مشكلة بنتي وولدي الله يحفظهم في الامارات
عنوان الموضوع : مشكلة بنتي وولدي الله يحفظهم في الامارات
مقدم من طرف منتديات الضمير العربي
السلام عليكم ورحمة الله وبركاته
كيف حالكن خواتي
خواتي بغيت منكن إتساعدني ويا بنتي الله يحفظها أريد أرقدها من وقت بس ما تنام إلا عالساعة 12 بالليل أحاول معاها بس بدون فايده عمرها فديتها سنه خاصة يوم أكون دوام كيف أعودها تنام مثلا عالساعة 10
وين أصحاب الخبرات نبا نستفيد من تجاربكن.
المشكلة الثانية : ويا ولدي الله يحفظه عمره 4 سنوات مشكلته عنيد ودلوع على أتفه الأشياء ممكن إيصيح وإذا ما عطيناه الشي إيتم إيصيح إيريده كيف أحل مشكلة دلعه
بليييييييييييييز خواتي ساعدني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بالنسبه لبنتج اقطعي عنها نوم النهار حتى لو غفت غصبا عنج ربع ساعه ووعيها خليها تلعب طول اليوم صدقيني وبتهلك وبترقد اما انج اتخلينها تشبع رقاد في النهار طبيعي بتسهر في الليل
وولدج طنشي صدقيني كل ما استسلمتي لصياحه ونفذتي اوامره بيعرف انه هاي نقطه ضعفج هو بيعاند وبيستمر في الصياح وبتصدعين بس تمي صامده مره مرتين 3 او 4 بالنهايه بيعرف ان انتي ما تهتمين لصياحه حتى لا تردين عليه سوي عمرج مشغوله في شي وصياحه مب مهم عندج
__________________________________________________ __________
>>>> الرد الثاني :
الغاليه الطفل في عمر سنه يحتاج قيلوله في النهار و نوم في الليل بمعدل ساعتين قيلوله موزعه خلال اليوم و 10 ل 11 ساعه ليلا
في حالة بنتج خليها تنام قيلوله ساعه او ساعه الا ربع عشان ترتاح بس بشرط تكون القيلوله الظهر ما تتاخر لين العصر ولا المغرب. (ما ذكرتي بنتج تنش الساعه كم؟)
لو كانت تنش الظهر لازم تخلينهم يوعونها الصبح عشان تتعب و تنام قيلوله الظهر مثلا
الطفل في هالسن لو ما نام القيلوله خلال اليوم مستحيل يرقد مرتاح فليل و بيتم عصبي خلال اليوم و تعبان(اقري في المواقع الاجنبيه عن السليبينغ باترن للاطفل)
ف ساعه خلال النهار او نص ساعه (حسب بنتج) المهم يوم توعينها شوي شوي عشان ما تنش معصبه و تعبانه و عطيها شويه اكل فواكه شي يعطيها طاقه بيوريه فواكه و روب او سناك بسكوت طاقه الخ
و خليها تلعب و تتعب من اللعب بتنام فليل ان شاء الله
لو ما فادت معاها طريقه تقليل فتره القيلوله و تحسين بنتج ممكن تستغني نهائيا عن القيلوله في هالحاله لعبيها العصر و طلعوها تلعب برع و جيه فليل سبحيها عالساعه 8 و بتشوفينها من التعب عادي بترقد لج الساعه 9
المهم الاستمرار على هالجدول معاها
فيه وايد نصايح لانه كل طفل له سيست معين
بس انتي ما ذكرتي متى تنش بنتج و متى قيلولتها خلال اليوم الخ عشان نعطيج سيستم تمشين عليه.
بخصوص ولدج ماعندي خبره ماعندي عيال في هالسن...ان شاء الله الامهات يساعدونج
__________________________________________________ __________
>>>> الرد الثالث :
الله يخفظ لج عيالج
بالنسبة لبنتج لاترقدينها عقب الساعة 4 العصر ويوم تكبر عادي مب لازم ترقدينها فالنهار
انا ولدي جي يوم يرقد العصر يالله تعالي شوفي متى يرقد في الليل
اما ولدج لا تلبيله كل طلباته عوديه مب كل شي يحصله ويرضى بالامر الواقع واذا صاح وعصب لاتعيريه اي اهتمام طنشي بروحه بيهدى
__________________________________________________ __________
>>>> الرد الرابع :
__________________________________________________ __________
>>>> الرد الخامس :
