قصة ولادتي في القرهود الخاص مع د.عبير لصحتك

عنوان الموضوع : قصة ولادتي في القرهود الخاص مع د.عبير لصحتك
مقدم من طرف منتديات الضمير العربي

الحمدلله ربي رزقني ببنوته حلوة يوم الثلاثاء الاسبوع الي طاف

نزل عليه الماي الساعه 6:30 الصبح بس بدون ويع طبعا خفت وسرت المستشفى عقب ما سبحت واتزهبت 7:30 بدا الويع عندي بس خفيف, طبعا انا طول حملي اراجع عند دكتورة عبير الجرجاوي في مستشفى القرهود.
وصلت المستشفى تقريبا 8:40 ص طبعا على حظي كانوا فاتحين قسم يديد مع غرفة الولادة والدنيا فوق وتحت دخلوني غرفى ما قبل الولادة وتميت ساعتين لحد دقني ولا حطولي تخطيط للبيبي ولا شي يالسه اتريى الدكتورة وكل مره ايقولي لي شي يوم اسال عن الدكتورة مرة في العمليات مرة في العيادة وانا اعرف ان يوم الثلاثاء ما عندها عيادة, المهم يت الدكتورة تقريبا الساعه 11 وانا تعبانه فيني جفاف والبيبي خامل والرحم فاتح عندي 3 سم ركبوا لي محاليل والحمدلله اتنشطت النونو .

اقولهم يوعانه اوونه لا امركبيلج مغذي انزين ابى امشي لا لازم انراقب البيبي انزين بيلس ايلس شوي لا ردي انسدحي نبض البيبي يختفي https://4arab.xplainer.net/images/smilies/bb/4.png صدق ماساة , طبعا يت الدكتورة على العصر لا لازم عملية ياحرمه غيري بدلي بعدني حتى ما كملت 12 ساعه من نزل الماي بس حسيتها مالها بارض وخلق وماتبى تتريى وسوتلي العملية https://4arab.xplainer.net/images/smilies/bb/3.png احسها مزاجيه الصراحه https://4arab.xplainer.net/images/smilies/bb/26.png

العنايه طبعا حدث ولا حرج ادق الجرس تيني الممرضة عقب 5 دقايق او اكثر ولا اتيني وحده تسالني شو تبين عقب اتقولي بزقر ممرضتج ولا اشوف حد وانا امسويه عمليه عنايتهم جيه, حسبي الله عليهم البيبي اتيني وصخه ثيابها كلها خايسه زواع ولا امبدليلها يعني المستشفى بس ديكورات ويديد بس العناية صفر .


اسمحولي طولت بس حبيت اكتب تجربتي اي سؤال انا حاضرة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عكس الاغلبيه يمدحن المكان و انا اراجع عندهم ياغير مره سرت لفحص !
نرقب اراء البنات و مبروكين الحاسر وربي يجعلها من الذريه الصالحه

__________________________________________________ __________

>>>> الرد الثاني :

الحمد لله على سلامتج و مبرووك ماياج

__________________________________________________ __________

>>>> الرد الثالث :

الحمد لله على سلامتك
الله يحفظ بنوتج وتكون من الصالحات
ممكن سوولج العمليه لان وضع البيبي ما يسمح بالطبيعي وخاصه ان مية الراس بس تطيح
بيكون في مشكله مع الوقت
قدر الله وما شاء فعل

__________________________________________________ __________

>>>> الرد الرابع :

الحمدلله ع السلامه..

قهرتني الدكتوره لانها ماتريت عليج

__________________________________________________ __________

>>>> الرد الخامس :

غررريبه انا وبنات تجمعي وربيعاتي ربينا فيه...
عنايه تفوق الخمس نجوووم....

اكيد عمليتج لسبببب..

وعن النيرسات ماقصرررن ابدا
وعبير ولدت ربيعتي بجؤيه صبرت عليها يووووومين ولاحولتها عمليه... الدكتوره ادرى بوضعج فلاتذمينها لمصلحتج... ًًاللف مبررروك