ماهقيت ان الوقت يغير الحال ولا هقيت قلبي في يوم يعشق..بقلمي,.’
عنوان الموضوع : ماهقيت ان الوقت يغير الحال ولا هقيت قلبي في يوم يعشق..بقلمي,.’
مقدم من طرف منتديات الضمير العربي
رواية((ماهقيت ان الوقت يغير الحال ولا هقيت قلبي في يوم يعشق ))
بسم الله الرحمن الرحيم
حبيت انزل اول رواية لي بهذا المنتدى لأن وبكل صراحه عجبني وحبيت اسجل فيها وانزل اول روايه لي
واتمنى اشوف التفاعل منكم..
وما أحلل احدد ينقل روايتي دون ذكر اسمي فيها((العيون الناعسه))
البدآيهه..
البارت الأول.
ابو فهد:ساره ياساره
جيت اركض من المطبخ وكانت بيدي ملعقه كنت ازين لفهد أكل فيها
انا:سسم يبه
ابوي ينزل الأغراض اللي بيده:سم الله عدوينتس جبت هالغريضات من سوق الخضره اخذهينن للمطبخ يابنتي..
انا وافتش بالكيس واشوف الطماطم..الخيار..الكوسا..الباذنجان...الخ من الخضار اللي جايبهن ابوي:ماقصرت يبه يعطيك العافيه...اخذت نص الكيس ورحت للمطبخ ارتبهن بثلاجه واحوس اطلع اشياء من ثلاجه انتهت صلاحيتهن وباقي من الخضروات من زمان وهي هينا خربن طلعتهن كلهن بكيس وحطيتهم على جنب واخذت الخضار اللي ابوي توه جايبهن وبديت اوزع كل شي بمكانه ...لما خلصت حوستي رحت اغسل يدي ورحت لصاله وقعدت على اقرب كنبه صراحه ظهري انقص من حوستي بهالثلاجهه ...غمضت جفوني واسترخيت وامدا احس براحتي الا فزيت نسيت اعطي فهد اكله...ياربي جايني هالنسيان من تالي...رجعت للمطبخ وغرفت بصحن صغير شوية رز من الغدا اليوم وصبيت على الرز لبن هو يحبها كذا...طلعت فووق ادوره لقيته قدام التلفزيون منسدح...قربت لقيته ياحياتي ناييم فديته شكله ماحس بنفسه ....وطيت صحن الرز ع الطاوله اللي جنبي..قربت وشلنه ووديته لسريره...لحفته زين عشان هالبرد ينخر العظام ..طفيت الأنوار وطلعت رجعت اخذت صحن الرز ورجعته للمطبخ...وبعدين على طوول طلعت لغرفتي محتاجه انام لو نصص ساعه من الصبح وانا على حيلي..
وونمتت وكني لي قرن مو نايمه
.......
صحيت بسرعه وشفت الساعه لقيتهاا 7 ونصص المغرب ....فزيت يووه استغفر الله صلاة المغرب فوتها ...رحت توضيت وفرشت جلالي وصليت المغرب..خلصت طويت الجلال ورفعته ...نزلت بسرعه للمطبخ اطلع الخضره وانظفهااا بزين لأبوي ايدام اعرفه فديته يموت فيهاااا....خلصت تنظيفها وقعدت اقطعها لما خلصت خليتها على جنب بعد نص ساعه اطبخهاا...طلعت فوق لفهد لقيته فاتح التلفزيون وك العاده ع سبونج بوب...هههههه ذكرني يوم اني صغيره بس على هايدي ولا خلصصت قعدت ابككي وازعج امي وابوي...كشرت من هالذكره مو لأني اكره طفولتي لا تذكرت امي المسعده..قعدت ع الكنبه وعيوني دمعت..من جدها تركتنا يعني...بس مسرع مانفظت هالأفككار من راسي وتزحلقت لفهوود
انا:فهووودي متى قمت
فهد وعينه على التلفزيون:قبل سوي
انا:اهاا طيب حبيبي تبي الحمام ولا رحت
فهد:لاااا رحتت اولاا
انا:شطووري فهودي
فهد لف لي وابتسم لي بعبط ...ضحكت عليه فديته مع انه صغير الا مشاء الله عليه ذكي ويفهمم بسرعه....قعدت اطالع معه سبونج بوب مليت الصراحه نفس المشاهد تككررر ليش مايمل..نزلت لصاله وسحبت التلفون بتصل على سوسن من زمان عنها هالهبله
بعد كم رنه
سوسن:الوووووووووووووووووووووووووووو
بعدت السماعه عن اذني ياربي هالبنت متى تترك عباطتها:سوسن وصمخ ايه وش هالسان حشى حتى اللي بتركيا سمعوو اذني يختي ابيها
سوسن:يووه هذي انتي ...ويعدين وش دخلتس يختي طبيعه فيني
انا:ايه صح نسيت طبايعك يام الطبايع...الا تعالي اخبارتس من زمان عنتس لا تدقن ولا تسألين وراتس قاطعه لحول
سوسن بتبرير:لا والله مو قاطعه ولا شي بس تعرفين دراسه وكذا وهذي اخر سنه لي
انا ضاق صدري كان نفسي اكمل دراسه بس ظروفي اقوى مني:اييه..بس مو عذر تقاطعيني ولا مليتي من صوتي يالبقره
سوسن تشهق:انا بقهر يالقرد طيب هييين اصلا انا توني كنت بتصل عليتس ماتشوفيني رديت بسرعه لاني قاعده عند اتليفون بتصصل
انا:يختي عن التصريفات اللي مالها داعي وقولي قاعده تخبصين بالأرقام كـ العاده وتتصلين على خلق الله وتزعجينهم
سوسن:ياويلتس من الله يالظالمه وراتس علي يختي احسني الظن فيني لو مرره بسس
انا:ههههههههههههههههه خلاص ياشيخه نستهبل عجبتس كذا
سوسن:ايه كذا زين...الا صحح حنا يمكن نسافر لخوالي لشمال
انا: مشاء الله ومتى ناوين تروحون!!
سوسن:يمكن لا بدت الأجازه لان فيه زواج بنت خالي لزوم نحضره بسس يمكن ابوي مايوديناا قههرر
انا:وليش مايوديكم
سوسن:مدري يقول يرابط ومدري ايش لكن امي تقول انها بتكلم خالي سلطان يجي ياخذنا
انا:بتطلون طييب!!
سوسن:والله مدري بس يمكن لأن من زمان عنهمم
انا الصراحه ضاق صدري مافي غيرها اللي موسعه صدري وبتروح :سوسن وجعع بشتاقلتس يادبه يارب خالتس يطلع له عذر ولا يجي
سوسن:استغفري ربتس يحماره ابي اطس للبنات خوالي
انا:يمال الصمرقع مستغنيه عني يعني
سوسن:يختي خليني اشتاق لتس كل يوم صوتس بذني مليت خخخخ
انا:أجججل تشتاقين لي يحماره يالله سلام
وسكرته بوجها هههههه.. عادي لاتستغربون دايم تسكر بوجهي وانا نفسها وهذي حالتنا دايم...بس والله ضاق صدري بتطول بالشمال وانا بطفش ماعندي ونيس يونسني غير ابوي...وابوي دايم عند جاره ابو مفلح مايملون من بعض قسسسم..تاففت بضيق وقمت للمطبخ اجهز عشاي....
نهآأإية البارت...
أتمنى يعجبكم
وياليت تبدون لي رايكم عشان اكمل
ودي لكم.....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
