بسم الله الرحمن الرحيم
خواتي العزيزات حبيت اطرحلكم مشكلتي ويمكن باذن الواحد الاحد احصل منكم اي استشارة
للأسف نحن وصلنا لزمن الظلم حتى من القضاة
قال رسولنا الكريم صلى الله عليه وسلم في حديثه الشريف
( 3 قضاة 2 ف النار 1 ف الجنه)
فعلا خواتي موضوعي صارله 2 ف محكمة عجمان وبدخل ف السنه ال3 ما عطوني لا حق ولا بااطل
السالفه
تزوجت الزوا التقليدي بس يليييتني مب قبل لاا انطق كلمة مووافقه
طلع انسان مب زين لاا صلاة ولا احترام بالذات لواالديه استغفر الله لك يارب
صارت مشكلة من بيناا وحزتها كنا مسافرين قلل من احترامي
وكنت طالعه ويا اخوه وحرمته وحده من اهله وهالناس اول مره بحيااتي اطلع ويااهم واشووفهم
وكنت حامل اول شهر
المهم كتمت الي ف خااطري وسكت طلعت احسن منه
الجباان من المطار نزلني بيت اهلي وسار عند امه واستغفر الله منها تريبه ماعرفت تربيه
وتم يرفع صووته عليه جدام اهلي ويصارخ وبغا يضربني جدامي اهلي تخيلوا وهذا وانا حامل
صاار عنتر حزتها وقف وعق عليه الطلاق ب ال3 وطلع وهالقصه من 17/05/2017
وخلاااااص فرني بيت اهلي لا مصروف ولا يسال لاهو ولا اهله فلانه انتي حامل شخباارج شوو صحتج مااشي
عقبها ب 4 شهور فاجاني ساير المحكمه رافع عليه بيت طاعه وحسن معاشره بدوون ما يرجعلي بس حظرته طرشلي مسج انا رجعتج ع ذمتي نفس اليوم الي رفع فيه القضيه بساعه وين يباا الي يبا يصلح جي يسوي يطرش مسجات يدخلني محاكم ليش
المهم انا خلاااص عفته من خاااطري لان جد مب ريااال بالكلمه قسمن بالله وغلات بنتي الغاليه تخيلوا ياا بنات
ان يقوول حق امه واخوه شوو يصير ف غرفة النوم الله اكبر منه واايد اشيا ما اقدر قولهااا
قنااعه الحقيقي طلع بعد العرس صلاه ما يصلي القران ما يمسكه بايديه
مصروف انا كنت اعطيه والله العظيم ما كان يعطيني
ايييني والله بسير الدوام ما عندي بيزات تخيلوا انا الحرمه اصرف عليه
شو تسوي ف راتبك لا تعطيني ولا تحط شي ف الشقه بس ع لساانه ماعندي وماعندي
حملت وربيت وبنتي كملت سنه ونص والله العظيم ان ما افتكر فيهااا رياال ما يصرف عليها
رفعت عليه قضيه ماطلع يطلع لها جواز وكسبت القضيه الحمدلله معاشها هو يااكله يعل ف ذمته ياارب
وبنتي بعدها ما كملت الاربعين يوم حظرته ساار تزوج خذ مغربيه سوالها عرس ف قااعه معرس يديد وحليله نفااااااد
بس تخيلوا لين يومكم هذ لا طلقني ولا يصرف على بنته
وحسبي الله ونعم الوكيل على القضاه والله ظاااااااااااالميين ويشوووفوونه مااا يحضر الجلسااات وبعد امشين
بس فاااالح تاجيل القضيه وبندرس
الله واكبر عليك شووو تتريااا هااجرني من سنتين اقووله
يقوولي انا مالي خص ف الهجر
وهي بعد نسيت اخبركم
طرشلي مسجاات سبني فيهم وانا خبرت القاضي
حظرته متعلقلي هاتي الموبايل وبنشووف شو هالمسجاات
واااااااااااااي الصبر الصبر بسس
يوم ان حاااطين هالواااافدين ويين بنااخذ حقنا نحن المواطنين
والقهر الموعد من شهر لين شهر
والوافدين وحده تخبرني بعد اسبوع يعطونها موعد
حاولت كلمت دوامه بااااردين واايد ما فاادوني باي شي
حراااااااام انا بنت البلااد متبهدله
وهو معزز المغربيه كم موتر يديد وملحق خاص وسفر
اما انا كل شي كان عليه بالحسره
وين الحق ف هالبلاااد بس وين
نصيييحتي لكم خواااتي ويزاكم الله خير
اختكم ام الكادي
https://4arab.xplainer.net/images/sm...rt1/12 (3).gifhttps://4arab.xplainer.net/images/sm...t1/12 (71).gif