توكلت على الله سبحانه .. لسعادة الزوجية
عنوان الموضوع : توكلت على الله سبحانه .. لسعادة الزوجية
مقدم من طرف منتديات الضمير العربي
السلام عليكم ورحمة الله وبركاته ..
حبيت أكتب هالموضوع عن تجربتي الشخصيه كوني وحده من اللي تأخر زواجهم وأملها في الله كبير...
يمكن منكن اللي بتقول عمرج 25 سنه ليش مستعيله وبعده العمر جدامج ... بس يوم الوحده تفكر في انها تبغي الحلال وتبغي الله يبارك لها فالحلال بتشوف ال25 سنه وايد متأخر وتتمنى اليوم قبل باجر ايي نصيبها وتستقر ...
دايما كنت أفكر أنا وحده ما أداوم وما عندي معارف وايد وهب من النوع اللي أحضر اعراس وايد وعايلتنا صغيره هب من العوائل الكبيره اللي عندها عيال عم وغيره فكيف بعرس وأنا محد يشوفني ولا أشوف حد ..؟؟
هالشي خلاني وايد أضايق وأزعل وأفكر مليون مره في نصيبي كيف بلاقيه من غير ما يكون عندي معارف وربيعات وايد وغيره وغيره من الأسباب اللي تزيدني ضيق وهم ..
بعدها فكرت اني ألجأ لخطابه تساعدني وللأسف ما لقيت خطابه تساعدني ولا عرفت أتواصل مع أي وحده طبعا بعد ما أقتنعت بهالفكره وقلت مافيها شي لو لجأت من بعد الله سبحانه لخطابه تفيدني .. وكوني من النوع الخجول اللي استحي فيه أرمس خطابه وأقول في خاطريه كيف اتصل فيها وأقول لها دوريلي ريل أحسها هب حلوه في حقي ومع ذالك سعيت في اني ألاقي خطابه وما توفقت لين الحينه ....
بعد كل هالأمور اللي مريت فيها ....
قررت إني ألجأ بس لرب العالمين وهو وحده اللي بيرشدني للطريق الصح ... صح مرات أحس بضيق كوني أدور الحلال وأتمناه شرات غيري من البنات وادعي ربي لي ولكل وحده ما ياها نصيبها ان الله يرزقها بالزوج الصالح ... بدعانا وعبادتنا وصلاتنا وتوكلنا على الله ربي بيرزقنا اللي نتمناه وهو الحلال
اسمحولي الغاليات اني أفضفض الكن عن لي فخاطريه يمكن بكلامي أحط أمل كبير في غيري من البنات وأدفعهن الى التقرب أكثر من رب العالمين لأن ربي عمره ما خيب ظن عباده فيه ويمكن الله سبحانه أخر عنا هالشي لأنه يبانا نتقرب منه أكثر ونتضرع له بدعانا وصلاتنا ...
أسأل الله العظيم رب العرش العظيم ان يرزق كل بنت من بنات منتدانا منتدى سيدات الإمارات الزوج الصالح والذريه الصالحه ويبعد عنهن الهم ويرزقهن من حيث لا يعلمن ...
.
.
.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يرزقج بالزوج الصالح.. كل تاخيرة و فيها خيره..يمكن رب العالمين يجهزج لشي احسن و بعدج جدامج العمر عيل اللي عمرها فوق 35 شو تسوي .. شغلي نفسج باي شي لين ايي نصيبج
والله ايوفقج
__________________________________________________ __________
>>>> الرد الثاني :
__________________________________________________ __________
>>>> الرد الثالث :
ربي يوفقج الغالية ويرزقج الزوج الصالح ويجمعج به على حبه وطاعته
__________________________________________________ __________
>>>> الرد الرابع :
الله يكتب لنا الخير والسعاده دنيا وآخره
__________________________________________________ __________
>>>> الرد الخامس :
الله يرزقج بالزوج الصالح المصلح الهين اللين الدين
شوفي يا اختي انا تزوجت عمري 22سنة وتطلقت بعمر 25 سنة(حتى الان معلقة )
العبره في الزواج ..
بمن سوف تتزوجين ،مب متى بتتزوجين ؟
كرري هالدعاء( اللهـم لا تـسـكن في قلوبنا الا الحلال لو طال بنا الحال، فلا شي عندك محال يا ارحم الراحمين )
