بنات العين منو احسن دكتوره نسائيه في العين لصحتك

عنوان الموضوع : بنات العين منو احسن دكتوره نسائيه في العين لصحتك
مقدم من طرف منتديات الضمير العربي

مرحبا خواتي ,,,, شحاااااااااااالكم عساكم بخير....








عندي سؤال وارجو من بنات العين او من اي مكان غير جرب دكتوره نسائيه في العين اتفيدنا وفي نفس الوقت الكل يقدر يستفيد .... بصراحه عن نفسي مب مقتنعه في حد اولا
دكتوره غزل عيادتها ضيقه وماتفتح النفس وتشخيصها مال بسرعه واحس اجهزتها ماتعقمها..
دكتوره امل ادفعج وايد عالفاضي واطلع فيج امراض الدنيا عشان الحساب يزيد ...
دكتوره رخاء مره وحده قابلتها مارتحت الها مادري ليش مع ان عندها جهاز يديد وتقول انه مافي منه في العين او الامارات ماذكر
مستشفى توام بالمره مب شي بدون ذكر اسباب ....اقصد للعلاج بس احيانا للربي اوكيه ..
هذيلا اللي جربتهن ماعرف عن الباقي اللي جربت الباقي تخبرنا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أمي أكثر شي تتعالج عند دكتوره فوفو سلامه
و دكتوره غزل ماهري

الثنتين شاطرات .. و سمعتهم أوكي
بس غزل يقولون ساعات تكون عصبيه .. و فوفو شكل العياده يسد النفس .. بس هي فنانه أنا جربتها مره ..

حريم عمامي يتعالجون عند دكتوره اسمها دكتوره نبيله أعتقد فالبريمي بعد يمدحونها

هذا اللي أعرفه https://4arab.xplainer.net/images/smilies/smile.png

بصراحه من ناحيه التعقيم .. مستشفى توام و بس ..
لا تتقعين العيادات الخاصه تكون بنفس المستوى ..

__________________________________________________ __________

>>>> الرد الثاني :

أنا اتعااااااااالج عند توااام ابصراحه واثقة فيهم والدكتورة اول باول متابعة حااااالتي ومرتاااحة واااايد عندهم_ اتعالج عند الدكتورة تيودورا ماشالله عليها صدق شاطرة وثقة

__________________________________________________ __________

>>>> الرد الثالث :

بصراحه عيادة فوفو وعيادة غزل
صح المكان مايفتح النفس وعلاجهن اغلبيته ع الطاير
بس صدقيني ماشي شراتهن بالمرررررره
واللي يعيبني فيهن مايكبرن الموضوووع وبعدين بصراحه تحسين
ايديهن خفيفه وعندهن خبرررررررررررره
والدليل انه عيادتهن دووووووووووووم فــــل
لو يييتي قبل الدكتوورة بساعه مابيكون رقمج اقل عن 13 !!!!

توااام حد اوكيه وحد مب اوكيه كالعاده

https://4arab.xplainer.net/images/smilies/smile.png

ختكن
Cute MaMa

__________________________________________________ __________

>>>> الرد الرابع :

انا عن نفسي جربت دكتوره غزل بصراحه وايد ارتحت لها وفنانه وعمري ما رحتلها وعالجتني بسرعه او كانت مستعيله ..

وبالنسبه لفوفو انا خواتي يتعالجن عندها واخت ريلي وربيعتي ويمدحنها بعد ..بس انا ما اتعالج عندها ما ادري ليش اخاف من شكلها بصراحه هههه..

بالنسبة لتوام انا حاطه عليه علامت اكس بالاحمر مستحيل ولو شو ما اقرب صوبه ..

دكتوره رخاء بصراحه ما عندها اسلوب .. كرهتها ..

دكتورة نبيلة اللي فالبريمي ما عليها كلام ويكفي تدينها والنفس ترتاحلها وتدخل القلب وعلاجها ما عليه كلام ..

هذا اللي عندي فديتج واسمحي لي

__________________________________________________ __________

>>>> الرد الخامس :

أنا جربت الدكتورة غزل و الدكتورة رخاء و كلهن مايفهمن شي مول بس من ناحية معاملة الصراحة الدكتورة غزل زينه بس من ناحية طب ماتفهم شي. أنا اتأخر عندي الحمل فسرتلهن و يوم فحصني يقوليلي مافيج شي بس التهاب و يعطني حبوب عن الالتهاب و كنت على هذا الحال لمدة سنه و الدكتورة غزل عطتني حبوب كلوميد أكثر من مره و كل مرة مايستوي حمل مع العلم إنه التبويض عندي سليم 100%... في النهاية قلت خلاص أنا لين متى بستنى لين ماتخلص بويضاتي بسبة هالكلوميد فقررت أسير مستشفى توام و يوم فحصوني هناك قالولي الأنابيب مسدودة عندي و لا وحدة منهن لا الدكتورة غزل و لا الدكتورة رخاء عنت نفسها و فحصتلي الأنابيب. بس إللا شاطرات يعطن كلوميد و في حالتي طبعاً الكلوميد مايفيد. بس اللا قيس ما ضيعتلي بويضاتي و زين ما خربتلي المبايض. فوفو مايربتها الصراحة لأني سمعت عنها إنها تتكلم وما تستر على الحريم و أنا جذيه وحده الصراحة ما أحب أتعامل وياها بالمرة و الدليل إنه خبرت أختي عن و حده و شو من المرض فيها و إنها مسويه تاتوه في ورجها يعني بالله عليكم هذا كلام.. اختي كشت منها و لا رجعتلها مرة ثانيه. أنا في رايي إنج تسيرين مستشفى و خلي عنج العيادات الخاصة.... هذا و الله أعلم