في زفافي...مابي غيرك يقول احلى قصيد..

عنوان الموضوع : في زفافي...مابي غيرك يقول احلى قصيد..
مقدم من طرف منتديات الضيافة العربية

قصيده مفعمه بالحب والتضحيه الامحدوده...
من حبيب لم يجد من حبه سوى كلمات عذبته بقدر مااحس به..
قصيده رائعه تحكي قصة حبيب مجروح افنى قلبه وروحه من اجل اسعاد حبيبه القاسي..
حتى في اخر لحظات الفرررررراق...


لحظه...ارجوكم لاتذهبوا قبل ان تقرأوا هذه الابيات ..
وانا كلي ثقه انكم ستنبهرون من قوة وروعة كلماتها...






هي تقول :

ياحبيبي .. استمع مني شوي

لاتصد .. ولا تضايق ..

كلمتين اقولها لك .. انت رايق ؟

مثل حبك مالقيت ومالقيت ..

مثل احساس الجنون اللي بحبك مانسيت ..

كل مابي قد تغير يوم شفتك..

كل كذبي هو تحول من عرفتك ..

بس لازم تستمع اخر كلامي ..

وش نهاية عشق جايع .. حب ضامي ؟؟

ودي اااااغير حياتي كلها ..

ودي انسى كل شي ..

وحتى انت ..

ابدى في نسيان حبك ..

ايه وربك...

حتى عهدي ..

بمسح بوجهه بلاط الصدق عندك ..

وسط بيتك

بس انا بطلبك طلبه ..

في زفافي ..

ماابي غيرك يقول احلى قصيده

زفني فيها بصوتك ..

خل كل الغيد تفرح ...

وانت افرح ..

وخل هالكوشه تبسم ..

في وجودي ..

وخل كل الورد مسرح .. من ورودي..

هي تقول .. وكل مافيني من الصدمه ذهول ..

انربط كل الكلام بموقد الاحساس يصرخ......!

ويش اقووووووووووول ؟؟

ياالهي ..؟!

مااصدق ..؟!

هو كلامه .. او انا في حلم مزعج

مااصدق لا وربي ذا كلامه ..

حتى اذكر يوم يبدى في سلامه ..

كان يرجف ..

الا والله رجفته هذي انا اذكر..

يوم يبكي لي ويحلف..

ماابيعك .. ماابيعك ..

لو تموت احلى سنيني ..

لو يذوب العمر فيني ..

مااعيش الا بربيعك ..

بس انا كيف ابتديها ..

ياقصيده طالبك طلبة سنيني ..

ياجنوني طالبك طلبه تجيني

يالله نبدء ..

(لاتقول الموت يعني لي قصيده....)

باابتديها وبانتهيها ..

اقسم بربي وربك ل ابتليها..

ويش يعني بعدها ممكن يصير .

يالله نبدء او بقى شيء خطير ...




ممكن ابدء ؟



ليلة ماهي مثل كل الليالي

******************** ليلة تبكي على مجنون ليله



يالله كمل ؟؟

قول يالله لاتلعثم ..

كل هالصاله على حزنك ترنم...

لاتنمل ..


ليلة فيها رخص من كان غالي

******************** ثم شالو في عزاه الفين شيله





بس تذكر .. هو حبيبك ..

ياجنون الشعر خله في سعاده..

لاتعكر جوه الصافي وتذكر..

انه الغالي حبيبك ..

او من كان يتسمى اب نصيبك

كمل الزفه بروح الخاسر اللي ..

مبتسم في يوم موته ..

يالله كمل ..



ليلة فيها الفرح لا مايبالي

******************** يوم بانت شيخة الغيد الحكيله

جت تمايل والهوى صدره شمالي

******************** واللقا زغرد على خل وخليله

اقبلي ياماسة التاج الخيالي

******************** وانثري زينك على من هو يكيله



ادرى قاسي ..

حكم هالدنيا عليك ..

بس انت اكبر واكبر...

انت ناسي؟

هي ترى والله تحبك ..

سابقا ..

وانت تفرق ..

سابقا و لاحقا ..

اختم الزفه وبارك ..

وانسحب.... في صمت عاشق..

مابحث بأسباب موته ..

لاااااااااااااااااا ابد ماني بعاشق..

من يقول اني احبه ..

اقسم بربي وربه .. مااحبه

بس انا بااااموت لو قفى بدربه ..

ياجنوني لااا ترفق ..

خلني اختم قصيدة زفته ..


اب بيت واحد .. لو يبي يعرف غلاه وامحبته



لاتروحي طالبك يالله تعالي

*********************** لو تروحي كيف اعيش العمر ليله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يامبدع ..................................تسلم

__________________________________________________ __________

>>>> الرد الثاني :

يسلمووووووو اخوي سمو الاميرعلى المرور.والرد

__________________________________________________ __________

>>>> الرد الثالث :


__________________________________________________ __________

>>>> الرد الرابع :


__________________________________________________ __________

>>>> الرد الخامس :