عنوان الموضوع : رجعنا للجاهليه لحياة سعيدة
مقدم من طرف منتديات الضمير العربي
السلام عليكم ورحمة الله وبركاته
كيف حالكن خواتي ان شاء الله تكونون بخير
انا اللي كنت كاتبه موضوع عن اخوي (الصم والبكم ) وانه كان يدور ع عروس سويه (تسمع وتتكلم) وما حصل
بعد ما اقنعناه انه يدور له وحده شراته (صم وبكم) شوفوا شو صار
السموحه منكم هاي المقدمه للي ما قرأ الموضوع قبل
جاني للحين الرفض من 5 عوائل اماراتيه بناتهن الله يستر عليهن اعمارهن (32-38 )
عندهن نفس الاعاقه (صم وبكم)
وماشاء الله عليهن يشتغلن وفاهمات
الرفض كان بسبب العرق انتم خوال - خدام - عبيد
مع انها عوايل ع مستوانا المتوسط
والله انه غمضني اخوي وغمضوني اكثر البنات
انا شفت اول بنت كانت اكبر اخوانها وتقريبا اخوي اول من تقدم لها بعد الرفض مسكينه البنيه تمت شهر كامل تراسلني ابا اتزوج اخوج وبنروح المحكمه احنا ماطعنا نرد عليها لان اهلها مايبونا واللي ما يبيك لاتصيح تبغيه
البنت الثانيه نفس الشي اللي اصغر عنها عرسوا ورفضوا لنفس السبب مع انهم سمر
ثالث بنت بعد اسبوعين من انتظار الرد اونه اختها الصغيره تسالني الوالد يسال انتوا خوال والا احرار قلتلها خوال قالت الوالد يقول السموحه منكم وانا كنت ع تواصل مع البنيه نفسها ع البي بي فقلتلها ابوج رفضنا قالتلي شو السبب قلتلها هو مايبا خوال قالتلي شو يعني خوال قلتلها سمر سود خدام قالت لي عادي ابيض اسمر اسود مب مشكله عندي قلتلها قولي هالكلام لابوج يوم راحت تساله قالها ماعنده جواز والله العظيم هني انا عصبت فقمت صورة لها الجواز+الجنسيه عشان اثبتلها ان احنا مواطنين بس مب قوم فلان ولا علان
الرابعه كلمت امها بالفون طرشولي مسج اليوم الثاني السموحه منج ابوها ماوافق ليش لانه خال
بنتي قالتلي ماما لاتقولين خوال زينيها شوي قولي سمر قلتلها اوكي
الخامسه كلمت امها امس قلتلها احنا سمر مب احرار ع طول قالت عبيد ضحكت قلتلها نعم قالت كلنا عباد الله كلنا سواسيه عقب ساعتين مطرشين مسج للبنت اللي رشحتها لي شو سبب الرفض اونه اصله مب مواطن
والولد مب خال ولا اسود اسمر فاتح سمار راشد الماجد
والولد مواطن جواز+جنسيه كيف مب مواطن
انا ادري ان الزواج قسمه ونصيب الله يرزقهن الزوج الصالح والله يرزق اخوي الزوجه الصالحه
احنا في أي عصر عايشين https://4arab.xplainer.net/images/smilies/bb/30.png
السموحه منكم والله مقهوره من امس مب راقده
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله هدي الجميع , أختي هذا التفكير القاصر مع الأسف موجود ومع الأسف حتى الجيل الجديد عنده نفس التفكير ,ربي يرزق أخوج بالزوجة الصالحة .
__________________________________________________ __________
>>>> الرد الثاني :
حسبنا الله ونعم الوكيل
__________________________________________________ __________
>>>> الرد الثالث :
تعرفين شو
ماعليج منهم ،، الكل تفكيره جي
حتى استوى هالشي عندنا
واحد خال خطب اخت ريلي والكل كان رافض وهي مسكينة مالها راي ورد خطبها مرة ثانية لانه شاريها ،، انا وقفت في ويه ريلي قلتله مايخصك فيها وما توقفت نصيبها
مايخصه اللون او العرق قالي كيف ما يخصه هذا مب اسمر هذا خال من العبيد قلتله دامك تمشي على هالشور بييبلك واحد ابيضاني وحليو ومواطن وعنده اصل وفصل بس بينكد على اختك حياتها ولا تاخذ واحد خال بس يعيش اختك احسن عيشة عقبها سكت
وقلتله من ترظون دينه وخلقه فزوجوه محد قال اللون اهم شي يعزها ويرزها ويصونها
وتعرفين انه ريلي كان اول واحد موافقة على هالزواج وغير راي اهله كلهم بس النصيب ما كتب واهله رفضوا لانه المرة الاولى اهل ريلي رفضوا ف خذوا على خاطرهم
المغزى من هذا كله ماعليج من حد بتحصلين لاخوج اللي احسن منهم وهم خليهم عند اهلهم ترا الايام تمشي وهم مب صغار بس كيفهم
اهم شي لا تيأسين بتحصلون اللي احسن ان شاء الله
__________________________________________________ __________
>>>> الرد الرابع :
الله يهديهم و يهدينااا
صدق عايشين ف عصر الجاهليه والله قهررر
الله يرزق اخووج الزوجه الصالحه يارب
__________________________________________________ __________
>>>> الرد الخامس :
اختي، لا تفكرين من هالناحيه، كلن له قناعاته
ويرفضون الحينه احسن من انكم تزوجون اخوج
لوحده منهن وباجر تعايركم ولا تعاير ريلها، الافضل
ف الزواج انه الاثنين يكونون مقتنعين ببعض واذا
هالتفكير ف بال واحد من الطرفين ف ما بتستمر علاقتهم
الزوجيه بل بتنتهي بسبب هالفروقات، ويمكن تقدرون
تغيرون تفكير طرف بس انكم تقنعون عايله بكبرها ف
صعب هالشي والاحسن من تعرفون انهم مترددين ما
تكملون وياهم . .
الله يرزق اخوج الزوجه الصالحه
