عنوان الموضوع : ابي اخذ حبوب منع حمل
مقدم من طرف منتديات الضمير العربي
السلام عليكم ورحمة الله وبركاته
وحشني هالمنتدى ووحشتني ردود الخوات وتفاعلهم الطيب,,, الله يعطيكن العافية يا رب
اممم مادري اتكلم والا مليتوا من مواضيعي اللي احطها,,
لكن في خوات وايد مرن بهالتجربة اللي مررت بها وهي الاجهاض المتكرر,,
مب لازم اتكلم عن الموضوع مرة ثانية,, لانه الاجهاض صار لي 4 مرات ,, اللهم لك الحمد على كل حال
الانسان يتوكل ولا يتواكل,, وقمت باجراء فحوصات لهرموناتي والفحوصات المخبرية المسببة للاجهاض ,, لكنها طلعت سليمة..
اللي حاصل انه زوجي قريبي من اهلي وفي حملي اللي يكمل ثلاث شهور وينزل يكون كيس جنيني فارغ... 4 مرات اجهض ولكن لا يوجد جنين ,,
وانا حاليا 35 سنة من عمري ,, والاجهاض تسبب بتعب جسدي ونفسي ما حد متخيلنه ,, وحاليا افكر باللجوء لدكتور نفسي ..
وايضا قررت استخدام مانع حمل بعد مشاورة زوجي,, لم اعد احتمل الاجهاض مع انه فحوصاتي سليمة ,, والعمر يمشي ,,
اتمنى منكن دعوة طيبة بالشفاء العاجل والتوفيق من رب العالمين,, احتاج دعوات صادقة ولكم بالمثل,,
وشكرا,,, https://4arab.xplainer.net/images/smilies/bb/31.pnghttps://4arab.xplainer.net/images/smilies/bb/31.pnghttps://4arab.xplainer.net/images/smilies/bb/12.png
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يرزقج بطفل سليم ومعافى
من القلب للقلب
__________________________________________________ __________
>>>> الرد الثاني :
حبيبتي مايحلون المواضيع بهالطريقه لاتزيدين الحطب نار وتاخذين حبوب هالقسم مليان مشاكل البنات من اضرار الحبوب وانتي توج صغيره 35 سنه بعدج في قمه شبابج اسعي والله بيسهل امورج يمكن الي تمنعينه هو الي يكون حمل سليم ،،، ع العموم الله يرزقج وردا على كلامج انج كبيره انا خالتي عمرها 53يابت بنت مع ان ماكانت تبااا والكل استغرب كل شي بيد رب العالمين
__________________________________________________ __________
>>>> الرد الثالث :
استشيري الدكتوره احسن .. لان حبوب له اثار سلبيه ومكتوبه ع العلبه اتوقع ..
عليج بالاذكار .. والله يرزقج بجنين معافا سالم يارب
__________________________________________________ __________
>>>> الرد الرابع :
الحبوب بتزيد عليك
افضل شي استشيري الطبيبة
__________________________________________________ __________
>>>> الرد الخامس :
لييييييييش حبوب ... حرااام تخربين هرموناتج و انتي ماعندج عيال ... لا انا مو مع هالحل ..
مادام فحوصاتج سليمه ان شالله بتضبط معاج المره اليايه . بس انتي لازم تاكلين فولك اسيد كل يوم عشان قلته تسبب الاجهاض..
و الله بيفرحج بالضنا ان شالله
