!!.. شوربة الخضار المشكله ..!! حلوى الامارات
عنوان الموضوع : !!.. شوربة الخضار المشكله ..!! حلوى الامارات
مقدم من طرف منتديات الضمير العربي
السلام عليكن ياخوياتي اشحالكن ؟؟
وعساكن بخير ؟
هذي طريقة الشوربه اللي معتدمه في بيتنا خفيفه والكل يحبها
والمقادير حسب افراد الاسره
المقادير .
2جزر _ 2 كوسى _ 2بطاطس حجم وسط _
2 بصل حجم وسط _ بقدونس ربع باقه _ 2مكعبات ماجي دجاج _
بلاليط فنجان _ 2 فنجان شوفان _ نص فنجان زيت _
1 ملعقه صغيره فلفل اسود _ 2 ملعقه ملح الليمون _
الطريقه .
نقطع كل الخضار مكعبات صغيره
ونقطع البصل بعد مكعبات
نحط البصل في القدر ونحط عليه الزيت نص فنجان
ونحركه لين يذبل البصل لاتحمرينه نفس الصالونه اذا حمريته بيغير لون الشوربه بس تذبيل ونحط عليه كل الخضروات ماعدى البقدونس نخليه للاخر
نحركه ونخليه ع نار هاديه 5 دقايق بعدها نحط عليه 2 مكعبات الماجي ونص ملعقه فلفل اسود ونخليه لين تذوب مكعبات الماجي بعدها نحط عليه 2 فنجان الشوفات ونحركه ونضيف عليه ماي حار تقريبا نصف القدر ونخليه ع النار لين تستوي الخضار بعدها نحط عليه 1 فنجان بلاليط ونحركه حتى مايتكتل البلاليط ونسكر النار ع طول حتى ماينخبص البلاليط عندنا
ونحط البقدونس المفروم 2 ملعقه ملح الليمون
ونخليه ساعه افضل شي لانه الخضار كل مارتاحت اكثر كل ماصار طعمها احلى والذ
انا ماحطيت ملح ع الشوربه لانه الماجي فيه ملح وملح الليمون يكفي عن الملح واليمون يعني يوم بتقدمونها مايحتاج تحطون ليمون عليها
وهذا الشوربه بعد ماخلصت
هذا صحني هههه
https://dc207.4shared.com/img/261219...43.jpg?sizeM=3
وهذا صوره اقرب وتوضح حجم الخضار
https://dc207.4shared.com/img/261220...54.jpg?sizeM=3
Vitamin C
( امــ محمد )
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
شاكره لكن خوياتي الغالياات ردكن الغاااوي
ولاخليت منكن ..~
__________________________________________________ __________
>>>> الرد الخامس :
ما شاء الله رووووووووووعة
جزاش الله خير
