اليوم خذت لفه ع المدارس الخاصه في العين تعليم الامارات

عنوان الموضوع : اليوم خذت لفه ع المدارس الخاصه في العين تعليم الامارات
مقدم من طرف منتديات الضمير العربي

https://4arab.xplainer.net/images/sm...alam_allah.gif

حبايبي اليوم خذتلي لفه على بعض المدارس الخاصه في العين ... بعطيكم انطباعي عنهن وأبا شوركن وتجاربكن
1_ أكاديمية المستقبل الخاصه
في لها فرعين فرع في النيادات وفرع في الصاروج
اللي في النيادات ما عيبني المبنى وايد طويل الدرج بروحي خفت اطيح كيف العيال
أما اللي في الصاروج ... الصراحه عيبتني وايد
ايجابيات : اللغه الانجليزيه يدرسونهم اجانب ... المشرفات وايد في المدرسه ويهتمون بالعيال... المبنى فنان وواسع... وأسعارهم زينه وأقرب مدرسه خاصه لبيتنا
السلبيات ( أو الاشياء اللي ما حبيتها شخصيا) : الرياضه والموسيقى يدرسهم استاذ مب مس

2_ مدرسة الظفره الخاصه
الصراحه بشكل عام المدرسه حلوه ... بس شوي بعيد عن بيتنا ... وبعد لان بنتي متعوده في مدرسة الدانات الطاقم كله مواطنات فما ادري اذا بتتأقلم عندهم دلوعه هالبنت ^^

3_ أكاديمية الخليج
بشكل عام حبيتها بس شوي بعيد من بيتنا

4_ مدرسة محمد بن خالد للأجيال
الايجابيات :عدد الطلاب في الصف 15 طالب بس ... يعني يركزون على كل طفل
السلبيات في نظري: احس منهجهم مب وايد قوي ... وقالتلي ان ماشي واجبات يعني كل الشغل في المدرسه

5_ مدرسة الاتحاد الوطنيه
ماحبيتها بالمره ... البنات والاولاد مخلوطين مع انهم مب صغار ...اقصد برى المبنى مب في المبنى نفسه ... وما سمحولي القي نظره ع الصفوف

وهذي كانت جولتي المتعبه
شوروا علي ؟؟؟؟؟؟
وعندي استفسار
الحين عندي بنتين بحطهم في نفس المدرسه ... بالنسبه للباص لازم ادفع عن كل وحده رسوم ... تراهم بيسيروا باص واحد ومن بيت واحد؟؟؟؟
انتظر اراءكم .........

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

؟؟؟؟؟؟؟؟؟؟ ولا رد

__________________________________________________ __________

>>>> الرد الثاني :

https://al-fnaan.com/twqislm/11.gif

__________________________________________________ __________

>>>> الرد الثالث :

انصحج باكاديمية الخليج ,,, انا ولدي في الظفرة بس وايد قوية دراستهم عليه ف بنقله اكاديمية الخليج ان شاء الله


و شفت مدرسة بعد اسمها صقر الامارات وايد حبيتها بس بعدني ما سرت اشوفها من داخل و اسال عن النظام و جيه

__________________________________________________ __________

>>>> الرد الرابع :

https://4arab.xplainer.net/images/wo...quote_icon.png المشاركة الأصلية كتبت بواسطة فديتك_أنا https://4arab.xplainer.net/images/wo...wpost-left.png
انصحج باكاديمية الخليج ,,, انا ولدي في الظفرة بس وايد قوية دراستهم عليه ف بنقله اكاديمية الخليج ان شاء الله


و شفت مدرسة بعد اسمها صقر الامارات وايد حبيتها بس بعدني ما سرت اشوفها من داخل و اسال عن النظام و جيه



مرحبا الغالية أكادمية الخليج وين مكانها؟؟؟وشو أسعارهاا؟؟؟

وربي يوفقج...

__________________________________________________ __________

>>>> الرد الخامس :

بالنسبة للباصات المدارس الخاصة تحسب الرسوم عالراس الواحد يمكن ينقصون فالمبلغ شوي