عنوان الموضوع : وينها بوظبي
مقدم من طرف منتديات الضيافة العربية
السلام عليكم ورحمه الله وبركاته
اشحالكم ..شخباركم ..عساكم بخير وعافيه
هذي القصيده وايد حلوه ..كتبها الشاعر ربيع القلب يوم توفى الشيخ زايد بن سلطان آل نهيان رحمه الله
وحبيت اني ايبها لكم
واتمنى انها تعيبكم
وينها بوظبي لي معتاد ألاقيها
وينها ذيج العروس اللي ابهرت هالكون
آآآآه بس يا بوظبي واللي جرى فيها
راح زايد نورها..وسودها اصبح لون
لا الشوراع هي الشوارع..منهو يمشيها
ولا الشجر ذاك الشجر..ماله حفيف اغصون
كنها ارض(ن) ..هدير الريح اهاليها
لعنبو ما كن فيها بيت ابد مسكون
انقطع حس البلد..دانيها قاصيها
ماسمعت الا صدى (زايد) يلبي العون
ووين زايد نور ارضي..وين بانيها
وين ابونا اللي اقطرت بالدم لجله عيون
راح زايد تارك فأرضه وبواديها
جرح(ن) اصبح بيت لحزان وجبال شجون
كم بكتك رجال ماشي(ن).. يبكيها
ويا قساها بس دموع رجالك ان يبكون
كم بكتلك ناس في اقصى اراضيها
النخل.. وهو النخل يبكي جرح مكنون
كيف بس نعيش وانته الروح ترويها
كيف نحيا وانته مانا يا سحب لمزون
ليت الارواح اسبقتك العند باريها
ولايجينا هالخبر كنه رمح مسنون
رحت خليت اليتامى ومن يواسيها
كلنا عقبك يتامى وكلنا مطعون
وآه يا طعنة غيابك.. وشهو تاليها
وش عقب زايد يهم..ان كان شو مايكون
يشهد الله الارض هذي اهوا غاليها
كلنا نهواه ..واكثر..والعرب يدرون
ويشهد الله ان زايد لي مخليها
كالقمر حتى النجوم ابقربا يتباهون
والله ما قصر..فعاله من يسويها
الحجر حتى الحجر ..يصرخ انا ممنون
نام يا زايد عليك الرحمه ندعيها
سمح ثم مسموح ثم مسموح لك ..مليون
ولا ذي بوظبي ..يكفيها ويكفيها
انه اطهر شخص.. فثراها ترا.. مدفون
تحياتي :عين تتحدوني اويه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يرحم زايد ويغفر له
شكرا للابيات الجميله عين تتحدوني ايه
تحياتي واشواقي
__________________________________________________ __________
>>>> الرد الثاني :
تسلم اخووي الأسود ع المرور
الله يرحمه ويغمد روحه الجنه
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
