ريلج متزوج اكثر من وحدة دشي رعاية الاطفال

عنوان الموضوع : ريلج متزوج اكثر من وحدة دشي رعاية الاطفال
مقدم من طرف منتديات الضمير العربي

السلام عليكم ورحمة الله وبركاتة



بدش فالموضوع انا زوجة ثانية وما تزوجت الا بعد التأكد من ان زوجي كان بمشاكل دائمة مع زوجته الاولية لاللي الحين صارت طليقته من بعد سنة من زواجنا وبعد ما كانت هالسنة كلها جحيم بسببها

تزوجها لخمس سنوات وكله كانت بمشاكل وياه وويا اهله وانا ريلي يعرف اهلي وربيع لواحد من اخواني من اكثر من 11 سنة تقدم لخطبتي بعد معرفته باصلي وفصلي ويعرف اهلي زين ما زين واخواني والحمدالله عايشة وياه للحين مرتاحة اكيد مافي حياة زوجية من غير مشاكل بس المشاكل ملح الحياة والدنيا يومين وباجر كلنا بنموت


ريلي حلمة دووم تكون عنده حرمتين يحب تكاثر النسل واليهال وااايد وانا احبة اعشقة بجنون لو يقولي
ابا عيونج بعطيه ما ترخص عليه
وايد حنون عليه وعلى عيالنا يبت له تووم بنت وولد وعنده من طليقته ولدين والحين انا ولله الحمد وماشاء الله تبارك الرحمن حامل بعد بتووم وبالشهر الخامس حاليا

ريلي فتح لي موضوع ولاهله ان طليقته تكلمه تحاول تحتك فيه الظاهر تبا ترد وتفاجا وتفاجأنا احن بعد
انها كيف تجرأت وتكلمه من خلال مواضيع واسباب تافهه بس علشان تكلمه ريلي ما يسمع اغاني وما يحب اي شي يخص الاغاني وهي تعرف هالشي اشترت لولدها آلة اونها ما قدرت تقنعه وتبا ريلي يتكلم بس ما قال شي يعرف انها تباه يدز لها ويه قامت هي مطرشة تقول مب قادرة تقنع الياهل عمره 4 سنوات والامثلة وايد لاشياء تافهه ريلي من هالناحية ريال ما يعيبه شي وعلى قولته لو اطرش له تحاول تحتك فيه وتكلمه ما عندهم لا سنة ولا مذهب اذا كلمته اكيد تكلم غيره عادي عندها وعند اهلها
الشرع يقول يجوز ان المطلقة تكلم طليقها لضرورة مثل لو صار شي لليهال لا سمح الله
في النهاية انا قلت له هذي تبقى ام عيالك لو تردها احسن علشان اليهال
بس اهله وهو يقول لو يعطوني مليون مباها بعد اللي سوته فيه

ريلي مشدد وغيور ما يحب اني اكلم راعي الدكان اطلب شي وما يحب الحرمة اللي تشتغل وتسوق سيارة
يبا وحدة حرمة بيت له ولعياله وبس

المهم الحين ريلي دورت له على حرمة وشفت كم وحده بس ماصار نصيب
وريلي شروطة صعبة وايد وانا الصراحة اني ازوج ريلي وحدة نكون انا وياها خوات افضل من انه يرد ام عياله ونرد للمشاكل

بنفس الوقت الزواج يباله مصاريف مب سهله الواحد يعرس مني والدرب


الحين ضايعه بين زوجة احصلها لريلي او انه يرد ام عياله عشان اليهال مع اني اعرف مصير حياتي شو بيكون


بنفس الوقت اهله مب راضيين اني اخطب له او اني اخليه يرد ام عياله
وهو مب راضي يبا عروس يديده وانا والله ما عندي مانع لان الدين ما حرم هالشي




رايكن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله ريلج حالته صعبه ..... اذا اتشوفين ردته لام عياله فيها مشاكل الافضل اتشوفين له وحده ثانيه واتكون انسانه طيبه وحبوبه يعني ماتسوي لج ولا لريلج مشاكل وانتي استخيري لريلج احسن .. والله يوفقج يارب

__________________________________________________ __________

>>>> الرد الثاني :

للــــــــــــــــــــ up ـــــــــــــــــــــــــرفع https://4arab.xplainer.net/images/smilies/smile.png

__________________________________________________ __________

>>>> الرد الثالث :

الله يكتب اللي فيه الخير

تسلمن عالردود

__________________________________________________ __________

>>>> الرد الرابع :

اولا اهنيج اختي ع عقليتج ما شاء الله

الصراحه قلوا اللي مثلج و اللي يفكرون بمنطق

الصراحه ما اعرف شو اقول لج

بس لو انا مكانج ما بتناقش وايد بالموضوع

و من رايي لا ادورين له لان ماتعرفين الناس دووم من الداخل شي و من الظاهر شي ثاني

خليه براحته و ان شاء الله ، رب العالمين بييسر اموركم



السموحه ما اعرف شو اكتب بعد


باذن الله بينحل الموضوع

__________________________________________________ __________

>>>> الرد الخامس :

مستحيل اكون انا اللي اختاره وحده