كم سؤال متعلق لما بعد الولاده لحياة صحية

عنوان الموضوع : كم سؤال متعلق لما بعد الولاده لحياة صحية
مقدم من طرف منتديات الضمير العربي

السلام عليكم ورحمة الله وبركاته

كيف الحال حبيباتي ، عندي كم استفسار ياليت احصل جواب

1. الوحده عقب ماتربي ، هم ينظفونها
ولا تنظيف سطحي ، وهي عقب الولاده لازم تتسبح؟
سمعت انه النيرس تدخل وياج الحمام اول مره تساعدج :$ صدق !؟ ولا بس للي ربت بقيصريه !

2. شو تلبسين عقب الولاده ؟ هل خلال فترة وجودج بالمستشفى تلبسين جلابيات النفاس وتكشخين فيها لما يزورونج ، ولا ماتكونين متفيجه وعقب بالبيت تلبسينها ؟

3. كم يوم تبقى البجر بالمستشفى ؟

4. سؤال شاغل بالي، عقب الولاده على طول ينزل عليج دم النفاس؟ وهو نفس الدوره ولا اكثر ؟ اهم شي هل هو غزير ومستمر في اول الايام ؟؟ لانه كله افكر انه يتسرب يوم ارقد ويكون غزير وكيف يخيطون ويجيكون عالخياطه اذا وايد ينزل
ههههه ماعليه بس صدق هالشي محيرني

واستغربت من وحده كاتبه نشفي المنطقه بفوطه وحذاري من الكلينكس !!! ليش انزين انا انشف بكلينكس ، فيها شي ؟؟
وكيف فوطه وهالمكان فيه دم انتو تعرفون حتى عقب مانغسل بالماي عدل ينزل شوي دم مايوقف
اذا جي لازم اغسل الفوطه بعد كل استعمال ويبالي درزن فوط اتنشف فيها ؟؟!!

5. اخر استفسار، في مستشفى الرحبه في بوظبي او المستشفى بشكل عام يحطون سرير اضافي للمرافق اذا طلبنا ؟ لانه افكر في امي فديتها احيد يوم اختي ربت ماكان شي الا كرسي اللي يرقدون عليه ومب مريح

السموحه اسألتي طويله بس ياليت احصل اجوبه ولو باختصار

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبتي الامور سهله كلها باذن الله عادي النفاس كانه دوره والنيرس انا قيصريه ساعدتني وجلست 5 ايام فالتوام
الله يعيد علي هالايام ع خير يارب ونشوف بيبياتنا بخير وعافيه

__________________________________________________ __________

>>>> الرد الثاني :

1. الوحده عقب ماتربي ، هم ينظفونها*
ولا تنظيف سطحي ، وهي عقب الولاده لازم تتسبح؟
سمعت انه النيرس تدخل وياج الحمام اول مره تساعدج :$ صدق !؟ ولا بس للي ربت بقيصريه !
-روحج تتسبحين
2. شو تلبسين عقب الولاده ؟ هل خلال فترة وجودج بالمستشفى تلبسين جلابيات النفاس وتكشخين فيها لما يزورونج ، ولا ماتكونين متفيجه وعقب بالبيت تلبسينها ؟
-البس جلابيات الدانتيل في المستشفي وعقب بعد في البيت البسهن
3. كم يوم تبقى البجر بالمستشفى ؟*
- على حسب المستشفي انا ربيت في الكورنيش تميت 3 أيام
4. سؤال شاغل بالي، عقب الولاده على طول ينزل عليج دم النفاس؟ وهو نفس الدوره ولا اكثر ؟ اهم شي هل هو غزير ومستمر في اول الايام ؟؟ لانه كله افكر انه يتسرب يوم ارقد ويكون غزير وكيف يخيطون ويجيكون عالخياطه اذا وايد ينزل
ههههه ماعليه بس صدق هالشي محيرني
-لبس 2 من كوتكس وجي ما بيصير تسرب أن شاء الله
واستغربت من وحده كاتبه نشفي المنطقه بفوطه وحذاري من الكلينكس !!! ليش انزين انا انشف بكلينكس ، فيها شي ؟؟
وكيف فوطه وهالمكان فيه دم انتو تعرفون حتى عقب مانغسل بالماي عدل ينزل شوي دم مايوقف
اذا جي لازم اغسل الفوطه بعد كل استعمال ويبالي درزن فوط اتنشف فيها ؟؟!!*
-كلنكس طبعا
5. اخر استفسار، في مستشفى الرحبه في بوظبي او المستشفى بشكل عام يحطون سرير اضافي للمرافق اذا طلبنا ؟ لانه افكر في امي فديتها احيد يوم اختي ربت ماكان شي الا كرسي اللي يرقدون عليه ومب مريح
- ما اعرف شي عن مستشفي الرحبه

__________________________________________________ __________

>>>> الرد الثالث :

مشتاقة لربي

امين يارب
اشكرج حبيبتي عالرد


ام عيالها يزاج الله خير حبيبتي لردج على جميع الاستفسارات

__________________________________________________ __________

>>>> الرد الرابع :

انا برمس عن الولادة الطبيعية في الحكومي قبل الولادة تسبحي ومب لازم بعد الولادة .. وبالنسبة لتنظيف المنطقة يمسحون بالماي والمعقم سطحي بعد مايطلع البيبي ويخيطون ويحطون أولويز انتي تقومين وتنظفين عمرج عادي وخذي وياج غسول مثل سيتيال ونشفيً بكلينكس عادي وماشي نيرس تدخل وياج الحمام مايحتاي اصلا .. انا عقب الربى انزل من سرير الولادة واحس بنشاط وخفة وامشي
و النفاس يبدا ينزل الدم اول مايطلع البيبي بغزارة وتلبسين فوطتين او ثلاث فوط ويا بعض وما بيسرب ...

__________________________________________________ __________

>>>> الرد الخامس :

على ردود البنات فوق شكله كل مستشفى غير
النيرس ما تدخل تسبحج توقف عند الباب تتأكد تقدري تبولي او خايفه لانه منهم من يصير لها احتباس بول وتخاف واكون شافطه اكسجين ودايخه فتوقف تتريا عن توقفي وتطيحي
انا البس بجايم مب جلابيات ولاداتي الحمدالله طبيعي اسهل علي بالحركه والحمام في البيت من يزوروني الحريم البس واكشخ بالجلابيات واكون شاريه لي قطعه او ثنتين
كم يوم يعتمد على حالتج او اذا ماعندج حد يساعدج تقدرين تطلبين تمين اكثر اهم شي تمي معاهم 24 ساعه يعني يوم يطمنون انه انتي والبيبي بخير عادي يرخصوج
الدم مب وايد ما شرات الدوره لانه يكونون منظفين الرحم عدل لكن الفتره تطول
اشتري فام او كوتكس الليلي الالوز وايد يحسس حتى الدكاتره نصحوني ما استخدمه
التنضيف يكون بكلينكس الرول الكبير مال المطبخ اثقل وما يتقطع وينشف عدل لا فوطه ولا كلينكس الحمام الصغير يتفتت ويلزق
ما اعرف مستشفى الرحبه