حايليه لعنبو من لاعشق حايليه شعر جميل
عنوان الموضوع : حايليه لعنبو من لاعشق حايليه شعر جميل
مقدم من طرف منتديات الضمير العربي
بسم الله الرحمن الرحيم
ياهجوسي ورديني بالهوى حوض المنيه
نوخي ذود الهموم العوب في عوج المحاني
واسهجي فكري على القيفان يم ارض خليه
العوض في مسامر القمرا ولا قطعة زماني
ماوطيت النار من طوعي مادام النار حيه
لعنبو حظي يطيع ومير هالمره عصاني
كل ماجيت اشتكي همي كواني ألف كيه
ولاهجد لارحم أبو مجناه عود ثم كواني
البليه ياعرب والله ماغيره بليه
أن تركته ماتركني .. وان رجيته مارجاني
ياعرب وشهي سوات اللي عشق بنت بدويه
حطت النيشان في صدري وبارقها رماني
لا ربت يم الحجاز .. ولا وطت نجد العذيه
لاسكنت أرض الجنوب .. ولا نصت درب العماني
حايليه لعنبو من لا عشق له حايليه
أشهد ان دنياي زانت عقب ماخلي نصاني
صوتها لامن دعاني كن جوفي به حميه
يفزع بنبض العروق أليا سمع خلي دعاني
عينها القايد وانا كلي لها مثل السريه
ان رفع بالصوت ياجندي ألبي بأمتناني
وان وصلته اجمع الرجلين وادق التحيه
وان لحظني برمش عينه أنحدر باقي كياني
كن مابيني وبين الزين قوه جاذبيه
حالف قلبي على طاريه مايوم يعصاني
شامخه مثل الجبال و زينها ماشفت زيه
مايوصفها قصيد .. ولابيوت .. ولا اغاني
وعزها عز الشيوخ اللي على الشيمه وفيه
وخصرها لامن تثنى شبه عود الخيزراني
شعرها مثل السفايف لا اعتلت ظهر المطيه
منه ريح العود ينفح لا وصلني ثم غشاني
منبهر .. ياقوة الله في تواصيف البنيه
لو بعدد بالوصايف طول عمري مامداني
طالبك يالله يارحمن ياجزل العطيه
أتغفر للمودماني عن خطايا المودماني
منقووول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانك مليون
والله يغفر للمودماني انشالله
عزالله قصيده جزله
ماقصرت
يالذيب
__________________________________________________ __________
>>>> الرد الثاني :
صح الساان الشااعر
ويسلموو عاالنقل الجميل
تحيااتي
__________________________________________________ __________
>>>> الرد الثالث :
صنديد
مزون شمر
الف شكر لكم على المرور
__________________________________________________ __________
>>>> الرد الرابع :
صح لسااان الشاعر ويعطيك العافيه عالنقل الرائع
__________________________________________________ __________
>>>> الرد الخامس :
الف شكر على النقل
وصحت يدك
