سر مصنع الكوش (عجمان) !! جمال الامرات

عنوان الموضوع : سر مصنع الكوش (عجمان) !! جمال الامرات
مقدم من طرف منتديات الضمير العربي

[SIZE="3"]من كم يوم و انا آخذ لفات عالسوق ادور كوشه لعرسي شهر 6
اليوم اكتشفت السر الخطيييييييير و را الكوش ، نبدأ بالاحصائيات..
في فالشارجه في ما يقارب 100 محل كوشه في الشارع مال الكوش ما اعرف اسمه المهم
5% من ها المحلات بس ، يصمم كوش و عنده كوش خاصه فيه و يأجرهم ...
95% من المحلات الباقيه تأجر الكوش من المحلات الاولى أأأأأأأأوووووووووووو
تشتري منها القديييييييييييم !!! أأأأأأأووووووووو تسرق الموديلات من الانترنت و باقي المحلات
و طبعا المحلات ال 5% الاولى تكون عندها نجار (المصنع اللي كل محل يقول انه ماله و في الشارجه او عجمان ، و هو يختلف من كذبة محل الى كذبة محل آخر)
النجار يفصل ديزاين الكوشه الي يرسمه المصمم في المحلات الاولى أو بالاحرى الاجزاء الناقصه و القصات المطلوبه من فريمات و آرشات و قلوب و دوائر و بوكسات و مربعات و مستطيلات و غيرها و هذا اول شي يأثر في سعر الكوشه (اذا كان موجود ترخص و اذا مب موجود تغلى)
و الاساس تراه موجود و ستاندرد يركب على كل الكوش (اقصد الخلفية ة ال كات ووك الي هو الممر) او حتى عند الفندق و ها ما يأثر في السعر اذا قالج المحل انه نحسوب اطلعي و لا تكاسرينه تراه حرامي ،و الاحجام موجوده و معروفة يعني عرض الكوشه منها 10 -12-14-16-18-20 متر لاحظي انهم يزيدون مترين لأن كل متر يكون منفصل عن الثاني و اذا ركب متر زياده يمين لازم يركب يسار عشان تتطلع الكوشه متساويه .
و بعد ما تكتمل الاجزاء الناقصة ، تروح للمرحله الثانيه و الي هي تلبيس الخشب (و هم في الغالب يتعاملون مع واحد عشان الخصم، و يبتدي يركب التلبيس الي يباه ، سواء كان تنجيد ، ورق جدران ، زجاج ، شيفونات، ستايرو مخمل وساتان ، حديد، وغيره على حسب الموضه و على حسب السعر المطلوب او على حسب الي تطلبه العروس اذا كان طلبيه ) و كل شي له سعره و مره ثانيه اذا القطعه و اللون موجودة ترخص و اذا مب موجودة تغلى
لاحظي ان نحنا بعدنا نتعامل مع الجزء الاول الي يهو يدير السوق و يتحكم في الموضه او تكون اول محلات تنزل الموضه و الي يقلدها السوق بعدين و بتعرفون كيف (طبعا ها كله في المحلات الكبيره و المشهوره و الي تكون الكوشه فيها ما تقل عن 40-50 الف )
بعد التلبيس تبي الكماليا و الكرسي و الاكسسوارات: و هاي الاشياء تتكرر و يحاولون يضيفونها لانها موجوده و بالوان مختلفه و يعاد استخدامها اما الكرسي فنفس الموضوع يتلبس بغطاء يتبدل و ينغسل و في النهايه اذا الون موجود يكون ارخص
و اخيرا اكيد الورد : و هني يفرق السعر بين السما و الارض
كل الاشياء الي سبق ذكرها يعاد تصنيعها و استخدامها بطريقه او باخرى سواء بتغير اللون او غيره اما الورد فهو عبئ على محلات الكوش و لين الحين ما يعرفون كيف يقللون ها المصرف
المهم السر في الورد ان كل محل يتعامل مع محل ورد معين و الكوشه الي تشوفونها ب 40000 في مكان و 25000 في مكان ثاني هذا بسبب كمية الورد و و كم فايده محل الكوشه يبي
مثلا كوشه ب 40000 عادي يحطونلج ورد ب 8000-10000 و اذا نقصتي و يا المحل في سعرها و خليتيها ب 32017 عادي يقلل ربحه شوي أو يقلل وردج شوي و يخليه ب 6000-8000 و ينقص السعر بزيادة الاوراق الخصراء و انقاص الورود او استبدال الورود الغاليه بالرخيصه مثل الروز او الاوركيد بالكارنيشن و هكذا
و الحين نيي للسررررررر الخطير الي هو المخزن اللي في عجمان او الشارجه
الله يسلمكن الي في المخزن ما هو الا عباره عن :
القطع القديمه الي ما تستخدمها المحلات 5% و استغنت عنها اما بسبب انها قديمه، تبغي تجدد و تصنع شي جديد ، مكسوره، جزء من طقم مكسور و غيره أو لسبب انا تنشر الموضه القديمه في السوق قبل اطلاق موظتها الجديده لاحتكار السوق و المحافظه على غلاء الاسعار حتى تسعى لهن المتميزات و الساعيات عن الجديد و الحصري ، و هالاشياء تنباع على محلات ال 95% او اغلب الاوقات على 25% و الي هي تدير السوق و تأجره على التجار الاصغر
و الشي الثاني ال 25% مبدعين و يرسمون تصاميم رخيصه تعاد تصنيعها الى 3-5 كوش رئيسيه في السوق أو يصورون و يسرقون الموديلات من القاعات ايام الخميس و الجمعة و ينفذون الموديلات بسعر ارخص و يكون الشغل حلو و مرتب و معتدل السعر. و بتغيير الالوان و تأجيرها لمدة1-2 سنوات او اكثر على الاقل ب 5000-13000 مع الورود . يعني الي يقول ان الكوشه اقل شي ب 10000 عادي يعطيها ب 8000 او حتى 6000 اذا كان الموعد قريب و هو متاكد انها ما بتطلع في نفس اليوم بسعر اكثر ، لان هي جاهزه و موجوده في المخزن في عجمان . التوصيل يكلف 200 درهم و العمال 500 درهم و الورد 1000 درهم بالكثير كل شي ب 2017 و الباقي فايده . بس طبعا ما انصح بترك الكوشه لآخر شي ابدا لانها هم و ول ما تنحجز ينزاح !! اتمنى تكونن استفدتن من الموضوع و اتبين لكن سر المصانع و المخازن الي كل محل يقول انه عنده . [/SIZE]

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلمين حبيبتي على الموضوع ...
جزاج الله اللف خير
وايد ناس ما يهتمون للاسعار وما يفكرون ان هذا يقص عليهم
مشكوره على التنبيه

__________________________________________________ __________

>>>> الرد الثاني :

تسلمين حبيبتي على الموضوع ...
جزاج الله الف خير

__________________________________________________ __________

>>>> الرد الثالث :

مشكوره حياتي عالتنبيه

__________________________________________________ __________

>>>> الرد الرابع :

فديت روحج الغاليه...............تسلمين ع النصيحه والمعلومه الطيبه..............

يزاج الله خير

__________________________________________________ __________

>>>> الرد الخامس :

مشكوورة والله يعطيج العافية

ماشاء الله عليج حاسبتنها بالسانتي بس والله مثل ماقالت وحدة من الخوات الناس تااخذ وبس ولا يفتكروون لا بسعر ولا بشيااته