بسافر المانيا أتعالج _ ميونخ _ أفضل مكان للسكن ؟؟؟؟
عنوان الموضوع : بسافر المانيا أتعالج _ ميونخ _ أفضل مكان للسكن ؟؟؟؟
مقدم من طرف منتديات الضمير العربي
السلام عليكم _ بنات يزاكم الله خير بسير ميونخ اتعالج وبيلس فترة طويله ...... أبا مكان زين للسكن ... أنا وريلي وبشكارتي ...... اللي تعرف لا تبخل علينا ... ويزاكم الله خير مقدماً
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
في شقق أسعارها معقولة يعني تقريبا 800 درهم الليلة كنا ناخذها فميونخ في نص المدينة وجريبة من مركز كاوفوف ومن الاسواق بشكل عام ومن شارع الماكسميليان اللي هوه كله اسواق بعد وصاحب العمارة عربي تونسي والشقق نظيفة ووسيعة مطبخ وحمام وغرفتين وصالة والشقق أمان أمان وكلها عرب من الامارات وبلدان الخليج للي بيسكننون فترة طويلة اذا ناسبتج راسليني عالخاص بدبرلج الرقم والعنوان حبيبتي
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الله يعافيج ختيه والاحسن انج تاخذين سكن قريب من المستشفى تاكدي وين مكانه وبعد تقدر السفاره تساعدج
شي شقق فوزي قريبه عالسوق وكل شيء عدالج
__________________________________________________ __________
>>>> الرد الرابع :
هلا الغالية
ما تشوفين شر فديتج .. أجر و عافية ان شاء الله https://4arab.xplainer.net/images/smilies/smile.png
شوفي هالموضوع بيفيدج :
https://forum.uaewomen.net/showthread...1#post10665731
و هذا ردي في الموضوع :
https://4arab.xplainer.net/images/wo...quote_icon.png المشاركة الأصلية كتبت بواسطة الغر الحشيم https://4arab.xplainer.net/images/wo...wpost-left.png
مرحبا الغالية ..
بخبرج عن الشقق اللي اعرفها بحكم خبرتي و تجربتي في ميونخ و ان شاء الله تستفيدين :
1- أنظف و أرقى و أفخم شي شقق ماكسيمليان اللي قالت عنهن اختي إماراتية بس أسعارهن غالية حبتين
2- عندج بعد شقق فوزي اللي ذكرتهن احبك M بس اختاري المبنى اليديد لان المبنى الجديم الشقق مستهلكه وايد و مب نظيفة و إزعاج
3- و بعد شقق مراد بس آخر مره سرنا واايد رفع أسعاره على الفاضي و ما سكنا عنده لأن الشقق عادية ما تستاهل بس يميزها موقعها في منطقة الأتراك يعني كل شي حذالها و قريبة من المارين و حجمها كبير ، على فكرة شقق فوزي و مراد في نفس الشارع
4- و بعد عندج شقق اطلس سكنا فيها آخر مره .. الشقق نظيفة و راقية خصوصاً اللي في الدور الأخير اكبر شقق بس ما عندهم الا غرفة و صالة و مطبخ و حمام الله يعزج يعني اذا انتو عايلة كبيرة لازم تاخذون شقتين بس نبهي عليهم اللي في الدور الأخير .. و اتحذري من لورنس المصري اللي في الرسبشن تراه لوتي و يعطي كل حد سعر على كيفه يعني كاسري وياه قد ما تقدرين و شوفي كيف بينزلج السعر
5- و بعد شقق شتول بيرغ بلازا اللي صاحبتهن كاتيا .. انا ما شفت الشقق شخصياً بس وايد يمدحونها و وايد عرب ينزلون فيها و موقعها قريب من المارين و شارع الماركات ماكسيمليان و نظيفة و أسعارها حلوة و هذا الموقع على الإنترنت : https://www.stollberg-plaza.com/engli...680a36712.html
6- و بعد شقق اربيست في منطقة الأتراك راعيها واحد إماراتي و كلها عررب .. أسعارها معقولة و اصحابها متعاونين بس المشكلة واايد إزعاج و حشرة و العرب عافسينها ما شااء الله لول و مكانها في نفس شارع شقق أطلس
7- عندج بعد شقق ديراج برنسس اليزابيث عبارة عن شقق فندقية يعني فيها خدمة تنظيف يومية و وايد نظيفة و راقية و أسعارها معقولة بس المشكلة مكانها بعيد عن المارين و الأسواق بس تنفع حق اللي يحبون الهدوء و الراحة لان المنطقة راقية و هادية و يمر فيها النهر و الفندق فيه حديقة حلوة حق اليهال و تحت الفندق سوبرماركت كبير و شيشة بترول ..
و اذا تبغين تروحين المارين تاخذين الباص اللي عند الفندق و تنزلين في آخر محطة ( الهوفبانهوف) اللي هي محطة القطارات الرئيسية في ميونخ و فيها كل شي من مطاعم و محلات و حذالها الأسواق و المارين .. و هذا الموقع على النت : https://www.deraghotels.de/en/PE.htm
و السموحة على القصور https://4arab.xplainer.net/images/smilies/smile.png
__________________________________________________ __________
