رواية بنات اون لاين رواية خليجية

عنوان الموضوع : رواية بنات اون لاين رواية خليجية
مقدم من طرف منتديات الضمير العربي

هآآآآي ..

كيفكم ..؟

أكيد تمآآم << إن شاء الله يعني ..

أنا .. مع كنت أتابع كثير قصص وحبيت اشارككم بقصة مررررررررة حلوووة.. ::":: .. بنآت أون لاين ..::":: ..

الكاتبة لسه مستمره بكتابتها وماخلصتها .. وإذا أعجبتكم راح أنزل كل أسبوع بارت ..

وراح يكون اول بارت مرره قصير عشان حابه اخذ آرائكم في القصة قبل لا أكملها ..

وأتمنى من أعماق قلبي إنها تعجبكم ..



4 بنات كل وحده منهم لها حياتها ومشاكلها .. ولاوحده منهم قد التقت بالثانيه ولا تعرف عنها شي .. كل وحده منهم بتكون عنصر مهم في أحداث هالقصه وراح تجمعهم ظروف الحياة في يوم ما.. وراح يصيروا من أعز القلوب على بعض وأحب الأرواح إلي بعض .. وكل هذا حنتعرف عليه من خلال أحداث قصتنا الطويله والرحله الشيقه في أعماق قلوب مراهقات عاشوا الحياة بحلوها ومرها ..

أبدأ بالتعريف عنهم باختصار شديد والباقي راح نعرفه من خلال القصه ..

1- جود : 18 سنه ((ثالثه ثانوي أدبي)) " الرياض " ..
2- فرح : 19 سنه (( أولى جامعه )) " جده" ..
3- حلا : 20 سنه (( ثاني جامعه )) "الرياض " ..
4- نوف : 20 سنه (( ماتدرس ولا تشتغل )) " الرياض "..


نبدآ .. بسم الله الرحمن الرحيم ..

::":: الجزء الأول ::"::

جود في غرفتها سهرانه ع الشات ومرره طفشآآنه ..
صارلها أكتر من سنتين مشتركه في هذا الشات وكل الي فيه يعرفوها من أكبرهم لأصغرهم مرره رجه وصرقعه والكل يتمنى تسطيحه وحده معاها بس الثقل عامل عمايله ..

في الشات ..

ღ ೋೋಈ ̶ ̷ಈ● غرآآم ..((إسمها في الشات)) : يووه أحس إني بستفرغ أحد يقرب بالله ودي أستفرغ على وجه حلوو ..

أسير الشوق : لا لا دوبني متورش اقلبي وجهك عني ..

ღ ೋೋಈ ̶ ̷ಈ● غرآآم : لاااا مره وااثق انت ووجهك الاصفر ذا انت الي يشوفك يحسب انه يطالع في قمطة فهد الحيان ..

أسير الشوق : وربي إنتي وجهك كأنو قفى المنتشري

غرآآم : تيب يا محمد نور ღ ೋೋಈ ̶ ̷ಈ●
أسير الشووق : أما محمد نوور .. طيب طيب ياانتصار الشراح اقلبي وجهك لاأهفك بسبحة جدي إلي جنبي

أسير الشوق : يآآآآآآآآي
أسير الشوق : أقول برررررب الله يرجك

ღ ೋೋಈ ̶ ̷ಈ● غرآآم : تيت ولا تنسى تاخذ سنتيانتك معاك

وفي الحديقه حقت البيت ..

أم جود : إييييه هين الحين تلقينها عالتشات مادري وش مصيبته ذا بعد الله ياخذها هالبنت مامنها فايده ..
أم علي (( صاحبة أم جود)) : ورآآآتس تدعين عالبنيه وبعدين وش ذا الشاه لا يكون ماركتن جديده من هالخبص الي يحطونه على وجههم ..
ام جود : ههههههههه لا ياام علي هذا موقع عالكمبيوتر يدخلون عليه مادري وش سالفته يتكلمون فيه مع ناس كثير كل واحد من مكان يعني زي الماسنجر كذا بس ذا اوسع ..
ام علي : وييييييه ياأم جود وش ماسنطره بعد وش تقولين انتي ..
ام جود : هههههه سلامتك ياام علي اشربي شاهيك لا يبرد ..

*** جود البنت الوحيده أبوها متوفي من سنين وعايشه مع امها في بيت متوسط الحجم وأمها مره فري كل شي عادي .. ودايما بيتهم فيه جمعات وعزايم مايفضى أبدا .. وجود بنت مرره رجه وصرقعه وبايعه الدنيا ولا عندها طمووح بالمررره***

نزلت جود بملابس البيت ومعاها كوب كوفي ..
جود : هاااي مامي هاااي سويره ..
ام علي : سويرتن تهفتس ان شاء الله وتقطعلتس هاللسان الي وش طوله ..
جود : يووه خالتي ام علي ليه تزعلين ادلعك بس ..
ام علي : دلعن يعلق ببلعومتس ماعاد يطلعن ان شاء الله ..
جود تأففت : ماامي ماودي اروح المدرسه بكرا ..
ام جود : وليه خير ياحافظ وش فيك مابك ولا مصيبه ..
جود : بسم الله علي ان شاء الله أي مصيبه يمه بس كذا مو جاي على بالي اروح مالي خالق ..
ام جود تلوح بيدها بعدم اهتمام : بكيفك دراستك انتي ادرى فيها ..
جود : ياااي ماامي مره وناااسه اجل بسهر الليله معاكم ...
سحبت الكرسي وجلست معاهم : قولولي وش كنتوا تسولفون فيه مين اعرست ومين تطلقت ايييه صح يمه امس اختك الغبيه وش كانت لابسه بالعزيمه حسافه فاتتني النكته ماقدرت احضر ..
ام جود : اتركيك منها هالقرويه الله لا يوريك لابسه بنطلون جلد اسود وعليه قميص اخضر منقوش بالاحمر وييييعه وهذيك الحنه الي لاطخه بها شعرها كانها ضاربته بويه ..
جود بقهر : يووه خساره ليتني حضرت والله مقهووره
ام علي : على وش تنقهرين ياحسره كلهم قراوه مابهم وحدتن سنعه ..
جود >> مصدقه نفسها ذي الغبيه على بالها انها كوول وهي لهجتها المقرفه ماقدرت تغيرها وربي عنزتن جايتن من الربع الخالي خخخخخخ < <.. : ايييه صح والله انها قرويه ..

@@@@@@@@@@@@@@@@



الساعه 3 الليل وفراري طايره في التحليه ومبين ان الي جوتها بيترحم عليهم بعد شويه ..
فيصل : ياخي وش فيك انت بتذبحنا ترى شوي شوي ..
عادل : هههههههه فويصل خليك منطم تراني مبسوط وودي تطلع للسياره اجنحه واطير فيها ..
فيصل : طير ياخي بس مو على حساب حياتي تراني لسه بعز شبابي وابي استمتع وقف اقول ابي انزل امشي شوي ..
عادل : انزيييين فكنا عاد خلاص بهدي ..
فيصل : لا لا تهدي وقف ابي احرك رجولي شوي نامت ..
عادل : نااامت ..؟؟! طيب غطيها خخخخ
فيصل : هيهيهي ياثقل دمك ياشيخ يلعن ساعه صادقتك فيها نزلني بس يالله ..
عادل : طيب طيب خلاص هذا احنا وقفنا انزل ..
فيصل : ولا اقوولك خذني على بيت عمي ودي في شوفتهم ..
عادل : صاحي انت الناس فجر ونايمه و تقولي بيت عمك ..
فيصل : ياخي انت وش عليك وديني لهم وانت بالع ذاك الشي الي ماودي اقوله الحين ..
عادل : اووف لا الاخلاق ** اليوم خلاص ابشر من هالعين العسليه اني اكون عندهم في دقيقتين ..
فيصل بدون نفس : ايه ايه يلا ..

وبعد نص ساعه وقفت السياره قدام باب الفله الكبيره والفخمه ..
عادل : انتظرك ولا كيف ؟
فيصل : لا لا انت اسري شكلي بنام عندهم الليله ..
عادل : خلاص اجل اشوفك باكر بالدوام يلا مع السلامه ..
فيصل : في أمان الله ..
طلع فيصل من جيبه نسخه من مفتاح فلة عمه .. والي متعود يجيهم دايما وبدون مواعيد ..
دخل للبيت لقيه فاضي وهااادئ على غير العاده اصوات عيال عمه ماليه البيت بطنازهم وهبالهم ..
فيصل : ياهوو يااهل البيت ياجماااااعة الخير ..
محد يرد عليه الظاهر انو كل واحد حاضن مخدته ونايم وبالذات انها ايام مدارس ودوام ماهو ويك اند ..
عقد حواجبه وراح جلس على وحده من الكنبات وشغل التلفزيون ..
وفي المطبخ حلا تسويلها كوب نسكافيه وتتفنن فيه على طريقتها الخاصه وتغني برجه على غير عادتها ..

*** حلا بنت رقيقه وهاديه وناااعمه لأبعد الحدود دمعتها على طرف عينها تنزل بدون سبب حساسه ورااايقه دايما بس عقلها اكبر من سنها بكثير .. بس لمن تبغه تفلها رجة العالم كلها تتجمع فيها ***

خرجت من المطبخ وهي ماسكه الكوب بيدينها الناعمه : ليت ربي ماكتب لحظة وداااع ولا فراق ولا دمووع ولا ضياع .. ليت كل الناس خلن مع خلييييل .. امممم همممم ترررم مممم ...
وفيصل في الصاله يدخن ومو داري عن الدنيا مسافر في عالم ثاني بافكاره ..
حلا خرجت للصاله ووقفت قدام المرايه الكبيره الي تبين كل جسمها ودخلت يدها بين خصلات شعرها الكيرلي وحركته بقوه عشان تزيد كثافته ..
وشويه تلمح انعكاس واحد جالس يدخن وراايق ارتجفت وطاح كوب النسكافيه من يدها لمن اتاكدت انو مو واحد من اخوانها ..
وهوا فاق من سرحانه على صوت الكوب الي طاح وانكسر لمية قطعه ..
شافها واقفه مرتبكه وتطالع فيه بصدمه هوا عقد حواجبه وصار يدقق في ملامحها ماقد شافها بحياته كلها .. معقوله تكون هذي بنت عمه بس معقوله ماقد لمحها ولا متع عيونه بكل هالجمال والرقه ..

حلا نزلت عيونها من عليه بسرعه ودخلت للصالون الكبير ووجهها طاايح وحاولت تقنع نفسها انو ماصار شي ..اخذت طرحتها ولفتها على راسها وطلعت من الصالون عشان تبغه تطلع لغرفتها ... قالت بارتباك : أل...س..س لآآآم عليكم ..
فيصل طفى السيجاره وماطالع فيها هوا خلقه مايطيق البنات : وعليكم ..
حلا حست انها لقطت وجهها .. لفت تبغه تطلع ..
فيصل : اخوانك صاحيين ؟
حلا وجهها حمر وارتفعت حرارة جسمها ومالفت عليه : ل...لا لاااء
فيصل يطالعها ببرود : ............
حلا استغربت سكوته بس طلعت بخطوات سريعه عالدرج دخلت لغرفتها وقفلت الباب ..
وفيصل تحت حط راسه ورقد ولا عليه في أحد ..<< خخخخ حلوه جبتها عالوزن .. رقد = أحد ...

اليوم الي بعده .. الثلاثاء .. الساعه 9 الصباح ..

فرح : ياشيخه طيري بلا هم تبغي تجي معايا تعالي ماتبغي انطقي هنا احسن لك ..
لمى : فرووحه لسه باقيلنا محاضره فين رايحه ؟
فرح : امم والله انا طفشت وقرفت منك ومن وجهك وابغه اطلع افطر وراجعه ..
لمى : كيف حتروحي ؟
فرح بتريقه : على حنطوور ..بلا هبل انتي كمانه سواقي برى لسه باقي ساعتين عالمحاضره ..
لمى : اممم اوكي بجي معاكي ..
فرح : طيب بسررعه خلصيني ..

*** فرح شخصيه محبوبه وتدخل القلب بسرعه وفي نفس الوقت مغروره لأبعد حد ومافيه شي تتمناه وماتطوله كل الي تبغاه يوصل لعندها وربي أعطاها من الجمال قدر كبير بس عيبها انها عصبيه وتتنرفز بسرعه ماتطيق كلمه من أحد وخاصة اذا كانت هالكلمه "لاء" ***
لبسوا عباياتهم وخرجوا مع السواق على جده مول ..
لمى شهقت : فروووحه شوفي مين هنا ؟؟
فرح طالعت للشاب الوسيم الي كان جالس لحاله على طاوله وقالت بعدم اهتمام : هادا رامي ايش جابو هنا الغبي ..
لمى : انتي مجنونه عارفه ايش يعني رامي ياهببببببله دا الي يغني يازفتته والله ماأطلع من هنا الا ومعايا توقيعو وصوره له كمان ..
فرح ضربتها على كتفها : والله انك بزر امشي بس امشي ..
لمى ماهتمت لفرح وكملت طريقها لناحية رامي الين وقفت قدامه مباشره : هاااي ..
رامي طالع فيها بتكبر وغرور : هلا
لمى ابتسمت بعدم تصديق : انتا رامي ال****** صح ..
رامي ببرود ماطالع فيها : ايوا ..
لمى اتنرفزت من غروره صح دايما تشوفه عالتلفزيون مغرور ومتكبر بس كانت تظن انه ثقل بس اكتشفت انو من جد ثقيل دم ماينطاق ... طلعت من شنطتها دفتر صغير : لو سمحت ممكن توقعلي ..
جات فرح معصبه من بعيد : انتي ياهبله مو قولتلك امشي معايا فين رحتي ..
رامي استغرب مين دي المعصبه كذا ..طالع فيها بغرور : سلاااام بالأول ..
فرح طالعت فيه من فوق لتحت : خير ياخويا ايش عندك ؟؟
رامي مات قهر انها ماعرفته معقوله هوا الي البنات يتجننوا عليه دي الغبيه ماتعرفه..قال بخبث : كلميني بطريقه احسن من كدا انتي عارفه انا مين ؟؟
فرح ضحكت في نفسها >> مسكين يحسب انو لمن حيقلي مين هوا حطير عليه لكن انا اوريك يارامي يازفت << : ايوا انتا داك الي مادري ايش اسمو الي في داك البرنامج التافه للناس الأتفه عارفتك مبين من صلعتك ..
رامي عصب وطالع فيها بحقد : اقوول اسمي رامي ال****** تاج راسك والتفاهه الي تتكلمي عنها هيا الي وصلتني للنجوميه ..
فرح : ههههههههه تخسى لا إنتا ولا طابور زيك تاج راسي قال رامي قال خير ياطير وبعدين مره واثق من نفسك انتا بس لو تجرب يوم تصحى وتطالع في نفسك في المرايا والله انك حتشرد من البيت خخخخخ قصدي حتشرد من جلدك ...
رامي وقف ورفع اصباعه في وجهها : قد الكلام الي قلتيه ؟
فرح ضربت يده المرفوعه في وجهها بقوه : انا بنت الفارس لمن اقول كلمه ماتراجع عنها والي يرفع ايده في وجهي تنكسر ..
طالعت فيه من فوق لتحت وسحبت لمى من يدها ومشيت عنه ..
لمى بصدمه : انتي مجنونه تعرفي هادا ايش ممكن يسوي فيكي ..
فرح : ههههههههه ايش يضربني بالمنديل ياشيخه سيبيكي منو رافع خشمو على خيابتو ..
لمى : طيب ليه سويتي كدا ماكان فيه داعي كان خصرتيه والله يافرووحه اني خايفه يسويلنا شي ..
فرح طالعت في عيون لمى بتحدي : انا فرح الفارس عارفه ايش يعني ؟؟ يعني لو اكبر شنب يوقف بوجهي بدعس عليه فاهمه ولا لاء ..
لمى سكتت ومشيت ورى فرح وهيا مرتبكه من رامي الي بين في نظراته الحقد والمكر يعني اكيد مو سايبهم في حالهم ..

جاه صوت من وراهم مبين فيه الهدوء والخبث : يابنت الفارس ..
فرح وقفت مستغربه ولفت عليه : خير ..
رامي مدلها كرت في رقمه : خذي ..
فرح ابتسمت بخبث واخذت الرقم منه قطعته ورمته ع الأرض ودعست عليه بقوه : بنت الفارس ماتكلم أشكال القرف دي ..
رامي رفع حاجبو وابتسم بخبث : رح يجي اليوم إلي تطلبيه مني صدقيني ..
فرح ابتسمت لحد مابان آخر ضرس بفمها : حلم إبليس بالجنه ..
مشيت عنو وسحبت لمى من يدها ..
رامي : آآووه صح انتي ياحلوه ماتبغي توقيعي هههههه
لمى خافت وماردت عليه مشيت مع فرح الين اختفوا عن أنظار رامي إلي كانت تحدق فيهم بمكر وخبث ونظرات لها معنى خطير ..

@@@@@@@@@@@@@@@@@@@

وفي الريآض ..
في إحدى حواريها الضيقه وشوارعها الصغيره .. بيت أم نوره القديم ..
نوف : يمممممممممه يممممه آآآآآآآآآآآآه يمممه شوفيها ..
نوره تزيد قبضة يدها على شعر نوف : تستاااهلين ياحماره وين الكحل حقي هااا طلعيه الحين ابيه ..
نوف : آآآآي يممه لحقي علي بتموتني الزق نوره يمممممممممه ابعدي عني ياحماره مادري وينه ..
أم نوره دخلت عليهم الغرفه معصبه : وش فيه بزارين انتم نووره وش تسوين اتركي شعرها قولولي بالله عليكم كل وحده فيكم كم عمرها وش خليتو لخواتكم الصغار ..
نجود تطالع في امها باستنكار : مين قلك ان حنا صغار انا اسبوعين وبخلص ال 16 ..
ندى : يعني بزر ..
نجود : لا ارحمينا يالكبيره انتي انقلعي أشوف مسويتلي المثقفه رائدة الفضاء وعالمة الفلك ..

ندى : ههههه يقلك إلي أكبر منك بيوم أعلم منك بسنه ..
نوف : آآآه يممه خليها تترك شعري ..
نوره : ههههههه وربي لا أطلع قصتك ذي في يدي لو ماطلعتي الكحل ..
نجود عاد قامت بتفزع مع نوره : إييييه طلعيه ياحراميه حتى روجي ذاك اليوم خذتيه ولا رجعتيه ..
نوره : أيوه ياخطآآفة الرجآآآآله ..
نجود تقرص نوف في كتفها : طلعي الكحل أشوف مين يشتريلنا غيره بعدين هاااااا الكحل الأزرق خلص مابقى إلا ذا طلعييييه تراه ماركه
ندى : هههههههه إييييييه هين ماركه مو ذا الكحل ابو 5 ريال ..
نجود طالعت في ندى : لا ياغبيه ذا ماركه ب 60 ريال تقاطينا فيه ..
نوف تعض نوره في يدها : بس يازق زودتيها قلتلك مو معي ..
أم نوره تصرخ على بناتها : وربي ماتستحوون تتهاوشون قدامي ولا عامود كهرباء عندكم .. اتركي شعر اختك وروحي شوفي القدر عالنار لا يحترق الغدآآآء ..
نجود : يمه وش مسوين اليوم عالغدآآء ودي في كبسه ..
نوف تفرك راسها الي صار يحرقها من شد نوره : حسبي الله عليك وربي اوريك هين يانووووير وربي مردووده ..
ام نوره عصبت منهم طلعت من الغرفه وقفلت الباب ..
نجود : يلا وينه طلعيه ولا ودك في مهاوشه ثانيه ..
نوف : اقول ضفي وجهك يالبزر ماني برايقتلك مو كفايه الخايسه اختك البققققققققره ..
نوره : أنا بقره يا كويحه ..
ندى تبتسم بخبث : تصدقووون شكله كحل ضد الماء على قولتهم ..
نجود ونوره طالعوا في ندى وبققوا عيونهم @@..
ندى خافت من نظراتهم وراحت تجري عالسطح ..
نوره تجري وراها : هيييين يالشينه انتي الي ماخذته وانا أسئل عليه من يومين تعالي هنا وربي لا أطلع مصارينك ..
ندى تصارخ : لاااااااااااا ياماما يمممه خلاص والله توبه اهئ اهئ ..

نوف قامت ودخلت لغرفتها المشتركه مع نجود ورمت نفسها عالسرير وطالعت في سقف الغرفه الي بدأ لونه يروح والبويه فيه تتشقق .. تطالع فيه بحسره وألم نظرات حزن وحرمان : آآآآآه يايبه تعبت بدوونك والله عيني مشتاقه لشوفك بس هذا المستحيل بعينه ..

@@@@@@@@@@@@@@@@@




محمد بصدمه : فيييييييييييييييصل ..
فيصل يفرك عيونه بكسل : همممم
محمد : قوم قوم يابو الشباب ليه نايم هنا ومتى جيت وش السالفه صاير شي ..
فيصل صلح جلسته عالكنبه ويحك راسه ويتثااوب : مافيه سالفه بس امس سيرت عليكم ولقيتكم نايمين ومابه أحد يرجعني للبيت قلت أنام عندكم ولا طلع الصباح يصير خير ..
محمد : طيب طيب خلاص قوم اطلع نام فوق الغرف كثير ..
فيصل ماكذب خبر وقف واخذ شماغه الي كان متغطي فيه وشكله رايح فيها : انزين شوفلي طريق ..
محمد : اوكي تعال ..
محمد بصوت عاالي : طريييييق ياهووو ..
حلا من سمعت صوت اخوها افتكرت الي صار امس وصارت ترجف بدون سبب تحس انها بتبكي راحت تجري لغرفتها وقفلت على نفسها الباب : الله ياخدك ياغبيه والله لو درى اخوي لا يذبحني بس وش اسوي هو الي داخل كذا كأن البيت بيته ماهو بذنبي ..

@@@@@@@@@@@@@@@

جود بتثاوب : يممه وش فيك قلتلك ماني برايحه اليوم ليه تقومني؟
ام جود : قومي يالثوره الساعه صارت 10 أي مدرسه الي بتنتظرك لحد الحين ..
جود : اجل وش حقه تقوميني ..
ام جود : قومي جايينلنا ناس كبار ..
جود : اووف يمه أي ناس هاللحين وش هالعالم الفاضيه ..
ام جود : قومي يلا وعن الحكي الماسخ ..
جود شويه وبتبكي : يووه يممه بليز فيني النوم ..
ام جود فتحت الستاير وطفت المكيف : قومي يلا استقبلي ضيوفنا وبعدين نامي بكيفك بس اهم شي تكونين موجوده يوم يجون ..
جود في نفسها >> يارب يموتون في الطريق اوووف << ..

قامت غيرت ملابسها بدون نفس وماحطت شي في وجهها وخلت شعرها كشه على طبيعته ونزلت تجلس مع الحريم وتسمع هرجهم الممل .. ومن بعدها رجعت لغرفتها ودخلت للشات ..

ღ ೋೋಈ ̶ ̷ಈ● غرآآم..: هلا والله جنووو كيفك ياعسسسل ؟؟
::":: جنآآن::":: : تممآآآز انتي كيفك ياحلوه ..
ღ ೋೋಈ ̶ ̷ಈ● غرآآم ..: دوومز يارب .. انا بخير الحمد الله قوليلي كيف دراستك ؟
::":: جنآآن::":: .. : الحمد الله والله ماشي بس وش حر اليوم وربي رجلي احترقت ..
ღ ೋೋಈ ̶ ̷ಈ● غرآآم..: ليش الأخت تمشي حافيه ولا تدرسين عرض أزياء ؟؟
::"::جنآآن::":: ..: ههههههههه لاء بس عارفه لزوم الشياكه لابسه كعب ..
ღ ೋೋಈ ̶ ̷ಈ● غرآآم ..: خخخخخخ وربي شمس السعوديه تقمر الواحد ..
::":: جنآآن ::":: ..: هههههههههههههه تيب وانتي وش مسويه في دراستك ؟
ღ ೋೋಈ ̶ ̷ಈ● غرآآم.. : هههههه خليها على ربك بس والله اليوم مارحت للمدرسه مالي خلق ..
::":: جنآآن::":: ..: لييييييييه ؟؟ حرام آخر سنه لازم تشدين حيلك ..
ღ ೋೋಈ ̶ ̷ಈ● غرآآم..: اقوولك جنوو انقزي لسطحي أبيكي بسالفه ..
::":: جنآآن::":: ..: رجلي تحرقني انقزي انتي ..
ღ ೋೋಈ ̶ ̷ಈ● غرآآم..: ههههههههه طيب ..




والله هالله بالردوود ياعسوولين ..

سي يوو ي ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لان العضوه ماكملتها
راح اكملها نا

__________________________________________________ __________

>>>> الرد الثاني :

انا بحطلكم دفعه وحده للروايه احسن عشان ما تنتظروني كثير

__________________________________________________ __________

>>>> الرد الثالث :

::"::.. الجزء الثاني ..::"::
.. في الرياض .. في بيت ام نوره ..
نوره : نووفه حالتنا تدهورت تصدقين الثلاجه مافيها قطعة عيش ..
نوف بقلة حيله : وش تبينا نسوي يانوره انتي وتشتغلين ليل مع نهار من وين نصرف على نفسنا نسرق يعني ..
نوره : لاء ما نسرق بس انتي دوريلك شغله شيلي شوي من الهم الي على كتوفي انا وامي .. حرام عليك يانوف امي ماتنام الليل تسهر تخيط هالخلاجين وتبيعهم وانا ليل مع نهار اشتغل ارحمينا الله يرحمك قومي تحركي شوفي أي شغله نترزق الله منها ..
نوف تنهدت : انتي اكثر وحده تدرين اني دخت ادور على شغل ومالقيت يعني وش تبيني اسوي اطر ..
دخلت عليهم نجود : من جد بيت فقر بطني تنسمت من الجوع ومو لاقيه زيتونه اكلها ..
نوف جات على بالها فكره قامت لبست عبايتها بسرعه ..
نوره : بسم الله وش فيك على وين رايحه ؟
نوف : مالكم شغل اذا رجعت امي قولولها اني رحت مشوار صغير والحين راجعه .. طلعت من البيت بدون ماتتركلهم فرصه يردوا .. مشيت على رجولها وراحت لمحل قريب من بيتهم يبيع كيك وحلويات ..
نوف : السلام عليكم .
. الخباز: وعليكم السلام آمري اختي .
. نوف : لو سمحت انا جايه ادور على شغل .
الخباز باستغراب : شغل ؟؟؟
نوف تتميلح : امم أيوه يعني قلت لو انكم محتاجين احد يسويلكم كيك وحلويات او أي شي تبونه ونبيعه هنا
الخباز : لا ياأختي مشكوره موب محتاجين شي ..
نوف : اممم ترى على مستوى موب أي شي ..
الخباز : ياوخيتي قلتلك مانبي شي ..
نوف : طيب تقدرون تعلموني الوصفات وطريقة الخلطات وانا اسويهم بالبيت وارسلهم كل يوم على هنا وش رايك ..
الخباز بتردد : وين بيتك انتي ؟
نوف تنعم صوتها وتتميلح تعرف العيال مايجون بالقوه لازم الدلع والمصاخه : بيتنا ثاني بيت عاليسار في الحاره الي بجنبكم ..
الخباز : انزين تعالي بكرا وانا اشوف ..
نوف : فكر زين ترى محد خسران غيرك ..
الخباز : خلاص ابشري بكرا تعالي ونتفاهم .. رجعت للبيت وهيا شبه مبسووطه اخيرا بتلاقي شغل ولو انها كانت تتمنى شي على مستوى ارقى من كدا يعني لو عالاقل تشتغل بصالون تغسل شعور أو حتى تبيع بأي محل للنساء بس هذا مستواهم وهذا الي يقدروا عليه .. من دخلت للبيت امها كانت في انتظارها ..
ام نوره : بدري ليه استعجلتي ..
نوف بفرحه : يممممه تخيلي بشتغل .
. ام نوره باستغراب : تشتغلييين ؟؟ وين ؟؟
نوف بحماس فصخت عبايتها ورمتها جنبها واتربعت عالبسطه الي بالحوش : تعرفين محل ابو علي الي جنبنا حق الحلويات ..
ام نوره : ايه وش فيه ؟ نوف : ايه هذاك يمه رحتلهم وطلبت شغل عندهم قالولي تعالي بكرا وبنتفاهم ..
ام نوره : وش فيك انتي خبله وش تشتغلين ؟؟
نوف : يممممه بيعطوني الوصفات حق الكيك وانا بسويهم هنا بالبيت وارسلهم ..
ام نوره : طيب وحق الدقيق والسكر والخلطات مين بيدفعهم ..
نوف : مادري يممه لسه ماتفاهمنا بكرا العصر بروحلهم ..
ام نوره : الله يوفقك يابنيتي .
. نوف راحت تجري لغرفة نوره وندى : نوووره نويييير ..
نوره : وجع وش فيك خرعتيني .. نوف تنط عالسرير : تخيلي صرت موظفه ..
ندى : اوووما موظفه مره وحده .. نوره بتريقه : موظفه ؟؟ في أي بنك ان شاء الله ..
نوف : تتطنزين مع وجهك ؟؟ بشتغل في مخبز ابو علي ..
ندى : ههههههههههههههههههاااااي .. نوف عصبت : ليش تضحكين ماقلت نكته ؟
ندى : وش تشتغلين يامجنونه عسى بترسمين لك شنب وتلبسين ثوب سواق ام رهيف وتبيعين مع علي ..
نوف : هيهيي دمك مرره خفيييف زيديه مويه شوي بعد .. من جد انا بسويلهم هنا الحلويات وبرسلهم ..
نوره : من جدك انتي ؟ نوف : ايييه بس يقول تعالي بكرا نتفاهم اكيد بيشاور ابوه ..
نوره : يلا الله يوفقك عالاقل تشيلين من الي على كتوفي شوي .
. ندى : ايييه شدي حيلك عشان نصير من اصحاب الماركات ..
نوف بحسره : عشم ابليس بالجنه ..
نوره : هههههههههه ندى طالعت فيها مستغربه وضحكت معها بدون سبب: هههههههههههههههههه نوف : وش فيكم هههههههههههههههههه .. ندى ونوره انبطحوا من الضحك : ههههههههههههههههههههههههه نوف تضحك ماتدري ايش السالفه ولا هما مايدروا يضحكوا على همهم وحزنهم وحالهم يضحكوا يبغوا ينسوا شويه من آلامهم : ههههههههههههه .. ندى : هههههههه قال ماركات قال هههههه حدنا ابو ريالين ويخب علينا .
. نوف : ههههههههه ولا تذكرين يوم اني صغيره واقول لامي يوم اكبر أبي اتزوج واحد غني ونسكن بقصر هههههههه وبسكنكم معي لااااا ومن الطموح العالي بتبنى يتامى وأسكنهم معي ههههههههههههههههههههههههه وربي اننا نكته .
. نوره : هههههههههههه ولا ندى الغبيه يوم انها بزر ودها تصير محاميه ..
ندى : هههههه ايه انا وقلمي الي كنت احطه ورى اذني على بالي المحامين يسوون كذا وانتي تحطمين فيني تعطيني المتر وتقولين قيسيلي وسطي هههههههههههه
نوف : ايييه من جد حاطه القلم ورى اذنك وربي كنت تشبهين الخياط ابو محمد هههههههههههههه دخلت عليهم نجود : خير وش فيكم ليه تضحكوون ؟ نوف : جتنا البقره الصفره
.. ندى ونوره :ههههههههههههه نجود : اقول ضفي وجهك ياأم سبعه وسبعين نوف : خخخخخخخ ياحليلك يوم تغارين مني ومن جمالي ..
نجود : هيهيهي سوو فني ..
وفي بيت حلآ ..
حلا : يمممممه يمممه وينك ؟؟ ام حلا في الصاله الكبيره جالسه على وحده من الكنبات وتقرأ مجله : هنا ياماما تعالي .. حلا باست راس امها : شلونك يمه ؟
ام حلا : بخير نحمده .. حلا : امممم يمه ابي اطلع للسوق اليوم وش رايك تجين معي ..
ام حلا : لا يمه مالي خلق روحي لحالك .. حلا : يممه والي يعافيك كل صديقاتي مو فاضين تعالي معي .. ام حلا : مره ثانيه حبيبتي الحين ماني برايقه .. حلا قعدت تحوس بأفكارها تبغه أي احد تطلع معاه المهم انها تطلع هيا خلقه ميته طفش ..
افتكرت جود فكرت تدق عليها وبعد تردد كبير اتصلت ..
جود : اهليييييين ياهلا والله حلا : هلا فيك شلونك ؟ جود : تمآآم انتي كيفك ؟ حلا : بخير .. وش سويتي في دراستك ؟ جود : زينه الحمد الله عاد الاختبارات قربت الله يعين .. حلا : الله يوفقك ان شاء الله
جود : تسلمين انتي كيف دراستك ؟ حلا : والله ماشي .. جود :تغديتي ؟ حلا : ههههههه ايه .... اسمعيني جود فاضيه الحين ؟
جود : ايه ليه ؟ حلا بتردد : مادري قلت لو انك فاضيه نطلع للسوق مرره زهقاانه وواصله حدي.. جود بفرح : ياااااي وناااسه وين تبينا نروح؟ حلا : اممم انا كنت بروح للفيصليه ابي اشتريلي شي وش رايك؟ جود: خلاص انا بشوف السواق الحين وأطلع لهناك اوكي... حلا: اوكي لا وصلتي كلميني .. جود : اوكي ياعسل باي حلا: بايات.. راحت حلا واتجهزت ولبست وجات بتطلع..
نواف : علىىى وين ؟؟ حلا لفت عليه بارتباك: اا..اا طالعه للسوق ؟ نواف : مع مين؟
حلا: م...م...مع صاحبتي.. نواف سند ظهره عالباب ورتب سكسووكته : مين صاحبتك هذي دانيه ؟؟ حلا: لا لا ذي وحده ثانيه نواف : وين رايحين ؟ حلا : الفيصليه ؟
نواف : وبتطلعين لحالك مع السواق امي وينها ؟ حلا تتأفف في نفسها : امي مالها خلق تطلع وبعدين انا ماني متاخره ساعتين وراجعه ..
نواف : مافيه روحه .. حلا بصدمه : نواااااف .. نواف يقلد دلعها ونبرة صوتها : حلااااااااااا ... وين قاعدين حنا بتطلعين لحالك مع السواق مافيه لو تطيرين .
. حلا : يوووه نووفا الله يخليك لي ابي اطلع ..
نواف : انزين انا اوصلك واشوف صديقتك هذي اذا عجبتني اوكي اما اذا لاء فبترجعين معي ..
حلا >> لاااا احلف .. خخخخ لو تعرف انه انا مادري كيف شكلها اذا بتعجبني ولا لاء << : طيب .. نواف فتح الباب : يلا اتفضلي .. طلعت حلا مع نواف بعد مارمت طبقه خفيفه من الطرحه على وجهها عشان تسكت اخوها .. في السياره .. نواف : حلا
حلا تدور بين الاشرطه على شريط راشد الماجد الجديد : نعم نواف : وين نقابك ؟ حلا طالعت فيه باستغراب : من متى انا البس نقاب ؟ نواف : اا .. اقصد ليش ماتتنقبين مثل امي ؟
حلا بتردد : ماحب اتنقب مارتاح فيه .. نواف بجديه : اسمعي من اليوم ورايح مابي اشوفك كذا تتنقبين وتشيلين هالغطاء الي زي قلته .. حلا : بس انا م........ نواف بحده : كلمه وقلتها
.. حلا سكتت ولفت وجهها عالشباك متنرفزه من اخوها ..
@@@@@@@@@@@@@@@@


في جده
.. دخل البيت معصب وقهر الدنيا كله متجمع فيه بهاللحظه .. شاف اخته فرح لابسه عبايتها وتستعد للخروج .. فهد بدون نفس : فين رايحه ؟ فرح طالعت فيه بقهر : بروح مشوار صغير وراجعه .. فهد حس انه وراها شي بس خلاها على راحتها ماله خلق يتكلم حتى : الله معاكي ..
طلعت فرح وقلبها يخبط ويرقع خلاص هذي اخر مره بتحاول فيها مع عمها وعياله لازم تقنعهم باي شي ولو على حساب كرامتها هذا فايز الي بيروح فايز روح هالبيت .. وصلت لبيت عمها وبعد تردد قررت انها تدخل والي فيها فيها .. دقت الباب وفتحتلها الخادمه
.. الخادمه : هااي مس فرح .. فرح : فين عمي ابو سالم ؟ الخادمه : ابويا مافيه موجود فيه بابا سامي فوق .. فرح دخلت تجر رجولها جر طلعت لفوق بدون ماتستأذن احد .. واول ماكان بوجهها الصاله وسامي حاط يده على خده يتفرج عالتلفزيون بملل .
. فرح بتردد : س..امي .. سامي لمن سمع صوتها وجهه حمر وقلب مية لون لف عليها وقال باستحقار : مين سمحلك تدخلي.. فرح نزلت دموعها: ساامي والي يعافيك خلاص صفي النيه بليز ياسامي اتنازل والله مستعده اسويلك أي شي بندفع الي قدامنا والي ورانا بس رجعولنا فااايز .. سامي : ههههههه روح اخويا ماتنشرى بفلوس الدنيا .. فرح : سااااامي هادا ولد عمك من لحمك ودمك ماتفتكر ايام الطفوله عشتوا سوى اكلتوا سوى لعبتوا سوى درستوا واتخرجتوا سوى كيف تهون عليك العشرررررره كيف؟؟ سامي وقف وطالع في عيونها بحقد : اقول اقضبي الباب ولا عاد اشوف وجهك لا انتي ولا اخوانك البيت هذا حرام عليكم تدخلووه هذا بيت ناس اشراف مو ..(( قال باستهزاء )) مو مجرمين وسفاحين .. فرح صرخت باعلى صوتها : فااايز مو مجرم .. يعني تحاول تقنع نفسك بشي مستحيل أي واحد يعرف فايز يقتنع فيه انتا متاكد وعارف انو قلب فايز اطهر قلب انخلق على هالارض ومتاكد كمان انو لمن صار الي صار فايز ماكان بعقله .
. سامي : طبعا كان سكراان يطفح في السم الهاري من التربيه الشريفه يابنت عمي .. فرح قربت من سامي ومسكت قبة ثوبه وصارت تهز فيه بقوه : لا تقول كدا ياسامي اخويا متربي واحسن تربيه كيف تقول على ولد عمك واخوك كدا كيف يطاوعك قلبك تشوف ولد عمك ينذبح وانتا تضحك حرام عليك ياسامي ارحمني والله من بعده اموووت والله من بعده الدنيا مافيها الوان مالها طعم انا حياتي في اخويا فايز الله يخليك ياسامي لا تذبحه لا تذبحه (( سابت ثوبه وصرخت بقوه )) افهمنننننننننننننننني ماقدر اعيش بدون فااااااااايز .. مسكت راسها بين يدينها وصارت تبكي بحرقه : الي تبغوه بنسويلكم هوا لو تبغوا حياتي خذووها بس خلوا فايز اذبحووني انا خذوا ثاركم مني بس فايز لا تمسوووه .
. سامي بكل قسوه : اسمعي يابنت الناس فايز بتودعيه بعد بكرا مافيه شي اسمو فايز بعد اليوم خلاص انسي انو امك بيوم جابت انسان مادري حيوان اسمه فاااايز ماهميتيني تموتي تنحرقي اهم شي ارد لاخويا حقو.. ...............
.:فرح ايش تسوي هنا .؟؟؟ فرح لمن سمعت هالصوت لفت عليه بسرعه وراحت تجري لعنده وتحضنه وتبوس راسه : عمييييييي ياعزوتي وياسندي ياكل هلي عمي الله يخليك خلاااص ارحمنا حرااام عليكم من بعد ابويا الله يرحمو مالنا ظهر غير فايز ترضى على اولاد اخوك يتمرمطوا والدنيا تلعب فيهم ترضى علينا ياعمي ترضىىىىىىى ..
ابو سالم نزل راسه بحزن وقال بغصه : اسف يابنتي ااااااااسف .. فرح : اسف على ايش ياعمي لا تتاسف كل شي بيدك دحين تقدر بكلمه منك ومن (( طالعت في سامي بترجي )) ومن سامي ترجعوولنا حياتنا الي بتضيع انا ماليا في هالدنيا غير فايز هوا اغلى غلااااااااي الله يوفقك ياعمي ارحمناااااااا ربي يرحمك .. سامي بجديه وبنبرة غضب : هالبيت حرام عليكي تدخليه مره ثانيه اطلعي خلاص يكفي الي صار لا تزيدي النار حطب ..
فرح تصرخ بصوت يقطع القلب: أي نار واي حطب هادا احنا اولاد عمك اخوانك من لحمك ودمك تسوي فينا كدا الغريب ايش تسوي فيه (( نزلت لرجل عمها تبوسها وتبكي )) عمي الله يخليك ياعمي انا في عرضك بس لا تذبحوا فايز ابوس رجوولك ياعمي اسوي الي تبغااه بس فاايز لا يصير فيه شي ..
ابو سالم رفعها من عند رجله ويتحاشى يطالع في عيونها : ارجعي لبيتك يافرح امك محتاجتلك دحين .
. سامي : ههههههه هذا مستواكم ياعيال أميره رجولنا تبوسوها واحنا ندعس عليكم .. ابو سالم انصدم من كلام ابنه صرخ فيه : سااااااااااااامي احترم نفسك مهما كان هذا اخوي وهذولا عياله..
فرح طالعت في سامي بحقد خلاص ابليس ركبها اعلنت الحرب عليهم.. تفلت عالارض جنب سامي : خسارة اسمي الي مرتبط باسمك يا.... ياولد عمي .. اخذت شنطتها وطلعت تجري من البيت كرهت عمها وعيال عمها وكل شي يرتبط فيهم طلعت وهيا حالفه في نفسها لو مات فايز لا تخلي حياة بنات عمها جحيم بتحرق كل شي حلو بحياتهم زي مابيحرقوا قلبها بموت اخوها فايز .. نرجع للريآض .. وقفت سياره بي إم سوده قدام باب الفيصليه .. حلا فتحت الباب بتنزل .
. نواف : هييييه هيييه انتظري وين رايحه ..؟ حلا باستغراب : بنزل وش فيك ؟ نواف : لا انتظري بوقف السياره وبنزل معك ..؟ حلا : تنزل معي ؟؟؟؟ نواف : ايه ليش مستغربه ؟ حلا : لا عادي .. نزلوا ودخلوا للسوق .. نواف : هاا وش تقول .. حلا بارتباك : خلاص تقول الحين هي بتجينا .. حلا تستنى جود وقلبها يدق بقووه ماتدري ليه بس شي اكيد وحده ماعمرها شافتها ومتعرفه عليها من شات وماتعرف ايش اخلاقها ولا كيف تربيتها .. وشويه توقف قدامهم بنت في قمة الجمال ملاااااااك بمعنى الكلمه كل مافي وجهها صغير وناعم ومبين عليها صغنووونه لسه مادخلت للعشرين .. نواف فتح فمو وهوا يطالعها .. حلا مو عارفه هيا هذي ولا لاء لانها ماقد شافتها .. نواف انحرج ورجع شويه على ورى يشوفهم من بعيد .. جود : انتي حلا ؟؟ حلا ابتسمت من تحت الغطاء : ايه كيفك ؟ جود : تمااام بس ... وش فيك متغطيه كذا هههههه .. حلا : ههههه هذا اخوي الا بيجي معي فلازم اتغطى واسكته .. جود تطالع في نواف باعجاب : هذا اخووك ياويلي وش زينه يانااااس .. حلا : ههههههههه جود : طيب والحين بيجلس معنا ولا بيروح .. حلا : لا بيروح بس يتطمن علي هههههه جود : طيب روحي كلميه عشان نروح نتمشى .. حلا راحت لنواف : هااا نواف بتجلس ولا بتمشي .. نواف : هذي صديقتك ؟ حلا : ايه نواف : وش اسمها ؟
حلا : هههههههه جود ليش تسأل ؟ نواف يطالع في جود من فوق لتحت : لااااا بس مو كأنها فالتها شوي نص شعرها طالع وعبايتها كأنها مفصله عليها .
. حلا : ماعليك هي كذا بس اخلاقها وتربيتها تعجبك (( قالت كذا عشان تسكته ولا هيا ماتعرف شي عن جود ))
.. نواف : طيب خلاص متى تبيني اجيك ؟ حلا : اممم بعد العشاء .. نواف : خلاص اوكي اذا خلصتي دقي علي .. حلا : طيب نواف : انتبهي على نفسك .. حلا : اوكي باي .
. نواف : الله يحفظك .. وراحت مع جود يتمشوا ويتعرفوا على بعض اكثر .. طلعوا لإكسيوم تلكوم عشان جود بتشوفلها جوال جديد ..
حلا طبعا شالت الغطاء : جود تعالي شوفي هذا مرره يخببل .. جود : لااا وش ذا مره كبير ابي واحد كيووت .. جاهم واحد من الموظفين هناك : هلا اختي تفضلي في ايش حابه اساعدك
؟ جود : اممم ابي جوال يكون صغير وكيووت وشكله بنااتي ويكون شي مو أي كلام يعني مميزاته حلوه .
. مشعل : طيب ايش تبغي نوكيا سوني اريكسون ال جي ؟؟
جود : عادي أي شي يجي ..
مشعل : ههههههه طيب تعالي شوفي هذا .. جود مسكت جوال سوني اريكسوون البينك الناعم : يااي حلووله شوفي هذا ؟؟ حلا : اممم نااايسوو .. مشعل : هذا فيه بلوتوث وكاميرا طبعا .
. قاطعته جود : داريه ليش قد كذا عميه مااشوف .. مشعل : مو قصدي بس حبيت اوضحلك .. جود : لاء مشكوور.. مشعل : وعلى فكره ذا الجوال مره صجه عليه والبينك اكثر لون استهلك عارفه البنات .. حلا : وش فيه الوان غير البينك ؟ مشعل : فيه اسود وسماوي ..
جود : طيب يافهيم انتا وش عيوبه ..؟
مشعل : اول شي مافيه فلاش ولا أي أر وكمرته يعني مو بطاله 2 ميغا بكسل ومافيه راديو بس بصراحه مرره حلوو ولا يق على الحلوين..
جود طالعت فيه ورفعت حاجبها : تتميلح يعني ..
حلا تدقها : بس خليه بكيفه .. مشعل : لا اختي مو قصدي بس يعني ... جود : انتا من الغربيه صح ؟
مشعل : ايوا من جده .. حلا + جود : والنعم .. مشعل : ماعليكم زود ..
جود : واقلبي عليهم عيال الغربيه امووت في كلامهم ..
مشعل ابتسم : ...........
_-_-_ بعد يومين _-_-_ في جده ..
بيت فرح كان في قمة الحزن واليئس خلاص باقي ساعات معدوده ودقايق قليله وتختفي البسمه نهااائيا من هالبيت .. فرح بقهر تضرب كل شي تشوفه قدامها وتمشي وتكسر في المرايات : حيواااااااااان اكرهك *** وربي مااسامحك ليوم الدين الله ياخذكم كلكممممممممممممم حسبي الله عليك ياسامي يازق الله لا يوفقك لا دنيا ولا آخره الله يحرمك الفرحه طول حياتك .. فاتنه تصرخ : بسسسسسسسسسس خلاص فررررح ارحميييينا مو ناقصينك خلاص مابينفع الزعيق دحين روحي واسي امي واخواتي بدال منتي قاعده تسبي وتتذمري ادعي ربك يمكن في اخر لحظة ربي يحنن قلوووبهم .. فرح تقرب من اختها فاتنه وتطالع في عيونها بحقد : يمين بالله يمييييييييييييييين احلفه بهاليوم وربي يشهد اني لا أخلي حياتهم جحيم والله لا احرق قلوووبهم حرق ..
فاتنه : خلاص اسكتي مابغه اعرف شي ولا يهمني شي دحين روحي صلي سويلك أي شي بدال الحقد الي محاتستفيدي منو شي خلاص اخوكي بيموووت .
. دخلت عليهم فدوه (( اخر العنقوود)) : فرررررح فرح تصرخ : لحد يناديني فرح خلاص هالاسم ماعاد لو معنى اسمي حزن هم مصيبه عذاااب بس مو فرح لااااء ابدا مو فرح .
. فدوه تضمها لصدرها : خلاص يافرح مايسير والله حرام ادعي ربك واستغفريه اصبري زي محنا صابرين الحاله الي انتي فيها مو عاجبتنا بالمررره ترى بطال عليكي روحي اهدي الله يفرجها ان شاء الله .. دخل فهد منهاااار وعيونه غرقااانه .. فرح وقفت ومسحت دموعها بسررعه مسكت يد فهد وابتسمت بأمل : فين فااايز جااه معاك صح قلي انو جاه معاااكم فين فايز بروح اسلم عليه وافكرو بوعدو ليا بيوديني ايطاليا هالصيف ولازم ينفذ وعدو حراااام يكذب عليا يلا فينو ابرووحلو .
. فهد بعدها عنو بقوه وصرخ : خلاااااص اخوكي مااات الله يرحمه ويغفر له اترحموووووله عسى ربي يغفرله ذنبه.. فرح وقفت مصدوومه هذا ايش قاعد يقول وايش يخربط : هههههههه فهووودي لا تضحك عليا عارفه انك تبغاني ابكي وانقهر بس انا مني غبيه وعارفه انك كذاااااااااب والله كذااااااااااااااااااااااااب (( تضرب على صدره بقووه )) ياكذااب ليه تكذب قلي الحقيقه ..
فهد دفها بقوه وصرخ ودموعه اخذت مجراها في النزوول : قلتلك فايز مات خلاص بنروح ندفنو اخوكي بحححححه خلاااااااص افهمي شغلي مخك .. طلع من الغرفه وقفل الباب بقوه وفرح طاحت عالارض وصارت تخبط بقووه عالبلاط وتشهق من البكى .. واخواتها لسه مصدومين ودموعهم متحجره بعيونهم مو مستوعبين الي بيصير ..
دخلت عليهم فجر وقالت بهدووء : خلاااااص اذكروا ربكم .. روحوا دحين واسوا امي محتاجتلكم الدموع مابترجع ميت ومحد يموت ناقص عمر .
. فرح : بس انتي سويلي الفاهمه والعاقله في دا البيت انتي ماتحسي ماعندك قلب كأنو واحد من الشارع الي مات هادا اخوكي وابوكي هادا الي مات كان سندك وظهرك كان عزوتنا كلنا ..
فجر : استغفر الله منك اسسسستغفر الله قلتلك الدموع مابتسوي شي خلاص يافرح استهدي بالله انتي دحين منفعله مع الخبر غسلي وجهك وصلي ركعتين استغفريله ربك .. فرح : شوف التانيه انتي مجنوووونه ولا غبيه ايش الي منفعله كأنو الخبر مايهمك ولا حيوان هادا الي مات هادا انسان هادي روح وانتقلت لباريها اشبك انتي هااا قوليلي يامتخلفه ايش مشكلتك .
. فاتنه صرخت في وجه فرررح : خلاااااااص بس انكتمي الحاله الي احنا فيها ماتسمح لدي المضاربه احترموا اخوكم الي ماله ساعه ميت حرااام عليكم خلااااص ..
طلعت فاتنه من الغرفه وراحت تجري لغرفتها رمت نفسها عالسرير وصارت تبكي بحرقه والم دمووع ودااع لأعز اخوانها ..
اما فرح فأغمى عليها وماتحملت صدمة الخبر ..
@@@@@@@@@@@@@@@@@@@
يلآآآآ سي يوو ي

__________________________________________________ __________

>>>> الرد الرابع :

مشكوره عزيزتي على القصه و نتظر التكلمة
و تقيدي بالقوانين عافاك الله

__________________________________________________ __________

>>>> الرد الخامس :

تسلمي على القصة الجميل الاكثر من روعه شكرك شكر خاص من قلبي على القصة الجميل وشكلك تعبتي عليه الف شكر من نطاق قلبي