تعالو نفرفش ونغير جو المشاكل.. وين تروحين في الويكند؟؟
عنوان الموضوع : تعالو نفرفش ونغير جو المشاكل.. وين تروحين في الويكند؟؟
مقدم من طرف منتديات الضمير العربي
مرحبا... كيف الحال...
تعال نسولف ونفرفش شوي..
كل وحدة تخبرنا شو تسوي في الويكند.. شو نظامها .. ووين تروح...
وممكن كل وحده تقترح علينا الاماكن الحلوة الي في الدولة المناسبة لترفيه العائلات,,,
ببتدي بنفسي.. انا ما ارووح مكااااان.. .اقعد في البيت وبس..
حابة اسوي جدول ونغير جو كل ويكند..
خلوونا نشوف اقتراحاتكم...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صباااح الورد
بصراااحه فالدوله عنا اماكن روعه حق العوائل روحي الشماليه كتغير الجو هناك كله طبيعه وجبال وحلاتها فالشتا .. او سيرو البر والضو واليلسه والسووالف ياااحلاته عن نفسي اليوم متووكلين قطر وان شاء الله نستانس اول مره اسيرها .. وانجوووي فديتج
__________________________________________________ __________
>>>> الرد الثاني :
صباح النور والسرور
الويكند مالي يوم ريلي يكون راد من دوامه لان دوامه يتم فيه 3 ايام ويرد
واغلبية المرات نطلع طلعه سينما وعشا
بس في هالاجواء نسير البر ونغير جو
ماشي جدول محدد للطلعه
__________________________________________________ __________
>>>> الرد الثالث :
أنا فالويكند بحكم إني أداوم .. أحب أول صباح الجمعة من غبشة
أنظف البيت تنظيف من الخاااطر مع غني كل يوم انظفة بس الجمعه بزيادة..
وأسوي رييوق حلو لي وبنتي وريلي قبل الصلاه عاد اكون مخلصه الغدا ومنظفة
والدخون وكل شي زاهب.. بعد الصلاه نشل غدانا ونظلع بر لحد المغرب
أما السبت السوق والاهل.. ومرات عند جيرانا .. ومرات نقضي الويكند كله مثلا
في بوظبي أو مسقط أو عجمان أو خصب جيه..
__________________________________________________ __________
>>>> الرد الرابع :
هالويكنــد يمكن مـآقدر أطلــع لأنه نظــآم دوام ريــــــلي صعـب شوي
وانا أوردي عنــدي أسايمنتآت وشغل الكليـة مكود ع رآسي لآزم آخلصـه
__________________________________________________ __________
>>>> الرد الخامس :
ف هالويكند ناويه أودي الصغارية كيدزانيا لأنهم من فترة يحنون عليه أبوهم كان مسافر ان شاء الله بيوديهم باجر
المكان وايد حلو حق الصغاريه ونفس الوقت أحسه انسب مكان لهم أنصحكم تودون عيالكم وتدخلون وياهم أكيد بتستمتعون
