فضفضة من قلبي لتربية طفلك

عنوان الموضوع : فضفضة من قلبي لتربية طفلك
مقدم من طرف منتديات الضمير العربي

السلام عليكم ..
خواتي من بعد ماضاجت بي الوسيعة فكرت أفضفض باللي فيني ..طبعا أنا ما أجيد أسلوب الطرح لكن بحاول جاهدة أكتب اللي فخاطري ..
خواتي من فترة اللي هو فرمضان اللي طاف حسيت فآلام غريبة فجسمي بدت فالظهر وتحت بطني ولوعة أبا ارجع بس ماشي ترجيع أنا فكرت اول شي فالمبايض والالتهابات رحت دكتورة كشفت لي قالت لي كل شي سليم الحمدلله وعقب قلت بسير دكتور عظام وسويت اشعة للظهر والايد طلع بعد مافيها شي سليمة قال الدكتور خلينا نسوي فحص رنين للظهر والرقبة وسوينا الرنين وبعد طلع سليم ..وفجأة عورتني ايدي ويا ظهري ونفس الشي سويت نفس الفحوصات وطلعت سليمة ..اتخيلو خواتي ايدي ما اقدر أشيل فيها شي شرات المتخدرة وثجيلة لما اشلها حتى الكيس مال السوق ما أقدر اشله والمشكلة طلع مافيها شي فحوصات الايد ..وعقب فترة سويت فيتامين دال طلع نازل خذت ابر وحبوب وارتفع للمستوى الطبيعي ولازالت نفس المشكلة ..وعقب فترة سوييت فحوصات شاملة للهرمونات والفيتامينات وطلعت سليمة ..والله العظيم تعبت احس روحي بتطلع ماعرف شو سبب الآلام هاي ..عقب قلت بسير لدكتور أعصاب يجوف ايدي وسوالي فحص بالكهربا لايدي للي يعرفه وطلعت بعد سليمة أعصاب الايد ..أحس والله فدوامة ومب عافة أطلع منها ..أحس فوهن غير طبيعي أحس كرهت بيتي ما حب أقعد فيه.أحس بملل من غير ريلي من النوع اللي مايحب يسولف وأنا عكسه أحب أسولف هو ايي من الدوام يتغدى فوق الغدى فايده التلفون يأذن العصر يصلي وعقب يروح يلعب رياضة وعقب يأذن المغرب وايي شوي يقعد نفس الشي فايده التلفون وع الساعة عشر راقد..تعبت من كثر ما اقوله سولف وياي .خاطري اسولف وياه بس عيونه ع التلفون واذا قتله ودر التلفون عادي يفره فويهي لانه مرة سواها .ومرة قعدت ابا اسولف وياه قتله بس ودر اللاب كان احيده يلعب لعبة الملوك ع زمنهم يوم قتله ودره أحيده فر اللاب من ع الطاولة ع الأرض وطاح كوب الجاي وياه بس أونه ليش قلتلي ودر اللاب واطالعني مافيه حيلة .هو من النوع اللي مايحب يتكلم وأنا ما أحب هالطبع. أنا بطبعي فرفوشية ما امدح عمري بس الكل يقوللي هالشي أقوله ودني لمطوع يشوفني يقرا علي يقوللي انتي تتوهمين وارقي عمرج بروحج ومنو يباج بيسوي لج ..يقوللي لاتخربطين .ماعرف وين أسير أدق فراسي احس كرهت بيتي وأحيانا اتيني حالة ابا أضارب ويا حد وأبا أكسر كل شي جدامي.. نفس الشخص اللي متغايظ من شي .. ومن غير حملي تأخركله أحس فضيج وكآبة ..والحمدلله مداومة ع الاستغفار والبقرة والأذكار..
واخر شي الدكتور يقوللي يمكن من القلق والتوتر ..أحسني منهارة نفسيتي ..قسم بالله اكتب لكم وأحس اني أتنافض ماعرف شو بلاني .شو صاير فيني خواتي أنا ماكنت جذة قبل .أحس أبا اصيح .تعبت
سمحولي غثيتكم فمشكلتي وكلامي مخربط فوق حدر

استغفر الله وأتوب اليه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا حول ولا قوة الا بالله
الله يشفيكي اختي
زين سيري بيت اهلك خل الوالد او الوالده يودونك مطوع , او يحاولون يرقونك وانت بعد حاولي ارقي عمرك يمكن احد مسويلك شي لا سمح الله

__________________________________________________ __________

>>>> الرد الثاني :

خله حد من اهلج يوديج مطوع .. كلام الله خي

__________________________________________________ __________

>>>> الرد الثالث :

يحليييلج والله غمضتيني

تصدقين أنـ♡ـا احس فيني اعراض غربيه ظهرت علي بعد مٍْْـٍْْ♡̷̴̬̩̃̊ـٍْْا عرست واحسني ابدن مب موفقه ف حياااتي ونفس موقفج خبرت ريلي بوديني
مطوع رد علي وقال ‏​مٍنوو بيصكج بعين آْنَـỲǑŲـْتي!!!!!

مسويلس طاااف وانا للحين تطلع لي سوالف وعلووم غريبه منكدة علي حباتي

ريلي نفس ريلج امبقق عيونه ف الفون وما يرمس معاااي ومن اقرب صوبه واكلمه يعصب مني

الحمد لله حبيبتي ع كل حاال بس أنـ♡ـا حاولت اني اسعف عمري بنفسي اذكار واسمع سورة البقرة واغسل بيتي بماي وملح وارقي نفسي بس علي نفس الحال والحمد لله ع كل حاال

أنـ♡ـا ‏​‏​​‏​​أقـِْ♡̷̴̬̩̃̊ـِْۈۋۈل لو تعتمدين علي حد قريب من هلج اخوج اختج يوديج لمطوع اللي ف عيمان مرااد وايد زين

والله يحفظج يا رب من كل عين وتردين سرات قبل واحسسسسن

__________________________________________________ __________

>>>> الرد الرابع :

يزاكم الله خير خواتي ع الردود ماقصرتن ..
ريلي مب مقتنع فالمطاوعة ما اقدر أسير وهو مب رااضي ..يعني يحسسني غير انسانة غير سوية يوم أقوله ودني للمطوع يعني فيه غلط فالموضوع
يقوللي أحسن الشخص يرقي عمره يقوللي يلسي فبيتج وما اجوف حد ثقة فهالزمن ..
مب داشة مخه الفكرة ..

__________________________________________________ __________

>>>> الرد الخامس :

صدقه

ارقي نفسج ، ماله داعي مطوع يرقيج

المعوذات ثلاث و الصمد ثلاث و الكرسي و الفاتحه و عندج بعد ادعية كان الرسول عليه السلام يقولهن كرقيه

خذي من السنه لا تاخذين من كلام مطاوعه و تجاربهم