زوجـــي محط اهتمااام جارتــــــــــــي عالم الامومة

عنوان الموضوع : زوجـــي محط اهتمااام جارتــــــــــــي عالم الامومة
مقدم من طرف منتديات الضمير العربي

ماعرف وين ابدأ في سالفتي يابنات عندي جارة كبيره بالعمر وتزوجت كبيره يمكن بالاربعين ولو انها تزوجت وعمرها 14 سنه كان بكرها بيكون بعمري الحين هالجارة ماعرفت عنها غير كل طيب وكانت تعاملني بأحترام وتحبني وكنا برمضان نروح نصلي سوى بالمسجد ودايمن تحثني على الخير وتتمنى لي الخير..ومع الايام شاء ربي وتزوجت وصارت هالجارة تسأني عن كل خصوصياتي مع زوجي لدرجة اني كنت استحي من اسألتها وما اجاوبها بصدق وكانت صديقة خالت زوجي الروح بالروح وفي يوم من الايام كنت مريضة ووداني زوجي للعاصمة عشان اتعالج واتصلت فيني جارتي ولما سألتني انا وين وخبرتها جلست تصارخ بأعلى صوتها قالت كيف زوجك يوصلك وياخذ اجازه قلتلها انا مريضة والله يعلم بحالي قالت ليش انا زوجي ماياخذ اجازة ويوديني وبين من كلامها انا زعلانه وكتشفت بأنها تحسدني ليش ان زوجي وداني وهي زوجها مايوديها غير هذا ماكانت مصدقه اني مريضة على بالها رايحه سياحه ...وظلت دائماً تتصل فيني واول شي تسأل عنه زوجي وين؟ وماكنت اسألها ليش تسألين عنه وكنت اتضايق لكن ماحبيت ابين لها عشان ما اجرحها لأنها كبيره بالعمر ...لكن للأسف ظلت تسأل وتسأل لدرجه بأنها صارت تتصل في خالت زوجي عشان تسأل عني انا وين وهل زوجي عندي او لا ...ما اقول غير حسبي الله ونعم الوكيل ..وبعدها حملت وتعبت وتنيمت بالمستشفى وجانا رمضان وماقدرت اصلي في المسجد لأن الحمل متعبني والمشيمه نازله وانقطعت عن العالم والسبب حملي اللي ماعملت فيه احد غير اهلي وولدت ولاده مبكره وعانيت اللهم لك الحمد والشكر على كل حال ...في الولاده جتني السستوره وقالت الجنين توفى ووكلت امري لله وطبعاً قدره الله تعالى فوق كل شي وعاش طفلي على الرغم من انه كان تعبان المصيبه هالجاره كانت حاطه في بالها اني لما انقطعت عن العالم بأني عايشه في قمه السعاده مع زوجي وما ابي غيره حتى ماقمت اروح المسجد وبعد ماعرفت اني ولدت انصدمت لكن ظلت تتصل وتسأل عن زوجي قلتلها وين تبينه يروح وطفلنا في العنايه المشدده تريديني اتبهدل مع التكاسي يعني قالت لا يا حبيبتي بس حبيت اتأكد من انك مرتاحه مع زوجك ..انقهرت من كلامها الحين انا موفاضيه لخرابيطها واذا مارديت على اتصالها اتصلت في خالت زوجي عشان تعرف كل تحركاتنا وقبل رمضان هالسنة قالت انتي تزوجتي وانقطعتي عن الناس كل الناس اتقول فلانه ماتبي غير زوجها وولدها وبس عايشه عشانهم وماتبي غيرهم ... واخر شي شفت سيارتها تراقب سياره زوجي وتتأكد بنفسها اذا موجود عندي او لا تجي بنفسها وبسيارتها عشان تشوف ... ماعرف كيف اوقفها عند حدها حتى لو كلمتها ماراح تسمع مني وراح تسوي اللي في بالها وش تنصحوني فيه شنو اسوي ...تعرفون بأنها قالتلي ان صار لها فتره طويييييله ماكلمت خالت زوجي ...طبعاً هذي كذبه اتقول هالكلام عشان ما افتكر بأنها تسألها عني وعن زوجي .... بنات لا تقولون واجهيها لأني اعرفها مامنها فايده ابد ....

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كل عام و انتي بخير
الحل سهل جدا
اقطعي اي علاقة معاها سواء بالتلفون او بالاحتكاك
و يا دار ما دخلج شر

__________________________________________________ __________

>>>> الرد الثاني :

الله يعينج حبيبتي ويخليلج زوجج و ولدج
والله يبعد شر جارتج عنج

__________________________________________________ __________

>>>> الرد الثالث :

شو هالجاره العجيبة شوفي يا إنج تقطعينها مؤول ولا تسويلها سالفه او تخلين خالته تسالها ليش وأيد تسال عنه

__________________________________________________ __________

>>>> الرد الرابع :

اولا يالغلا سوال انتي ليش تخلينها تتمادى من البداية ،،، هالشى اكبر غلط
ثانيا ماكان له داعي تقولين لها كل شي ،،،،
و ثالثا إقطعي علاقتج فيها ،،، احس انها إنسانه حسودة ،،، و الله العالم شو الهدف
من سؤالها ،،، حبيبتي ابتعدي عنها ،،، وربي. يخليج لزوجج و يحفظكم لبعض و يحفظ لكم ولدكم

__________________________________________________ __________

>>>> الرد الخامس :

حشى هاي عديلة مب جارة تراقب ريلج ..بسم الله عليج ..
حصني نفسج وريلج وبيتج كل يوم يالغلا واتحملي ع بيتج..