يوم العيد ممزوج باالجن والعفاريت قصص الخليج
عنوان الموضوع : يوم العيد ممزوج باالجن والعفاريت قصص الخليج
مقدم من طرف منتديات الضمير العربي
كآن يامكان في عيد الأضحى في السنه الي راحت عام 2017
أول يوم في العيد نروح نقوم الصبح وابوي يذبح الشات والتيس بعدين نروح لأهل امي ونجتمع حنا وخلاتي ونقضي العيد في بيت جدي الله يطول في عمره .
اما ثاني العيد احنا في العاده كل سنه نطلع ثاني العيد في المخيم في البر ونكشت حنا وخلاتي وخوالي وكل أهل امي الله يخليهم لنا .
لكن السنه هذي بما تعرفون الشتاء صاير يتأخر شوي وعيد الأضحى صاير يجي في نهاية الصيف
( الدنياءدواره )
المهم السنه هذي قررنا اننا نجتمع في استراحه بدال المخيم بما ان الجو مو جو بر وكشته ..
ورحو العيال واستاجرو استراحه قبل العيد في كم يوم وفي الموت لقينها من كثر الزحمه ..
من يوم العيد واحنا نقرر كل عائله وش بتجبين حلى وقهوه وقلنا بما ان اللحم كثير نبي نشوي لحم ..
المهم جاء ثاني العيد وطلعنا للأستراحه من العصر صراحه كان الوضع غير مطمن الأستراحه الي مستجرنها كانت بعيده يعني كانت في منطقه خفيفه في العمران https://v.3bir.net/images/smilies/g.gif
الاستراحه كانت تقريبا نظام شلهات هي عباره عن 3 استرحات بينهن باب يفتح على بعض
احنا رقم الاستراحه 2 وجنبنا 3 و1 الاول كانت فاضيه اما الثالثه هي الطامه الكبرى ..
كانت الاستراحه كلها هنووود يعني عماله اسياويه هنود وبنقلادش والطقه هذي تقربا كان العدد من بين 30 الى 40 شخص او اكثر
https://v.3bir.net/images/smilies/m17asmilies-com.gif
انحنا او شي قلنا يمكن انهم متجمعين عشان العيد كذا معن الاستراحه احنا مستجرينها من سعودي ودفعين العربون لرجل سعودي وعارف احنا عائله وماقال لنا شي انه مأجرها لعماله او كذا .https://v.3bir.net/images/smilies/36_7_6[1].gif
صبرنا إلى ماأذن المغرب بد القلق يزيد صرنا نسمع اصوات صراخ وكان فيه اصوات نساء https://v.3bir.net/images/smilies/m9asmilies-com.gif
وشوي الصوت هذا كان مختلط في صوت قراءة قران وكان يقراء في مكرفون يعني الصوت واضح نوع ماء ..
للحين حنا نهك على انفسناقلنا يمكن انه شيخ يقراء على ناس تعبانين يمكن معهم بكستاني كذا يعرف يفك السحر ويقراء على المسلمين راح واحد من العيال يشيك على الوضع اول عيو عليه يدخل الأستراحه كان فيه واحد من العماله جالس برا ومايروح لكن قدر انه ياخذ نظره على الوضع لقها مليانه من العماله ورفضو يدخلونه .. https://v.3bir.net/images/smilies/m15asmilies-com.gif
المهم رجع وحولنا اننا نلطف الجو وقلنا مافيه شي نهك على انفسنا عشان نجلس زين بدال الوسوسه وطلعنا القهوه والشاهي والحلى وتقهوينا
وهذي بعض الصور سامحوني حوسه الوضع ماكان يسمح للأتكيت https://v.3bir.net/images/smilies/k.gif
https://m.3bir.net/files/113514.jpg
https://m.3bir.net/files/113515.jpg
اذن العشاء ومازلنا نسمع الصوت والصراخ المهم وبما أن الاستراحه متلصقات في بعض رقنا قوق بعض واخذنا نضره لقيناهم متزحمين في غرفه وحده تقل حوش غنم
ونسمع بعض المقتطفات يقلون انما صنعو كيدو ساحر ونسمع سحره واشوي نسمع شعوذه والله نسمع في كلمات غريبه واضحه يمكن اسامي جن ..https://v.3bir.net/images/smilies/36_9_3[1].gif
والي يزيد الطين بله تخيلو الاستراحه في كبرها مافيه شي يقفل حتى الحمامات اكرمك الله ..
مايقفلن والغرف والمجالس ومافيه شي يقفل في الاستراحه حتى باب الشارع الهي هو باب الاستراحه ماينقفل تصدوق كان الباب من شينكووو https://v.3bir.net/images/smilies/bye hony.gif
المهم حنا بعد صلاة العشاء على طول بدينا نشوي العشاء حاسين ان الوضع غير مستقر
هذي صور لبعض الشوي ..
أول شي نولع الفحم لين مايصير جمر https://v.3bir.net/images/smilies/h.gif
https://m.3bir.net/files/113516.jpg
https://m.3bir.net/files/113517.jpg
https://m.3bir.net/files/113518.jpg
https://m.3bir.net/files/113519.jpg
https://m.3bir.net/files/113520.jpg
https://v.3bir.net/images/smilies/36_1_8[1].gifhttps://v.3bir.net/images/smilies/36_1_8[1].gif
خلصنا وتعشينا وكان الوقت الساعه 10 تونا مبكرين أول الليل مابعد بدت السهره
بما تعرفون الشيبان بعد العشاء مايحبون يطولون جدي قال انا رجعون للبيت مابي اجلس بروح انام .. وطبعا الرجال الي معنا قالو حنا نبي نروح للأستراحه يقصدون استراحة ربعهم وجمعى الشباب ..
قالو خالتي نبي نجلس لين الفجر متعودين نجلس لين الفجر في الاستراحه حرام نطلع ومابعد كرفنها ..
قلنا للرجال اجلسو معنا عيو المهم انهم اطلعوابما ان باب الأستراحه ماينقفل جاك وحد من الرجال مشاء الله طول وزن واقوى ماعنده صبخ في الباب يعني ماحد يقدر يفتحه .. وبقينا في الاستراحه حريم وبس
واكبرولد معنا في ثاني متوسط مايسوي شي ..https://v.3bir.net/images/smilies/b.gif
احنا توقعنا السالفه توقف لين هنا يعني حنا جماعة حريم وقرين اوردنا ونبي نستانس .
وجيبين معنا الاستريؤ خلاتي حلف علينا مانفتحه ولا نلمسه خلونا نسولف بهدؤ .
https://m.3bir.net/files/113521.jpg
الاستريو بس بدون تنكس https://v.3bir.net/images/smilies/36_1_4[1].gifhttps://v.3bir.net/images/smilies/angry.gif
تخيلو وش سوى العمال اول ماشفو الرجال ريحين قطعو الماء في الاستراحه يعني مافيه ماء اسكتنا حنا قلنا ماله داعي الا مادرينا الباب يطق بقوه والهندي يقول افتحو الباب بدخل ازين الحنفيه الماء هو يحاول يفتح الباب بس ربي رحمنا انه منصك بقوه على مايقلون ( الباب منلك ) في اللهجه القصميه https://v.3bir.net/images/smilies/k.gif
طبعا عينا عليه يدخل مهب لهدرجه حنا دبش المهم والاصوات مازالت نسمعها .. تجمعنا كل ابونا وبزرينا في غرفه وحده من الخوف الا دخلت علينا وحده من البنات وتهبلنا قالت انا اسمع عمال يهرجون عند الباب وهم اكثر من شخصين هنا حنا قمنا نصيح على قولت المصرين نعيط
قلت انا منب طالعه من الاستراحه سليمه اعوذ بالله اكيد بيغتصبونا ويقتلونا ولا يسوبنا شي
وبكرى يكتبون عنا في الجرايد 4 عوائل تم قتلهم ..
رحنا ندور سكاكين دفاع على النفس مالقينا في الاستراحه ولا شي حاد ندور مفاتيح نسكر على انفسنا مالقينا شي .. مالقينا الا شي واحد اننا ناخذ الأصياخ الي شوينا بهن كل وحده معها واحد حتى البزارين عطيناهم الي حنا نبي نغزو وعلى طول دقينا على الرجال ارجعو بسرعه مالنا قعده في المكان هذا ..
وفي دقيقتين ولمنا الأغراض والعفش وولبسنا عبايتنا وجلسين عند الباب نحتريهم يجون ..https://v.3bir.net/images/smilies/36_7_14[1].gif
بس قهر نسيت الريموت حق الاستريو ..https://v.3bir.net/images/smilies/k.gif
وبداء الشيطان يلعب في مخنا قلنا اخاف لجو الحين يمسكون رجالنا ويسون بهم شي احسن حل ندق على الشرطه من الحين ..https://v.3bir.net/images/smilies/g.gif
رحمه من ربي العالمين انهم جو بسرعه وبسرعه ركبنا مافيه انا عند الدريشه ولا حنا نبي نركب مع افلان **اركبي سياره بسكات **
تخيلو يوم طلعنا لقينا معاهم سكاكين واسواط كل واحد منهم .https://v.3bir.net/images/smilies/footpul.gifhttps://v.3bir.net/images/smilies/bye hony.gif
تقريبا كنا 5 سيارات بسرعه مشينا شوفو شين وقوة عين انهم اركبو في (ددسن )في الحوض والحقونا لكن الحمد الله ضيعناهم https://v.3bir.net/images/smilies/thumbs_up.gif
وولأسف دقينا على الشرطه وعلمناهم في السالفه وقلنا لهم مكان الاستراحه ..بس ماسوو شي
وطلعنا من الأستراحه الساعه 11 ..
الحمد الله ريارب اننا طلعنا من الأستراحه بسلام والله كل ماتذكرتها قلت الحمد الله فضل ربي علينا كثيره ..
انا الي محيرني انه ممنوع التجمعات للعماله كيف تجمعو وشلون وين الكفيل عنهم هذي الي ابي اعرفها .. والشرطه رحو وامسكوهم ولا لا والاصوات اموت وعرف وش اصواته مره نقول مشعوذين ومره نقول مجرمين .. والله اعلم
بما انه يوم عيد اخذين كم صوره في الكمره
ادري بتقولين صح النوم توك تنزلين الموضوع مرة سنه عليها لكن الي ذكرني فيها
وانا اطبع الصور اليوم لقينا في الصور من الصور الي كنا في الاستراحه بيننا شخص غريب مو واضح
تف تق اعوذ بربي الفلق .. شكله جن ولا جنيه
والله السالفه حقيقيه ومابلغت في شي
والله يبعد عنا شر بلاوي العمالات
عاد لا تنسون التقيم والاعجاب .. تراني استاهل https://v.3bir.net/images/smilies/c.gifhttps://v.3bir.net/images/smilies/36_3_1[1].gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
ههههههههههههه القصه تخخوووف
__________________________________________________ __________
>>>> الرد الثالث :
اعوووذ بالله من شيطان
ياقو قلوبكم يعني ارجالكم يدرون ان فالاستراحه اللي جنبكم عماله
ويتركووونكم <لو احنا والله مايتركونا حتى لو قلنا لهم اتركوونا
هذا المستخدم يتراعد <والله من الخوووف <دخلت جو مع القصه بقووووه
على العموووم يسلمو
والحمدللله على سلامتكم يالغلا
تقبلوووو تفحيييطي
__________________________________________________ __________
>>>> الرد الرابع :
__________________________________________________ __________