ولدي .. سنتآن من عمره ضاعت بدون تطور يُذكر في الامارات
عنوان الموضوع : ولدي .. سنتآن من عمره ضاعت بدون تطور يُذكر في الامارات
مقدم من طرف منتديات الضمير العربي
السلام عليكم ورحمة الله وبركاته
في شغله حبيت استفسر عنها ..
الحين انا ولدي عمره خمس سنوات .. عنده اعاقه
والمشكله انه للحين مالقيت اللي يشخص حالة ولدي تشخيص دقيق
انا من خلال اطلاعي شاكه انه عنده اسبرجر مب توحد .. ومركز العين مب راضين يقييمونه على اساس انه عنده توحد حسب تقارير المستشفى
قاهرتني الدكتوره النفسيه كتبت فالتقرير انه عنده توحد .. وهو ماعنده من اعراض التوحد الا بعض الحركات النمطيه يعني حرام ينحط ويا حالات التوحد الشديده
الحين انا متوهقه .. الولد راحت عليه سنتين بدل مايتلقى تعليم خاص يطور حالته تام في روضه حكوميه ويداوم ساعتين بس وهذا اتفاقي ويا الروضه لانهم ماقدروا عليه يتم دوام كامل
انا مليت من كل ها ابا ولدي يتلقى التعليم اللي يناسبه .. ومركز التوحد اللي فالعين ماشي مقاعد وبعدهم وايدين جدام ولدي على الويتنق ليست
طلبت من مركز العين يدخلونه كحل مؤقت بس رفضوا وقالوا هذي مسؤليه .. وحطوه كحاله مستعجله ضمن حالات التوحد .. وهذا نحن ننتظر ومتأملين بالله خير
حبيت اعرف إذا في حالات تشبه حالة ولدي .. وكيف تصرفتوا .. وشو بخصوص دراستهم
وإذا مدخلينهم مدارس حكوميه كيف معاملة المدارس الحكوميه والأهم كيف وضع الياهل وسط الطلاب العاديين
وبكون لكم شآكره
https://forum.uaewomen.net/images/icons/icon16.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بعد سمعت عن نظام غذائي لازالة المعادن السامه خاص بحالات الهايبر اكتف والتوحد .. في حد جربه ؟
اللي جربته كم المده وفأي مستشفى وشو رايها فالنتايج .
__________________________________________________ __________
>>>> الرد الثاني :
ما عندي فكره الغلا
الله يعافيه
وان شاء الله تحصلين رد من العضوات
__________________________________________________ __________
>>>> الرد الثالث :
الغالية إذا انتي متأكدة إنه ولدج ما فيه توحد سوي له فحوصات و خل يعطونج تقارير من مكان ثاني ،،
و حبيت أسألج يوم حطيتيه في الروضة شو اللي مضايقنهم منه و مخلنهم ما يتحملونه ،،،
و ها الشي حطي انتي خطط لعلاجه و ساعديه لينما تحصلين مكان يحتضنه و يساعده ،،،
و الله يعينج يا رب ،،،
__________________________________________________ __________
>>>> الرد الرابع :
__________________________________________________ __________
>>>> الرد الخامس :
السلام عليكم
ما فكرتي تراجعين مستشفيات خاصة حتى لو برع البلاد او اي مركز خاص يقيموها حقج
... أنا زرت مركز النور في دبي وكان عندهم برنامج وايد حلو للتوحد وهم ممكن يرشحون لج المستشفيات الي ممكن أتشخص لج حالة الولد بشكل صحيح. وانا شفت حالات التوحد الي عندهم يقرون ويكتبون.
