رواية الوقوف على حدود الظلام روايات
عنوان الموضوع : رواية الوقوف على حدود الظلام روايات
مقدم من طرف منتديات الضمير العربي
السلام عليكم ورحمة الله ...قعدت احوس في النت ولقيت لي روايه جديده وجميله وحبيت انشرها في هذا المنتدى..
الكاتبه اشتاق للجنان
البارت الاول:
احببت يوما ان اقف على شرفت الضلام..
لارى حقيقة البشر..
حب يضهرونه..
ويكره يخفونه..
نفااق..
وقد ترى بشر يبدون مصالحهم على حساب سعادتك..
انانيه
وقد ترى بشر يدمرو معدنك الجميل وطيبتك..من اجل تحطيمك..
شر..
فلا تياس ايها الانسان مهما المتك الحياه..
ولقيت من البشر اصناف واصناف تنصدم من حقيقتهم والقناع الذي يخفونه امام تحقيق مصالحهم..
ساابدا بسرد روايتي واتمنى ان تنال اعجابكم..
الشخصيات..
منيره:عمرها 19 سنه بشرتها برونزيه..وملوحه شعرها بنيي شكلاته..ابتسامتها راائعه..طموحه ولها اهداف تسعى الى تحقيقها...اهمها الشهاده..وهي الدكتوراه..طولها متوسط\ عيونها عسلي فااتح..ورموشها كثيفه وطويله...وشعرها ناااعم حيييل ولحد كتفها..ابوها مطلق امها وساكنه هي وامها في بيت خالها فهد..
وامها :سعاد تركت الزواج لاجل ابنتها وتربيت ابنتها ورعايتها...امراه جميله وتهتم بشكلها..بيضاء وطويله نوعا ما وجسمها رشيق..ومنيره ماخذه بشرت ابيها السمرا وملامح امها الجميله..
وام مشاري اخت ام منيره:سعاد..
ام مشاري اسمها نوره..طيبة القلب وعلى نياتها ومتدينه ..جداا..وزوجها متوفي في حادث سياره ولها ولد اسمه مشااري..بطل روايتنا..
مشاري اوسم اوووسم شااب بالعايله..طويل وطوله مناسب وجسمه معضل..وشبيه للمذيع السعودي طراد فهد..لدرجه انه مافيه وجه مقارنه بينه وبين المذيع..
لكن له عيوب مدلع من قبل امه وهذا سبب انه مايحب يتحمل اي مسؤوليه في البيت..وفيه مرض الله يجيركم منه..مرض في القلب..
وطبعا ساكنين في بيت خاله
وخاله فهد:صاحب اكبر الشركات في العالم..له سمعه ونفوذ في اقطار العالم..وله شركات يعني غني مرره ملياردير..وهذي الاموال كلها مو بحق له..لشخص راح تعرفونه..
وعيال فهد..
عبدالعزيز:دكتور جراحه..
زوجته ديالا..له سنتين متزوج..
وناصر البدوي الاصييل صاحب الاصاله من كلامه ومن صوته وطريقته وشخصيته ..يحب القنص والبر وركوب الخيل وله اسطبل في مزرعة القصر..ويحب الابل..
ومتزوج له ثلاث شهور واسم زوجته ريم..مربية اطفال...
وخالد وهنادي التوام..
خالد نادرا مايبتسم وعصبي ومزااجي وجدي جدا..
وهنادي عكسه تماما مرحه وتحب الضحك ومبتسمه..طالعه على اخوها من الرضاع مشاري ولد عمتها..بس بالشكل والجسم والمشيه بويه على اخوها خالد شبيهته.طبعا لانهم توام..
وعمرهم 19 سنه
وهيفاء 18 دلوعه جداا..وتشبه الممثلات التركيات بالهيئه ..وسمينه شوي وزنها بالخمسين..
وشعرها كستنائي وملفلف..ورووعه عليها طويل لحداخر ضهرها..
العنود طالبه في الجامعه تدرس ادارة اعمال...
هاديه وقليلة الكلام..
وام عبدالعزيز سيدة مجتمع..
ـــــــــــــــــــ
عايلة ابو نواف...ابو نواف تاجر في الابل وعضده ن.وشريكه ولد اخوه..ناصر
ام نواف ربت بيت
نواف يدرس برا في جامعة هارفرد..
وجمانه عمرها 19..
ـــــــــــــــــــــــــــــ
ابو سالم له عماير وعقارات ولكن مواغنى من ابو عبدالعزيز...
وام سالم ربت بيت
سالم يدرس في كلية الصيدله..
وغلا:19
سديم 18
ونور ورامي اخر العنقود 6
والجده ام فهد....
ــــــــــــــــــــــــــــــــــــ
وفاطمه اخت فهد وابو سالم وابو نواف..
زوجها يشتغل في شركة ابو عبدالعزيز...
اسمه حمد..ولها بنت عمرها بالشهور..
ــــــــــــــــ
وانتهى الجزء الاول
البارت الثاني..
الكل يوم الجمعه مجتمعين في بيت ابو سالم..
والبنات يسولفون في حديقة القصر..
جمانه:يابنت اسمعي كلامي قصي شعرك..
هيفاء:ماابي ماابي انا شعري كذا عاجبني..
جاؤ البنات لهم
هنادي:وشفيكم كنكم تهاوشون..
جمانه:اقولها قصي شعرك رافضه..
هيفاء:كيفي
هنادي:اييه كيفها
نور:انا من رايي تقصينه
هيفاء:جتك الثاانيه
منيره:بناات شوفو شووفو شرف صاحب السمو الملكي الامير مشااري ههههههههههههه
البنات:اوووه
"وقفت سيارة مشاري ولونها احمر بي ام دبليو"
نزل مشاري وسالم وخالد..راح سالم داخل عند الرجال..
هنادي بصوت عالي:اقييين اقييين..
خالد:وجعععععع
جا لهم..
خالد:وش عندكم واقفين هنا..؟
مشاري:اكييد تبون تشوفون سيارتي كاشخ فيها..
جمانه:مبروك يامشاري.
مشاري:الله يبارك فيك..
نور وغلا:الله يعطيك خيرها ويكفيك شرها
مشاري:امييين..
العنود:مشاري نبي نركب فيها
جمانه بدلع مااصخ:مشاري وانا وانااا بركب معكم
خالد يقلدها:مشاري وانا وانا..بركب معكم..
ضحكو البنات..
منيره:لالا خالد مايصلح ..انت مشاري قلدها يبطلع احلا عليك..
مشاري:بالله"ماصدق خبر"
هنادي:اييه قلدها
مشاري قلدها ماتو البنات من الضحك وكرشهم خالد ودخلو عند الحريم..
في الليل ..انوار القصر تشع من كل مكان..قصر فخم..جدا..
وفي الصاله الوااسعه فيها من البذخ ولغنى مالله به علييم..جالسه لوحدها وتدقدق بالبيبي..
وتدندن :ياحبيله ولاغيره هوى قلبي..لالا ياحبيله لاغيره شغل قلبي..لالا ياحبيله ولاغيره سكن قلبي ياحبييييلله..فجاه:بوووووه..صرخت وطاح الجوال منها..قامت ونظرت له..وهو يضحك بقووه..جلس وحط ايده على صدره وبانت على ملامحه التعب والالم..قربت له:مشاري وش فيك؟..حمار ليش تخرعني هذي جزاتك..
مشاري:ااه ابعدي ابعدي خلااص..
منيره:طيب اتصل عليهم..مشاري رد علي لاتخوفني عليك...
رفع راسه وناظرلها:تخافين علي..
منيره:ايه
ابتسم ولم يديه ببعضها ولاكان فيه شي..
منيره:مافيك شي.ز
مشاري يبتسم بغباء:لا..
منيره انقهرت وضربته كف..
مشاري قام:تضربيني كف
منيره رجعت على ورا:اييه اضربك كم مره تسوي هالحركه المااصخه..فرضا دخل احد وشافك ولادخل خالد وش يكون موقفي انا ويااك..استح على وجدهك
مشاري:وبععد تعلمني الادب..وشدها من زندها ولف يدها ورا ضهرها
منيره:اااه هدني..انت غبي ماتفهم..هدنني عورتني يدي بتنكسر.
:مشااري..
تركها مشاري ونظر......
......
لخاله:يبه"هو خاله بس لانه رباه"
منيره:خالي شوفه ..وراحت لخالها..كم مره خرعني لاعاد يسوي هالحره..يستغل سرحاني ويخرعني..فرضا مت ياخالي من لكم وحده تسليكم غيري بناتك كل وحده منشغله بنفسها
خالها:صح صاادقه..من لنا غيرمنوور
مشاري:لاتسمعك دلوعتك هيفاء بسس..
ابو عبدالعزيز:مااحد يجي ربع منيره
منيره:بعلمها
ابو عبدالعزيز:لالا اسكتي
مشاري:ايه شفتي انه يكذب عليك..
ابوعبدالعزيز:ماعليك من هالشيطان هذا..
مشاري اخذ الجوال حق منيره وركبه وعطاه منيره اخذ ته وكشت عليه وراحت...
ضحك مشاري على هبالها وجلس هو ويا خاله..
ابوعبدالعزيز:مشاري ياابوك لاعاد تمزح معها..عندك خواتك امزح معهم..البنت ماتحللك وبيوم من الايام بتصير لخالد
مشاري ساكت ومزل راسه..
ابوعبدالعزيز:اذا بتزوج انا مختارلك بنت ومشاور امك عليها وابو نواف قايله نبي بنتك لولدي قال خلااص تخلص من دراستها ويتزوجها..وش قلت ياابوك؟
مشاري ناظر خاله مستغرب:كل هذا يصير وماعلمتوني كني بنت تغصبونها اللحين حتى البنت صار لها راي..
ابوعبدالعزيز:لييه وش ناقصها بنت اخوي جمال وادب وعلم وعقل وطول مثل الاميرات..وتصلحلك..
مشاري:بسس يبه..
ابوعبدالعزيز:وافق عشاني انا معطي الرجال كلمه..
مشاري ابتسم وقام وباس راس ابو عبدالعزيز:مواافق..دامه شورك واختيارك راضي فيه..
ابوعبدالعزيز:الله يرضا عليك..
مشاري:يالله انا بروح اعجل بالبنات عشان الطلعه للمطعم..تبي شي؟
ابوعبدالعزيز:سلامتك..انتبه على نفسك.
مشاري:ان شالله..
راح مشارري فوق ويغني:ياااحبيييللله ولاغيره وفا لقلبي ياااحبيييله..عيووني لااه ...هلاا وراا..ويرقص..
هنادي تصفر وتصوره:شي جناااان..صورتك وصوتك بالفديو عطني فلوس ولاافضحك هههههههههههه
مشاري:خبله ماعليك شرهه.وراح لغرفته..دخلت على البنات..:هيفاء والعنود شوفوو مشاري ههههههههه
هيفاء لبست وخلصت والعنود بعد قربو وشافو مشاري وضحكوو..
هيفاء:يالبيي المزيوون..
العنود:هههههههههه
دخلت منيره:بناات ماابي ارووح
هنادي:لييش ان شالله
منيره:ماابي اروح ومشاري موجوود
العنود:لاياااشيييخه رايحه معنى مومع مشاري
منيره بوزت:يغثني
هيفاء:منيييره انتي اللي تغثيين مشاري وكذا مرره طاح بسببك تذكرون بناات..يوم كنا قاعدين بالصاله..
ــــــــــ
ام عبدالعزيز وام منيره جالسين يسولفون..وام مشاري تناظر التلفزيون على شيخ..
وهنادي مندمجه بالبيبي وهيفاء تاكل شبس وتشرب ببسي"عاده حتى لو موجوعانه"
والعنود تقرا كتاب"تمووت على القرائه لها مكتبه خااصه فيها ملياانه كتب انوااع واشكاال..."
وعبدالعزيز وديالا نزلو:السلام عليكم..رد الكل السلام.
منيره سحبت من مشاري الايباد:هددده هذاا حقيي..
مشاري:من متى حقك ضاايع شوفي هذا حقي"هو حق منيره"
ام مشاري نظرت لولدها:منيره حبيبتي خليه يقع عليه شوي موماكله"
منيره:مشاري خبل الحاجه ماتقعد عنده يوم وااحد..
مشاري:الله واكبر يالعاااقله..
منيره:تراه حقي
مشاري:ادري
هنادي وهيفاء:ههههههههههههههه
هيفاء:ياخساره يامشاري تقول عنك خبل وتسكت
ام عبدالعزيز:بنت اعقلي..
سكتت هيفاء..
منيره:خبل وحماار بعد
ضرب مشاري الايبارد بالارض بقوه وتكسر وكانوضربها على كتفها وقامو كلهم ومسكه عبدالعزيز:مشاري انجنييت
جته ام منيره:منيره يالله رووحي فووق
منيره بكت:خاله شوفه يضربني وتسكت
طاح مشاري واغمي عليه وصرخو الحريم..ومن يومها ياويل منيره بس تستفز مشاري حتى لوهو غلطاان."
ــــــــــــ
العنود:اييه انتبهي تستفزينه ويصدم فيناا..
منيره:اذا تكلم علي برد عليك
هنادي:ثم اشنقك..هذا دلوع الماما لااحد يقوله شي هههههههه
هيفاء بصوتها الطفولي:حدك..
هنادي تناظر لها بااستخفاف:حدك..يالله انتي منيرووه تحركي قدااامي لاتطوليين..
منيره:اوووف..وطلعت..
ــــــــــــــــــ
ديالا واقفه قدام المرايه وتمكيج مكياج خفيف..
وعبدالعزيز جالس قدام التلفزيون في صاله صغيره جنب السرير فيه تلفزيون وثلاجه صغيره وطاوله بالوسط..
عبدالعزيز:ديالا ماصارت خلااص حلوه..
راحت له ديالا وجلست جنبه..
ديالا:عزووزي
عبدالعزيز:خير اللهم اجعله خير كم تبين..
ديالا تناظر له ..ضحك عبدالعزيز:امزززح..امريني ياقلبي
ديالا:بروح مع البنات للمطعم..
عبدالعزيز:غرييبه...!!!...خبري ماتحبين الببنات شاللي تغير..؟
ديالا:نفس الاحساس بسس انا مورايحه لهم رايحه للمطعم حق مشاري
عبدالعزيز:يعني اللي بيوديكم مشاري..
ديالا:يب
عبدالعزيز نظر لتلفزيون ورد برد جاف:لا
ديالا :ليييه..؟؟
عبدالعزيز:كييفي..انتي تعرفين ان مشاري مايعرف يسووق تذكرين يوم صدم فيكم..تذكرين وش قالولك اهلي وش صارلي بغيت انجن..
ديالا:ربي يخليلنا لبعض..اللي رببي كاتبه بيصير..تكفى واافق
عبدالعزيز:قلت لا ماتفهميين..
ديالا:عبدالعزيز عشااني..قوله لايسررع
عبدالعزيز:طيييب..بسس قدري موقفي
ديالا:مقدره خلااص لو قلت له ماراح يسرع مشاري يسمع كلامك..
عبدالعزيز:مواافق..
ديالا باسته على خده
عبدالعزيز:بسسس بسس خدي رااحديالا نظرت له وحبست ضحكتها قامت..وراحت اخذت عبايتها ...وتغطت وتلثمت.........وطلعت..
ولحقها عبدالعزيز..
دخلت ديالا عند البنات ومشاري واقف عند الدرج..جاه عبدالعزيز:شووف يامشاري والله لوتسرع ياويييللك مني..فاااهم..
مشاري:ههههههههه..رح رح شوف شكلك وتعال كلمني.
عبدالعزيز:وش فيه شكلي.
مشاري:يااخي رووح وشووف..
عبدالعزيز يتلمس وجهه:شكلي مافيه شي..المهم حذرتك..
مشاري:عاد كيفك اذا بتروح للمستشفى وكذا وجهك براحتك..هههههههههههههههه
راح عبدالعزيز ودخل الغرفه..وشاف شكله وضحكو البنات
ديالا:عبدالعزيز اطلع منيره ماتحرملك..
عبدالعزيز قرب لديالا:ديالووه ثااني مره لابغيتي تبوسيني..تمسحيين رووج فمك..
هنادي:هههههه لارووج خشمها..
تغير وجه ديالا وانقلب احمر واخضر واصفر..اشارة مرور مو وجه..
ـــــــــــــــ
تكلمه في السياره ...
هيفاء :مشاري حبيبي
مشاري:عيون مشاري..
هيفاء حطت يدها على صدر مشاري
هنادي:حشا موبااخته زوجته
هيفاء:تفتف قل اعوذ برب الفلق من شر ماخلق
هنادي:خلااص موالايه كلها..هههههههههه
مشاري باس يد هيفاء وناظر لمنيره من المرايه..نزلت منره عيونها..
مشاري:هيفاء مو اخت وبسس هيفاء الهواء اللي اتنفسه
منيره انقهرت لانها تحس بالفراغ الاخوي حتى عبدالعزيز اللي قريب منها..منشغل عنها بالمستشفى..وامها دايم مع ام عبدالعزيز وام مشاري ياطلعين يابسوق ولا العزايم ولاجالسين يسولفون مع بعض يعني امها مادرت عن هوا دارها..من كبرت امي امي انشغلت عني ياليتني ارجع صغيره..ومشاري هو اللي يعرف بالشي لانها مره قالت له ..وهو اسستغل هالنقطه ويقهرها فيها<نذل..ويعرف انها نقطة ضعفها..
هيفاء:ودنا مجمع الراشد
مشاري ترك يدها:لا
هيفاء:لييييش؟
مشاري:كذاا يوديكم خالد..موانا..انا الغبي اللي اخذكم وامشيكم وانتم ماصدقتو على الله..ودنا لمدري اييش ودنا لمكان هذا..خلااص عااد سواقكم اناا
العنود:بسم الله وش زينك تو اكلتنا بقشورنا..
ديالا:مشاري عشااني ودنا لراشد..ماراح نطول بالمطعم واللحين احنا المغرب تو الوقت على العشا واحنا خالصيين
هنادي:لييه جايين نتفرج ولانااكل
مشاري:اقوول اسكتي انتي نقطينا بسكااتك..
هنادي:انا ولاهي؟
مشاري:ديالا..بعد لك عيين تكلمين حضرتك كاافي اسوق على بيض عشاانك..
العنود:مشاري عيييب..
هيفاء:طيب اهدى مايسوى علييك تعصب لاعادت من روحه لرااشد
العنود:اعوذ بالله لاتدعيين..
مشاري:اييه اسوق على مهلي عشانها..
العنود:ههههههههه طيب خلااص.
منيره:لييه احنا رخيصااات
العنود تندغ منيره تسكت
مشاري:اييه رخيصاات وانتي اولهم..
هنادي:هوودني عليه بشن عليه الحررب هدووني
منيره تمثل:اسحب جيوشك ايها الوغد
هنادي:انا وغد ياووغده..يااللهي
مشاري:بسس انتي وياهاا انا رجال مرييض مااتحمل ثقالة دمكم..
هيفاء:ايه والله وانت الصاادق مالهم دااعي في الحيااه
مشاري:صادقه بسس لااسف وش نسوي لازم نتحملهم..
منيره:بنات ناصر ومرته وينهم؟
العنود:وين انتي عايشه..مسافرين للعمره
منيره:حسبالي رايح للكشته كالعاده وهي عند اهلها عاد هي ماتعلمنا
مشاري:لييه تبينها تستاذن منك انتي وهالوجه
منيره:لا وجهي لحاله اكييد انا ووجهي
هنادي:حلللللللللللوووه:"كفك..
منيره:اسحب ملفك
هنادي:قديمه..
منيره:جدددها يابهيمه..تصدقون اشتقت لناصر وكلمته..
هيفاء:مسرع مالك يوميين..
العنود:لا وبعد ماتدري وين هو راايح..
هيفاء:خخخخخخخخ
مشاري:لاعاد تعيدين هالضحكه عند النااس
هيفاء:هههههههههه
منيره:يجن لاقال ابك ابك ابك
ابتتسم مشاري بطرف شفته
هنادي:اويلي وييييلااااه...ههههههههههههه
منييره:ههههههههههههههههههههه
مشاري بنفسه"يالبي هالضحكه بسس"<طلع يحبها"
وقف عند الاشاره وكان فاتح الجامه..سمع بسياره جنبه صوت بنات والسواق هندي مايدري وين ربي حاطه..والبنات من عند الدريشه ويصورون..
البنت:طرااااد فهههد انااا احبببك
مشاري:انا موطراد فهد انا شبييههه...
البنت:بعد يكذب..
مشاري:استحي على وجهك
البنت:طيب عطني رقمك مزيون مثلك مايتفووت
منيره:قليلة ادب..
مشاري يشر لمنيره تسكت..
مشاري:اقوول لمي اللي عندك وسكري دريشتك انا مااكلم هالاشكاال..وسكر الجامه وحرك..اعجبني بحركته...
منيره تساسر هادي:كبر بعيني
هنادي:ليه قبل طايح من عيونك
منيره:يعني هههههههه
هنادي:اسكتي لايسمعك...
ــــــــــــ
وصلنا للمطعم وانا اخذ بصحني من البوفيه وصدمتت بشخص..وطاح الصحن وانكسر صرخت والتفتو الناس..
مشاري:حصل خير حصل خيير..انتي..
رجع الناس لاشغالهم..
منيره:مشااريووه!!
مشاري:يالييل القراده انتي دايم مخرووشه..
منيره:اقول روح ..ابعد بروح للبناات.
مسك مشاري يدها
منيره شهقت..
جت هنادي:مشاري..منيره..
ترك مشاري يدها
هنادي:وين رحتم؟..تر جمانه جت..
مشاري:وش تبيني اسويلها افرش لها الارض ورود..
منيره:انكسر صحني..اشر مشاري للعمل يجي ينضف..
هنادي:بسس بسيطه..هاات..اخذت صحن مشاري..وحط لنفسك
مشاري:هنادي..منيره..اكلي..راحو..
منيره:عيب لييش اخذتي اكله..
هنادي:ياربي ذابحك العيب
منيره:اللي يسمعك يقول اني مااستحي
هنادي:سوري اسفيين انا قصدي ان انتي وياه دايم تهاوشوون مسكت على هالشي..
منيره:هاتي..وعطتها الاكل ودخلو للكابينه...
جمانه:هااي ويين رحتم؟..وين مشاري؟
هيفاء:مشاري مايجي عندنا له مكان لحاله...ولاتبين تكشفينن عنده
جمانه:عادي موهو خطيبي
منيره بققت عيونها لجمانه
والكل:خطيييبك!!!
جمانه:لييه ماقلكم..هو خاطبني بروح له..قامت وراحت..
العنود:من متى؟
هنادي مصدومه:اكييد متحلمه..هيفاء عطيني كفف..
هيفاء قامت :بسس ماطلبتي..وعطتها ذاك الكف اللي كنها طالع من واحد حااقد..
هنادي:وووجججججج
البنات:ههههههههههههههههههههه
ديالا:مااصدق هذا كفك ياهيفاااء!!
هيفاءابتسمت ابتسامه صفرا..طلعت منيره
هنادي:ويين ويين؟...فااضيه ادورك مره ثاانيه..
العنود:خليهااا اقعدي بسس...
رحت لمشاري ولقيت جمانه تسولف معه وهو فرحاان ومتشقق من الوناسه وشفته يضحك انقهرررت..ماادري لييش.وتذكرت خالد...ترا هذا موخطيبي يوم انقهر ولاحبيبي لاتسين انك مخطوبه..لييش انقهرت..استغربت من نفسي..رحت لهم
جمانه:اهليين..اووه قطعتي علينا الحديث
منيره بااستخفاف:سوري حبيبتي..مشاري خذ
جمانه:لاانا احطله مشكووره
مشاري:ايه جوجو تحطلي
منيره:هذا حقك ولافقدت الذاكره..وحطته على الطاوله وراحت..
جمانه:وش فيها؟!!!
مشاري يهز كتوفه:مدري علمي علمك..تعالي نجلس ونختار بالمنيو..
ـــــــــــــــ
البارت الثالث...
رجعنا البيت بعد الطلعه للمطعم..جلسنا بالصاله وام مشاري زعلااانه على ولدهاا..تقول.
ام مشاري:لييه يامشاري!..افاا ياولدي كذا تسوي بااميمتك
مشاري مايدري وش سبب زعلها:وش مزعلك يالغااليه..علميني..
ام مشاري:سيارتك الجديده ماركبتها ومطعمك مادخلته المفرووض انا اول من يدخله كذاا تسوي فيني..
مشاري قام وجلس عند رجولها وبااس رجولها وانا اناظرلهم..وابتسم..والبنات يناظرون وساكتات
مشاري:سامحيني يالغااليه مكانك بالقلب..بسس هذولي يعني تعرفين البنات..اوعدك ان شالله راح اوديك المطعم بس انا وانتي مافيه ولازبون وافرفر فيك بشوارع الدمام كلها بسيارتي وش قلتي..اهم شي رضااك..انتي عمرك ماقصرتي معي..انتي ربيتيني سهرتي على راحتي..ماابيك تزعلين مني لو اي شي..اعرفي مو قصدي..امه باست راسه..
منيره:الله يخليلك ولدك ياخالتي
ام مشاري:اميين..
مشاريرفع راسه وناضر لمنيره من فوق لتحت ضحكو البنات على نظراته..
منيره:خير ليش تناظر لي كذا..!!!...تبي الله ياخذك
هيفاء:اعوذ بالله الله لايقوله..توك وش زينك تدعين له
مشاري:غريبه منيره ذربه..هههههه
البنات:ههههههههههه
هنادي:اييه صح منيره تدعي لمشاري ومؤدبه معه مايلييق..
منيره:صدق ماعندكم سالفه
ام مشاري:هههههههه ايه وانتي الصادقه يابنتي يغارون منك لاتلوينهم..
العنود:من زينك..ترا مافيك زود عنا
مشاري:يسلم باوك اللي بينقط عسل العنود
العنود:احححمم تسلم يااخوي..
منيره:مااالت عليكم..
هنادي:هدوووني عليهاا اكفخهاا..امسكيني..ياهيفاء
هيفاء تمسكها
هنادي تمثل:هدووني بكفخهاا هههههههه
راحت منيره فوق..وانا افكر بمشاري..طيب مع خواته ومع امه..حنووون مرره عليهم..وكرييم ..اخخ عكس عن خالد اللي مايحب الانفسه..عكسه..لييه خالد بيصير لي...رحت لصاله الفوقيه ووقفني وانا اتخبي عنهم وهم يقولون..
ام منيره:ياولدي البنت توها ماخلصت دراستها..
خالد:عادي ياعمتي مو اول وحده ولااخر وحده تتزوج وهي تدرس ياعمتي انا مستعجل.
ام منيره:على اييش ياحبيبي حتى الوضيفه ماتوضفت
خالد:الشركه تستناني..والوالد عنده واسطات..راح اتوضف بالسااهل..خليها توافق
ام عبدالعزيز:قلت لاابوك؟
خالد:ايه قلتله..كان رااافض بالبدايه واصريت عليه ووافق بسس قال اهم شي راي منيره..
ام منيره:طيب انا بقولها وبحاول اقنعها
خالد:لييه هي مومواافقه؟؟
ام منيره:اكييد بترفض اعرف منيره تفيرها بدراستها وبسس..
خالد:بتواافق بتواافق..انا رايح اناام..تبون شي
ام عبدالعزيز:لاسلامتك يمه...تصبح على خير
خالد:وانتي ممن اهله..طلع من الصاله الا وهو بوجهي وانا مصدومه..
خالد:منيره انتي هنا من اليوم
منيره:هااه اييه..
خالد:اكييد سمعتي..ابي اسمع راييك موافقه صح
ممنيره:لا
خالد:كيييف؟؟؟
منيره توترت:ققصدي..يعني
خالد قاطعها:ماتبيني...
منيره ببرر:لا..مو
خالد بصوت عالي:عمتي...يمممممه...منيره ماتبيني....قرب لي"انا اورييك يامنيره..رفعت هالخشم هذي بكسرها لك..وزاج غصبا عنك بتزوجك
منيره:حلوه هذي موعلى كيفك
خالد:لا كيفي..يامدامي..راح خلد
منيره:هذا انجن..
:منيييره
منيره:جايه يمه"اول مره اشوف رجال يعامل اللي يبي يتزوجها كذاا"..
ـــــــــــــــ
خالد:رفضتني..
مشاري:ايييش؟
خالد:ماتبيني..
مشاري:لييش؟؟
خالد:مدري عنهاا..
مشاري:والله اكييد انت غاثهاا
خالد:وربي لااكسر خشمها..يصيير خيير ياممنيره
مشاري"تخساا"..:خالد هذي بنت عمتك..طيب دامك تشوفها متكبره لييش بتزوجها..تبي تضيع حياتها وتضيعها معك.انت تعرف ان الزواج مو لعبه..وتعرف ان منيره ماتواطنها لييه بتاخذهاا..خالد لاتحمل نفسك ذنوب منت بقدها..حراام عليك البنت محرومه من الحنان..كافي لاتكسرها زيااده..صدقني ان كسرتها بتجرحك..
خالد تنهد وقلبه يشتعل نار:انا سالتها تبيني تقولي لا..هي اللي جرحتني..من زمان من وانا صغير يقولون منيره لك ياخالد..زوجتك جت..زوجتك رااحت..لحد ماخلاص ثبتت بعقلي..وبعدين من قال اني ماابيها انا احبها بس مااحب اضهر حبي..وبنفس الوقت مااببيها تجرحني..لانها ملكت قلبي..تكفى لاتقول اني مااحب منيره..
مشاري:عاد تبي الصدق مو وااضح عليك
خالد:توني اعترفلك عشان تعرف اني احبها..والكلام اللي قلته تعبير عن غضبي
مشاري"ياخساره يعني خلااص بتزوجها..لييش انا متضاايق انه بيتزوجها..معقوله احبها...لالا انا احبها..انا دايم نقره معها..."..
قام مشاري:انا بطلع تحت مع البنات..وبنشوي بالحديقه..تعال معنا
خالد لاحض ان مشاري تغير وجهه..:لاانا بناام..
مشاري:برااحتك..
طلع مشاري وسكر الباب بهدووء..
خالد"وش فيه"..!!
ــــــــــــــــــ
منيره:خلااص انا بستخير واشوف ..
ام عبدالعزيز:وش تشوفين وحي هو..!!...منيره ولدي من وعيتي على الدنيا وهو قدامك...وانا انك حافضته عدل..مايحتاج نعلمك بشي...اذا منتي موافقه ليش تعشمينه وتسكتين طول هالسنين
منيره:وانا وش دريني ان الموضووع جد
شهقت امها وانخرعت منيره..
ام منيره:منتي مواافقه ياابنت
منيره بخووف:وش فييكم..؟
ام عبدالعزيز:وش وش فينا؟...ولدي ومحيره له من انتم صغاار..وش الشي اللي ناقصه طول وزيين ورزه وذكا..وغني وولد خالك..
ام منيره:يابنتي احمدي ربك افضل من انك تزوجين واحد من برا العايله لاتعرفينه ولايعرفك وتنصدمين فيه بعديين..ولد خالك عارفته ومعك بالبيت وان اخطا نربيه لك..وقدام عيونا..وافقي يابنتي ولاتخربين شمل العايله صدقيني خالد لو مايحبك..ماافكر يااخذك..
منيره ضاااق صدرها قمت:انا بروح..ويصير ان شالله اللي يرضيني..
ام عبدالعزيز:ويرضينا بعد
منيره بلعت ريقها:وو..يرضيكم..رحت وطلعت من الصاله..وقفت وانا اشوف مشاري جالس..تلاقت عيوننا مع بعض..
مشاري بعيونه حكي..وقريت اللي بعيونه لانه نفس اللي بعيوني...حسيته اقرب لي من القريب..في فاصل يامشاري يفصل بينا...الي هو خالد..دخلت الغرفه..وجلست على السرير تذكرت...
منيره بالمطبخ:هذا التشيز كيك لك...
هيفاء:ماشالله تحبون بعض من وراي
مشاري:هههههههههههههههه...
منيره نظرت لهيفاء:هيفاء وش هالكلاام.هو شاف طبخه بالتلفزيون وعجبته وقال لامه تسويله مثلا وامه قالتلي اسويله وماحبيت ارد خالتي فهمتي..ونظرت لمشاري:ولا مشاري مااحبه"ومديت لساني له"
مشاري:عادي من زينك يوم احبك
هيفاء:تبون الصرااحه يلوق عليكم الحب..احسكم راكبين على بعض..انتي ومشاري مثل توم وجيري اذا تقابلتم تتناقرون واذا افترقتم تشتاقون لبعض..
ــــــــــــــ
الدنيا لاتاتي على مقااس قلوبنا...
اما ان تضيق ف تجربنا على التنازل....
عن الكثييير من الاشياء الثمينه...!!
او ان تكبر ف نضيع ونتوه ونفقد الكثير...
وبعد هالتفكير اللي بدال ماافكر بخالد..استرجعت كل ذكرياتي مع مشاري...وكل ماافكر بخالد يربط التفكير بخالد مع مشاري..وجود مشاري بحياتي صار بدال الاعتيااد الى حب..
ــــــــــــ،
في الصباح
ام عبدالعزيز تشرب قهوتها بالصاله وابو عبدالعزيز في الشركه ..
ام عبدالعزيز ناظرت ساعتها..ضغطت على الزر اللي يودي للمطبخ..جت سنيتا مفحطه:نام مداام..
ام عبدالعزيز:روحي قولي للعنود تنضف غرفة اخوها ناصر لانه بيجي من السفر بعد ساعه او ساعتين وانتي جهزي البخور وبخري الغرفه..ونادي هيفاء وهنادي ابيهم..
سنيتا:هاادر مدام ام ابدالازيز"حاضر مدام ام عبدالعزيز"..راحت..
ام عبدالعزيز:يالله بسرعه...
ــــــــ
طلع خالد من دورة المياه الله يكرمكم...
وعلى راسه منشفه ينشف شعره..قرب لمشاري:مشاري قوووم...الساعه 11...يااوولد..يااهوو..وندغه..ماتحرك..ترك المنشفه وقرب لمشاري:مشاري..ولفه وحط راسه على صدر مشاري..تركه وهو خايف..ركض وفتح الباب..:يااااعبدالللعزيييز..يااايبببه...يااااعمممم ه...الحقوووني مشاااررري تعبااان...
ديالا جلست جنب عبدالعزيز:عبدالعزيز...عزوووز قم
عبدالعزيز:هممممم
ديالا:قووم شووف وش صااير براا؟!!...
عبدالعزيز:وش صااير يعني..
ديالا:ياالله منننك قممم..
عبدالعزيز قام وشاف الساعه..وسمع صوت خالد والبنات..
عبدالعزيز توه ماصحصح:وش صاير؟؟
ديالا:تسالني..قووم يابردكك..
عبدالعزيز:بعدي..
قامت وبعدت عنه ولبس زنوباته الله يكرمكم..وركض لبراا..
مشاري دخلوه غرفة العمليات وسووله عمليه وصار احسن ونقلوه للعنايه المركزه..وبعد ماتطمونو عليه راحو لااشغالهم وامه قعدت عنده تقرا عليه وتدعي ربها انه يقووم..ماتدري وش اللي زعله..تعرفه مايتعب الا اذا فيه شي ضاايقه ..
ــــــــ
عرفت منيره باللي صار لمشاري وتضايقت..
والبنات هنادي وهيفاء راحو المطبخ باامر من امهم ينضفون مع الخدم والخدامات عددهم خمس ثنتين للبيت وثنتين للمطبخ ووحده لغسيل الملابس..وفوق هذا امه ماتحب البنات مايتعلمون الطبخ وتنضيف الاواني والبيت..لاازم يتعلموون.عشان يصيرون سنعاات..
والعنود نضفت غرفة اخوها وكنستها ..
منيره راحت فوق للعنود:عنوود..
العنود تبخر الغرفه والشغاله واقفه..
منيره:العنووود ...ماتسمعيين
العنود:خير اسمعك وش تبيين..
منيره:خالتي ام مشاري تقول انا برجع البيت وتبي وحده منكم تروح لمشاري تجلس عنده لحد مايقوم وتشوف وش يحتاج..
العنود:خلوده وينه..
منيره:خلوده على قولتك رايح المطار يستقبل ناصر
العنود نظرت لمنيره:ناصر جاا..
منيره:ايه وصل اتصلت على خالد وقلتله قال انا بالمطار والمطار بعيد عن المستشفى..قولي للبناات..
العنود:انا موفااضيه بعديين انا يامنيره مااحب المستشفيات تدوخ راسي..يالله يالله خلاص ياسنيتا..وعطتها المبخره وراحت الخادمه
منيره:العنود تكلمين من جد..هذا اخوك مشاري محتاجلك..كذا تسوين فيه..جد طحتي من عيني
العنود:انا يامنيره والله مااحب روحت المستشفيات انا لاتعبت لو تقطيعني ماارووح كييف لو ارافق مرييض..سوري.
طلعت وانا مقهوره ونزلت تحت وقلت لهنادي عاد هنادي دجه...ماتبي ..رحت فوق ادور هيفاء اكييد بتوافق دام مشاري حبيب قلبها ماراح ترفض..ماهي دايم تدافع عنه ضدي..رحت لهيفاء لقيتها جالسه في الصاله قدام التلفزيون..وتاكل دونات بالشوكلت وموكا باارد..
منيره:انتي هنا وانا ادورك بغرفتك
هيفاء تناظر لتلفزيون:وش عندك..تكفيين ترااني ميته من التعب..امي كرفتني لحد ماقلت اميين..لاتحمليني شغله..
منيره:وحتى لو قلتلك ماراح توافقين
هيفاء:شاطره..
منيره:هيفاء تروحين المستشفى
هيفاء:لييش؟؟
منيره:مشاري لحاله هنااك وخالد رايح المطار يستقبل اخوه وعبدالعزيز مشغوول
هيفاء تقاطعها:وامه..
منيره:تقول تعبت وجايه للبيت مع السواق وتبي وحده منكم تروح
هيفاء:قولي للبنات..
منيره:البنات مافيهم خير وانتي مو تحبين مشاري وتقلدها"اغلطي علي بسس مشاري لاتغلطيين عليه."
هيفاء:اقوول لايكككثر..
منيره:هيفاء من حجدكم مشاري مطلعكم ومايرفض لكم طلب..وخاصه انتي كذا تسوون فيه..مالت عليكم من خوات انا لو عندي خوات كذا مااتشرف فيكم..
هيفاء:هيييه اننتي وش جااك..منيره انا تعرفييني ان شفت مشاري تعبان ابكي ماشفتي وش صارلي يوم هو مغمي عليه زيين مسكتني هنادي وامي..مستحيل اروحله واشوفه كذا تعباان ..المفرووض ماتقلون لي..تعرفيني حسااسه وقلبي رهييف..
منيره:قلبك رهييف وانتي تبلعيين..ماشالله..
هيفاء تركت الاكل :اعوذ بالله منك..
منيره:ليه وش شايفتني شيطاان..!!..الشرهه مو بعليك على مشاري اللي معطيم وجه...
هيفاء:طيب انتي روحي ياام الخيير
منيره:انااا!!
هيفاء:ايه انتي ياعمري واذا عن خالد نقوله احنا كنا مشغولات ومافيه الا منيره فااضيه..رووحي اكسبي فيه اجر..انا اعرفك قدها بهالموااقف
منيره:صدق انك..بس انا اعلم مشاري لاقاام بالسلامه
ـــــــ
طلعت من الغرفه وانا دموعي اربع اربع..صعد عبدالعزيز:منيره وش فيك من مبكيك..؟؟
منيره تمسح دموعها وهي تشاهق :هيفوووه..
عبدالعزيز:هذي البزر تبكييك..
منيره:كلكم خونه مشاري لحاله هنااك ومااحد واقف معه..مافي قلوبهم رحمه..حقيرااات..
عبدالعزيز:ههههههههههههه ياحليلك اشوف تغيرتي يامنيره منتي مثل اول...
منيره:انا ماتغيرت هذا انا..البلا فيهم اخوهم طايح لحاله وامه بترجع البيت تقول ضغطها اترفع وتبي وحده منهم ترووح..ورفضو وقالو انتي رووحي
عبدالعزيز:خلااص وانتي موافقه..
منيره:هااه مدري.
عبدالعزيز:عادي مشاري مثل اخووك..يالله تجهزي وانا استنااك هنا..
منيره:وانت..؟
عبدالعزيز:انا عندي شغل لارااسي ومرضااي ماشفتهم
منيره:طيب دقاايق وانا جااهزه...
دخلت الغرفه......
ركبنا السياره..
وصلنا المستشفى ووصفلي عبدالعزيز الغرغه وقال ان عنده عمليتين ولايقدر يبقى معي...
المهم ركبت الاصنصير وكان معي واحد قليل ادب يعلك بصوت عالي..وشغل على اغنيه بجواله لااصاله..وناظرلي بنظرات وقحه وقرب منيره وانا خااايفه مرره ورجعت على ورا..ووقف الاصنصير وزيين ان الباب فتح وهو يقرب وصكيته بالشنطه بااقوووى ماعطاني ربي من قوه..ودفيته وطاح على الارض على فكره الشنطه فيه حديد وجت على وجهه هههههههه مدري هو ماات ولاعاايش..احسسن هذي جزاته مايخاف على خواته..وانا امشي ووصلت للغرفه..ترددت بالدخول ودخلت وياليتني مادخلت ..نايم على سرير ابيض وكل جسمه اجهزه..انرعبت..اول مررره اشووفه كذاا وانا تحسب على البناات..لييش وافقت ارووح له..غبيييه..وقفت اناظر له وااضح تعبان وفيه عمليه..الله يشفييك...جلست على ابعد كنبه عنه..ورسلت للبنات اني وصلت وقمت وصورة مشاري ورسلتها عن طريق الواتس اب....وبعدها ارسلولي ياحراام الله يشفيك يالغالي وحطوها بالبروفايل الله يشفيك يامشاري وفيس سبكي...المهم
وناصر وصل من السفر واستقبلووه..ودرا خالد اني عند مشاري..
وصل للمستشفى..ودخل الغرفه ونظرت له بصدمه وكذالك مشاري ومشاري صحى ولله الحمد..قرب لي وشدني من يدي:وش جاااابك هنااا؟؟!!...هااه تكللمي..ماتستحييين..
منيره:اااه وش فييك...وانا رحت لمشاري مو واحد غرييب..عاادي..
مشاري بتعب:خالد اتركهاا..
تركها خالد خايف لايتعب مشاري :امشي لبراا..براا..
منيره:طيب لاتهااوش..وانا اقوول لخالي عنك..صدق انك متخللف
خالدبتهدييد:منيييره..طيب الوعد قرب ان ماقصيت هالللسان مااكون ولد ابوي
طلعت منيره من الغرفه وجلست بررا وانا مقهووره من حركت خالد..
مشاري:الله يهديك ياخالد..
خالد:المهم كيفك؟
مشاري:زين..
خالد:ناصر وصل من السفر يقول بكره بيجيك يتطمن عليك..
مشاري:الحمدالله على سلامته
خالد:الله يسلمك
دخل سالم.وهو يغني:سلااامااات حبيبي مو على بعضه سلامااات.سلامتك يالغاالي..وق رب له وباس راسه ورفع يده وباسهاا..
مشاري ابتسم:الله يسلللمك ماتقصر..روح ياخالد وصل البنت البيت..
خالد:طيب..
مشاري:خالد
وقف خالد والتفت لمشاري..
مشاري:والله اذا زعلتها بزعل منك
خالد..!..:طيب..مع السلامه..طلع من الغرفه وناظر لي:يالله قداامي..
قامت وراحت معه..ركبنا السياره وماحكى ولاكللللمه معي حتى ماعبرني احسسن..ماابيه يكلمني..شكااك مرييض..معقد..
ـــــــــــــــ
ــــــــــــــــ
ووانتهى البارت الثالث
وأبي ردود
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مافيه ردود!...اوكي شكلها مماعجبتكم
__________________________________________________ __________
>>>> الرد الثاني :
بالعكسسسس مررة حلووةة الروايةة بتمنى تكمليهاا
__________________________________________________ __________
>>>> الرد الثالث :
لا بالعكس مرررره حلوه رووعه
تحمسست متى تكملين
تم الإرسال بواسطة iPad بإستخدام منتدى عبير
__________________________________________________ __________
>>>> الرد الرابع :
المشاركة الأصلية كتبت بواسطة برنسيسه اثير لا بالعكس مرررره حلوه رووعه
تحمسست متى تكملين
تم الإرسال بواسطة iPad بإستخدام منتدى عبير
من ذوقك تسلمين ان شاءالله راح اكملها اللحين..واتمنى تكونون مستمرين معي
__________________________________________________ __________
>>>> الرد الخامس :
المشاركة الأصلية كتبت بواسطة هبل بنووتةة بالعكسسسس مررة حلووةة الروايةة بتمنى تكمليهاا
تسلمين يشرفني مرورك
