مرض التفول G6PD طبخ الامارات
عنوان الموضوع : مرض التفول G6PD طبخ الامارات
مقدم من طرف منتديات الضمير العربي
السلام عليكم ورحمة الله وبركاته
أنا عندي ولد مصاب بمرض التفول وأنا أول مره أسمع عن هالمرض وعندي شوية معلومات عن المرض
بس بغيت أسال اللي عنده خلفية عن هالمرض هل فول الصويا ولستين الصويا وأنواع المكسرات والفطر والسماق مضرين أو لا؟ وبعد في بعض البسكوت والشوكالاته مكتوب عليه يحتوي على الصويا هل مضر او لا ؟ واللي تعرف ماتبخل علي ....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يشافي ولدج يارب
ان شاءالله البنات يفيدونج
__________________________________________________ __________
>>>> الرد الثاني :
اختي حبيت اخبرج ..
أول شي هذا مب مرض .. هذا عباره عن نقص انزيم ..
ويصيب الذكور اكثر من الاناث ... وهو وراثي ..
اذا كنتي مرضعه ما يصير تاكلين الفول ، الحمص ، الطحينيه ، الفلافل ، الحنا ما يصير تحنين الياهل حتى لو طبيعي لان يسويله تكسر ف الدم ، النفثالين اللي ينحط في الحمام عزج الله ما يصير يشمه ..
ومثل ما قلتي ،، الحلاويات والبسكويت وبعض انواع المكسرات ، الشيبس ، حشوة المكسرات اللي تنحط ع العيش ،وع فكرة حتى الادوية مش اي دوا تعطينه ولا سمح الله لو مرض لازم تخبرين الدكتور انه عنده انيميا الفول .. حتى عند التطعيم تخبرينهم ،
انواع الفاصوليا والبازلا والفول والعدس والحمص والبقول مثل البليله
منتجات الصويا تلقينها بكثير اماكن بالجبن والزبادي والمكسرات بعض اجبان الموزيرلا,
انواع الصمغ (والعلك العربي )
الحناء
والجلاتين النباتي الجلسرين النباتي شوربه خضار
مادة الليستين توجد بكثره بالحلويات والبسكوت واللاجبان والمعليات
والحلبة براعم البرسيم و (الخروبcarob ) بديل الشوكلاته والحلبه و نبات عرق السوس والفول السوداني والمريميه , الشاي الاحمر, التمر الهندي ... بعض الأماكن الي ممكن تلقين فيها صويا وانتي لاتعلمين مثل المخبوزات مثلا كوكيز, الحلويات, بعض اللحوم المعلبه والتونه وبعض الشوربات الملعبه, الشبسات ,الاكل الصيني بعض الصلصات الي فيها مرق لحم بعض حليب الأطفال الاجبان قليله الدسم او بديلات الاجبان بعض صلصات السلطة الهوتدوق والنقانق بعض الصوصات , اي شي بودره انببهي للمكونات اذا فيه صويا(مسحوق الأطعمة), البروتين النباتي والكثيرة و زبده نكهه صناعية
( اهم شي قراة المكونات اذا مافيه صويا )
خلاصه مهمه : كلمات اعتبريها ممنوعة زي العلامه: soy carob soybeans Peanuts pea BEAN GUM
بالعربي :فول سوداني فول الصويا الكاروب صويا فول بازلا
__________________________________________________ __________
>>>> الرد الثالث :
انا ولدي بعد عنده نقص انزيمG6PD
والاخت همس المشاعر كفت ووفت
طول ماولدج متجنب هاي المأكولات فهو بخير بإذن الله
__________________________________________________ __________
>>>> الرد الرابع :
انا عندي وللحين ماسويت تحليل لعيالي
تجنبي المكسرات لان اتدوخه و اتعب وايد
__________________________________________________ __________
>>>> الرد الخامس :
