بنات في الإنترنت / كاملة روايات الخليج

عنوان الموضوع : بنات في الإنترنت / كاملة روايات الخليج
مقدم من طرف منتديات الضمير العربي

" بنات في الأنترنت"
بطــولة سـت بنــات مشــو بـالطريــق الخطــأ بـالنت ..
أهلهــم مشتددين فـي كل شـيء وتركــوهم على راحتهم يجلســون بـالنت
روايتي هذي تختلف عن الأولى اتمنى اشـوف فيها تشجيع أكثـر ^_^
في البدايه
راح أعرفكم على اسمــائهـم وشنــو يقربـون لـ بعض وشخصياتهم ..


ريتـال بـطـلة القـصه 1 ..
خجــوله مـره حتى مع صحباتها تسـولف وتضحك وتفرفش بس ماتمون عليهـم كثيـر
كتــومه عمرها ماقالت حـق أحد اللي بقلبها وعمرها ماصاحت جنـب احد صيــاحها كـله بصـمت
وحنــونه و خوافه رومنسيه تحب تغامر بس ماتتجراء على المغامره
فيهـا خـفة دم نـاعمه وكلآمها كله دلـع وطبعـا تطلع عفــويه ومن تقـول شـيء بـ دلع الا الكـل علق عليها
يسمونها أم دمعـه لانها على أقـل شـيء تصـيح مو أجتماعيه ماتحب تجلـس مع احد غير صحباتها
أهلهـا : متشددين وبقــوه أمها عادي بس ابوها متشدد
ســـاره بطلـة الروايه .,2
تصير بنت خـالة ريتـال وأقرب وحـده لها خفــيفه دم وتحـب تعلـق يعني أي احد يغلط جنبها يــاويله لازم تعلـق عليه
مرجـــوجه والكل يحـب يجلس جنبها ودهـا تكون اجتماعيه بـس مـاتعرف جريــئه عـكس ريتال وتحب تغامر
ومــاتخاف من شـيء تحـب اللعب والمـرح لكنـها عصبــيه واللي في قلبها على اللسانها
أهلها : تقدرون تقولون متشددين بس تشدد اهل ريتـال أكثـر
عــذاري بطـلة الروايه ..3
نـاعمه ورقـيقه و اذا جـات بتتكلم بـالهمس بـالموت الواحد يـسمع كلامها تحـب الشـباب وتخـق عليهم على أي حركــه يسوونها
ذوقهــا حــلو تهتم بـشكلها كثـير وتقدرون تقـولون واثـقه وصريـحه بس بحـدود أجتماعيه كثـير عكس بنت عمها ريتـال
تحـب تتعرف على الكـل ودهـا تكون مشهـوره ودها الناس كلها تعرفها على انها اجتماعيه بس شهـرة ريتال وساره اكثر منها
فـيهـا خــوف أشـوي بـس تحـاول تكـون عـاديه علشان فرحتها حنـونه و تحب المغامره بس مو مثـل مغامره سـاره عذاري تحب تغامر عـند الشــباب ..
أهلها : متشددين كثـير أكثــر من ريتـال
رنــيم بطلة الروايه 4..
مثـل ماقلت تصـير بنت خالة عذاري ، جريــئه كثـير ماتخاف من أحد وصرحيه اللي بقلبها على اللسانها لـ درجـة صراحتها تخلي
النــاس تـزعل منها كتــومه ماتحب تقول مشاكلها لـ أحد بس صحباتها مرات يفهمونها تحـب الضحـك كثـير وسوالف والرقـص والاغاني
وفيها دلــع زي ريتال دلعها يطلع عفـوي والكـل يعلق عليها
اهلها : أكثـر نـاس متشددين بـالروايه
جــود بطلة الروايه 5 ..
مثل ماقلت تصير بنت عم عذاري ورنيم تحب تتميلح عند الشبـاب وتحـب تصـادق يعني تقدرون تقولون اجتماعيه
تحـب الشهره زي عذاري وأكثـر شـيء اهي اللي تطيح بضحـية صراحة رنيم تنقهر من رنيم كثـير بس مع ذلك رنيم اقرب وحده لها

ودايم تسـوي نفسها خوافه فيها غيره اشــوي من صحباتها
أهلها : تقدرون تقــولون متشددين
منــار بطلة الروايه 6 ..
خجـوله ماتعرف تحفظ السـر فيها خـفة دم رهيبه الكل يحبها بس اهي مو اجتماعيه وماتحب تجـلس مع أحــد
وصحباتها حاسدينها على أهلها انهم مو متشددين أبــد ولا عليهم منها ، بس منار ماتحب تطلع وكـله جالسه بالبيت
على ان اهلها معطينها حريـــه كـامله تصير بنت خاله ساره وريتــال .. عايشه مع زوجـة ابوها طيبه و حبوبه ابوها متوفي وامها كمان

ريتــال + ســاره + عـذاري + رنــيم + جـود + منــار ،،
ريتال + عذاري ..
بنــات عـم
ريتال + منار + ساره
بنـــات خـاله
عذاري + جـود + رنـيـم
بنــات خـاله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اليـاس / ليه البنات لعبه كل اشوي نغيرهم
محمد / إيـوه لعبه أجـل وش هم
اليـاس / وربي انكم رايحين فيها
فيصل / أقـول مو كأنك خاين ريتال مع بنت عمها عذاري
الياس / والله عذاري اهي اللي جات لي مو انا وبيني وبينك انا احس ان ريتال احسن من عذاري
محمد / اجل ليه تكلم عذاري
الياس / انا اكلم عذاري اوسع صدري اما ريتـال احسها حنـونه وطيبه ماعندها حركات البنات
فيصل / مشكلتك انت انك تصدق كل شـيء
الياس / اهي ماقالت لي هالشـيء انا حسـيته
محمد / المهم تركو هذا وقولهم يفتحــون النـت وعرفوني على رنـوم
الياس / انا ماعندي لا رقم ريتال ولا عذاري
فيصل / انا بتصـل على سـاره
دخلــو كلهم النــت و سـوو محادثه جماعيه
فيصل / الياس ادخل بسـوي لك دعـوه معاهم
الياس / اذا عذاري وريتال موجودين معاكم مابي
فيصل / ريتال مو هنا بس عذاري
الياس / ليه وينها
فيصـل / مدري يــلا أدخـل
فـي المحـادثــه ...
فيصـل يســأل عن ريتال بطلب من اليـاس
فيصل..........:
الا ريتال وينها غريبه مو هنا
سـاره ........:
جات مع ولد عمها واهي تعبانه والحين نايمه بغرفتي
كللهم ........:
ماتشوف شـر
رنيم ............:
اليوم فصــول جايب ربعك
فيصل ............:
إييي جايب حميد الولد يبي يتعرف على وحده قلت له عندي بنت رهيبه
جـود ...............:
أكيد تقصدني ( فيس خجول)
عذآري ..............:
لا يقصدني انا ( فيس خجول )
فيصل ..........:
أمووت واعرف انتو ليه واثقين من نفسكم
رنيم ..........:
هههههههههههه فشلـوهم الحمد الله اني مافشلت نفسـي
محمد .........:
لــيه تتفشلين وانا أبيك أنتي
رنيم ...........:
( فيس خجول ) يـؤ يــؤؤ احرجتني
جود ........:
أووووه ياعيني ياعيني عليك يارنيم صارو يبــونك
رنيم ..........:
عاد هذا مو أول واحد
عذاري ......:
واحد ويخـب عليك
اليـاس واخيرا’ تكلم ....:
هذا واحد بس مو أي واحــد
محمد ......:
كفــو يــوسي
فـي غـرفة سـاره جالسه ريتال ع السرير بتعب واتصلت على عبد المليك كل عاده من تتعب ولا تتضايق تكلـمه ..
ريتال / عبد المليك
عبد المليك / لبـيه
ريتال / انا تعبانه
عبد المليك / وش فيك ..؟
ريتال / حاسه اني مكتـومه تعبت من دنيــتي
عبد المليك / ياحياتي ماتشوفين شـر
ريتال / أ أ أبـ أبـ
ماقدرت تكمل وعلى طول صاحت
عبد المليك / ريتال حبيبتي وش فيك قولي لي ؟
ريتال مازالت تصيح مو قادره تـقول كلمه وحـده
عبد المليك وهو خايف عليها / ريتال قطعتي قلبي لا تصيحين خلاص مابي اعرف بس تكفين لا تصيحين
كلمـات عبد المليك ماكانت تهـدي ريتـال إلا كـان يزيدها حزنها فـوق حزنها
سكت وهو متوتر يبيها تسكـت يحبها ومايبي يسمعها واهي تصيح ..
هدت ريتال أشـوي واهي تقول / انا بسكر
عبد المليك / طيب بس أمـانه عليك اذا هديتي تتصلين علي لا تخليني أفـكر
ريتال بطاعه / إن شاء الله ..
قامت من السرير وراحت دورة المياه تغسل وجهها وشافت نفسها في المرايا
الدمــوع معطيهـآإ براءه فـوق براءتها شعرهـا ناعم ومدرج على قـصة أنـاناس ومن قدام إيمـو .. يعني يكون من الخلف مدرج ومن الأمام شعرها يغطي عيونها
رفعت شعرها اللي مغطي عيونها وغسلت وجهها ورجعت السرير وارتاحت ورن جوالها على نغمـة راشد الماجد
ما أبيك ما أبيك بحياتي ابتعد ما أبيك روح دور على إلي من تبيه ويبيك(حاطتها نغمه خاصه لـ رواف ) .. ردت عليه بصوت كله حزين / ألو
رواف / هلا والله اخبار الحلوه..؟
ريتال / الحمد الله على كل حال
رواف / لما الحين تعبانه
ريتال / أشـوي
رواف / ان شاء الله بكره يروح عنك الألام وكل شـيء
ريتال / المشكله انا مو تعبانه من الألام اللي فيني
رواف / تعبانه اجل من وش..؟
ريتال واهي تتنهد / من كـل شـيء
رواف / وهذا الكل شـيء مني أنـا ..؟
ريتال / إيي منك أنت
رواف / كل اللي اسويه لاني أحبك مابيك تكونين لـ غيري
ريتال / ههههه عـذر حلو علشان مـاكون لغيرك تغتصبنـي
رواف / ريتال والله أحــبـك ليه ماتحبيني
رتيال / حبيتك ولا ماحبيتك راح أكـون لك غصب عني
رواف / بس انا مابي غصب عنك انا مابي من الدنيا شـيء غير حـبك
ريتال واهي تمسح دموعها / رواف خـلاص انا بسكر مابي اصيح مره ثانيه
سكت رواف وعيـونه غرقانه بالدمــوع
ريتال / يلا رواف باي
رواف بغصه / باي
دخلت دورة الميـاه مـره ثانيه ومسحت وجهها وطلعت عند البنات تـوسع صدرهـا
ساره / أووه رتــول حمد الله ع الســلآمه واخيرآ’ قمتي
ريتال ببتسامه حلوه / ربـي يسلمك
جـود / تعالي معانا مسوين محادثه جماعيه
عذاري ماتبي ريتال تكلم اليـاس وقالت / لا خليها ترتاح
رنيم / بترتاح اذا كلمت اليـاس صح ريتال
ريتال بـ فرحه أول مره تحس فيها اليوم / من جـد داخل من زمان ماكلمته صار لي يومين
ساره / والله لو أدري انك بتفرحين قلت لك من زمان ان داخل
ريتال واهي مبتسمه / جيبي لاب توب اخوك سوير ماجبت لاب توبي اليوم
جابت لاب توب أخـوها على طول وشغلته
في محـادثة عـذاري واليـاس ..
عذاري .....:
أوفف النشبه بتدخل
اليـاس ......:
ريتال ؟
عذاري ........:
ايي ريتال حتى انت عرفت انها نشبه
اليـاس ......:
لا ماعرفت انها نشبه بس ساره قالت لي انها بتدخل الحين وقالت لي ماشفت فرحتها
عذاري .......:
إيي أدري شفتها مسويه نفسها تمـوت فيك اصلا مو لايق عليها تحب
اليـاس .....:
ههههههه حرام عليك ماعليك منها
عذاري ......:
لا من قال بخليها تكلمك والله ماخليها
اليـاس .......:
الحين ريتال مو بنت عمـك ليه تكرهينها ؟
عذاري .......:
ماكرهها بالعكس اتمنى لها الفرحــه واحبها بس معاك احس اتمنى لها التعاسه وأكرهها
اليـاس .......:
دام اني بخليك تكرهينها كذا انا بطلع من حياتك وحياتها
عذاري .........:
الياس انت زعلت
اليـاس ......:
:) لا مازعلت بس ماحب أخرب على احد
عذاري .....:
ماعليك منا ماخربت ولا شـيء الحين ابيك تسوي لها بلـوك وانا ماراح اقولها إنك داخل
اليـاس ....:
طـيب..
ســووهـ اللي قالت له عذاري
أمـا ريتال دخلت أميلها بـفرحه واهي مبتســمه أبتسامه تشـرق وجهها البريئ ، رجعت على حزنها بعد مادخلت و شافت اليـاس أوف لاين ( غير متصل ) ..
ريتـال / ليه تقولون إن داخل ماشوفه
ساره / وربي كـان داخل بس طلع الحين
جـود / دامك تحبينه ليه ماتاخذين رقمــه
ريتال / لاني احبــه ماخذت رقمـه
رنيم / هههههه تكفين عااد اول مره اشوف كذا
ريتال / والله من جد لاني احبه مابي انحـرف معــه
ساره / إيــوه هذا الكــلام العـدل فديتك بنت خالتي وفديت كـلامك
ابتسمت لها بدون ماترد ورجعت الغـرفه ترتـاح
عـذاري ....:
رجعت غرفة ساره ترتاح
اليـاس .....:
ليه اهي وش فيها
عـذاري .....:
والله مدري رجعت من رواف واهي تعبانه
اليـاس .....:
شكله رواف معذبها
عـذاري ...:
ليه اهي قايله لك ؟
اليـاس .....:
لا ماتقول ريتال شـيء بس مجــرد توقعـات ..
عذاري .....:
طيب خلنا منها وارسل لي صـورتك
اليـاس .....:
وليه مو انتي ترسلين لي صورتك
عذاري ......:
صعبه أشـوي
اليـاس ......:
لا ارسلي لي صورتك وبشـوف صورة ريتـال بشـوف مين الأحلى
عذاري .......:
هههههههه أكيد أنا احلى
اليـاس .....:
ارسلي وانـا بتــأكد بنفسـي
عـند منـآر ..
جالسه ع النت وطفشـانه ودهـا تعيش الحب مثل صحباتها بس مشكلتها ماتثق فـي اولاد النت
طلعت من اميلها بطفش اليوم حذفت ثـلاث اولاد من اميلها وماعندها احـد قررت تشترك فـي منتدى تسلي نفسها فيه ..
دخـلت قـوقـل واهي تحـوس فيه وتـدور منتدى جديد ماحبت تشترك في منتدى قديم وزحمة اعضاء علشان المنتدى الجديد بكـون قلـيل اعضائه وبسـرعه راح تنشـهر عضويتها حـاست و حاست في قـوقل لمـا شافت منتدى باسمها (منتديات منار ) ، دخلت وبتسمت يوم شـافت ان اعضائه قلـيل عرفت بطريقتها ان المنتدى صار له شهر من فتحـوه وبعدها سجلت بـ نك ( منار الحـب ) ماتدري كيف جابت الأسم وحتى ماتدري وش يعني بس اهي فهمتها بطريقتها الخاصه منار تعني اسمها ، الحب تعني بأنها محتاجه الحب ..
وبنـفـس الوقـت .. ..
فـراس / أيـود أشترك في المنتدى اللي فتحته
إياد / فاتح منتدى بعد وتـوك تقول تدري اني اعشق المـنتديات
فراس / هههههه وعلشان كذا فتحته
فـارس / لا تشلخ عاد فتحته علشـان شسمه لا تخليني افضح
إياد / افضح افضح ماعليك منه
فراس / والله يافروس ماينقال لك شـيء وهذا انت أخـوي اللي أكبر مني تفضحني
إياد / اقول انت اكرمنا بسكوتك فارس يـلا قل انا صديقك من الطفـوله ماتقولي
فارس / ههههههه معليه فراس عادي اياد ولد خالتنا مافيها شـيء
إياد / لاحوول الحين بتقـول ولا كيف ..؟
فارس /بقول بقول فـراس مسوي منتدى بـاسم منار
اياد مافهم / وبعدين ؟
فراس / هههههه احسن خله على غباءه
اياد / إيــــوه ليـــكون تقصد منار بنت خالتي مها الله يرحمها ؟
فارس / إيـوه هـي
اياد / تحبها ؟
فراس / وأمـوت فيها بعد
اياد / طيب تخيل اخوها راكان عرف وش بتسوي ؟
فراس / وش علي منه
فارس / ان شاء الله مايرجع من السفر الا بعد خمس سنوات
اياد / ههههههه زيااده على خمس سنوات
فراس / الحين بسـألكم ليه كذا جلـس مده طويله بأمريكا
اياد / تذكر من واحنا صغار وراكان يقول انا بصير دكتور كبير علشان كذا جلس خمس سنوات
فارس / من جد راكان يابخته والله
فراس و اياد / على شنـو يابخته ؟
فارس /عليه جمال يخلي البنات كلهم يخقون وفوق هذا بكون دكتـور وشكله بكون دكتور كبـير
اياد / يعني الحين انا اربعه وعشرين ساعه قبالك مامدحتني وقلت اني حلو وهذا خمس سنوات ماندري عنه و تقولي عليه جمال ومدري وشو ياخي مدحني انا أولى منه
فراس / ههههههه اشتغلت الغـيره أشـوف
فارس / ههههه ولا تـزعل اياد انت الجمـال على أصـوله
فراس / الحين وين تـركي قال بروح يشـتري ولما الحين مارجع
تركي / اشتقت لي
التفتو كلهم عليه بخرعه
فراس / بسم الله من وين طلعت
اياد / تركي شبح بكل مكان يطلع
تركي / ههههههه كل تبن يادوب انت الشبح
فارس / وش فيك تأخرت
تركي / بقولكم شـيء ماراح تصدقــون
الكل تحمس / شنو
تركي / تخيلو وانا امشي بنت جات لي قالت لي السلام عليكم رديت عليها السلام ماشوف الا تعطيني هذي الورقه
سحبها فارس على طول وهو يشوف رقم / يعني البنت عطتك رقمها
تركـي / إيي وربي استغربت تمنيت افشلها وارجع الرقم بس قلت ماراح افوتها حق فارس
فارس / يابعد تسبدي بتعطيني البنت يعني
فراس / ولله من جد بنــات أخر زمن
راح اعرفكم ع الشخصيات ..
أول شـيء عايلة بـو فارس .. باسم : رجل أعمـال ومثل ماقلت من قبـل متشدد على عياله وكثير السفر علشان الشغل
أم فارس ( فاطمه ) : حنـونه على عيالها وماتقدر ترفض لهم طـلب
فارس : عمـره 25 يمــوت بـ شيء أسمه بنات بس عمـره مانحرف معاهم وهو الأن يدرس الهندسه حلمه من وهو صغير يكـون مهندس جسمه رياضي حلـو كثـير شعره كثـير بس مو ناعم ذاك الزود دايم يحط له جـل وسكسوكه
فراس : اصغر من فارس بسنه عمره 24 حيــاته كلها انترنت هادئ مايحب يسـولف كثير ولا يحب يتجمع بأحد زي اخته ريتال و عـكس أخـوه فارس جسمه زي حمد العماني مو رياضي مايحب الكشخه كشخته أهي الثوب والشماغ وبـس
ويــعـشق بنت خالته منــار
ريتال : عمرها 17 تعرفتــو عليها من قبـل
دانه : عمرها 15فــرفـوشه وماحد مسوي جـو بالبيت غيرها أخر العنقود والكل يحبها من اخوانها واختها ريتال وامها وابوها ماتحب تشـوف احد زعلان ماتقـوم منه الا اذا ضحك
عــايلة بـو راكان : عبد الرحمن توفى بعد ماتزوج تغريد وكان مقطــوع من شجره يعني ماعنده أخـوان
ام راكان : مهـا متــوفيه أخت أم فارس
راكان : عمره 27 يــدرس في الدكتوراه وهذا حلمه من وهو صغير مغـرور كثـير لانه الكل يمدحه بجـماله الربـاني يدرس بأمريكا صار له خمس سنوات وماحد يدري عنــه يموت بأخته منار
منار : عمرها 19 تم التعريف عليها من قبـل
عـائلة بـو ايـاد .. يـوسف : من الريـاض أهله كلهم بالريـاض دايم مشغـول عن عياله ولا يهتم فيهم الا امهم
أم ايـاد ... وفاء : أخت أم راكان مها و ام فارس فاطمه غير خواتها متشدده على عيالها أكثر من زوجها اللي مايهتم لهم
ايـاد : 25 صديق فارس الروح بـالروح جسمه زي جسم فارس رياضي وحياته كلها انترنت ماعنده طموحات بس في باله ان يشتغل في الرياض عنده عمه بـالشركه وبعدها يسـوي له مشروع حــاليا يتعلم الهـكر
ساره : كبـر ريتال عمرها 17 تم التعريف عليها من قبل
هاشم : عمره 15 عليه خفـة دم حــلوه وبنفس الوقـت ماينطاق يعني يمسخ الشـيء اغلب حركاته ماخذهم من اخته ساره
أمـــا تــركي فـ هو يصير خالهم عمره كبر فراس 24 سنه مايحب حركات البنات وكذا وعـدوه الأنترنت بس مرات يحتاجه ويجلس فيه غصب عنه حلــمه يكــون طيـار كابتن عايش مع أمه الكبيره في السن ( ام تركي ) وتكـون أم لـ ام فارس ، وام اياد ، وام راكان .. يعني ماعندها ولد غـير تركي
شخصيـات روايتي كثـيره بس ماراح ألخبطكم بعرفكم على الشخصيات البـاقي بـوسط الروايه ...
.
.
الفـجر السـاعه ثـلاث الكـل بـ غرفته والبعض ع النت والبعض نـايم
غـرفة سـاره .. ريتال من التعب لما الحـين نايمه ، اما ساره جالسه ع لاب توب تسـولف مع فيصل ع الأميل
فـيصل.....:
والله ياحياتي انا لازم الحين أنـام
ساره ......:
ياربي بـزهق الحالي
فيصل.......:
تقولين ريتال عنـدك
ساره .....:
إيـوه بـس الحين أهـي نايمه
فيصل......:
صحيها من زمان وانتي تقولين نايمه ترى مو زين عليها كذا
ساره ......:
مدري بس شكلها مره تعبانه حرام اصحيها
فيصل ......:
أجل روحـي نامي أحسن
ساره ......:
بتـروش وبعدهـا بنام
فيصل ......:
أوكـي أجـل تصبحين على الف خير
ساره ..........:
وأنت من اهله لا تنسى اذا صحيت تتصل فيني على طول
فيصـل ..........:
من عيــوني تامرين على شـيء ثـاني .؟
ساره .......:
سـلآمتك يابعدي
طلعت من أميلها واخذت الفـوطه وراحت دورة الميـاه تتـروش
بالغرفه اللي جنبها إيـاد .. غـرفته لونها أسـود صبغها غريب كل شـيء بغرفته غريب اللي يدخل يخاف منها حتى سريره غـريب على شكـل خفاش ، وفاتح نور خفـيف يميل للـون الأحمر ، طلع من غرفته بعد ماعرف كيف يخترق الأميلات ويكشف الموجودين فيها قرر يختـرق أميل اختـه ساره من زمان وهو شاك فيها بس مشكلته مايعرف أميلها
قـرر يدخل غرفتها ويقولها تعطيه أميلها على إن بضيفها ..
دخـل وشاف الغرفه ظلام بس نور لاب توب ، شغل النور وماشاف أحد موجود بالغرفه شاف لاب توب مفتوح على طول أخذ اميلها وتـوه بيطلع بس لفت انتباهه سرير سـاره / غريبه ساره نايمه ولاب توبها مفتوح
حـب يتأكد بنفسه وقـرب منها لـكن ريتال مغطيه نفسها ، بعد الغطى عنها بس لما الحين ماعرفها لآنه شعر ريتال مغطي نصها ، عـرف انها مو ساره بس الفضـول ذبحه إن يعرفها مد يـده اللي ترجـف وبعد شعرها
شهـق شهقـه قـويه بعد ماعرف انها ريتـــال / مشاء الله تبارك الرحمن يالبيه عليها خقق ... فكـر يطلع بس عيونه ماقدرت تفارق ريتـال ، لمـا طلعت أختـه ساره
ساره بعصبيه / اياد وش تسوي هنا
اياد بثـقه / كنت بسـألك عن شـيء في النت حسبتك نايمه طلعت هذي نايمه
مـاقال اسمها خاف إن غلطـان وتطلع مو ريتال لانه لما الحين مو مصدق ريتال بـ هذي البراءه
ساره / وليه تقول هذي ماعندها أسم
اياد / لاني ماعرفتها
ساره / مــن جدك ؟
اياد بتردد/ منو هذي ر ريتـ ريتال ؟
ساره / إيـوه ريتال عيب تشوفها كذا بـدون شيله
اياد / ماكنت أدري
قربت من ريتال وغطتها والفتت على اياد / وش بغيت تسألني فيه
اياد ارتبك أشـوي وقال / بس حبيت اسألك تعرفـ تعرفين منتدى حلو اشترك فيه
ساره / لا تدري انا ماحب المنتديات
اياد / اها
طلع من غرفتها ودخل غـرفته وتفكيــره كـله في ريتـال ، وحتى من الفهـاوه بـقط المنديل إلا قط أميل اخته ساره
نســــى كـل شــيء بـ مجرد مـاشاف ريتال ..
فـي مكـان ثـاني .. ..
جالسه على لاب توبها وتحـوس بالمنتدى اليـوم بس اشتركت فـيه ومشاركاتها وصـلت 1,50 ( الف وخمسين )
دخلت أميلها وشـافت راكان داخل ..
بعد ماسلمت عليه ..
منـار .....:
راكان متى راح ترجع تغريد بتتزوج وراح اظل الحالي
راكان ....:
شنـو تغريد بتتزوج منو هذا الغبـي اللي راح يتزوجها
منار .......:


تحياتي:المتميزه

__________________________________________________ __________

>>>> الرد الثاني :

وين التفاعل؟؟https://v.3bir.net/images/smilies/m9asmilies-com.gif

__________________________________________________ __________

>>>> الرد الثالث :

اكملي عاشقه
الروايهـ حلوووهـ ..

__________________________________________________ __________

>>>> الرد الرابع :

اوك اللحين بحط البارت الثاني

__________________________________________________ __________

>>>> الرد الخامس :

البــارت الثــاني ..

الدكتور / الجنين توفى بس لازم تروح عند التحقـيقات
رواف بخوف / تحقـــيق ..!
الدكتور / من شان بدنا نعرف كيف الجنين طاح هيك
رواف / بس انا قلت لكم إن طاحت من الدرج
الدكتور / بس احنا اكتشفنا ان في ضـرب
رواف / طيب متى التحقيق ؟
الدكتور / اذا تبي الحين
رواف / يلا توكل على الله عندي شغـل مابي اتـأخر
فــي غرفة التحقـيقـات ..
رواف بثقه/ إيوه أنا زوجها
المـحقق / ممكن تقول لنـا ليه ضربت زوجتك ؟
رواف / من قال اني ضربتها طايحه من الدرج
المحقق / بس هـي اعترفت إنك ضاربها
رواف بخوف / هي قالت كذا
المحقق / إيي
رواف / كذابه
المحقق / يعني تتهم ريتال بالكذب
رواف بعصبيه/ ابي اشوفها الحين الحييين
المحقق / ممكن تهدئ اشوي يا أخ رواف
رواف جـالس على اعصابه وقال بحده/ هدئت
المحقق / اهي ماعترفت بـ شيء وقالت نفس كـلامك بس نبيك انت تعترف
أرتاح رواف نوعا ما / اهو غصب يعني أكـون ضاربها
المحقق / يمكن مو أنت احد ثاني
رواف / لاحوول انا شايفها بعيـوني تطيح
المحقق / طيب شكرا’ أخـوي رواف واسفين ع الأزعاج بس التحقيقات لازم تصير
رواف / يعني ماخلصتو ؟
المحقق / إلا خلصنا
رواف / الحمد الله
دخـل رواف غـرفة ريتال وبـأيده ورده / حمد الله ع السـلامه
ريتال ببتسامه كلها تعب / ربي يسلمك وش صار ؟
رواف / مافي شـيء الحمد الله مشت
ريتال / طيب متى بطلع ؟
رواف / انا ودي تطلعين الحين بس لازم ترتاحين
ريتال / اجل يلا رواف خلنا نطلع حاسه ان بننكشف
رواف / طيب بس راح اوديك بيت ساره لانها ارسلت لك رساله من جوالك تجين وانا رديت عليها ان انتي طالعه معاي
ريتال / اهلي اتصلو ؟
رواف / لا بس الحين كلميهم قولي لهم انك بيت خالتك وفاء ( ام ساره )
أخذت منه الجـوال وكلمت سـاره ..
ساره / بتنامين بيتنا وااي وناسه طيب متى بتجين ..؟
ريتال بتعب / الفجر
ساره / طيب وش فيك صوتك متغير ..؟
ريتال / لا مافي شـيء يلا بتصل على أمـي
واتصلت على أمها ..
ام فـارس / لا مافي نـومه
ريتال / يمه الله يخليك دام ابوي مسافر خليني انام انتي عارفه ابوي اذا رجع مستحيل يخليني انام
ام فارس / لا حول الله
ريتال / عفيــه يمه وانا ماراح انام بيت أحد غريب بيت اختك
ام فارس / طيب خلاص نامي وانتبهي على نفسـك
ريتـال / من عيـوني يلا مام باي
رواف / خلاص بتنامين
ريتال / إيـوه
رواف / طيب أسمعي تروحين بيت ساره ترتاحين على طول أنتي تعبانه
ريتـال / إن شـاء الله في أوامر ثانيه ؟
رواف / سـلامتك يـلا قـومي
ركبــو السيـاره و وصلها بيت خالتها وفاء ( عند ساره )
رنيم / هـلا وغـلا رتــول
ابتسمت لهم بـ مجامله / اهلين
وجلسـت ع الكنب ترتاح
جـود / وش فيك شكلك تعبانه
ريتال / إيي أشـوي تعبانه أبي اروح انام
ساره / شنو تنامين الحين ؟
ريتال / إيي بس اشوي علشان اليـوم أسهر معاك
عذاري / لا نـبي نسـولف معاك
رنيم / إيي اجلسي احنا ماصدقنا على الله تجين
نزلت راسها منحرجه منهم / معليه مره ثانيه بس الحين تعبانه
جود / خلاص خلوها وبكره تعالو بيتنا ونعوضها
عـذاري / لا بـكره بيتنا
جود / أوكـي وانا بعدك
ريتال / طيب انا الحين بروح ارتاح
قامت ساره و وصلتها غرفتها وجلست جنبها / ريتال قولي الصراحه فيك شيء انتي مع رواف
ريتال / لا والله مافينا شـيء بس تعبانه اشوي
ساره / ماسويتو شـيء ..؟
ريتال / تطمني ماصار شـيء
ساره / أوكـي بخليك ترتاحين
.
.
فـي مكـان ثــاني في الأستراحه ..
أعرفكم ع الشخصيـات ..
فيصل : عمره 22 ساره تحبــه تموت فيه وهو يلعب عليها ويكلم مليــون غيرها
اليـاس : 22 ريتال تحبه وتعشقه أمـا هو عادي مايحب لا عذاري ولا ريتال بس يغلــيهم ويعزهـم
محمد / ولد خالتهم كمان وبنفس عمرهم صـايع وبـقوه حياته كلها ( اغتصاب + اختلاس + شرب + رقـص)
فـيصل / والله هـذي ساره ياهي نشبـه والمـشكله مصدقه اني احبها و أموت فيها
اليـاس / ههههههه انت تبلش نفسك في بنات نشـب
محمد / ياخي دامها مو عاجبتك غيرها في مليـون بنت غيرها
فيصل / لا ماني مغيرها الا لما اشـوف صورها
اليـاس /اجل ريتال ياهي عنيده عنيده بـقوه مستحيل توريني صورتها بس عذاري وعدتني أشـوف صورتها
فيصل / ريتال باين عليها عنيده بس احسها رهيبه واعقل وحده فيهم
محمد / وراكم ماتعرفوني عليهم شكلهم كلهم شـله
اليـاس / إيي يقربـون لـ بعض انا ماعرف غير ريتال وعذاري وساره
محمد / تكلمهم كلهم
الياس / لا بس ريتال وعذاري أمـا ساره يسـون لنا محادثه جماعيه ونفلها
محمد / والله شكلهم هذولا فــله
فيصل / وبـقوه انا احب اسهر معاهم ياخي يوسعون الصدر بعرفك على رنيم
محمد / خلاص رنيم رنيم
الياس / عاد انت عندك بنات في الأميل
محمد / وطيب يعني انت ماعندك
الياس / لا انا ماعندي الا ريتال وعذاري
فيصل / الياس أهبـل اذا تعرف على بنات مايغيرهم
اليـاس / ليه البنات لعبه كل اشوي نغيرهم
محمد / إيـوه لعبه أجـل وش هم
اليـاس / وربي انكم رايحين فيها
..... في تكملهه للبآرت

تحياتي:المتميزه