كرهت شئ اسمه مدرسة تعليم الامارات

عنوان الموضوع : كرهت شئ اسمه مدرسة تعليم الامارات
مقدم من طرف منتديات الضمير العربي

السلام عليكم خواتي هذا رابط موضوعي الأولي https://forum.uaewomen.net/showthread...highlight=ظ†ط³ظٹطھ اقولكن أن في سبب ثاني بعد أني نقلت بنتي صف ثاني و هو وحدة من معلماتها كانت تضربها و تصرخ عليها و البنت تعقدت زيادة المهم هي في هالمادة يايبة 87 و في الصف الثاني مدرسة غير المهم يلست مع المدرسة اليديدة بعد يومين من نقلت بنتي لأنهم سابقين بنتي بثلاث دروس و طريقة شرحها غير جان تقولي انا ما ادري كيف بنتج ماخذه بالثمانينات انا علي ارضي ضميري الخ البنت بعدها ما امتحنت و غير جده في يومين حكمتي عليها انا في قمة الإحباط صراحة انا رديت عليها بأدب لكن أحس خلاص حطت في بالها أن البنت ما تستحق الدرجة و هي ما صارلها إلا يومين ودي تيه الإجازة و افتك من أوف المدارس والله انا أسوي كل اللي اقدر عليه شو أسوي أكثر اذبح عمري

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

للاسف اصبحت ظاهرة الحين المدرسة او المدرس يحكم علي الطالب من يومين 3 واصبح لة صلاحيات كاملة من تنزيل علامات الطالب علي حسب وجهة نظرة الشخصية
ظلي علي تواصل مع الادارة ومع المدرسة المسولة عن البنت شي غريب العلاقات اصبحت تتدخل حتي في المدارس

__________________________________________________ __________

>>>> الرد الثاني :

لاتحاتين اختي

اكيد المدرسه جافتها هاديه و خوافه شوي ظنت ان بنتج مستواها اقل عن جذي

بس خليها تتم اسبوع و اسبوعين عقب رجعي اسالي هالمدرسه عن بنتج

اختي اهم شي درجات التحريري
هي الي تبين ذكاء الطالب

و الاهم انج تكونين قويه جدام بنتج

قوليلها يا ماما لاتخافين من حد انا معاج
و لازم تراوين الابله انج اشطر من جذي
حببيها فالابله عشان لاتخاف منها و تتم منطويه بحصتها
ف قوليلها ان الابله قالت لي لو بنتج شاركت بالحصه بتوديج رحله وانا باخذ لج هديه
ترى الابله تحب الي تشارك
ومن هالكلام التحفيزي
ابداً لا تبينين توترج من الموضوع جدامها ولاتتكلمين بهالموضوع مع حد جدامها
بالعكس امدحي بنتج جدام ابوها و عماتها وخالاتها و قولي بنتي ابلتها قالت لو شاركت بتاخذها رحله
و انا بشتريلها لعبه او بتودينها الصالون يصبغون اظافرها ترى البنات يحبن هالامور بذات لو انتي تسوينها جدامها


الله يوفقها يارب

__________________________________________________ __________

>>>> الرد الثالث :

اختي بنتج فاي مدرسة ؟؟

بنتج تنضرب وساكته؟؟

بنتي لو تنضرب مستحيل اسكت لو تاخذ صفر ..وايد خوات يخافون يتكلمون مع الادارة عن يتغير مستوى عيالهم !!!!

اختي ليش تكستون يوم تشفون شي غلط .. انتي نقلتي بنتج ممكن المس تتمادى وتضرب بنات ثانيات شخصيتهن شرات بنتج ..

انتي المفروض كنتي تكلمين ادارة المدرسة قبل باللي تسويه المس .. واذا ماتادبت عندج مجلس ابوظبي للتعليم اذا انت من سكان بوظبي ..والضرب ممنوع

فالمدارس وماتقدر تنكر المس تصرفها اذا كانت صدق تضرب لانه في مفتش من المجلس يروح المدرسه ويكلمون الطلاب يشفون هل الكلام صح ولا غلط

بدون تواجد المس ويعطونها انذار ولفت نظر والمدرسه مايسكتون عنها بعد خاصه المدارس الخاصه

اختي المفروض تشرحين للمس اليديده الوضع اللي صار في صفها بالتفصيل علشان تتعاطف وياج .. وكيف هي تقيمها خلال يومين !!

في طلاب فالشفهي شطار والتحريري لا والعكس ..

قوليلها نفسيه بنتي تحتhttps://4arab.xplainer.net/images/smilies/frown.png من الاشياء اللي مرت فيها ..

والمس المفروض تصبر عليها علشان بنت ماتربط المس القديمة تكون نفس اليديده .. لازم تكون مرتاحة من داخلها ..قوليلها تمدحج المس دايما

ياريت يا خوات يوم تشفون الغلط ماتسكتون عنه بهالطريقه تنقذون عيالكم وعيال الناس اللي اهاليهم مايدرون شو يستوي فالمدارس..

والسموحه على الاطالة https://4arab.xplainer.net/images/smilies/smile.png

__________________________________________________ __________

>>>> الرد الرابع :

مشكورات خواتي علي الرد و بالنسبة للاخت ام كنه انا ما سكت علي الضرب بالعكس الإدارة يعرفون و كلمت المعلمة اليديدة بالموضوع بعد

__________________________________________________ __________

>>>> الرد الخامس :

الله يعينج اختى المدارس ربج يعينا عليهاا

ولدى كان مستواه ممتاز وعقب نقل مدرسه ثانيه

نزلو درجاته ليش عشان ما يعرفو الولد

لاحول ولاقوة الا بالله