عنوان الموضوع : مكان العرس رعاية الاطفال
مقدم من طرف منتديات الضمير العربي
مسالخير ، بناات انا ماخذه واحد ساكن فمنطقه بعيده عنا وهو حاب يسوي العرس ف مدينتهم وانا اباه صوبنا
المشكله ان منطقتهم مب متوفره فيها وايد صوالين وماعرف فيها شي
وانا زهبتي ع قدي ، انتو بنات وتعرفون كيف الماكييرات غاليات
وحتى لو بتعدل وبروح ، الدرب بعيد وانا عروس
كلمته وايد و فكل مره نتزاعل ، استخدمت وايد اساليب ومانفع
ماحب ادخل اهلي بالسالفه وادري لو بطلب منهم يتدخلون مابيسوون لي شي
شورن علي بنات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ياليت وحده من الأخوات الماكيرات تساهم ويا عروستنا وتسير لها مكان العرس
والله يالغاليه لو اعرف أسوي ميكاب عرائس كنت ييت لج القاعه وشلت عنج هالهم
لكن مابيدي حيله بدعيلج من قلبي الله ييسر لج امرج هذا
__________________________________________________ __________
>>>> الرد الثاني :
في وايد بنات أعرفهم يوم يعرسون يتعدلون ف العين حليلهم ويكون زواجهم ف بوظبي
وبعضهن يدورن ع الصوالين الزينة ف بوظبي ويحجزن فيها
أو خلي حد من الماككيرات اتعدلج ف القاعه مثل ما قالت الأخت أحلام
الله يتمم لج على خير
__________________________________________________ __________
>>>> الرد الثالث :
اذا ما ودج تزعلينه و ما ترومين تقنعينه .. دوري لج ماكييرهـ و ارضي بـ الي يباهـ
الله يتمم لج على خير و يسعدج
__________________________________________________ __________
>>>> الرد الرابع :
هو المفروض انه العرس يصير في منطقة العروس .. أو تكون في منطقة قريبة للاثنين ..
بس اذا ماقدرتي تقنعينه .. شوفي لج ماكيرة اتيج القاعه بس ﻻزم بتزيد بحجة انها تضرب خط وتكون برع الصالون ..
قوليله اذا مب راضي خلاص زيدني شوي حق مكايجج .. ههههه
يعني انتي اورلدي عندج بس اذا نقصج يعطيج ..
وربي يتمم لج على خير حبيبتي https://4arab.xplainer.net/images/smilies/smile.png
__________________________________________________ __________
>>>> الرد الخامس :
خلو العرس بمنطقه بنصكم ،، يعني لا منطقته ولا منطقتج علشان محد يزعل
او مثل ماقالت الاخت تقوليله يزيدج بيزات للماكيره اذا نقصج
وفهمي ريلج بالوضع اصلا حتى المعازيم بيستبعدون المكان ومابيروحون يعني لو صار صوب اهل العروس احس معازيم اهل المعرس مابيحضرون والعكس
فلو تحطونه فمنطقه بنص منطقتكم يكون وايد احسن
وربي يتمملكم على خير ان شاء الله ^^
