روضة الغدير اليديدة اللي ف الشعيبة تعليم الامارات
عنوان الموضوع : روضة الغدير اليديدة اللي ف الشعيبة تعليم الامارات
مقدم من طرف منتديات الضمير العربي
السلام عليكم اشحالكم شخباركم
امهات انا ناوية احط بنتي في الغدير وايد يمدحونها منو عيالها درسوا هناك؟
كيف تعليمهم من ناحية الدين والانجليزي وباقي المواد؟
وكيف المعلمات وشو جنسياتهم؟
وكيف نظام المدرسة من ناحية الحمام اكرمكم الله ومنو يروح وياهم؟
والباص منو يشرف عليهم؟
انا عندي عقدة من عمال النظافه حريم ورجال اللي فالمدارس من كثر ما سمعت انهم
يتحرشون باليهال فالحمامات
https://4arab.xplainer.net/images/smilies/bb/10.png
كيف نظامهم يدخلون عمال نظافه يتواجدون بوقت دراسة اليهال ولا؟
والباص بعد شو جنسية المشرفات ؟
من كثر ما سمعت وايد بلاوي عن جرايم استوت ف يهال فالمدارس واااااااااااااااااااااااااااااايد خايفه
فيدوني الله يخليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
ولا رد محد حاطة عيالها فهالروضة؟؟؟
__________________________________________________ __________
>>>> الرد الثالث :
حبيبتي نصيحتي لا تحطينها
شوفي عندنا واحد متزوج الأهل ومتزوج بنت خالته وثار طلاق بينهم
المهم البنت وأيد متأثره ومتعلقة في أبوها وأمها مشوه صوره الأبو في المدرسة مع انه الريال من خيره الريال بس طليقته الله يسامحها
المهم دوم يشتكون من البنت انها انطوائيه ولا تشارك وتيلس بروحها ولا تكتب ولا تقرا
دوم يقولون جيه واتي البنت متبهدله ومب متريقه وآلام مبنى مهتمه لانه بس غياض في أبوهم مخلتنهم بحضانتها
مع انه طليقها ولد خالتها وكان يموت فيها بس الله يهداها
المهم الريال يوم طلب تقرير عن حاله البنت اتصلوا في أمها وقالوا لها انه أبوها يبا تقرير
المهم الحين غيروا رأيهم في المدرسة قالوا البنت شاطره ومستواها ممتاز وقبلها بأسبوع يشتكون من حال البنيه ومستواها. واصلا طلع البنت بعد نظرها ضعيف ومب مب عارفين
لو ما ودوا البنت الدكتور
ماشي اهتمام. بس في ذمتهم ما فكروا بمصلحة البنت
لدرجه مره طاح ضرسها قالت لهم اتصلوا في بابا ومره وأيد لو أخبرج بس ها نبذه
وانا مالي حايه فيهم بس البنت معوره قلبي
__________________________________________________ __________
>>>> الرد الرابع :
لا حول ولا قوة الا بالله العلي العظيم
صدمتيني بصراحه!!!!!!
الله يستر على عيالنا وعيال المسلمين
__________________________________________________ __________
>>>> الرد الخامس :
والله حبيبتي أني مالي حايه فيهم بس البنت معوره قلبي والمدرسة بذمتهم
لو حبيتي خاص انصحج بمدرسه الامارات بيتاسس الطفل صح من قراءه وكتابه
والله يوفقج غلايه وأي شي تامرين نعين ونعاون
