قوة الا بالله العلي العظيم يارب ترزقني ما قطعت الأمل و الرجا فيك يارب
خواتي ممكن اعيد التحليل بعد كمن يوم انا قلت يمكن يبين ؟
و الله قلت بقطع كل الأدوية و الأبر خلالالالالالالالالالالالالالالالالالالالالالالاص مليت و بموت مو قادرة حرااام و الله
استغفرك ربي و اتوب إليك
استغفرك الله
ربي هب لي من لدنك ذرية طيبة سميع الدعاء

__________________________________________________ __________

>>>> الرد الثالث :

لاتخللي للشيطان مدخل وتعوذي منه
الله قادر يرزقنا بارادته وفالوقت الذي لايعلمه أحد غيره ماعلينا غير الاخذ بالاسباب وحسن التوكل على الله والرضى بما كتب

الغاليه تو الناس عالتحليل عيديه عقب يومين او سوي تحليل دم للتأكد

اللهم ييسر أمرها وفرح قلبها بالحمل الثابت السليم وقرعينها بشوفة ضناها بصحه وعافيه

__________________________________________________ __________

>>>> الرد الرابع :

الله يرزقج يا رب بالحمل السليم

__________________________________________________ __________

>>>> الرد الخامس :

الله يسمع منكم خواتي
أملي في الله كبير