تعالي ياحلوه عشان تصيرين قمر واحلى في بيتج وبنظر ريلج..يلا دلعي عمرج لتربية الطفل
عنوان الموضوع : تعالي ياحلوه عشان تصيرين قمر واحلى في بيتج وبنظر ريلج..يلا دلعي عمرج لتربية الطفل
مقدم من طرف منتديات الضمير العربي
السلام عليكم ورحمة الله وبركاته
اللهم اني اعيذ نفسي ومن احب بكلماتك التامه من كل شيطان وهامة ومن كل عين لامة
شحالكم يا الغزالات .... توحششششششششششششششششششتكم بزااااااااااااااااااااااااااااااف
(يعني ولهت عليكن واااااااااااايد ))اتمنى تقرون الموضوع للنهايه لأني متأكدة انه بيفيدكن من جميع النواحي من شكلكم ونفسكم انتو والي حوليكم ,,,بس جد اتمنى اطبقون كلامي و نصايحي في جميع مواضيعي لأني احس ان مافي وحده اطبق الي اقوله مادري ليش احس جي!!
حبايبي العضوات ,, اذا لاحظتو معاي كترت المشاكل في هالقسم وزادت الهموم وكل وحده تعتبر همها قد الدنيا وما تعرف كيف تتصرف
وكثار يلي قلوبهم تحترق عشان ريلها يخونها ولا الي ريلها يسهر وما يداريها والا غيره ..
يابنات يا حلوات حابه في هالموضوع اخليكم تجددون نفسكم وحياتكم لأن كثر الهموم يخلي الانثى الناعمه تهمل نفسها ,,حتى لو تكشخت ولو شو ما سوت اذا حالتها النفسية تعبانه يبين عليها !!! هالشي يأثر على جسمها وويهها وعلى البيت وعلى شغلها وعلى الاطفال وزوجها وعلى كل شي....
عندي لكم نصيحه واتمنى تذكرونها دايما ,,, خلو هالشي قانون في حياتكن
((عزيزاتي اذا الانسان ما حاول يسعد نفسه ما في احد بيقدر يسعده وحتى لو كل البشر حاولت ))
لازم انا اسعد نفسي وما اعتمد على غيري عشان يسعدني
تذكرن
ساعدتي بأيدي وما في احد يقدر يتعسني او يغرقني بتعاستي ,,انا اتحكم بمشاعري لازوجي ولا غيره من الناس يسير مشاعري
بكون سعيده وانا في اسوأ حالاتي
بكون سعيده وانا ويا ريلي
بكون سعيده وانا بين عيالي
بكون سعيده وانا وحيده
بكون سعيده في جميع احوالي
تدرون ليش ؟؟؟؟؟؟؟؟؟؟ اول شي لأني قريبه من ربي ومستحيل اصير تعيسه وانا اذككر الله لأن الي يحفظ الله ,,الله يحفظه والي يذكر الله الله يذكره واموري كلها يسيرها الرحمن الرحيم اللطيف الحليم السميع العليم !! يا سلام كم هي حلوه اسماء الله وكم هي جميله صفاته ... ولو كل الناس تجتمع عشان تأذيني محال يأذوني دام ربي ما كتب ومحال يسعدوني او ينفعوني لو ربي ما كتب ..................
المهم غالياتي ذكر الله مهم وهذا شي كلنا نعلم فيه لكن البعض يتعايز بس من الانسان يحس بلذة القرب من الله محال ينهي هاللذه والنفس الطاهره والحب ....................
حبيباتي اكيد كل وحده منا تمر بظروف محد يعلم فيها شقد تأذينا غير الواحد الاحد ...الحين بقول لكم كيف تغيرون من نفسياتكم ...
بصراحه انا اسوي شي كل بعد اسبوعين او في الشهر مرتين او 3 ....بالنهايه انا من حقي اسعد نفسي وما بنتظر احد يسعدني عشان تأخرهم في اسعادي ما يحزني ...
اسويه الله يسلمكن
اشل رشودي يا اني اوديه بيت اهل ريلي او ارقد او العبه بلعبه يحبها عقب ما ااكله واشبعه ...
الحين بعد ما ارتحت منه واشغلته عني لازم اريح نفسي واخذ بريك من مشاغل الدنيا كلها
اسير واسويلي كوب كبير عصير ليمون اظربه بالمونيلكس ويا الثلج عشان يكون بااااااااااااااااااد ويا سكر وبس اشوف الثلج تفتفت وانخلط ويا العصير والماي اشربه لأن عصير الليمون معروف في تهدية الاعصاب
اسير لحمامي الجميل وايبب ورود مجففه وانثرهم في المغسله بعد ما اعبيه ماي واحط فوقه شموع اتيي من تحته صحون واسير للبانيو واعبيه ماي حار واشغل البخار في الحمام وانثر فوق البانيو وررود مجففه واصب عليه شوية من زيت اللافندر وزيوت معطره ومنعشه الي يبيعونه في بودي شوب مال المساج وانثر في البانيو الخزامى ((عشبة اللافندر من العطار)) والبابونج شوي
واحط بويهي ماسك الروب ويا عسل شوي وقطرات من البرتقال .. اقعد واسترخي في الماي الحار والبخار شغال والحمام يااااااااااااااااسلااااااااااااااااااااااااام على ريحته
للعلم الخزامى ((اللافندر)) له قدره كبيره في الاسترخاء الزيوت المعطره تنعش الانسان وتحسسه بأنه فرش ....
طبعا احط من الشموع والروايح جنان والجو حلوووووووووو واكون مسترخيه اغمض عيوني ومول ما افكر بأي شي يزعجني لا بالمشاكل ولا بغيره
هذي اللحظات حق عمري انا بس محد يشاركني فيها ..........اتم نص ساعه في البانيو او اكثر على الاغلب وبعدها اييب صابون الرغوة واحطه وبعد اتم في البانيو اسوي مساج لريولي ومفاصلي وايدي عشان تتحرك الدوره الدمويه عندي
عقبها وانا في البانيو اييب الشامبو واسوي مساج براسي بس بالشامبو وبعد ما اخلص من الشامبو اييب الرشاش مال الماي وبماي بارد شوي اغسل جسمي وشعري واحط حمام كريم فاتيكا لأنه وايد مفيد
اييب سكرابي الخاص واسويه بجسمه كامل وبكل دلع افرك جسمي واقعد شوي بالسكراب واايلس على كرسي عسب افرك ريولي من تحت بالحجر (الطريقه هي اني ادهن قدمي بزيت الجلسرين مخلوط ويا القليل من العكر الفاسي وبعد ما اخلط العكر الفاسي ويا زيت الجلسرين اخلط هالزيت بفازلين واسوي مساج سريع لقدمي وبعدها اييب الحجر الاسود وافرك )) شوفي النعومه عقبه واللون المورد للريول
وبعدها افرك القدم بالسكراب لزيادة النعومة....
اتغسل بالماي وافرغ البانيو بعد ما اشل الاعشاب بهداك الشبك الي يصفون في العصير ما عرف شو بيسموه عندكم اتمنى تعرفون بس اذا ماعرفتوه بسأل ريلي بأسمه وطبعا افرغ المغاسل
انظف ويهي بغاسول الوجه من لوريال وبعدها بسكراب الويه وافرش اسناني هههههههههههه
بس اطلع من الحمام اطمن على رشودي حبيبي اذا بعده نايم ولا صاحي
وعشان ليلتي تكتمل بالاسترخاء اصلي ركعتين لله احمده على جميع النعم وحتى لو ابتلاني احمده على الحسنات الي بيعطيني
ابخر شعري وهو في شوية ماي عشان تمسك الريحه بهاي الطريقه >>ام ريلي فديتها علمتي الله يحفظها,,
واحاول اجيب البخور لجسمي
البس شي راقي وحلو وخفيف
انظف وجهي بالمنظفات انا احب استخدم منتجات لوريال وغارنيه ......
و عشان زيني يكتمل ما بقدر احط في جسمي لوشن معطر لأن المسامات مفتوحه وهالشي بيسمرني
الحل اني بجيب زيت جونسون للاطفال الي لونه بنفسجي واخلط وياه مسك الورد من القرشي وادهن جسمي كاااااااااااااااااااااااااااااااامل الجسم بيمتص الزيت وبيمسك ريحة المسك
......................
عشان ما اخرب وجهي بالمكياج شوفو طريقتي هذا وانا متأكده بتعجبكم موووووووووووت
اجيب كريم كيلي من الدكان اشتريه او كريم مينا كلهم بدرهمين او ثلاث اوزعه بكااااااااامل وجهي ورقبتي اصبر دقيقتين,, ابلل صبعي بماي الورد واحط مسحه فقط بصبعي المبلول للعكر الفاسي ديرو بالكم ما تكثر بس من الغطا خذو مسحه واحطه في خدودي وشفايفي وبعدها بجيب الاسفنج مال المكياج واحطه في بودرة الهامالايا مالت الاطفال واوزع الاسفنجه بوجهي
شي طبيعي ومريح جدا وحسيت انه فتح ويهي زياده من هالطريقه
والله يابنات يكون الوجه طبيعي واهم شي ان بودرة الهامالايا للأطفال ناعمه جدا وجهك ما يبقع بالعكس يخليه متناسق اما بودرة بيبي جونسون يخلي الوجه يبين انه جاف ومول مب حلو
شعري ارتبه واحط شبابيص يحركات كيوت وشكلي يطلع كيوت ماشاء الله تبارك الرحمن ههههههههههههه
اذا لبست قصير بعطيكم طريقه حلوه
ادهن ريولي بكريم اولاي او غارنير كامل ريولي ادهنه وايب اللمعه الي يبيعوه في نعومي واخلط وياه بودره هامالايا واحطه في ريولي احط مناكير والبس الخلخال ونعال حلو للبيت بس طبعن يكون مفتوح من جدام عشان صبوعي يبينن
من يرجع زوجي الحبيب يشوفني كاشخه ويحسب انه الليله ليلته بس اقوله نونونونو هالليله ليلتي ودلعي انا
طبعا زوجي مستحيل يسوي لي ها كله لانه مايعرف ولا ظنتي انه في مشرقي وعربي يهتم انه يسوي هالسوالف لزوجته بس عشان تصير ريلاكس><
فأقوله يا حبيبي انا لازم ادلع نفسي مثل ما ادلعك واهتم بنفسي مثل ما اهتم فيك
وتمر الليله وانا في عناد اني اجهز الحمام لريلي مثل ما سويتلي في نفس ليلتي عشان يعرف ان هالليله تخصني
طبعن نحنا كلنا نسوي هالاشيتء واكثر لأزوجنا لكن المفروض ان نسويه لنفسنا قبل ازواجنا عشان نكون في مود وصحه جيده لأن الاسترخاء مهم للصحه .............................................
عزيزاتي
في كثار الي ازواجهن يداومون برا امارتهن ويتمون ايام ما يشوفون ازواجهم
اكيد هالشي صعب ومتعب
لكن اذا الضيقه اثرت عليج ما بتقدرين تسعدين نفسج وزوجج برجعته لج
لازم المود يتغير عشان تعيشين افضل
بقولكم شو تسوون
سوي نفس الي سويته
سيري الصالون اذا قدرتي
سوي منيكيور وبديكيور ومساج واي شي حابتنه
اذا ما قدرتي تسيرين الصالون عادي مو مهم
استغلي فرصة بعده عشان تسووين في عمرج بلاوي من الخلطات وتزيتين شعرج
وحمام مغربي وغيره من الخلطات المهمة بالنسبه لج
وطبعا ارتاحي من الضغط الي عليج واشغلي عمرج في نفسج
لأن لو ما سويتي جي بتظلين حزينه وبتحسين بفراغ وبيذبحج هالشي
وان تضايجتي بتظاربين ويا ريلج ولا غيره
لازم نكون في حالات نفسيه مريحه عشان نسعد انفسنا والي حولينا والاسترخاء ضروري والحمام الي قلتلكم عنه ضروري بدرجه ما تتخيلونها لصحتج ولنفسج قبل غير .......
تنبيه :
لا تنسون الغاسول الطبيعي الي علمتكم اياه بس الحامل ما تستخدمه لأن فيه الخزامى
لا تنسون خلطة التبيض للمنطقه الحساسه الي هي ربع فنجان زيت خروع وربع فنجان زيت لوز ونص فنجان زيت جلسرين ونص فنجان ليمون
اكثر من مره حطيه في المناطق السمره في اليوم ومفعوله خباااااااااااااااال
انا الحمدلله كله لوني واحد وعشان احافظ عليه
ادهن المناطق الحساسه بكريم بيبي ست وارش عليه بودر الاطفال هيمالايا
كريم بيبي ست متوفر في المغرب بس شوفو ادا ممكن في تاجرات يوفرونه لكم
لا تنسون المشروبات الي تطلع روايح يحنن الزوج لأنها مهمه جدا بس الحامل ما تشرب
اممممممممم شو بعد
اذا تذكرت شي اكيد ما ببخل عليكن والسموحه لأني طولت عليكن ^_^
سلاااااااااااام يالغاليات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
يزاج الله كل خير أختي الغالية
ولي عودة لتكملة الموضوع ^^
__________________________________________________ __________
>>>> الرد الثالث :
بناااااااااااااااات بليزم الي بيعجبها الموضوع تدعي لأم زوجي الله يشفيها ويحفظها ويطول بعمرها
حتى الي ما يعجبها الموضوع تدعي لأم زوجي غصب يعني هههههههه
البنات الي راسلوني وانا ما رديت عليهم وفي وحده قلت لها بسوي لها جدول
بليز راسلوني مره ثانيه لأن الرسايل انمحت ل
وما اذكر اسامي العضوات
وسوري على التأخير ><
__________________________________________________ __________
>>>> الرد الرابع :
ما شاء الله وصفات ونصائح تفتح النفس مشكورة وما قصرتي جزاك الله كل خير
__________________________________________________ __________
>>>> الرد الخامس :
