عنوان الموضوع : شاركينا شو احلى عرس حضرتي له جديد
مقدم من طرف منتديات الضمير العربي
السلام عليكم و رحمة الله وبركاته https://4arab.xplainer.net/images/smilies/bb/31.png
شحالكم الغاليات
حبيت افتح هالموضوع عشان نشوف اراء بعض بخصوص الاعراس
شو احلى عرس حضرته كيف كان وليش كان من احلى الاعراس
او بشكل عام شو هي الاعراس اللي تعيبج https://4arab.xplainer.net/images/smilies/bb/31.png
او ممكن تخبرينا شو الاعراس اللي ماتعيبج مثلا شو الاشياء اللي تضايقج
خل نستفيد من اراء بعض عشان ناخذ من افكاركم ونحاول نطبق في عرسنا الشي اللي يعيب الاغلبيه، طبعا بخصوص الاشياء اللي ممكن نطبقها https://4arab.xplainer.net/images/smilies/bb/34.png
انا بقول شو الاشياء اللي تخليني اقول هذا العرس حلوو
اولاً الكووووشه
وايد اهتم للكوشه وكيف شكلها وطبعا لما تكون كلاسيك و راقيه تحلي القاعه
يعني مره حضرت عرس كشخه بس انصدمت انه الكوشه مب شي فحسيت ماعرف كيف شوهت القاعه
ثانياً وايد اهتم لاضاءة القاعه ولو انه القاعه عاديه ،، بس الاضاءه الكامله للقاعه تلفت انتباهي وتعطي المكان فخامه واجواااء ساحره وبعد ترى تحلي اشكالنا ههههه https://4arab.xplainer.net/images/smilies/bb/18.png خاصتاً المايله للون الازرق
ثالثا الاكل
طبعا مهم يكون الاكل لذيذ ويلبي طلب مختلف الاذواق
اقصد مايكون بس عيوش وهريس وثريد
حلو عالاقل يحطون اطباق عالميه مب كله شعبيه لاختلاف الاذواق
ومشروبات حاره وبارده
احس كل ماكانت شي اطباق لذيذه منوعه وخدمة الضيافه اوكي ، يعني نشوف على ويوهم البشاشه مب مادات البوز وخدمه نظيفه ومرتبه https://4arab.xplainer.net/images/smilies/bb/35.png
رابعاً العروووس
افضل انها ماااا تتأخر وايد لانه صدق هالشي يضايق
استانس وايد يوم اشوف العروس داشه عالعشر وشوي
مب ١١ وطالع
طبعا الدي جي يفضل يكون ربشه لانه يلعب دور كبير بأحياء اجواء العرس
وما اداني وجود المطربات والرقاصات
اخيراً وها شي مب بايدنا بس حبيت اتكلم عن هالنقطه ^_^
اكيد راح استانس بالعرس اكثر لما يكونون اهل العروس والمعرس مرتبشين بالرقص وكل وحده لابسه فستان غريب احلى عن الثاني نفس هوليود https://4arab.xplainer.net/images/smilies/bb/16.png والعروس تكون نعومه ستايلها كلاسيك https://4arab.xplainer.net/images/smilies/bb/31.png
بس
اتريا المشاركات ^^
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
موضوع حلو ومفيد ..
احب العروس اللي ستايل فستانها والميكب والتسريحة كلاسيك وناعم https://4arab.xplainer.net/images/smilies/bb/16.png
يعني يظهر نقاط الجمال فيها بدون بهرجة https://4arab.xplainer.net/images/smilies/bb/13.png
ثانكس عالموضوع الحلو https://4arab.xplainer.net/images/smilies/bb/12.png
__________________________________________________ __________
>>>> الرد الثاني :
عن نفسي احب القاعه مرتبه من حيث الطاولات ومساحة المكان يعني لا انها تكووون فـــــــــل طاولات ولا تكون فاضــــيه بين كل طاوله وطاوله فراااغ كبير ماحب جي ابدن !!!
واحب الكوشه تكون راقيه حتى لو بسيطه شي بعض القاعات يخلون قطعة الخام اللي ورى الكوشه جي تبين جديمه,,
ومـــــــــــــــــاداني اشوف يهال فوق الكوشه ولا يصارخون ويتراكضون ,, افضل يكون شي سـكيورتي حرمه ولا حرمتين مختصات
ويفضل العرووس تدخل من وقت بعد شي ناس الله يهديهم ياكلون ويضهرون اونه مللل يابوكم توها الساعه 10 ونص هههههههههه
فالافضل تدخل يا 10 ونص ولا 11 بالكثيير
هيه وماداني اشوف ورد بلاستيك فالكوشه !! استغفر الله
وبس سلامتكم
__________________________________________________ __________
>>>> الرد الثالث :
مبروووووك لكل العرايس
__________________________________________________ __________
>>>> الرد الرابع :
تسلموووون الغاليات ع المشاركه
فعلا كثرة وجود الياهال وركضهم ولعبهم شي مزعج بالعرس
اما الورد حلاته الطبيعي غير جي يعطي ريحة تجنن
الكلاسيك هو الدارج هالايام واحلى شي
__________________________________________________ __________
>>>> الرد الخامس :
بصراحه بصراحه ... احم
احلى عرس حضرته فعلا كان راقي .. ان هم كانو يبركنون لج السياره .. ومعاملتهم كانت راقيه .. اتحسين عمرج بعالم ثاني وانتي تمشين للقاعه وكله ورد ماعرف اشرح كيف ... والقاعه كانت باستايل فكتوري من ناحية كوشه وترتيب طاولات وتوزيعات .. صدق كان وااااو
بس اهم شي هم بركنولي هع <<< متعقده من سالفة باركن