نزل وزني في يومين خمس كيلووو تعالو بقولكم السررر تأخر الحمل

عنوان الموضوع : نزل وزني في يومين خمس كيلووو تعالو بقولكم السررر تأخر الحمل
مقدم من طرف منتديات الضمير العربي

:1 (26): هلا بنات :1 (26): ودي اقولكم تجربتي عشان تستفيدون


البنات اللي تعاني من السمنه :1 (37): يروحن نتروشن او عيادات لرجيم وووو

اول شي نتروشن انا اعرف انه رجيمه صعب + يسبب توتر + عصبيه + مالج

بارض لشي + بتخسرين يمكن 900 درهم وكثر

بقولكم كيف نزل وزنى بلا نتروشن بلااااااااااااا عيادات

بقولكم

اتبعت رجيييييم في يومين نزل وزني خمسسس كيلوووووووووو في يومين والله بس يكون عندج الارداه + الميزان هههه :22 (12):
المهم




اول شي تقطعين العيش وخبز بكل انواعه :1 (35):

ثاني شي والاهم شي تشربين ماي بكميات كبيره :1 (37):

تقدرين تتريقين بيضه او بيضتين او ثلاث بيضات بدون خبز

وغدا انا اكل ديااي مشواي او لحم مشواي شوي طبعا بدون دهن مشواي يكون:22 (12):

وعشا نفس شي دياي او لحم مشواي تقدرين اذا يعتي تاكلين خس او خيار او طمام

ولازم بغدى تاكلين سلطه خس وخيار طمام اهم شي والله يابنات هذا رجيمي اتبعته

والحين لي خمس ايام وزني نزل في يومين نزل وثبت بقولكم وزني لاني ماعندي اغلى منكم
وعشان تستفيدون وزني كان 77 والحين قولو ماشاء الله هههههه والحين 73
اليوم يعت وكلت دووست مال الرجيم الاسمر + عندي جبن قطع تشترينها من جمعيه قليله الدسم
طبعا تسمرين اسبوع على هالحال واذا تقدرين لاتاكلين دوست الافضل تقطعين الخبر بأنواعه
تسمرين اسبوع وعقبها تاكلين نصف خبزه ووعقب الاسبوع تكسرين الرجيم في يوم واحد
بمعنا انج تاكلين على كيفج وعقبها ترجعين لرجيم وبتضعفن هذا الرجيم غيره اتبعه ونجح
بس بنات قبل لنسي استخدمي كريم شد الجسم يا من لوريال تدهين جسمج به او اشتريه من نتروشن
عشان ينشد الجسم انا اشتريت مال لوريال كان اصلن عندي من زمان والحين استخدمه وعقب ما يخلص
بشتري مال نتروشن وشتريت بعد في كارفور مالت الخصر الدائريه وايد ممتازه بــــ 16 درهم رخيصه
والحمد الله بتبع ان شاء الله هالرجيم لين انزززززززز ل
أي سؤال أي شي سألني من عيوني بجاوب:22 (12):

وان شاء الله تستفيدون من تجربتي وطبعا مستمره انا الحين على ذاالرجيم

وسمحلي طولت عليكن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشء الله عليج وعلى الارادة ....صدق رجيم سهل بس يباله ارادة قوية
الغالية بس لو تكتبيلي اسام يالكريمات اللي تشد الجسم .. بكون شاكرة لج
عطر

__________________________________________________ __________

>>>> الرد الثاني :

السلام عليكم ورحمة الله وبركاته
أحب أوضح شي مهم يا أخواتي أن الوزن اللي ينزل خلال يومين مستحيل يكون دهون، هو مجرد سوائل ونفخه تخلص منها الجسم أما الدهون فتحتاج أكثر من يومين للتخلص منها وخاصه إذا كانت الخساره بمقدار 5 كيلو..
ثانيا حطي في بالج أن الوزن اللي تخسرينه بسرعه يرجع بسرعه( عن تجربه)
مثلاً، وقفتي عن الريجيم أسبوع بترجعين الوزن اللي خسرتيه من ريجيم سريع..
شو الحل انزين!
سلامتكن،،، من الساعه 7 المغرب لا تاكلن أي شي مجرد تقدرين تشربين ماي.. يعني عشاج الساعه 6 ونص خليه!
لا تحرمين نفسج لأن الحرمان يؤدي إلى نتائج عكسيه غالباً..
ابتعدي عن النشويات والحلويات والغازيات وحاولي ما تخبصين في الأكل!
شاي الحليب فديتكن هو العله! ودريه اسبوعين وشوفي النتيجه! الفرق واضح وأأكد لج!
امشي كل يوم 40 دقيقه على الاقل، مشي مشي هب سوالف!!
يفضل تمشين الساعه 9 وعقبها تنامين عشان ما تاكلين شي وتخربين المشي اللي حرقتي فيه سعرات حراريه..
لا ترقدين وايد وخلي عمرج مشغوله وحركيه لأن الكسل مصيبتنا..
عشان نضمن نخسر الوزن لابد نبدأ نمشي عشر آلاف خطوه يومياً..
اشربي شاي أخضر بلا سكر مفيد لحرق الدهون
اتركي المعجنات إذا كنتي متعوده تتريقين مع ربيعاتج في الدوام ومب شرط نتقيد بإفطارهن هاتي فطورج الخاص!
عن نفسي مب شاطره أتبع ريجيم معين لكن أنا أقايس لنفسي وأسوي الريجيم بطريقتي الخاصه عشان ما أمل وإذا كلت أكل مثل اللي ياكل بسرقه! عشان ما أخذ راحتي في الأكل!!
من 5 أشهر كان وزني 80 اليوم وزني 64..
حياكن الله والسموحه على المداخله..

__________________________________________________ __________

>>>> الرد الثالث :

الشي اللي دوم اسمعه انه تنزيل الوزن بشكل كبير و خلال اسابيع معدوده شي غلط.. لانه يسبب مشاكل في الجسم.. و معظم اللي اعرفهم خف شعرهم و اظافرهم بدت تتكسر و تصفر .. لانهم ما درسوا كيف يتبعون حميه..
و شي طبيعي اول 3 شهور بتخسرين الماي اللي في جسمج وهذا وايد خطير..و بعدين مثل ما قلتي يثبت الوزن..لانه اصلا ما قادر يحرق الدهون..

و مشكلة الكرش بتم مثل ما هي حتى لو نزلتي 20 كيلو..

اهم شي اهتمي في صحتج العامة و لا ينقصج حديد و لا فيتامينات او كالسيوم..
و المكسرات مفيده،صح تسوي غازات و فيها نسبة دهون بس غنية بالمواد اللي ينقصها الجسم و غير انه زين حق الشعر و صحته https://4arab.xplainer.net/images/smilies/smile.png
مشكلة الوزن لازم تنحل برياضة دائمة..مو شهر شهرين و نودر..
السباحة وايد تحق السعرات و تساعد لحرق الدهون الصعبة، واذا ما في مسبح امشي على سلالم البيت كل يوم عشرين مرة.. و بعدين زيدي بمقدار 5 في الاسبوع اللي بعده و هكذا
اجهزة الرياضة لتمارين الكارديو..و بحطيلكم بعض الصور وااايد زينه للكرش، الل يقولكم تمارين البطن ترا جربت و ما نفع..
وواضبي ع الايروبكس،في فيدوهات تنباع و تقدرن تمارسينها في البيت بدون دورات و لا نوادي

معلومات مهمة عن تمارين الكارديو
https://exercise.about.com/cs/cardiow.../cardio101.htm

و من تمارين الكارديو : الرياضات اللي تعتمد على تحريك الساقين و الجذع مثل الدراجة الهوائية (او جهاز الدراجة بديل) و نط الحبل و الستيب (جهاز السلالم)
و لا تبدؤون التمارين و تتعبون عماركم عشان تضعفون اسرع،لانه هالطريقه تسبب تسرع في نبضات القلب ، و القلب بعده مو متعود ع التمارين.. فابدإي شوي شوي.. اول شي 10 دقايق كل اسبوع مرتين و بعدين خليها تزيد لين توصل 30 دقيقة ع الاقل و في الاسبوع 4 ايام او اكثر

صح انه صعب بس يستاهل https://4arab.xplainer.net/images/smilies/smile.png


https://fitness.barlou.com/img/big/tapispf365.jpg
المشاية (ملاحظة مهمة: لا تاكلين و انتي تلعبين و لا تشربين مشروبات طاقه ابدا)

https://www.euro-fitness-evreux.com/...ue-johnson.jpg
و هذا.. ما ادري شو اسمه بس في نوع اللي ايدينه تتحرك بعد، هذا احسن شي لانه يحرك الجسم كله

https://shop.com.edgesuite.net/ccimg...ay_sporty4.jpg
الستيبر


و مثل ما تلاحظين من الاجهزة.. انتي اصلا ما تحتاجينها، تقدرين تستخدمين سلالم البيت بدل الستيب، و المشي السريع في حوي البيت او الحدايق المخصصه اللي فيها ارضية طبية

__________________________________________________ __________

>>>> الرد الرابع :

اختي جوري
مشكووووورة عالنظام اللي عرضتيه ...فعلا انا مجربه نظام من هالنوع تقريبا يعتمد اساسياته
عالاكلات اللي ذكرتيه حبيبتي اشكرج ... وماقصرتي
بس لواطرشيلي عالخاص لوممكن بس اسم الكريم ((لشد الجسم))
ومشكوووورة وايد

__________________________________________________ __________

>>>> الرد الخامس :

الغالية ممكن أتواصل معاج على الخاص لأن عندي عرس عقب عشر أيام وحابة أنزل من وزني ما يقارب الخمسة كيلو بأقرب وقت

والسموحة على الإطالة