عنوان الموضوع : سكر الدونات للمطلقات
مقدم من طرف منتديات الضمير العربي
مرحبا الساع فديتكممنو منكم ممكن اتساعدني في كيفية عمل سكر الاذابه للدونات
؟بليز ساعدوني
ابا اعرف كيف طريقة كيكة قدرة قادر؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
رحمتج محد رد عليت ... دورت فكل الكتب و الملفات اللي عندي مال الطبخ وحصلتها ....عاد إن شالله تضبط عندج لأني بصراحه ما جربتها
][ خلطة السكر ][
المقادير : 2 كوب سكر ناعم - 3 ملعقه كبيره ماء ساخن ويمكن استبداه بأي عصير
الطريقه : يذاب السكر فالماء ويوضع على النار حتى يغلي غلوة واحدة ويستخدم فالحال.
والسموحه عالقصور
__________________________________________________ __________
>>>> الرد الثاني :
ا كوب سكر ناعم ينضافله 1 ماعقة كبيرة حليب.. و جلبي.. ممكن تحتاجين حليب ذيادة حسب نسبة الرطوبة في الجو..
__________________________________________________ __________
>>>> الرد الثالث :
اما بالنسبة لقدرة قادر
هيه ثلاث طبقات
1.تاخذين كوب سكر وتحطينه على النار لين يذوب ويستوي ذهبي ديري بالج لا يحترق واذا احترق يعطي مروره قويه
على العموم تصبين السكر بعد ما يستوى كارامل في الصينية اللى تبينها.
2.
0مقادير كريم كرامل) عبارة عن واحد علبة حليب محلى
ثلاث بيضات
نفس علبة الحليب محلى ماء(يعني القوطي لما تفضينه ترسيه ماى)
الطريقة: تخلطين البيض في الخلاط لين يبيض لونه وتحطين شوية فانيليا عشان ريحة البيض
بعدين تصبين علبة الحليب المحلى والماى وتخلطينهم وتصبين هذه الخلطة على السكر اللي في الصينية
3.تسوين اي كيكة من العلب الجاهزة وتصبين الكيكة في نص صينية الكريم كارامل. وتحطين الصينية في حمام مائي وتغطين الصينية بالالمنيوم( الصينية اللي فيها الخلطة) في الفرن لمدة 45 دقيقة
بعد ما اطلعينها من الفرن تخلينها تدفا وتجلبينها في صحن التقديم(تنبيه لا تجلبين الصينية وهى حارة لانها قدرة القادر بتتكسر.
والسسسسسسسسسسسسسموحة
(اللهم لا تذرني فردا وانت خير الوارثين)
__________________________________________________ __________
>>>> الرد الرابع :
اختي طريقتي السكر الدونات سهله بس بعد ماتقلين الدونات حطي سكر الناعم بصحن عقب غطي القطعه بالدونات بس
__________________________________________________ __________
>>>> الرد الخامس :
ممكن أتحطين السكر الناعم في المنخل الصغير وتنخلينه على الدونات وهو حار وتغطينه عشان يتخلل الدونات
والطريقه الثانيه كاس سكر بودره تذوب في نص كاس ماي وبيكون غليظ شوي فتصبينه على حبة الدونات ويوم بينشف
بيكون الطبقه السكرية
